海記海鮮大牌檔 (已結業)

【#熟食中心 】#海記海鮮大排檔 話說琴日係 #石塘咀熟食中心 臨走果時，望見依間海記既午市餐牌，都幾抵食，所以今日冒雨☔都要來🤣一直都知海記好有名，主要做晚市，聞說收費都唔平，原來都有做午市🤔 店員話一直都有，只係星期三休息同星期日只做夜晚。雖然佢有好多款午餐揀，但我今日係衝住佢個 #乾炒牛河 而來😄 因為我太耐冇食到好食既牛河😇之前網友都有介紹幾間牛河，都未安排到去試，咁啱依度見有，仲要$44連湯及飲品，馬上行動啦😄本身想叫凍檸茶，店員話係紙包既，即係汽水櫃入面任揀，咁就要可樂啦😄例湯用一個細碗裝，飲得出有蕃茄薯仔同草菇🤣 味道唔錯，可能耐咗，唔算太熱。牛河好快到，嘩！就係依種味道♥♥ 河粉底係炒河，唔會好厚身，口感一流，味道幾好，夠色水亦唔會過咸👍 牛肉都比好多，好嫩滑，真係好正👍👍問店員要辣醬，店員都好快手，仲話我知係用「 #余均益」，靚野😄唯一要「挑剔」就係配菜唔夠多，芽菜只有少量，如果好似琴日果間用好多紫洋蔥爆香再炒就非常好啦🤣所以點解我會話就算你肯落料，都要有廚藝配合先得😄食完果時，店員同我講，如果個湯啱飲就自己裝得架啦😎 我鍾意飲湯，即刻裝多碗飲，今次係加熱咗👍$44 依個質素，真係超值👍推介指數：8/10海記海鮮大牌檔西環石塘咀皇后大道西470號石塘咀市政大廈2樓熟食中心CF1號舖@foodiehck2022 #港飲港食平靚正 #炒粉麵 #大排檔 #石塘咀 超#西營盤美食 #可樂 #例湯 #午餐 #抵食…Read More

海記海鮮大排檔我哋差唔多每年冬天都會黎食晚飯。由於冇冷氣關係，今日天氣終於轉涼即刻book位食晚飯。四大兩細。叫咗一個椒鹽鮮魷、魚香茄子煲、豉椒炒蟶子、瑤柱竹笙扒山菜、三杯雞。飲咗兩次大啤酒。四個白飯。一共食咗$837 。非常之抵。椒鹽鮮魷超有鑊氣，好好食，但份量較少。豉椒炒蟶子。每條聖子大隻過手掌。咬落去聖子即斷，一啲都唔韌。個汁教得非常好帶點微辣。如果想食聖子的話，記住打去預留先。好快就賣晒。其他菜式就同其他大排檔差不多。10分推薦…Read More

朋友聚會，選左來海記海鮮大牌檔食野，就簡簡單單叫左幾個菜，魚香茄子，送飯真系一流啊，好香噶魚香味，茄子好淋，吸收曬滴魚香噶味道，超級正！仲有個椒鹽九肚魚一定要試試，椒鹽味好香啊，外面薄薄噶一層粉，脆蔔蔔，好香口，裏面噶魚好有口感，真心推薦。…Read More

I first visited this shop 6 years ago and it was one of the first places I ate in Hong Kong. I thought it was good, but I didn't know any better. Now, after living here for 5 years, I still think it's one of the best shops for local food. I also just realized that I haven't yet written a review for one of my favorite dinner spots, I figured it was about time to write a little something.This place is a treasure. it is a classic, Cantonese dai pai dong 大排檔 with decent prices and a few stand out dishes. It is consistently good, reliable, and usually packed, so come early for dinner (before 7pm i'd say) especially with a big group. The most highly recommended dishes for me are the garlic fried chicken (ask for this as soon as you sit down because they sometimes run out), eggplant in clay pot, cuttlefish cake, sweet and sour pork, clams in black bean sauce, and fried calamari. Whenever we come here, we get these dishes without fail. In the past I've also enjoyed the black pepper beef stir fry. Overall this place is a gem and if your in western district or near HKU and looking for a fun, excellent quality, dai pai dong experience, come to this place. …Read More

