影片
是咁的，平日夜晚，又适逢系天气好冻嘅日子，身体会话你知佢好想食乜。周围都系边炉，同屋企人嚟𠮶快打边炉。我地8点3到咗餐厅，唔知原来8点半后平啲，职员好好，俾我地坐著先，8点半职员们系咁提我地入单，好好呀呢度服务。地方都几大，环境都几好，啲杯碟算系干净，职员好细心解答我地嘅疑问。108元嘅边炉你想点，食物都算多嘢拣，而追加嘅项目唔算贵呀。自助汁酱吧系多嘢可以捞，仲有其他酱可以拣，啱哂我地唔同嘅需要。我地追加嘅项目有安格斯牛肉，桶蚝，海虾同埋马刀贝。我地点乜都有上到，无漏单。蚝系大粒嘅，家人表示好味！呢个好大粒嘅贝，好鲜甜，记得煮耐啲。汤底我地要椰子海底鸡，佢有俾到起码半只鸡份量嘅鸡我地，鸡系好滑，唔系啲头尾件，有诚意㖞。不得不提有得任饮呢点，除左平时嘅汽水之外，仲有呢个闲闲地都30元一揸嘅竹庶水，好好饮，唔会好甜！边炉必备！整体都好正，服务好，各样都好，埋单都系600元4个人，抵到喊！P.S. 我地之后个星期日想再食，打去book位，无咗任食，得番散打，呢点留意番。
继续阅读
我同太太初次来，地方宽濶空间够，干净程度合格，我地拣选B套餐，龙虾，蛏子，蚬非常新鲜加蒜蓉超好味，待应态度欣勤亲手逐样材料同你放入气锅蒸，时间到同你分埋上碟比你，有d残癈餐feel, 白经理态度友善好客，因应你需要而比意见选择餐款！下次人多一定试咪亚拉斯加蟹！略嫌冷气少d，如满座肯定不够，冬天帮衬冇问题！
继续阅读
第一次上来食，谂住帮衬九点后特价打边炉，一到九点已经即刻落单，点知一直等一直催，足足等左40分钟，连个汤底都未上。前后同过四个人讲，有一个疑似老板娘，一直拖字诀，态度差，出来食餐饭，浪费晒大家时间。呢间野明显人手唔够，最嬲系你叫人等都要比个预算，唔好一直拖一直拖一直拖。劝想食呢间野既朋友，真系谂清楚先好入去食，野就无得比你食，气就有排比你受！最后终于明白点解呢间野咁差，随后有一大班旅行团黎食饭。哦，原来唔做香港人生意，明白晒！
继续阅读
1行12人蒸气火锅服务态度超差, 首先上到去话无订位, Check 完又Check 话无. 明明已经订左. 最后话唔紧要,有位可以坐.未开始,蒸气锅已经坏左,整左15-20分钟. 叫我地转8人台, 12人点坐??食物, 龙虾算OK, 其他野真系唔新鲜.呀姐又无服务企系到睇电视. 全场只有4-5个服务员. 厕所又污糟.卖单时,食物报错价钱, 呀姐话唔知, 话她负责楼上. 唔关她事. 同经理Check 下又唔Check, 话我地10几人听错价, 自己行开, 真系无礼貌, 无服务. 10几分钟后, 经理先行埋来, 道歉话报错价.垃圾食物+垃圾服务.全晚大把位,唔会满, 我开始知点解.真系无下次.
继续阅读
我都知一分钱 一分货但都唔驶咁below average海鲜虽新鲜， 但量少粟米是好食的最后的雪糕未食完已经肚不适仲要不止我一个，同行的2个屋企人， 返到家都觉得肚痛Overall 食物质素一般
继续阅读