海老名沾麵

营业中

休息中

之前見其他foodie去過呢間拉麵鋪，俾佢既蠔拉麵深深吸引，但不得不說，鋪頭既牌名唔明顯，加上店內既抽風系統唔夠強，環境方面真係扣曬分！限定蠔拉麵 $128首先講湯方面，湯既味道有濃郁既蠔既鮮味，不過可能唔係個個都接受到浸味，有少少腥味。稍嫌湯既份量唔夠，不過都可能係其他材料太多所以好難可以每一啖都有湯。蠔方面有四隻，而湯入面都有好多蠔粒，而且有好多肉碎，份量好多好滿足。麵方面比較粗身，味道比較普通。蛋方面我只覺得係太熟，完全唔係半熟蛋，呢方面真係要改善下。嗌呢個拉麵仲會送埋一個小食，叫做特製烏賊炸玉，不過食落去就係一舊炸粉，唔太知係咩黎，不過呢個價錢仲有小食送幾抵玩！

未曾食過日本沾麵，見Google Map上推介，見啲相仲有蠔，又有蝦已經非常興奮想試。🤤🤤🤤見地圖所顯示，圍住座大厦行咗個圈都揾唔到，又行返轉頭從起點行過，原來近在咫尺。🥴💫💫門口好低調，又冇招牌，莫非內藏隱世高手？🦸‍♂️🦹🦸6點左右已經滿座，仲有兩個客人在門外等位，心諗一定好好味的！😍一位中年店員叫我們先揀湯底，並示意其他內容都是一樣。📋可惜是晚冇蠔，我點咗蝦汁蕃茄沾麵$99!🍅🍅🍜湯面有一層油，雖然有點抗拒，但我估係保温既原因就勉強接受。😣😖湯裡面有蛋，有幾片豬肉，只有櫻花蝦，有蔥粒，有茄膏(不似鮮蕃茄)。🔍🧐另附上幾片韌紫菜及不脆既炸粒粒。唔知係我唔識正宗沾麵既味道？🤔還是。。。🙄麵有點硬，湯汁不算惹味，餸料不足，如果咁嘅價錢。。。感覺有點莫名其妙！💸🤔🤔非常免強吞完個麵，店員問我要加湯嗎？ 原來沾麵食法，就係最後加湯至濃稠的湯底，再把湯喝清!😬心諗成碗油怎喝？就客氣話“不用了!飽了!”🙏🙄十居其九既客人都話''不用了!"🙈🙈🙈本來我個人都好支持呢類小店，不過今次感覺真係有點差!😌或者咁講，希望店舖再調教吓食材及味道，豈碼令客人覺得物有所值！🙏😌

呢間小店由外到內都非常隱世內裏格局同埋裝修都好似日本拉麵老店一樣全店只有13個位 Menu得3款沾麵但都吸引唔少人幫襯 仲要成日排隊ฅ^•ﻌ•^ฅ-📌分類#couple_fooddiary_日本菜🇯🇵 #couple_fooddiary長沙灣#couple_fooddiary回頭吃系列🤤 -前菜▪️特製烏賊炸玉 （隨麵附送）呢個係紫菜包住一堆脆卜卜嘅炸米有啲紫菜米通嘅感覺 幾特別 不過食完有少少口乾-▪️蝦汁蕃茄沾麵 $99上嘅時候依家聞到勁濃嘅蝦香，湯底好稠除咗蝦汁外 仲用左櫻花蝦醋熬製 加上茄蓉🍅及大量櫻花蝦 湯底意外地出色麵條質地偏硬 但掛湯能力高原隻醬油糖心蛋 勁流心(•̀ᴗ•́)و叉燒有2條薄切 肥瘦適中 而且係炙燒( ˘ ³˘)♥︎-📝🍔食物：4.3/5💸性價比：4/5✨環境：3.7/5👨🏻‍🍳服務：4/5🤤回頭度：5/5

