影片
以上资料只供参考，请与餐厅确认详情
成日去街市买𩠌，都会路过呢间野，今晚终于有机会试下，今日晚市，唔算好多客人，坐得舒适自在，环境唔会太迫，又唔嘈。职员方面，主动加茶水。1）片皮鸭$168，会有职员在你台前片鸭，呢个价钱，片比你睇，算系咁啦。至于鸭方面，肉质唔错既，皮脂正常，一分钱一分货，配料款式就少左d。2）蒸鱼（1斤），因为太肚饿，无影到，鱼一上台，职员会主动，帮我地开鱼，淋上蒸鱼豉油，仲好温馨提示咁，衬热食呀。食物质数，鱼鳍栋L,蒸得岩岩好，下次会叫2斤试试。3）咕噜肉（$108），我地叫左个普通版，佢地整得好好食，有麦芽糖feel，菠萝又鲜甜。总括黎讲，酒楼服务好，坐位好，环境好，大家支持啦。我已经谂紧下次食乜lu.....
继续阅读
早茶系唔错既选择；同屋企人饮早茶🫖我会早餐连午餐一齐食依间既早市优惠真系几抵；盅仔饭好香且材料又多；芫荽牛肉肠真系皮薄馅料丰富；虾饺虽然一笼两件；但包住既虾肉满满；同埋似系即蒸👍🏻到最后不得不赞个香煎萝卜糕；屋企人竟然会话食落唔觉好油腻；仲好干身好香好好食；难得难得🙌🏻
继续阅读
长辈生日 全包宴就啱晒喺黄埔缤纷广场入边一楼 海湾渔港 加埋一 都系$3286 服务员仲热情招待！分别有鸿运乳猪全体 乳猪脆皮爽口！上汤焗澳洲龙虾，龙虾亦都啖啖肉！黄金海鲜卷⭐️⭐️⭐️⭐️滋补佛跳墙，佛跳墙味道浓郁入味！蒜蓉龙趸头腩，蒜蓉粉丝亦都好入味！蚝皇原只鲍鱼扣鹅掌⭐️⭐️⭐️当红脆皮烧鸡⭐️⭐️⭐️瑶柱鸡粒炒饭⭐️⭐️⭐️仲有莲蓉寿包酒楼最后仲送咗红豆沙老人家好开心，非常丰富嘅一餐！
继续阅读
真人真事自费实测，住咗喺红磡几十年，出街食饭无数，而家系半夜12:00，都忍唔住要出post讲一讲呢间酒楼。今晚同屋企人谂住开开心心食返一餐生日饭，留港消费。我叫左半席$1680餐，有乳猪半饭，鸡半只，龙虾…..真心呢间唔系平，亦唔系最贵。我地一行5人（两位老人家），半席对我地黎讲系有多既。咁叫佢上菜，10分钟已经上左3～4味送菜。见唔对路，已经叫佢暂缓一下好㖞。啲侍应好似听唔到咁，继续上，枱都已经放唔落喇。侍应叫我地同经理讲…我： 经理啊，坐低上菜20分钟都无，啲送上左8成，咁赶时间啊。我话上左3～4味时已经叫停佢地喇。何经理：一味烚熟狗头咁讲唔好意思，又话叫我体谅，叫我听佢解释，就话我哋唔系包厅。听完呢句我真系觉得香港饮食已死之后我听到佢同啲侍应讲，你同厨房讲唔掂叫我（何经理）同班厨师讲。之后竟然同我讲啲送冻啊，我同你拎返入去蒸啊….真系越嚟越火滚。明明说好啲要瑶柱蛋白炒饭，又上错左瑶柱鸡粒炒饭。上至经理下至厨师/侍应，服务态度极差。唔怪得知人要北上消费，$1680 食一个快餐。唔会有下次。完。
继续阅读
早茶惊见老鼠屎想呕🤮🤮🤮🤮🤮🤮碟点心黐住2粒老鼠屎我哋叫个男经理嚟经理劲唔耐烦咁仲要态度超差 好似做错事嘅系我哋佢仲话你哋叫嘅系孖宝你哋要取消哩碟咁另一碟就要畀正价 一系就换其他🤬🤬讲完佢番伟论唔够2秒就叫第二个侍应嚟处理后来有个醒目少少嘅女经理走埋嚟立即取消个孖宝餐系咁讲唔好意思话已向厨房投诉成件事超呕心
继续阅读