價格好貴！點咗一份炒飯要68！一份蒸魚128！真是上當。而且買單之前都沒有人話給我知是幾多錢，到買單先知炒飯要68感覺好似被騙了，再也不會幫襯。不知道為什麼會有客人…Read More

［ 魚香茄子 ］鹹魚用料有質素，夠香味，唔會死鹹茄子滑.［ 蒜蓉炒通菜 ］Unremarkably good .［ 椒鹽九肚魚 ］超級推介！呢間椒鹽九肚魚做得極好味！調味恰到好處，粉薄，魚有口感。必叫！.［ 炸魷魚 ］同椒鹽九肚魚處理方法差唔多，亦做得非常好。魷魚大件，彈牙，口感一流！.［ 粟米斑腩 ］粟米清甜，粟米羹調得幾好，唔會太結。但魚太厚粉，無口感。.［ 腰果炒牛柳粒 ］腰果幾脆，牛柳粒比同學食哂，評價唔到haha .［ 炸子雞 ］做得好好味！調味啱啱好，而且唔油膩。.［ 沙律豬扒 ］呢個餸都幾莫名其妙，沙律醬加豬扒⋯⋯唔係話難食，但豬扒唔應該咁煮bo......海記食物幾好，不過約埋一班人開餐，要留意街市環境接唔接受到。我地7:30開始坐，都感覺到油煙。去到8:30左右，周圍得一兩枱，先開始無油煙，舒服返。.仲有呢度有老鼠haha.埋單一人80，抵食…Read More

行完山到就行去港大搵下午茶，結果無野岩食，再走到一田附近諗來諗去都唔知食乜。都係要求openrice大人指點😂😂結果來左石塘咀熟食中心呢個係店小兒介紹，過佢個牛好得，但我地覺等好鹹，越食越鹹，可能我地無叫飯呢個都係店小兒介紹，炸墨魚餅有墨魚味，炸粉都好薄，但炸得燶咗d，我覺得太過冧身，可以撻多幾下使之彈牙點會好味得多黃金蝦，好大隻，雖然顏色唔夠黃、但鹹蛋味好夠，最👍🏻呢個魚湯魚肚浸時菜，呢個幾好味，但原來要豆苗貴$30，又唔話比我地知😒😒三個人食4碟野，爽呀一共$432…Read More

唔係我老豆睇報紙介紹呢間餐廳，住咗喺呢區咁耐都唔知有間咁嘅嘢~成家都鐘意食海鮮，啱啱喺台灣旅行返嚟，仲好懷念佢哋嘅彈牙龍蝦、鮮味花蟹…… 所以就嚟海記試吓菜。一行三人叫咗一隻蟹、一碟蒜蓉蝦、一條魚、一碟豆苗同一碟避風塘三寶。盛惠 $800 幾。先講服務：可能我哋都算早食飯（未到晚上 7 時已到），人未係咁多，所以叫人問嘢落單都冇問題。食到咁上下，人開始多，見幫襯嘅都係熟客多，所以老闆都唔使點招呼。我哋第一次幫襯問長問短，老闆都唔嫌我哋煩哈哈！廚房阿哥出菜時仲同我哋傾咗兩句，交流台灣海鮮心得。一致認同台灣海鮮靚，但佢哋煮得唔夠好，嘥咗啲靚海鮮。最緊要嘅食物質素：海鮮係冇問題，好新鮮，係靚貨。豆苗都清晒，好嫩！三寶個蝦膠彈牙到呢~ 我不嬲唔食三寶，因為唔鐘意食外面個青椒紅椒，通常淨係食個魚肉哈哈！海記呢個我可以成個食！不過真係唔夠避風塘，我哋仲攞咗碟辣椒醬嚟點。如果呢碟可以整得惹味啲，呢餐就可以俾足 100 分！衛生：雖然係熟食中心，不過碗碟筷子各樣都乾淨衛生，食得安心。環境：真係天氣涼先可以幫襯，熱啲我都唔得。是夜一路食一路有涼風吹送，正。可惜香港係熱天多呢……價錢：可能你覺得食熟食中心要 $800 幾蚊係貴，但係比起啲所謂西餐廳，食個 set dinner 都要 $200 幾，仲要唔一定係好食；而家只係 $800 幾，可以一枱海鮮，仲要啱食、好食，我覺得係值回票價。食完呢餐，我老豆隔咗唔夠一星期又心思思想去食！海鮮雖然好食，但都唔可以食得咁密呀！題外話，老闆娘是晚找錯錢。雖屬無心之失，但都提醒我去到邊度，都記住睇清楚找續。…Read More