由朋友介紹認識呢間小店，一去到門口已經好有日本feel，但都唔敢太早開心，一入到去空氣有少少侷促，位置都迫迫地，但唔緊要最緊要好食，就立即點了蝦汁醬油沾麵，本身比較少食沾麵，但天氣影響咗胃口，所以一試。野食一到，開始逐一試味，濃郁嘅湯底係有蝦嘅鮮味，感覺好真材實料個隻，麵係粗粗地，口感一流，味玉都好正，唔係淨係得個顏色，真係有味，反而义燒就普通啲，不過有用火槍燒下都有啲誠意嘅，整體我自己同朋友都幾鐘意，會再去，開始培養下食沾麵🤔

之前有聽過呢間隱世沾麵店，每次經過都會留意下佢，的確每次見到都有條人龍係到。由於本身我唔太好沾麵，加上要排隊，每次最後都係放棄。今晚見到竟然冇人排隊，加上男朋友又話想食，就試下喇😂😂😂-💎蝦汁蕃茄沾麵麵底就唔係我鐘意嘅質感，係比較粗身膽偏硬少少；不過湯底好濃郁，好香嘅蕃茄同海鮮味幾有驚喜🤙🏻💎蝦汁味噌沾麵男朋友叫嘅味噌味，都好香濃，不過個人覺得蕃茄味比較特別啲；男朋友就比較鐘意味噌味多啲～

今日同朋友去長沙灣食飯見到呢間沾麵門口有唔少人排隊又聽到附近經過嘅人話呢間成日都有好多人排隊就諗住試下呢間隱世沾麵點知真係好失望首先舖頭入面個冷氣好凍凍得嚟仲要頭上面有風直吹住個頭然後沾麵嚟到個湯底已經唔係好熱仲要畀好凍㗎冷氣吹住食幾啖已經凍晒拉麵凍咗就根本享受唔到見到成間舖嘅客人都覺得好凍同咗店員反映但店員話佢哋嘅冷氣係較唔到嘅但係佢哋都唔會選擇熄咗其中一部冷氣小店店面較細大約可以坐十個人見到好多人都係入去食完大約十幾二十分鐘就出嚟不禁懷疑係咪特登將個冷氣較到咁凍等啲人可以快啲出嚟畀下一位客人入去但係咁樣真係完全享受唔到又凍又大風食完拉麵個身都仲係好凍好失望

瀨戶內海生蠔拉麵湯底好鮮甜，有肉碎，有四隻蠔！重有大葱段，煎得啱啱好。個湯底重有唔少既碎蠔，好有驚喜！但係個四隻蠔個芯有少少涷同腥，所以之後個肚有d 唔舒服，唔知關唔關事啦。睇返個餐牌，佢話係使用生蠔嘅，可能真係冇特別處理過。所以肚仔弱嘅朋友，就要考慮考慮。肉碎係畫龍點睛！因為俾左個咸味個湯！蝦味噌麵一開始食個湯勁濃勁好味！個湯又夠濃稠。但係食耐咗就覺得佢太鹹。之後加咗佢嘅櫻花醋有好少少，但係overall都會覺得太膩。兩個面都有糖心蛋，而我覺得佢嘅糖心蛋做得非常之好入面仲係熱㗎！呢個蝦沾麵有一塊都幾大嘅五花肉，佢係人手即場用火槍燒香佢嘅，可惜係個湯真係太鹹，所以放係個湯度就唔係太香。

聽朋友講呢間係隱世「沾麵」，所以黎朝聖一下。呢到呢間小店，鋪外沒有招牌，一啲都吾起眼。但出面都有大概4至5個人排隊入座。目測裡面位置都只係容納到大概8至10個人左右，而且內裡環境都好迫，都係會完就走。我哋一行3人叫左蝦汁醬油沾麵同2個蝦汁味噌沾麵，另加叉燒同糖心蛋。味道係好好食既沾麵，當下食完覺得味道一流，可以再幫襯，但可惜為一不足係環境麻麻，同埋食完第二日個口仲好重味精味，呢一度係唯一減分之處。

