影片
以上资料只供参考，请与餐厅确认详情
今日买晚餐. 买左两碗粥，一个炒面，一个叉烧肠，一个炸两，一个罗伯糕. 服务员递给我外卖之后已经包到实一实，心想入边应该自动跟酱料例如甜将，豉油，辣椒酱之类. 点知入边一包野都冇,净系肠粉冇鼓油已经食唔落. 如果佢要客人问佢先俾，咁可唔可以问我需唔需要呢？ 因为一向买外卖佢已经会自动跟酱一包包放好在入边，不需要我问的. 我现在要走返落去再问佢啰,如果再要争论一番真系晒气,希望贵店改善营运方式！
继续阅读
以前细个母亲大人早餐成日都叫我食粥，细个觉得又热又无口感，人大哋口味变咗好多，虽然我食嘢先倾得上清淡，但系间唔中都会想食粥，而且觉得好味。粥底唔重味，都几绵，不过油器类除咗油条外其他就一般，另外呢间分店职员好有礼貌。Q牌油器：煎堆，其实3件抵啲，不过职员话卖晒。海龙皇餐：海皇一品粥，鲜虾肠(半份)，油条，豆浆。我觉得用配件唔够鲜所以粥带唔出鲜味，好普通，肠粉几好，豆浆香浓。特餐：+$7油器一件(牛脷酥)皮蛋碎牛粥，虾米肠。+$8冻奶茶生滚西洋菜猪膶粥配油条，猪膶唔老无渣唔会太薄又爽口，好味。生滚粥餐：+$14叉烧肠皮蛋滑牛粥，油条半客。肠粉嘅馅都几多，皮蛋都好味，唔系实心𠮶种。
继续阅读
今日去咗坑口海皇粥店食呢个海皇一品粥, 食食下见到有个胶塞， 即刻畀佢吓亲， 同左店员讲，佢地冇乜反应亦都冇帮我换过D食物， 而家喺疫情嘅环境下，每个人都会觉得干净先系最紧要，连食物都唔干净点畀顾客食用。
继续阅读
星期日下午到将军澳东港城揾嘢食， 好多地方都排长龙， 唯独是海皇粥店唔需要排队， 所以就即兴入去食午餐。 看一看餐牌发现多了很多唔同的款式， 当日不算太肚饿， 所以就叫了轻量套餐～迷你艇仔粥＋ 炒面＋油条（半份）$39、 迷你碎牛粥＋ 虾米肠＋油条（半份）$39 、迷你艇仔粥＋ 炒米粉 ＋油条（半份）$39、 热咖啡$6、冻豆浆$6、冻奶茶$8。油条～ 一个套餐里面有半份，口感松脆，又有韧劲， 送粥食最正。迷你艇仔粥～ 粥底煲得很绵， 但材料不算多。迷你碎牛粥～ 其实碎牛粥和艇仔粥好似差不多， 材料有点相似。炒面～ 炒得够干身， 我喜欢加甜酱一起吃。虾米肠～ 口感软绵滑溜， 加点甜豉油， 味道唔错。炒米粉～ 炒米粉有点散， 囗感麻麻地。热咖啡、冻豆浆和冻奶茶～ 以前多数到海皇粥店都只会饮豆浆， 今次试下奶茶和咖啡， 两款味道都唔错㖞！虽然只是一个轻量套餐， 但是份量都几多， 食物质素比之前有水准， 价钱又便宜。
继续阅读
而家要喺 #香港 揾一间 #传统粥面店 真系唔容易，新鲜嘅 #油炸鬼，即蒸嘅 #肠粉... 实在令人怀念。呢日约咗朋友喺「东港城」行街，居然比我发现有间「海皇粥店」喺商场嘅角落🤤 虽然佢唔算得系一间 #老字号，不过出品都唔差嘅。既然大家都未食lunch，就由我揸主意。当时已经过咗午餐时间，我哋又可以用 #优惠价 开餐✌🏻 我叫咗碗 #艇仔粥 配 #炒面，仲加多几蚊叫咗杯 #冻豆浆😉 咁耐又冇帮衬，#海皇 个 #粥底 都做得几好，起码唔会水了了咁😆 因为 #小秘书 对 #花生敏感，所以我主动唔要🥜 不过其他配料一样丰富，#碎牛肉、#水鱿鱼... 啖啖都有料🤩 而我由细到大食 #炒面 都钟意加劲多 #甜酱 yummy😋 #港式食物 就系有呢种魔力，唔使比好多钱，都可以得到大满足❤️ 不过唯一美中不足系啲伙计之间嘅交流太大声，而座位用嚟相隔嘅板令到餐厅感觉好局促，不过疫情时间，我应该要体谅嘅😅
继续阅读