海街丼 (海光街) (已搬遷) 新店位置

平時自己好少去鰂魚涌食野，因為唔太識路。有一晩好友話收工想食間好特別嘅日式料理，佢話：「三個不同食法既茶漬飯你一定少食🤔😝！」好！既然聽佢咁講，我就過去海光街陪佢食下啦！門囗格局好日和風，有別於一般日式料理，感覺好係日本人開嘅餐廳！內𥚃擺設好骨子，都幾有特色。睇真D原來真係有日本師傅係度整食物！我記得啦！日本東京都有依間店舖！果然真係過江龍！有信心保證！我地好快叫左三樣食物：兩款set都有味噌湯、蕃茄小鉢、醋啫喱同埋熱茶🤗當然唔少得秘製魚湯！1）皇牌海寶丼連茶漬飯高湯（$150）⭐️⭐️⭐️⭐️⭐️(大愛5粒星😍）嘩！賣相好吸晴！海鮮非常足料！飯面鋪上滿滿嘅真雪蟹肉、紅肉、白肉、鮭魚棒、蟹籽等等。味道一流，食材高質👍🏻除左平時點醬油加芥末食之外，仲可以試下加D醋啫喱，撈落D飯到好好食又醒胃，味覺好新奇！😋蕃茄配上酸酸甜甜醬汁很不錯👍🏻朋友話整體口感非常豐富又滿足：）2）吞拿魚二色丼連茶漬飯高湯（$160）⭐️⭐️⭐️⭐️（大愛四粒星🤗）新鮮魚生多多，而且丼飯飽肚感十足：）真係好食到不得了！自己食得出每款魚生刺身嘅鮮甜。食完魚生之後再將三分之一嘅海鮮飯，倒入魚湯就成為香濃茶漬飯：）3）牛油果豆腐（$45）

星期五嘅lunch，點可以待薄自己呢！同同事落左樓下，碰下運氣去平時排晒隊嘅海街丼，啱啱見到一班人湧去，心知不妙...點之要齊人先可以入座（大家留意啦！）我地兩個就順利入座店入面日本風嘅裝修，彷如置身日本，有卡位、吧台位等等，細細嘅舖頭都可以招呼很多客人。Lunch menu好簡單，3個魚生丼，2個滑蛋丼，再有當日嘅廚師精選。我同我同事都揀左海寶丼。飲品可以揀綠茶或者烏龍茶。落完單轉個頭已經上菜，超級快！有一碗魚生丼、一碗麵豉湯、一碟小菜、一碟醋啫哩、一杯茶。我地本身都唔知個透明啫哩係咩黎，但係食食下先知佢係寶！魚生丼好新鮮，平時食都係得豉油，今次有哩個醋啫哩多左層酸酸嘅鮮味，唔會食到好寡，錦上添花！真係一試難忘呀！我地一路食，都幾多隔離檯叫凍番茄，下次又試下先！

今日中午試咗依間日式魚生海鮮丼飯。店舖門外係日式嘅裝修，有日式當布掛住，藍色布上寫三軒茶屋-海街丼三個字。而門外都有些日式特色，好似營業中嘅木製掛牌，木製餐廳介紹同營業時間等。好有日本🇯🇵feel。而入面位置還可以，可以容納20-30人。不過都唔算大，如果唔係四人枱嘅話，會坐得有點兒迫。有一點感覺餐廳唔好嘅係位置安排十分有問題。一定會齊人先可以入。如果有朋友離開咗一段短時間就要重新排過隊。而當有五人枱時，佢會比五個人入先，而唔已經先到嘅四人入坐。店員話因為五人枱可以坐五人，才比佢地先入。所以座位安排真係太差了。🤮🤕👎🏻👎🏻👎🏻.搞咗好耐先入到，點咗個海宝丼［上］$115，加咗個日式凍辣蕃茄$30。而set lunch配咗烏龍茶。午餐係有加一的。首先，講下個日式凍辣蕃茄，蕃茄真係幾凍，不過勁爽脆，唔似食緊蕃茄咁，無咗果種酸酸地嘅感覺。而佢個辣汁係少辣，一食落去無辣果種刺喉，反而有種甜甜地嘅感覺。而個海宝丼［上］叫咗盛大，姐係加多咗飯，加飯係免費的。海宝丼材料有：紅肉丶白肉丶鰻魚丶小扇貝丶蛤蜊丶真雪蟹丶鮭魚棒丶黃瓜。仲配上味噌場同小鉢一種（茄瓜）。個飯用料好足夠而且好豐富，小黃瓜新鮮脆口丶

