影片
一行12人有大有细去咗鲤鱼门行吓，晚上去咗海景海鲜餐厅吃晚饭。我哋叫咗一条西星斑条班蒸得啱啱好好滑。濑尿虾两食，两只攞嚟做咗椒盐两个做咗清蒸清蒸极鲜味。食得出海鲜系非常新鲜。清蒸鲍鱼时间较得啱啱好，唔会整到啲肉好韧。我哋一人嗌咗六只波士顿龙虾开边米粉底，米粉炸到好脆加埋啲汁非常之好食，食到停唔到口。估唔到咕噜肉都好出色，粒粒炸到脆口均匀小朋友食得好开心。椒盐鱿鱼好惹味中间有辣粉𠮶啲小朋友食唔到因为有少少因为有啲辣不过大人嚟讲就啱啱好啦。豉油王虾碌虾好好爽口。估唔到佢个炒饭都非常之大碟，完全食唔晒要打包。一定要试吓佢个炸馒头加埋啲炼奶小朋友食到津津有味。今晚啲菜式样样都好啱食味道适中唔会太咸，亦都唔会太浓味，食完唔会口干即系冇味精。下次一定会再嚟食good good。
继续阅读
每逢假期前夕，最钟意就系叫齐朋友落去鲤鱼门到大食一场，我地拣左海景海鲜酒家，而今次我地都比较多人，叫左好多野食。首先黎讲象拔蚌刺生，一啖落去，够晒鲜味又鲜甜，好难得食到咁新鲜既象拔蚌。鼓椒炒圣子，圣子够新鲜，用鼓椒黎炒，够晒惹味。烧汁焗蚝，呢个真系好食到不得了，一咬落去，d蚝既鲜甜出晒黎，再加上用锡纸包住拎去焗，果个味道到宜家都忘不了。清蒸鲍鱼，新鲜，清蒸可以好好咁食到鲍鱼既鲜，同埋蒸完再落蒸鱼鼓油，个味道岩岩好。西芹炒头腩，炒得几干身，都唔错咕噜肉，炸得几好食上汤菜心盐焗奄仔蟹，蟹够大只，虽然话系盐焗，但识食既都知道好食既盐焗系调到蟹既鲜甜味出黎，岩岩好
继续阅读
父亲节陪父亲食父亲喜欢的海上鲜去鲤鱼门食海鲜, 又要价钱亲民,又要回味无穷问10个第11个都答我梗系食海景第一次入去,果然系海鲜集中地, 林林种种, 包罗万有,好似入左海鲜长廊咁海景位置比较入,睇地图系唔会揾到路,一条路行到球场隔离就系海鲜可以自备亦可以到对面佢介绍既地方买呢度感觉唔似其他沿路既海鲜档, 我唔觉得自己似猎物,可能我入世未深连档口只可爱狗狗都宁舍亲民入到黎仲可以买下香口野做手信,例如合桃果D, 新鲜整好好食,价钱自己衡量5个人食, 除左自备3斤长脚蟹, 扇贝, 鲍鱼, 濑尿虾,现场买埋琵琶虾,仲有for刺身既象拔蚌、牡丹虾book早d谂住睇埋日落,可惜多云,不过最后见到曙光要睇海景记得book时讲定,因为1楼都有分有景无景,唔系1楼就一定睇到海景入到去员工都好亲切热情招待先安排海鲜煮法, 加工费位位120 (唔知父亲节有冇调整)坐低先饮杯茶食下开胃小吃, 子姜皮蛋我唔食,家人话普通无特别虽然节日爆棚,但好快就有得食,上菜适中唔会觉得要饿住等, 要开声问下道菜几时上~哇哇哇哇哇!刺身迷必食!黎到唔食既唔好话自己系日本达人象拔蚌刺身爽口鲜甜, 个胆唔怕胆固醇高既可以椒盐食埋,好邪恶好香口的第一次食活牡丹虾刺身, 真系超正超弹牙, 鲜甜美味,回味无穷,绝对值回票价爆肉清蒸长脚蟹连员工都赞只蟹拣得靓, 话D肉实的的, 问系边度买上汤伊面琵琶虾肉质、味道其实唔会输比龙虾, 唔驶下下食龙虾椒盐濑尿虾MIX牡丹虾头劲多配料,美味可口,又唔会过火太干,送酒一流椒盐鲍鱼粉唔会太多,配料就多到唔驶钱咁惹味又够腍粉丝蒜蓉蒸扇贝啖啖肉, 鲜甜嫩滑海鲜既拿捏时间真系好重要,多一分钟少一分钟都争好远自己系屋企点煮都煮唔到出呢个味道 而海景既厨师真系要赞,每碟海鲜既烹调时间都系岩岩好完全展现到海鲜最鲜既一刻, 比10个叻s你s最后有生果同桂花糕食~唔记得影价钱: 均真, 物有所值, 连自备海鲜5个人成餐用左约4600食物: 现场买既海鲜虽然唔多, 但刺身级数鲜味无穷; 赞完要再赞厨师既厨艺环境: 传统酒家网修, 舒适亲民, 空间阔落, 松动唔逼, 虽然唔系落地大玻璃最前排但都睇到海景服务: 不论对顾客亦见到员工之间既互动充满亲切感, 令人食得舒服自在总结: i will be BACK
继续阅读
跟团坐船入鲤鱼门食团体餐，由码头要快步15分钟至到海景酒家都几远。上菜几快，由于疫情4人一枱，所以份量好足，虽然团体餐，海鲜嘅海虾和黄立苍几有鲜味，咕噜肉有镬气，豆腐，彷翅和菜okay, 个菜胆鸡冇乜肉，个豆腐皮旦鱼汤几咸，整体算系唔错，员工态度友善。
继续阅读
五月有人生日又母亲节，一于出去高兴下☺️一早订左枱，有娜姐安排好晒𩠌菜同位置我地今晚叫左个set，六个海鲜一个菜一个饭同水果同甜品开头惊唔够饱，但食完海鲜连饭都食唔落😂啲𩠌菜好好食，好够镬气特别想提因为娜姐话扇贝唔当造，帮我地转左做砵酒煮蚝未食过，食完觉得好好食😍😍😍只蚝表面有炸过，脆卜卜但入面又未完全熟晒，仲涨卜卜🤭好正好正💕今餐好好食，老人家都好满意特别想提下，呢间酒楼啲侍应好好好好好好好同行有坐轮椅长者，侍应叔叔劲好服务态度主动提供剪刀可以剪野食，见我地上唔到去坐海景位就安排我地坐下面*有机会都想试下坐上面睇住海景食未试过去鲤鱼门食海鲜都好惊比人㓥睇左好多youtuber都介绍系买海鲜带去比酒楼加工，但又惊比人偷龙转凤今次呢个体验真系唔错以为计人头费，啲海鲜质素会好参差但又无㖞，每个𩠌菜都新鲜好食而且份量够晒足😗多谢娜姐安排💕应该好快又再黎过😆
继续阅读