125
34
18
港铁长沙湾站 A2 出口, 步行约5分钟 继续阅读
电话号码
39545528
营业时间
今日营业
12:00 - 15:00
18:00 - 21:00
星期一至日
12:00 - 15:00
18:00 - 21:00
付款方式
现金
座位数目
13
其他资料
Wi-Fi
酒精饮料
外卖服务
加一服务费
食记 (207)
等级4 2021-04-02
0 浏览
长沙湾一间沾面小店门面唔算太当眼,但就经常有一小撮熟客系到排队,所以一直吸引我想试吓🥸!/小店只有三款用虾汁做主打嘅沾面🦐分别系酱油、味噌、蕃茄,同一款其间限定,食完之後我都深深爱上咗😍~~因为系激重口味!劲浓郁!食唔惯浓味嘅人可能会觉咸,但我自己就觉啱啱好,不论面质定汤底🙊!/🏮虾汁味噌沾面 $ 89🏮虾汁酱油沾面 $ 79两款汤底都无敌香浓,食落有几分相似😂,两者比较的话味噌味会较香浓,酱油味鲜甜味较重~~两款汤面都放咗不少樱花虾令汤底提升咗🤩汤底比较上会较浓稠所以每条面条都能够超挂汤!每啖都食得出🦐汤嘅味道,而且面质系比较Q弹有咬口个只🤭,个人超啱口味沾面会配上一只流心糖心蛋😍叉烧亦都见到师传即场烧得焦香~系半肥瘦腩肉的叉烧,超正😛!食完沾面最後可以加埋个清汤,就变咗超浓郁的美味虾汤👅~~/⚠️每碗面都会有齐追加上嘅配料,份量超足料都可以唔洗特别加,最初我以为佢个《特制鸟贼炸玉》系一款小食,所以就✅咗到後期店员同我讲其实系个啲炸脆脆😹,好彩帮我取消返 继续阅读
(以上食记乃用户个人意见 , 并不代表OpenRice之观点。)
等级4 2021-03-31
0 浏览
朋友叫酱油对比之下比较淡带少许酸味,我叫咗味噌,虾味明显浓好多,因用石头锅盛汤,汤够热,食完成个面都仲keep到唔冻。三大🙅🏻‍♀️✖️之点1.紫菜太淋,木兜有点唔卫生2.腩肉虽然系即烧,但我同朋友都觉得有点柴同埋有雪味3.我觉得虾味够浓,汤都算好食既,但太咸,食完成个钟都真系好口渴,我唔太接受到食拉面会口渴晚市排队排左50分钟🙂,不得之了。隔离间麻辣川好鬼香,搞到更饿。知道要排甘耐我唔会去😂不过算啦反正无下次🤪 继续阅读
(以上食记乃用户个人意见 , 并不代表OpenRice之观点。)
等级3 2021-03-09
698 浏览
间舖头有啲难搵,舖头门口连个名都搵唔到,不过一黎到见到条人龙就知系佢la。呢度得专做虾汤既沾面,得三款面拣,分别系虾汁酱油沾面、虾汁味噌沾面,同埋虾汁蕃茄沾面。我自己就觉得选择少冇所谓,最紧要好食。同埋我成日都觉得通常得几款嘢拣既舖头,都系特别好食😂可能因为佢地专做果几样嘢。排紧队果阵,店员已经攞定纸比我地落单,一入到去好快就有得食。最後排左差唔多半个钟,不过可能因为我假日去,如果平日去或者会快啲。我最欣赏佢呢度既防疫卫生做得好足,一入到去,我就见到佢啲筷子全部都用个胶杯cup住,然後每个位都有一盒纸巾,感觉乾净。另外,坐低一阵,店员好快就攞左支消毒喷雾黎帮我地喷下对手先🤲真系令我好impressed,好少出面餐厅会做到咁,最多系台面摆定支消毒酒精比人用,佢呢度系真系劲快劲主动过黎帮我地喷对手😂  除左个环境好乾净,店员好好之外,个主角个面都好抵赞!真心呢间沾面店可以话系我暂时心目中既no. 1 沾面店。我坐既位啱啱好对正个厨房,可以望住个拉面师傅整既过程,我见到佢每一块叉烧都有用火枪烧过🔥然後每一份面,佢都有用个秤去秤重,制作认真。越望令我越期待😍同埋比较特别既系佢枱面除左七味粉之外,仲有一支wasabi柠檬汁同埋樱花虾醋,比客人自己按口味添加。