作為一個孤獨的美食家，午膳時間在太古坊搵位食飯真係有著數。就好似今日咁，見間鋪頭外面排晒隊，我即管問下有一位，真係有，即入。望下menu. 第一次試食，就點了regular 海鮮丼$90 only. Set lunch 來架，配有茶、miso soup、同埋鎮店之寶酸酸地的海鮮jelly，用來撈飯食。海鲜很fresh, 同jelly 好夾，食落好有層次，雖然有鰻魚但又吾會搶左D味，味道好豐富，非一般的魚生飯可比美，好正。會再來試極上海膽丼。yum yum

成日聽人講鰂魚涌有好多隱世美食小店，熱愛日本食物的朋友便推介了海街丼。我地大約六點放工就即刻去呢間餐廳，好彩六點唔算太多人，唔洗等位就可以直接入去坐低。呢度有幾款魚生丼，於是就揀咗一個餐牌中中等價錢嘅海宝丼（上)嘗試下。海宝丼有好多材料，有紅肉、白肉、章魚、穴子、蛤蜊、小扇貝、真雪蟹、蛙魚子、黃瓜，食落口，口感豐富，味道鮮而不腥。店員亦十分貼心，講解如何一丼三食。介紹可先加入芥未豉油進食，品嚐刺身嘅鮮味，然後加入壽司醋果凍啫喱到飯中，少許酸味帶出海鮮嘅鮮甜。最後淨返少少飯時可以加入保溫壺中嘅「魚介出汁」（秘製魚湯），變成茶漬飯。飯粒吸收魚湯嘅精華，再搭配各種刺身，味道變得香濃而不膩，而且亦可以暖下肚。店內環境亦寧靜，座位亦算寬敞，最適合同朋友邊食飯邊細聲傾偈。

不止一次來到鰂魚涌海光街附近搵食，皆因這條細細的街仔充滿了特色食店，今次就是在附近工作的朋友帶我來吃好西！海街丼的門面帶點神秘，遠看像是關了門，行到店前才發現是道趟門，可以透過門的橫紋隙縫看到店內，店內的接待員見到有客人來就會拉開趟門招呼，lunch的話需要等齊人方可入座。1215來到即刻有位，下單後10分鐘內就全場爆滿了。點了特上丼，鋪滿海鮮的賣相非常吸引！這裡的丼飯特別在有碟醋啫喱，朋友介紹道可以先吃一會兒丼飯嘗鮮，吃到咁上下再加醋啫喱增添風味，如果dinner來，就再有魚湯加入飯中，一丼三吃，可惜lunch沒有第三吃，那就有藉口下次再來了，哈哈！不得不讚嘆把醋弄成啫喱這心思，比起液體更能均勻地撈落白飯，使味道不會酸埋一邊，加分！

1/ 遲開門，無人理訂了6點枱，6點到門口打開門，只見廚房內3人專心低頭做野，收銀處有一個侍應見到我探頭入黎，佢無反應，掉轉頭走左 (點樣樣，當睇我唔到？)，再企係門口一陣，廚房終於有人見到我，同我打招呼，但又無叫我入黎，我開口問開左門未，佢地先叫我出去等多5分鐘，我以為日本餐廳好準時，可能係我唔應該有呢個應該守時嘅諗法啦。2/ 侍應又當睇我唔到同場只有另一枱兩個客人，並非繁忙。準備落單叫野食，場內得一個短髮女侍應係空枱放緊筷子，向佢招手，佢明明見到又當睇我唔到，低頭繼續做佢嘅野，要出聲叫，佢先行埋黎 (其實你當睇我唔到，我係會見到架，唔該)。3/ 消失的魚湯呢個係今次用餐失望嘅重點！以住幫襯過數次，主要都係食魚生飯，部份原因是因為魚湯好飲，今次諗住試啲新野，見到天婦羅飯都有配魚湯，於是就試下啦，點知個飯黎到無魚湯，同一個短髮女侍應話呢個飯係配麵豉湯，我覺得無可能因為我係睇到餐牌寫有配魚湯我先會叫，但由於該名侍應非常堅持，話餐牌無寫配魚湯，於是我問佢拿餐牌再確認，佢竟然反左下白眼 (wow 呢個服務態度真係勁，又覺得我會睇唔到)。最後驗證左餐牌嘅食物圖片同文字都顯示呢個飯係有配魚湯，只

