影片
以上资料只供参考，请与餐厅确认详情
招牌菜
我间唔中都会去呢间餐厅食lunch ＇点知今日嚟食烧味饭。叫咗碟油鸡烧肉饭＇一杯冻柠茶。点知我叫漏咗个饭字，但系佢好唔好语气咁同我讲话你饭定面。唯有下次唔嚟食啦，等着我条气。俾钱𠮶阵仲要黑口黑面对住我。唔怪之得而家冇人帮衬啦，原来是这样都唔知𠮶个系咪老细嚟㗎？我好快就食完啦，费事受人气我都系做饮食业嘅我都未见过人哋咁嘅服务态度
继续阅读
星期日下午去咗呢间茶记 点知奶嘢 餐牌冇乜选择 就谂住叫瑞士汁干炒牛河 以为冇乜伏点知都中伏 非常不幸碟瑞士汁炒牛河 得两嚿细牛肉片 !全部都系粉 又冇瑞士汁 星期日仲要加一 离晒谱 都唔知点解呢间嘢仲喺度！
继续阅读
新年假期已经放完，又要回复正常返工，但一早已经约左去好朋友家拜年，所以放工就立即去朋友家，去到朋友家楼下，朋友建议食完饭先上佢家拜年。去左间街坊餐厅，晚饭时间可能仲早，仍有好多座位，侍应姐姐见我地四个人，就提议我地食个四人餐，四人餐有四个小菜，每人有碗白饭，再加埋例汤，小菜就分别要左西兰花班块、金菇肥牛煲、啫啫鸡煲，同埋蒜蓉炒豆苖，小菜全部都煮得有镬气，味道唔算浓，尤其个炒豆苖，蒜蓉味啱啱好，加埋豆苖又嫩，配埋白饭一齐食，特别好味，简简单单又食得饱，街坊餐厅确系有吸引之处。食完走既时候，餐厅都不经不觉坐满，真系好多街坊支持
继续阅读
系奥海城想食餐晏真系唔容易，撞正放饭时间边到都冇晒位。我地由奥海城一直揾，最后泥到海富商场先有小小位可以食野。由于太肚饿既关系叫左个特餐，贪佢有牛油多士同埋奄列，面就要左个雪菜肉丝红薯粉。牛油多士我就觉得几好，烘到微脆既口感，几香口。火腿奄就争小小啦，火腿既量只有中心位置既小小，奄列油份都多左d。最后个红薯粉唔同平日米线店常见个种，睇落有小小似濑粉，吸唔到汤既味道亦都唔够弹牙。最后野饮叫左冻柠茶，份量唔多，只系用普通放茶既杯，味道都系偏甜。成个餐$46，都过得去既！
继续阅读
叫左下午茶餐，鸡扒公仔面+火腿奄列，跟牛油面包。 我唔食牛油面包，叫阿姐收返，阿姐一招五爪金龙，使出10 成功力，一手就将牛油面包收回，劲。再黎鸡扒面，整佢个制， 鸡扒仲有重雪味，汤又过咸，好似食紧瑞士餐咁，好难食。好好地一块鸡扒，比佢搞到唔似人唔似鬼咁。火腿奄列就正正常常，火腿同蛋嘅比例适中，本身无乜味，自己加盐。冻宁茶少甜少冰，都系standard 野。从一开始果招五爪金龙，已经无好感，再加上鸡扒嘅失败，成件事系。。。无下次。
继续阅读