海豚茶座

营业中

休息中

屯門富健花園附近都幾多嘢食，主要做街坊生意。新年期間，唔算多餐廳開門，早餐時間，見到呢間開門，價錢OK，便去試吓。早餐大概$37至$40 ，都係簡單常餐嘅配料。食物質素OK，醫肚嚟講算唔錯，不過環境比較狹窄。

煎蛋都未識，煎燶曬仲比人食，選擇又小，差唔多全部都係煎炸食物侍應廚房個個掛住吹水有個侍應仲衰，永遠唔會放食物係你面前，你要自己拎，唔想做野就唔好做啦，只想做熟客就唔該寫明

海豚— #屯門平時番工之前都會係海豚度叫外賣食因為佢由叫外賣到送上門都唔洗15分鐘係快靚正嘅選擇嚟食物質素有保證 比較穩定~𝐎𝐫𝐝𝐞𝐫:⧐ 常餐 | $37↬ 沙嗲牛肉通心粉↬ 奄列配餐包↬ 凍檸茶 (+$1)佢哋嘅通心粉係冇坑紋個種牛肉份量都多(*´-`)湯底就比較濃郁同偏鹹而奄列係火腿奄列會放埋喺通粉入面一齊送上嚟雖然分多個盒個奄列質素會好啲不過如果次次都有盒就好似好唔環保所以都冇所謂啦佢哋嘅餐包係牛油味好濃嗰種送上嚟熱辣辣都唔錯凍檸茶記得一定要嗌少少甜因為呢度落糖好似唔駛錢咁如果你唔叫少甜你杯凍檸茶就會好似糖漿咁甜㗎喇(°▽°)—📝評分味道 𝟹 / 𝟻環境 𝟹 / 𝟻服務 𝟹 / 𝟻衛生 𝟹 / 𝟻抵食 𝟹 / 𝟻—

昨天我去到呢間餐廳食嘢嗰陣時，見到呢呢個廚房佬呢唔戴口罩不停去煮嘢食！喺香港疫情咁嚴重嘅情況之下，佢竟然咁樣……我真係好冇信心地話畀你聽……嚟呢間餐廳你食埋乾淨嘅！我理得你什麼原因～～～做得呢份職業就要比一餐乾淨嘅嘢人哋食………係好緊要！幾好食都好用啦！既然你當自己係“能正”………梗係要影番幅相畀大家睇下啦………咁靚仔唔影返張相真係嘥曬㗎！我真係唔敢再入嚟間餐廳嗰度食嘢……真係唔尊重所有食客兼夾太得人驚！！！！講完！

一踏進海豚茶座，我會覺得待應人數好多，不過細心一睇其實唔少待應都已上年紀。係呢個萬惡既社會，僱主用相同價錢當然會請一個年輕有力既伙計，但我目測呢間店既老闆無呢種諗法。入座後，待應都好快咁幫忙落單，有時我甚至連餐單都未睇完就獲得招呼，對比連鎖店，呢間餐廳真真正正令我體驗到被重視既感覺。豬頸肉炒公仔麵Lunch菜單似系有幾款係固定，我試過幾次後，水準無下趺、夠鑊氣，所以先特意寫出黎推薦。配料唔會過多，公仔麵麵底鹹度適中椒鹽豬扒飯是我另一個常食既Lunch，豬扒會用沙茶醬處理，出面唔太常見。

早餐點了兩款美式扒餐套餐,魚柳炸得香脆而且炸粉不太厚,豬扒都煎得剛好,不會太燶,能保持到肉汁,太陽蛋煎得漂亮,午餐肉厚度剛剛好,配菜只有一片青瓜和蕃茄,可惜略嫌份量太小,有點過於精緻,如果是男士用餐的話,可能會不夠飽

除左龍門居宵夜出名、多野食，隔離的富健花園既哩間海豚茶座都好正，係良心食店，用心製作，性價比高！依家好多茶記都越做越hea架啦，因為大家都要趕返工、返學、早餐同lunch都係趕頭趕命迫住有咩食咩架啦！但係哩間仲係好有心11點半都仲有早餐叫，因為人多係門口等位，侍應都俾我地照點早餐我的豐富早餐，連飲品都係$33！唔好睇佢係普通茶餐，食腸仔/火腿/餐肉個d食到悶可以轉芝士腸架！仲有成3條！我加左1/2蚊就可以轉奶油豬！個奶油豬超好味，外脆內軟，牛油同鍊奶都好多，平均分佈，唔係求其搽！另外一個重點就係碗炸菜肉絲米粉，可加1/2蚊就轉到蕃茄肉碎湯底，真係用蕃茄打碎而成，沒有味精，健康又美味又增多一份口感同飽肚感！

昨天早上和朋友路經這間海豚茶座入去食早餐，點了沙爹牛肉麵，火腿通粉都好食,湯底唔錯,配煎旦腸仔餐包，早餐30蚊凍飲加$1，屯門碼頭區早餐佢算頭三名好食.......