係鰂魚涌番工嘅朋友成日話推介草根去食間日本魚生飯，聽講平日都好多人去食。見佢甘重點推介，特登搵咗日同妹妹去試下～餐廳好近地鐵站，好易就搵到。海寶丼［上］($150)呢到嘅魚生丼基本上劃一定價，係其中一款多d配料嘅會貴少少。點咗個魚生乜都有少少嘅海寶丼❤️。嚟到一定要試下佢地最出名嘅「一丼三食」！第一食係先加入豉油wasabi，餐廳標榜由日本直接攞貨，魚生的確幾新鮮🐟。第二食係加入海街丼自家製啫喱壽司醋，啫喱醋嘅酸味令個飯食落更加開胃🤤，食慾大增。第三食係加入保暖壺內嘅秘製魚湯，變成海鮮茶漬飯🤘🏻。魚湯呈奶白，味道溫和，加咗落個飯到令整體味道提升，夠晒暖胃♨️！記得一定要留番一半嘅飯去撈湯呀 😆🤘🏻。滑蛋豬扒飯 ($120)豬扒🐷軟腍，一大塊蓋係香飯上🍚。豬扒經脆炸，非常惹味！滑蛋🐣加上味醂豉油，十分下飯，珍珠米飯用上珍珠米，粒粒飽滿香軟，份量可觀，雖然價格較貴，但味道令人十分滿意❤️🤤！呢間真係幾好食，價錢算中上，但質素有番甘上下，個一丼三食夠特別，唔係淡淡嘅茶漬飯，用咗魚湯好惹味，朋友冇介紹錯！🥰

無論服務及食物質素強差人意... 同事和我各點了炸豬排及炸雞排飯當, 服務員將我們的當放錯位置, 本來不是問題, 但食品質素真的很有落差... 首先是雞蛋超咸還有點出水的感覺, 豬排有點”梅”很不新鮮, 飯是半生熟而不是al dente, 連最簡單的味噌湯也不合格因為燒焦了.... 個飯有可能是過年前賣剩, 過年後番丁給客人吃, $88 (加一後) 價值的飯當實在很失望😞... 我很少寫食評, 但看見只有一個unhappy face, 很懷疑食評的可信性

海街丼位於鰂魚涌，係一間日式小店。今日特登係晚飯時間去，一嘗佢嘅魚生飯🥰而今日就試咗海宝丼💕一上枱見到滿滿嘅魚生已經令人食指大動😍呢到嘅魚生飯係有3種食飯，最簡單就係撈wasabi豉油。第二種食法，亦係比較推薦既係配上壽司醋啫喱👍🏻單食壽司醋啫喱會太酸，但配上魚生飯不但係恰到好處，更可以帶岀魚生鮮味🤩最後一種食法，係喺剩低三分之一飯嘅時候，加入暖壺內的魚湯。一打開暖壺，濃郁嘅鮮甜香味就撲鼻而來。可惜加入魚生飯後，魚湯鮮甜味未見特別凸岀。呢到嘅魚生飯令人食過一次後就難以忘記，大家都不妨一試🤤