首先，你見到等候時間15分鐘可能覺得冇乜大不了，但如果全場人數唔夠一半而你點既餸最簡單果碟只係抄碟菜你又會點諗呢?當第一碟餸黎到正想叫個白飯既時候，其他伙記唔知係咪時運高得滯(我去過3，4次都係咁)，你遞手既時候永遠就係冇人會見到。好啦都算，到我食晒既時候最後果碟餸都未到，我食野已經唔算快，呢個速度喺大排檔直頭唔合格。終是我再遞手諗住打聽下碟餸既下落，結果佢又係答我黎緊黎緊果啲廢苦之言，到食完叫人埋單都係照舊冇人理，最後自己行去比錢。唯一抵讚係第一碟腐乳通菜，老實講係幾好食火喉十足夠惹味，第二碟蝦仁抄蛋啲蝦頗為有雪味，而第三碟就係絕對冇回頭既菜膽雞(圖)味道不值一提，唔信?叫碟試下你就知錯!!!! 但基於呢間食店既速度同服務態度，一定冇下次。…Read More

有朋友就快出trip, 我地琴晚一行8人一齊去附近既大排檔食飯.好快有位錯, 見到好多人都一大班人去食野, 特別係附近hku既後生仔.我地叫左幾個菜, 清蒸大蜆, 檸汁雞, 蠔餅, 蛋白炒飯, 牛肉炒通菜, 辣子雞. 清蒸大蜆真係嚇死人! 海水味太重, 又鹹, 簡直係超級唔好味! 餐廳既人竟然仲話就咁食先至好食,..牛肉通菜好普通. 唔係好覺通菜有味, 只係d牛肉鹹鹹地. 個廚師好可能係無試過d味.西檸雞好多粉. 睇落都ok, 但係食落先知道d粉同d肉係分開晒, 唔算開胃.呢個炸蠔餅竟然都係唔好食, 我地食唔到蠔仔既蠔味, 好失望.叫左咁多個菜, 终於有一個幾好食既. 就係呢個辣子雞. 夠辣, 夠熱. 我地都覺得呢個係惟一可以叫既菜.蛋白炒飯係水準作. d飯炒得到一粒粒, 味道都可以.整體黎講都係中下水準, 唔好食.…Read More

同屋企人去街市食飯,見有新開大牌檔就試下爸爸好鐘意食海鮮,啱晒佢!:)檔前放左好多海鮮可以揀!黑椒牛柳粒 OK~貴妃雞半隻~好滑,亦都好有雞味!係出面食個D係滑但係都冇咁香雞味!估唔到係到都有意外收獲~白灼大花蝦$88有6隻爸爸話好新鮮好爽口最後壓軸!大閘蟹!!!!!好正呀!$80隻,爸爸話好抵,出面食都唔只同侍應傾計知道原來老闆係樓下街市有海鮮檔自己揀貨新鮮D又平D睇黎海記會成為我地既新飯堂…Read More