星期六，朝早12:15pm去到海老名，剛剛好趕到最後兩碗限定蠔拉麵。落完單都等咗差唔多半個鐘先至有得食，等嘅時候就見到佢點煮，見到真係好多步驟落足心機！小食上菜喇，成碗麵熱辣辣，有好香嘅柚子味。湯底係偏甜嘅，但係又唔係好係蠔嘅鮮味，反而我覺得係肉嘅味道多啲，然後柚子味都好重，同平時食鹹嘅拉麵係明顯唔同。鍾唔鍾意就真係好個人，我自己鍾意柚子味又好甜所以我覺得好好食。湯底好濃，面係偏粗，配料有蔥、蠔、海苔、肉碎同味蛋，蔥煎到好香，入口仲好熱，蠔一啲都唔惺，肉碎帶甜同埋增加口感，味蛋有啲偏生，略嫌唔夠味。絕對係落足心機整嘅一碗麵。

原本諗住食lunch嘅時候同同事去食泰國菜慶祝生日，點知冇開門咁就search下附近有咩好食，見到附近有沾麵，咁就試下啦！去到舖頭門前，見到細細一間裝入去望一望，滿座，但係間舖細細，裝修就同日本嘅居酒屋好似，食落都有feel d啊！係門口等左一陣，好快就有位，本身見到佢有個蠔拉麵，點知賣哂，咁就試下佢個櫻花蝦醬油沾麵。因為係吧枱形式嘅餐廳，所以可以睇住廚房師傅嘅製造過程。睇到師傅會一碗一碗咁煮，唔會一次過為左快就出好多碗。每一碗都會有叉燒，叉燒會即刻燒一燒去油，都係會一份一份燒，吾會燒定放係到。拉麵會一份一份放系面前自己拎落位，唔係因店員送比你，呢個位係想令成個氣氛更加似係日本食緊一樣。個麵比較硬身，我個人覺得冇咩問題。同事叫左個味增湯，試左一啖，都唔錯，唔會好咸，因為味增本身比我嘅印象係食完要飲十杯水嘅咸，但呢個就岩岩好。講反自己個醬油湯，個味道係偏甜，但又會食到櫻花蝦嘅香味，成個味道係好夾都好新鮮（可能係我見識少😂）。枱上會有其他調味料比你加：山葵檸檬、櫻花蝦醋、七味粉..咁我就加左七味粉，加小小辣味同埋加左山葵檸檬，加左個湯係另一種味，用個檸檬酸味中和左個甜味，都幾好食。不過同事

呢一間沾麵，可以說是比較早期小小嘅沾麵，開咗咁多年，仍然屹立不倒，一定有佢原因。上幾次經過深水埗，我都特登過嚟呢間餐廳，但係幾次都見好多人排隊所以放棄，今晚放工再比次機會佢，見佢出面得五六個人所以就排隊，排咗大約30分鐘已經有位。入到去好有日本小店嘅味道，只有吧枱，大家可以望到師傅喺度煮麵，店舖面積很細，如果我冇記錯應該得10個位左右，可能呢度因為煮麵嘅關係，店舖安裝左四部冷氣機，入到去好似雪房一樣，而且仲有兩三把風扇喺度運行中。呢度只有一個樓面同兩個廚房 ，應該係一個大師傅和一個師傅仔，師傅仔就準備面上的 topping，如果師傅就係淥麵同埋煮湯。今晚我叫咗個味增沾麵，店舖入邊有一個水杯比你自己裝水，應該係一般嘅過濾水，但，係如果係正式嘅拉麵店舖，應該係凍水。一入座，有一個小食俾你，未到正常，但唔知點解佢用一個不鏽鋼碟，賣相一般。等緊食麵期間，見到呢度嘅沾麵係熱食，另外有一點愕然，因為地道的沾麵應該係凍食，咁樣嘅話可以食到麵嘅爽彈，可能因為要遷就香港人的原因，所以佢就 default 出熱麵，我見到咁嘅情況即刻問師傅可唔可以凍食，師傅話可以，咁樣嘅話梗係轉啦。因為呢間麵嘅湯底係蝦湯，

本身係呢到附近返工睇到拉麵關注group 竟然有間正野係附近即刻約朋友去試下我就叫左醬油沾麵 但湯好好好飲 唔味精 麵質都彈牙朋友就叫左蠔拉麵 蠔好鮮甜 大家都飲晒d湯我個日閒日夜晚去都要排左一陣先坐低因為小店坐位有限