我第一次系见到呢两种汁,感觉好新鲜,又令我对碗面既期待值再升⬆️仲有既就系,系碗面黎之前,店员会比一碗仔紫菜同脆脆你地,可以捞埋落个汤到一齐饮。我自己食既时候就倒左一半脆脆落碗汤到,同啲沾面一齐食,口感更佳丰富,另外一半脆脆用块紫菜包住,浸左浸个沾面汁,然後一啖食左佢,哇,超正!紫菜索左啲虾汁,好香,一食落口,啲汤汁就渗晒出黎,拌随啲脆脆既口感,真心超正。  至於个面,我同朋友分别点左两款唔同既面,两款都好正🤤好想搵机会再黎试埋个虾汁蕃茄沾面。1️⃣虾汁味噌沾面($89)沾面汤入面有好多樱花虾,只只都有咁上下大,同啲面一齐食好正。另外入面仲有一只糖心蛋同埋两大块叉烧。呢度既糖心蛋好好味,佢系原只上,冇切开一半既,食落去好流心,一咬落去,就见到啲蛋汁渗紧出黎🤤而叉烧方面,佢好特别,唔洗切成一块块圆形既样,而系条状既,仲要都几大份,有两大条。叉烧系偏瘦既,我就唔锺意啲肥淋淋既叉烧,所以呢个就好啱我胃口。叉烧系炙烧过之後,油脂感出多左黎,食落唔会有好乾柴既感觉,反而几有味。个汤底浓得黎唔会太咸,虾味好香,而味噌亦都令个虾味既浓度提升左一个层次。另外推荐试下加佢既wasabi柚子汁同埋樱花虾醋,加左之後,感觉层次感又再提升,虾汤加少少酸酸既味,令成个虾味更加出,亦都令个汤感觉冇咁油腻。  除左个汤汁出色之外,呢度既面都好啱我口味,佢呢度既面冇过冷河,系热既,但系面质依然非常弹牙,唔会一夹就断,而且面既粗幼度都啱啱好,挂汤效果一流!  食晒之後,可以叫店员加汤饮埋净低既沾面汁,我第一次,一滴都冇净,饮晒最尾沾面既汤佢。通常沾面个汁,最尾就算加左汤落去比人饮,都会有啲太咸,我通常都系饮半碗就算。但系呢个,唔会太咸!虾味好浓!加完汤之後,就系一碗好好饮既樱花虾汤!  2️⃣虾汁酱油沾面($79)原本以为酱油汤底会偏咸一啲,但系唔洗wor😲一饮啖汤,对比味噌汤底,佢系偏甜少少,但系都系好好味啊。个汤底唔会令人觉得越食越腻,可以一啖接一啖,浓厚既虾味,搭配少少酱油既清甜,好味!  最尾加汤饮,呢个既味道比起味噌汤底果款稍为淡啲,但系就多一股甜味,虾味一样好浓,饮落更加似一碗虾汤,好好饮啊。 继续阅读
(以上食记乃用户个人意见 , 并不代表OpenRice之观点。)
等级2 2021-03-09
369 浏览
呢间面连续食左两日,因为第一次食完觉得好味,酱油同味噌两个汤底都好想试,结果第一日试完酱油,第二日又去过试味噌,好痴线🤣🤣每碗个料其实都一样,但个汤有D分别。个人钟意酱油多D, 因为清D,甜D, 但浓味人就推介食味噌。 继续阅读
(以上食记乃用户个人意见 , 并不代表OpenRice之观点。)
等级3 2021-02-23
607 浏览
海老名每日限量蚝拉面,汤头系店家特别为配合呢碗限量面而煮嘅海鲜杂菜汤,汤头鲜甜加入杂菜亦增加一份清爽感觉,汤入面仲要系有蚝肉碎,食到咁上下可以将柚子加入汤又变成另一层次亦可减低肥腻感,拉面配菜有肉碎,烧京葱,翡翠苗,昆布同柚子,蚝用上濑户内海产嘅刺身级蚝肉,只只都肥嘟嘟胀卜卜,因为系刺身蚝所以唔需要煎太熟,蚝肉口感creamy鲜甜,面条系中太面,烟韧有咬口,半熟蛋用上日本蛋,质感软熟蛋味香浓,而且浸嘅时间亦掌握得好好够流心,个人觉得呢碗面定价$128系抵食嘅,食得出店家嘅用心制作。温馨提示:蚝拉面每日限量供应,碗数唔多,最好打电话问左有无先。 继续阅读
(以上食记乃用户个人意见 , 并不代表OpenRice之观点。)