海狼 (非門市)

其实都一段时间喇！果次新年冇嘢做（拜年话怕感染.....）唯有行街揾食。都知喇！新年冇咩餐厅开。系附近间粥铺，难食得黎又要加3嘅茶餐厅同狗狗粉有开。（以上都唔想食）。行到嚟呢间，石板烧牛扒喔！又试吓啦。舖头好细吓。坐满14人就会好逼架喇。疫情下都唔好念住可以坐爆啦！一条友入到去都要坐bar台。点咗个石板唔记得咩牛（一定唔系西冷！冇钱）咦！OK喔！系啲牛OK！但唔洗100蚊有啲意外。因为质素系唔只100蚊！跟咗个乌冬.....又系有啲惊喜，比想像中好。（你知通常跟餐啲嘢都麻麻哋，系咁咦嘅！）系大碗咗啲，我又玩低碳饮食，食咗两啖唔敢食落去，念起有啲浪费....块石头真系够热，（唔似旺角女人街某石板烧，唔够热唔系得我一个觉得，咁大个仔第一次听到有食客要求加热石头）一个唔小心真系好易变10成熟，虽然份量唔算系好大，但真系觉得合理嘅性价比。可能纯碎个人观感，细餐厅感觉温暖啲。好记得果次埋墙角有个两人位坐咗个阿伯。唔记得佢食咩但佢应该系食完仲好滋油咁慢慢叹。我食到一半佢走，老板好体面咁话“唔坐多阵？”（当时间餐厅已经得吧台位...)应该系街坊嚟嘅！跟住几个入嚟买外卖，听落都系街坊！佢同人吹水时话“开！新年开！街坊都要食架！”其实我念街坊要食牛扒都好富贵吓喔！（当然佢有卖其他啦！但街坊系点牛扒咯！）有对中年夫妇唔系好知块石板点用啲肉先唔会太生或太熟，老板又真系咁有心机慢慢讲解。重点系，间餐厅得一个员工（就系老板！）所以虽然餐厅逼咗啲，啲凳又唔系坐得舒服，我都几推荐朋友情侣可以考虑吓呢间嘢！ 继续阅读

不留意下闻到烧肉的味道入去试试，小店细细，坐位不多，当天得老板一人。份量是够，肉汁够，价钱合理，欠缺少少是沙律转麻酱及汤减咸，值得去试！我会再试其他食物的。免收加一 继续阅读

小店位于厚福街一处不显眼的侧旁，内里空间座位亦不多，有种日式小店的感觉。午市套餐会包括前菜、味噌汤和饭。一夜干鸡扒 ($68)• 鸡扒以香煎的形态呈上，高温石块令鸡扒带来微微焦香，同时令热度保持更久一些。• 一夜干的烹调方式，令鸡扒的皮和肉都少了一份香嫩，却又变得紧致而有咬口。腌料的味道亦恰到好处，带来一点酱油的咸香，令鸡肉变得更加滋味。• 配菜和白饭份量适中，珍珠米上有点饭素；沙律是椰菜丝加上千岛酱。以这个价钱可以得到如此质素，性价比颇高。 继续阅读

星期六晚同朋友行尖沙咀，咁啱行过厚福街又见肚饿，就入左一间名为「海狼」嘅石烧牛肉店舖，之后就order 左，「牛板腱」食落肉🥩质爽口，而「上级牛小排」就有啲脂肪但食落牛味就好香口，两款味道真系值得推介比大家，加多$30转套餐，就可以有白饭🍚或薯蓉，转稻庭乌冬🍜只虽加多$8，仲有可乐或面鼓汤添，加$10可转啤酒，食到心身满足又饱饱🤗，埋单都吾洗🤭$400。讲返店内地方虽然系细啲，但光线，同装修都系坐得舒服，假如大家吾系食开石烧，服务员仲好细心讲解每款牛肉食法同得质添。真心一定会再光顾🤤 继续阅读

辛苦揾来志在食，弥漫著疫情的气氛吓，相信好多食市经营上都甚为艰辛。有见及此，近日需外出揾食都会首选自家经营的小店，希望尽一点绵力，支持吓佢哋撑住经营下去。位于尖沙咀区的一条横街内，门面低调但暗藏实力的小店 - 海狼，主食石烧牛扒 🥩✏️先讲服务都是由一个人service晒全场，下单/制作/上菜到埋单都系一个人包办晒，呢位全能嘅男职员，斯文又有礼，既一眼关七睇全场，又能细心take care客人嘅需要，主动提供协助，so 暖男呢... ✏️食物方面Order了午市限定套餐，呢个lunch set特别之处系由12:00 - 18:00, 我同朋友分别order set B.牛肋间隔膜(150g) - $88及set C.肩胛肉眼(150g) - $78。- 套餐包菜菜沙律 / 卸饭或薯蓉 / 汤或饮品🥩牛肋间隔膜牛肉味浓，肉质较为烟韧，配搭黑椒+蒜蓉片组合，适合重口味嘅您。🥩肩胛肉眼口感软谂，鲜味多汁油香四溢，喜爱加少少粉红岩盐，感受牛扒原始味道。🥗值得点名一赞- 菜菜沙律爽甜的菜菜子(没有一点草青味)捞上千岛沙律酱，呢个组合无得输，每次都会清空饭碗。📝个人感觉及意见：~ 店铺空间及坐位数量太少，目测只有约16坐位，所以想食就要趁早去啦。~ 富有热诚的小店，食物质数有水准，店员态度亲切，而且全能兼顾全店运作(因为得佢一个人😅)，值得支持，一定会一去再去帮衬支持。 继续阅读