影片
营业时间
今日营业
14:00 - 00:00
星期一至日
14:00 - 00:00
以上资料只供参考，请与餐厅确认详情
食家推介
【九龙城区】【海记合桃坊甜品】呢晚食完饭，同而家已经惨成我上司嘅变本姐食糖水。冇计，呢啲都要应酬吓嘅。即系本身我对件事都唔反感，只系多咗呢一重关系之后，就可以咁样解释件事，几有趣。其实我哋本身唔系谂住食呢间，但另一间甜品店系不合理地多人，无谓等，呢度都好。其实喺 1am1547 食太子分店𠮶阵，都系有佢份嘅，所以大家对呢间嘢都系唔陌生嘅。佢食嘅系 $30 嘅「桃胶炖木瓜雪耳」，系冬日系列嘅产品，啱晒重视养生嘅变本姐，然而佢就对碗嘢冇乜感觉。可能咁啱我另一位上司感应姐唔喺度，搅到佢食之无味啦。我就几中意呢度嘅椰青冻，见到开心果又想食，细路仔先做选择，我全都要。先食 $38 嘅「特浓开心果焦糖炖蛋」，系几浓开心果味嘅。而另外就再食 $52 嘅「龙眼冰鲜果椰青冻」，我硬系觉得呢间冇太子𠮶间做得咁好。夹埋 $120，多谢变本姐，估唔到。。。（地址：土瓜湾马头角道33号欣荣商场地下4号舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：油尖旺区：1am1547#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龙城区 #宋皇台 #土瓜湾 #海记合桃坊甜品 #桃胶炖木瓜雪耳 #特浓开心果焦糖炖蛋 #龙眼冰鲜果椰青冻 #1am1638 #1ambackup
继续阅读
今日热辣辣，就谂住买返啲冻糖水返屋企食。老公话呢间嘅合桃糊几好食，就买咗个沙沙合桃糊，同埋椰皇炖鲜奶。合桃粒系分开一包，返到屋企至打开倒落合桃糊入面。合桃粒份量都唔少，合桃粒唔止增加咗口感，仲加重咗合桃嘅味道，真系几好食。另外椰皇炖鲜奶都好有惊喜，刮咗啲椰子肉出嚟，配埋炖鲜奶一齐食，椰皇味好重，唔会有其他怪嘅甜味，炖鲜奶又够滑，觉得仲好食过沙沙合桃糊。不过呢间净系收现金，落左order先知，要走返去车度问老公攞现金，八达通都冇就唔太方便。
继续阅读
海记合桃坊既果仁糊类一向都几出色，感觉上应该无乜加淀粉去增稠，食到好原始既果仁味道。食合桃糊一定要叫沙沙，即上面既合桃粒粒，先够香口！除左果仁糊类，佢既芋圆都系，之前食过有d地方既芋圆，包括我自己整既，都有一阵可能系木薯粉既怪味，但海记既就无，大小刚好之余，又食到芋头蕃薯既天然真味，仲要烟韧度刚好，不会过硬过淋。个雪糕都系出色，唔会有化学味不过佢serving size真系几大，食完饭再食个紫米露，饱到行唔郁
继续阅读
海记喺土瓜湾屹立多年，一直为街坊提供平靓正嘅甜品，作为烟韧控，我最钟意嘅就系芋圆系列，每次去到都一定会叫紫芋芋圆仙草冻/西米露($39)🥰佢嘅特别之处系面头𠮶两球雪糕，食落又有啲芋头冰嘅口感，但绝对唔系雪到起冰𠮶只，味道好浓郁好正😋芋圆唔算特别好味，偏向硬身咗啲，不过都叫到合格，咬落都有淡淡嘅芋头香，嚟呢度主要系食佢嘅丰富馅料同埋雪糕，又有红豆又有莲子，食完真系饱到上心口😆强烈建议住附近嘅买外卖同人share🤣
继续阅读
我前阵子去咗海记甜品试咗佢哋嘅芒果肠粉。佢哋嘅肠粉系用椰汁皮包裹，口感好滑顺。芒果肉鲜甜多汁，同肠粉一齐食真系好夹味。每一口都食得到芒果嘅鲜甜，好开胃。不过，我觉得海记甜品嘅价钱稍为贵咗啲。肠粉唔算大份量，但价钱却比较高。如果你追求价钱平实嘅选择，可能要考虑其他地方。如果你系芒果肠粉嘅爱好者，同埋对于价钱无特别要求，不妨去试下海记甜品嘅芒果肠粉。
继续阅读