今日突然想食魚生飯，諗起呢間喺側魚涌區都多好評，於是決定試吓。餐廳裝修幾日式，坐得舒服。lunch menu 選擇唔多，魚生飯得幾款，而且全部魚生都係碎上，有點失望。落單後唔駛三分鐘就有得食，勁！有個柚子醋啫喱撈飯，幾特別。至於個飯就一般，不過$90 唔可以要求咁多。 另一碗$150 有海膽、蟹。 海膽唔多新鮮，入口有臭味，食完要即刻飲水辟味。唔知咩事，所有侍應全程都木口木面，見到都唔多開胃。沒有返𠒇嘅意欲。

沒想到原來近太古坊附近，有很多各國唔同菜式既小店今次先試呢間一到午飯就排長龍的"海街丼"全店裝潢好日式！最馳名就係佢地既海寶丼，今次我揀了"海寶丼(並)"$90呢碗丼份量相當足夠，材料有紅肉、白肉、章魚、鰻魚、蛤蜊、鮭魚、黃瓜成個丼還有配味噌湯、特製的壽司醋果凍、漬物材料好新鮮，確實真材實料，堆砌得滿滿，加入壽司醋果凍食丼另一番風味口感好不錯，鮭魚新鮮，有鮮味！絕對是叫人難忘的海鮮丼！

兩個人撐枱腳放咗工係鰂魚涌都唔知食咩，見到門面都幾隱蔽同埋好多日文字應該都係過江龍嘅嘢。餐牌都幾得意有啲似我係之前日本食過嗰間日本當飯。點左一個招牌嘅，材料非常多，會有啲魚生碎，海膽，蝦，蟹肉三文魚子、青瓜、蟹子等等。材料非常豐富而且佢食到一半仲可以到啲熱湯落去，佢嘅食法同我喺日本食嘅都一樣。另外呢一度嘅餐牌亦都會介紹究竟點樣食點樣亦都會講一講。冬天有魚湯倒落去食真係好正、非常滿足嘅一晚。同埋佢啲材料都幾新鮮，而且價錢正正常常下次去鰂魚涌搵食都搵佢啦

Loved the decor and feel of this new restaurant. ps. openrice says it's open at 5pm on Sat, it doesn't, opens at 6pm and the chef told us to leave for 30 min rather than letting us sit in the empty restaurant. But we wanted to eat so went back to get their Deluxe seafood don. Yum! Comes with their homemade vinegar jelly as an alternative to wasabi/soy. Then half way through you add their seafood soup to finish the rice bowl. Lovely and homely way to eat. We also ordered their house salad

小編來到鰂魚涌一試日本過江龍,看看是否同'東京三軒茶屋海街丼'水準一樣~😎門口和風趟門,店內燈光掛布間隔也原汁原汁如去了日本食店一樣,連廚師也是說日文的~!😜.*特上海寶丼很多材料~紅肉、白肉、章魚、穴子、蛤、小扇貝、海膽、甜蝦、真雪蟹、鮭魚籽、黃瓜 聽店員說所有魚生都直接由日本直接取貨,不經買手空運到港,所以比同檔次魚生更抵食~👍海膽味道甘甜，質感細膩，幾乎入口即溶✨，雪蟹味道鮮甜，肉質細嫩飽滿😊，色澤瑩潤潔白,鮭魚籽滿滿鹹鮮味,咬一口就爆漿💥😈~!甜蝦也有質量而店推介食法'一丼三食'先倒入芥末豉油吃面頭海鮮的鮮味,飯就加入自家製壽司醋啫喱食,有別於加入液態醋,啫喱可令飯粒更香口👍💫,秘製魚湯就食飯食餘一半時倒入作茶漬飯吃💦，丼飯更加濃郁可口🌟~特上海寶丼吃後令人再三回味~!🔥.*海街丼沙律醋醋醋地十分開胃,而且份量巨大,沙律菜生菜小蕃茄清新,白板魚蛋獅子狗片飽肚,木魚絲紫菜蟹柳絲鮮美,爆米脆口,抵食😛~*炸章魚剛炸好的酥脆炸粉麵衣裡，滿滿都是愈嚼上癮爽口彈牙的章魚,配以沙拉醬,味道更佳💫*燒明太子外面香口燒至微焦,口感具鹹香微辣味,配以蘿蔔蓉平衡返,唔錯唔錯🌟.這家店內有設30多個