影片
食家推介
香港好吃的油炸鬼唔多，呢间算系其中之一，所以今天趁早来叹番个油炸鬼配皮蛋瘦肉粥。餐厅喺元州村旁，出地铁步行4分钟就到，好容易揾。坐低便有服务员上前问食咩，点咗套餐优惠，但冇有油炸鬼的套餐，唯有另加油炸鬼，结果份量太大，食唔哂😊
继续阅读
平时好少特登去海皇粥店，因为如果想食粥，觉得附近有更多选择既粥店。不过海皇粥店室内较光鲜，座位又坐得舒服D。今晚8点几先食野，原来佢地8:30有夜猫套餐，变得抵食左！餐牌可以拣白粥/红豆沙、绿豆沙/迷你粥 + 一款小食!同朋友点了2个套餐，可惜艇仔粥卖晒，只好叫皮蛋瘦肉粥～皮蛋瘦肉粥几绵，而个肠粉可以拣虾米肠，几香口，沾上海鲜酱更好味。但牛脷酥唔系新鲜整，放耐左既关系，淋左而且冇咁脆口～呢度合共$63，应该算抵食吧
继续阅读
前排有晚路经呢头, 见到有间装修几光鲜既海皇粥店, 门口楝左个牌有腊肠糯米饭食....都好耐冇食过就食下啦! 除左有单嗌腊肠糯米饭($31), 仲有个腊肠糯米饭套餐有埋油菜和豆浆($43), 因为想饮野, 我就叫左个套餐啦.海皇粥唔系主打腊肠糯米饭, 我都冇抱太高期望, 可能就系因为冇期望所以都冇失望, 糯米饭份量望落都较少, 对我来说份量刚好, 但如果男士就可能唔够食. 味道唔差, 食落去唔会好油腻成口油咁, 糯米饭既软硬度亦都适中, 最唔好既地方就系唔够热, 只系暖暖地... 相信热D既话一定好食好多! 反而跟餐既油菜就好大碟, 生菜几爽, 硬系觉得出街食既油菜好食过自己煮既...豆浆都几香豆味, 整体都几好
继续阅读
收工返到屋企，会先带3兄弟落街散步、抺脚、拖地搞掂埋佢地晚餐，差不多成9点先至轮到我地食饭。记得海皇粥店8:30后有宵夜套餐，今晚就去试下啦。正在烦恼食咩嘅时候，四围望下隔离左右有啲咩好野食下啦，见几台都系食火锅！！！咪住，海皇粥店有火锅食咁开心，我呢个火锅怪即时转軚，将个宵夜餐牌递比我老婆，自己再拣下食咩火锅先。我最后拣左双份美国肥牛火锅配南瓜粟米肉碎粥底，两份肥牛，份量多个大x乐，其他配菜都系果啲丸呀，粟米、豆腐、水饺等等，但份量非常足够。而老婆大人就拣左迷你皮旦瘦肉粥并萝白糕，我再利佢个宵夜餐用优惠价加左条油条。平时食火锅钟意饮埋个吸收晒所有食材精华嘅汤，通常老婆就会话个汤唔健康，唔好饮啦，但今次粥底火锅，终于可以攞正牌饮埋个粥底了P.S：食完先发觉原来店员比多左份火锅配料我，唔怪得觉得个餐咁丰富啦，真系饱到听朝都唔驶食早餐啦
继续阅读
今日黎到长沙湾揾食一到元州商场就见到海皇粥店既海报 醒起佢有个新既粥底火锅撞正有时间 天口又凉凉地就入左去打个边炉呢到既姐姐好有礼貌 见我坐低就主动过左黎点餐🍴叫左个醉鸡火锅 公仔面加两蚊转左个乌冬（可要油条）再配埋个南瓜粟米粥底🌽一见到咁多野窒一窒 好惊食唔晒好丰富尤其个醉鸡上面有好多红枣枸杞，到后来我就加埋落个汤到 有一半觉得自己饮紧药材汤 极香🐥醉鸡好滑且甜 放入口有点点酒味渗出 好滋味岩岩煮起未见有粥 极稀 但最后加埋乌冬时d粥就滚起晒 黏黏地连汤带粥比我清左😋公仔面转埋乌冬先食左$66！真系好抵👍🏻个醉鸡加埋个粥底真系完胜吉野家既肥牛火锅！最重要系唔逼同干净😎今个冬天一定会再战！
继续阅读