呢到主打三款蝦湯沾麵🦐蝦汁醬油、蝦汁味噌、蝦汁番茄✨位置偏僻 店面座位不多 只容納到10位客人左右～6點開門黎到唔洗等😚食飽就見到門口要排隊了🍅海老トマトつけ麺 $99 (8/10)先送上每人一份紫菜夾脆脆٩(˃̶͈̀௰˂̶͈́)و浸湯或者就咁食都得 脆卜卜～沾汁非常足料豐富！有兩塊叉燒、半熟蛋、櫻花蝦、味荀、蔥花、洋蔥碎、番茄肉✨蝦味香濃 聞落好香 同時又有酸甜開胃既番茄🍅兩者幾夾 味道鮮甜💕叉燒係師傅即場用火槍燒到焦香 畫面十分誘人～😍充滿灸燒香味 肥瘦均勻 肉質軟稔😋粗身麵條好有嚼勁 掛湯能力強係我鍾意既麵質 爽滑彈牙 煙煙韌韌 👍🏻隻蛋非常出色 蛋味重 流心效果強 😍🦐海老味噌つけ麺 $89 (8/10)呢款係比蝦汁番茄味道更香濃 蝦味更突出 口味亦會更重😋想試真啲蝦味可以揀呢款！整體黎講值得一試٩(˃̶͈̀௰˂̶͈́)و麵條、沾汁、溏心蛋和配角各方面表現唔錯冇乜挑剔位～而且呢間都有推出限定限量廣島蠔拉麵🦪都幾多人推介 有興趣都可以試埋😍

開頭看見有不少食評都推介這間沾麵店，所以決定一試。我叫了蝦汁蕃茄沾麵。（桌上貼了沾麵的正確食法）這個介紹貼紙和另一間沾麵舖的介紹貼紙是一模一樣，相信是同一公司的沾麵店。沾麵未上之前他們提供了前菜。看到這個前菜有點不開胃。可能是我認識少，不認識這個前菜的意義，所以我都試了一口，但食下去的味道就如眼所見的，不怎樣。「蝦汁蕃茄沾麵」吃得出沾麵本身的麵是不錯的，和另一家沾麵店的的口感是一樣的。但問題麵煮得太硬，不及另一家沾麵店的火喉控制的好，浪費了。沾麵汁我本身想像是會有新鮮蕃茄加鮮蝦的味道，但一口吃下去只有濃濃的罐頭蕃茄醬味……蝦味就更加吃不到。唯一的好是沾麵汁中附送的肉片，有用火槍先輕輕燒過去除油膩感。從好多小細節可以發現這家店的不專業。雖然店舖不一定要有華麗的裝修，但作為一間食店最起碼要整齊清潔。跟何況是日本沾麵店。當我對着前面的牆進食時，看見牆角上有大量的塵，真是很不開胃。🤢完全沒有日本沾麵店的對自己店舖的尊重。在抬頭一看見到雞粉，感覺不太好。另外食麵的途中看見黑色T-shirt的廚師，將一個貝類海鮮放入煮麵的篩中烚熟，再用手直接取出，再拉開他的口罩，放入口中品嘗……之後都没有見到他洗

之前聽朋友講，食過長沙灣有一間好食嘅蠔拉麵，所以專程去試下，我大约13:30去到，呢個時段都唔算太多人排隊，店舖好細，裝修簡單，座位唔多，等了15分鐘左右已經有位了呢度🦪蠔拉麵係海老名限定拉麵🥣每日只限10碗😮我好好彩午市去可以食到😋🦪蠔唔算大隻但都足足有5隻😋肥嘟嘟脹卜卜，食落好creamy新鲜，湯底蠔味不算濃郁，但配以柚子同肉碎，味道都幾特別至於🍜麵底配菜有: 肉碎,燒京葱，翡翠苗，昆布同抽子，仲有半熟流心蛋係用日本蛋🥚蛋味香濃麵底都彈牙同幾好咬口，而且份量都幾足🍜拉麵足料👍呢個價錢我覺得係值得食