影片
呢间海港之前都嚟过，今日谂住嚟沙田行吓，顺便行吓禾𪨶旧区 所以嚟呢度不过下次可能未必因为呢度始终太多人咁饮茶 就算系茶王厅都好麻烦呢度上菜超级快而且好新鲜，热辣辣所以就算两点入座都好快3.0食完就可以走 成个过程食得好快🤣嘢食质素整体其实OK嘅 不过啲人就非常之忙，讲紧侍应 质素好参差，整体而言觉得呢度啲侍应比较内地风格，唔系服务好好𠮶种，而系好香下𠮶种格 有啲人又偷懒 睇唔顺眼油鸡米线，油鸡好味多肉 推荐米线大大碗弹牙唔会好碎佢韭黄线下长度正常发挥 金钱肚好多，软腍腍适中，厚度适中底下有三个芋头都几好味 今日肚饿竟然食晒🤣呢个蒜蓉蒸鲜鱿 都系招牌，不过睇返张相原来咁多油㗎🤣🤣阿妈好钟意食底下嘅粉丝，不过今次份量比较少食两啖冇晒潮州粉果皮薄馅靓大大粒好足料入面有齐花生虾米葱 好香最后惊老窦唔够饱嗌龙叉烧包俾佢，入面竟然好有惊喜成大粒叉烧 好靓仔整体而言食物质素好好，但系环境真系麻麻埋单$235 ，如果平日会平啲
继续阅读
一向都系海港酒家嘅常客，今日中午去完大围拜祖先，妈咪话肚饿咁我知道禾𪨶开咗新店就带佢下午茶。见下午茶推介有个金蒜斑腩蒸饭好似都几抵食，咁就叫啦！一嚟到见到好多金蒜，我嫌太多就铲走晒！斑腩都几新鲜又冇腥味，妈咪食咗几啖炒饭就话俾我听好油！起初我都唔信，后尾我再认真睇吓！哗！真系离晒谱㖞！以后都唔去呢间，新店都做得咁差⋯⋯真系唔知点样管理的！而家经济唔好又想能够保留客人，酒楼真系认真需要改善食品质素，唔好只系投诉客人北上消费，如果出品好的自有捧场客！
继续阅读
最近试过禾𪨶商场海港酒楼嘅灌汤饺，38蚊嘅价钱都算抵食，因为都算真材实料，材料有花胶、鲍鱼同灌汤饺，先讲鲍鱼唔算细只同几淋有咬口，花胶就少啲叫做有，至于汤底值得一赞，精味不重但非常清甜，咁嘅价钱算系物有所值，值得一试。
继续阅读
听说沙田禾𪨶商场开了一间叫港威酒家，比较出名海鲜，今日食6人团年饭即管试一试，入到去格局同传统酒家嘅格局大同小异，中间枱冇人，但反而安排喺个走廊位，有少少奇怪。亦都可能平日，今晚其他食晚饭的人数不算太多，又或者新开无人知吧。有考虑叫套餐，但最后都决定散叫，今晚叫咗鲍鱼，清蒸鱼，咕噜肉，炒芥兰，蟹黄伊面，炸子鸡等等……非常之丰富。特别想讲吓个鲍鱼，同传统嘅整法有些不同。唔系用鲍汁去炆，反而去炸咗个鲍鱼再加啲干葱在鲍鱼上面，食落去，唔会觉得太油腻，仍然保持鲍鱼嘅弹性，同口感。食完一只会再想食第二只。其次炸子鸡，炸得非常之恰到好处。我仲记得上一次去冬菇亭食嘅时候，𠮶只炸子鸡完全系炸干晒。之后退返入去。真系会有大排档或者酒楼系唔识整炸子鸡。咕噜肉和清蒸鱼及伊面不过不失。唯独是我觉得有啲失色嘅就系碟蒜蓉炒芥兰，一碟看似咁容易整嘅菜式，就系要睇师傅嘅功力，切工系有嘅，但系食落嘅味道好明显就冇喺最后嘅时候加水焗一焗佢。所以就好似普通炒芥兰一样口感一般，但值得支持嘅，我应该会再食呢间酒家。
继续阅读
您可能会有兴趣的...