海天花園酒家 (已結業)

海天花園酒家 在 OpenRice 裡不見其店面的外觀，但其實是一間不錯食店。 海天 我先前已去過飲茶，而今次就是晚飯。一行四人去慶祝食生日飯，點了「蒜蓉脆雞」、「菠蘿咕嚕肉」、「蟹粉炒波菜」及「欖菜蒸魚頭」，由於生日飯去到就想到要加個壽包來提老人家慶祝，誰不知侍應說買哂。「蒜蓉脆雞」 - 皮脆蒜香，當天食的雞不太肥但有少許油，正 ~「菠蘿咕嚕肉」- 係出面好少食到咁正既或抵食既咕嚕肉，因為佢粉漿少，送飯一流可惜油多了點點「蟹粉炒波菜」- 哈...由於我不是蟹粉痴，所以無意見「欖菜蒸魚頭」 - 超溫馨的 ~~ 一般出面都是用菜放底而上面就是放魚，而這間用的是豆腐太溫馨了，豆腐又可以送飯，正正正 ~ 「白飯」- 白飯點解都要講，大家看看她們是用什麼............... 容許我說誇一點，食半個鐘都係熱架 ~~~…查看更多

上星期六同屋企人去左元朗飲茶,家姐話去呢間酒樓試下,冇咁悶,酒樓係係樓上的,不過位置不是很方便,下車還要走很多路才到達啊,有少少人在等位,開左間房俾我地,但間房唔夠冷氣,好熱啊....我地點左一些點心,有山竹牛肉,蛋撻仔,馬拉糕,叉燒飽,咖喱魷魚,煎堆仔,煎糯米雞,仲有地拖叉燒飯添呀. 嘢食都嚟得算快,叉燒飯個樣好掂喎,試下先,真的好好味喎,肥廋適中,甜甜地,好淋身,個汁好好味,好香麥芽糖味道. 正呀!! 蛋撻仔有四隻,都好好味,個蛋入面軟淋淋的,都好滑,好香. 咖喱魷魚好香好味又爽口,唔會好辣,牛肉都好大粒,爽口唔粉身,煎堆仔冇食到,家姐話入面係空心的,佢話好香口好味,煎糯米雞個樣都好特別,上面有隻煎雞蛋的,其實都唔應該叫糯米雞,叫珍珠雞差唔多,因為好細隻,都幾香幾好味,整體食物質素好GOOD,除左馬拉糕較硬身外.…查看更多

海天酒家, 晚市一樣都係無乜人的我星期一去幫襯, 全晚都係半滿, 所以唔會嘈, 岩晒朋友聚會傾計點了一個4人餐, hkd788, 全包翅, 湯底還好, 但翅的份量唔多, 不過為了環保, 魚翅都係少食為炒蒸鮑魚仔, 鮑魚好新鮮, 點少少豉油已經夠味芝士大蝦烔伊麵, 超多芝士, 好味但又好漏, 每人分到一碗多d蒸魚, 斑仔約12兩, 4個人分岩岩好炒聖子, 豉椒入味, 好有大排檔的火喉蝦干浸菜, 正常野糖水係紅豆沙, 唔太甜, 唯一要扣分係d百合有點酸招呼, 超快手, 加水上菜都係, 快到以為去左快餐店環境 : 夠光猛, 又唔嘈價錢, hkd788全包, 雖然唔係d乜野名貴菜式, 但每樣出品都唔錯的 …查看更多

海天前身係乜酒樓, 我唔知, 我都係酒天進駐後先第一次幫襯星期六中午來到, 唔算多人, 等了唔夠5分鐘就可以入席了環境 : 裝修好靚, 台與台之間的距離亦夠, 唔會覺得好迫, 服務 : 所有酒樓一樣, 唔夠人手, 落單加水都要等食物 : 唔錯, 鮑汁雞腳, 一大煲, 好味, 雞腳唔會煮到爛晒, 腸粉 : 夠滑, 豉油唔會過咸菜干粥 : 估唔到甘大碗牛肉 : ok海螫青瓜 : 呢個普通野 ,如果換成海螫頭, 相信會有咬口好多還有一款點心忘記了佢既收費唔便宜, 兩個人6個點心, 連茶芥就150蚊了, 但唔使同人迫 ,環境又好, 出品都唔差計, 俾多少少都值得的…查看更多

本來呢個集團的食店.我全部列入黑名單.加上試過三聖邨52元一個壽包的經歷..直情想起呢個集團都嬲...有一日.見到元朗開左分店.加上當日係公眾假期...俾多一次機會...呢個集團的食店...到門口時服務員好笑容.上到去由帶位.冲茶,落單.上菜...效率都好好,環境都優美加上寧靜我點的食物如下:鮑汁雞腳32元,先計份量頗多,鮑汁的份量剛剛好,又不會太鹹...而雞腳係新鮮的..食落鮮味十足..很多膠質.點解我說鮑汁的份量剛剛好?因為吃完全無口渴感覺...菜乾豬骨粥26元...價錢不知有否記錯...粥底好綿...而大量豬骨煲成的...好足料石頭魚雲呑湯22元,有雲呑二粒,竹生少許....個魚湯全無腥味.雖說味道不太濃...但入口甘甜...過一分鍾才感到魚味.功夫之作... 壽包10元,不是52元......無得評.只說上枱熱到辣手.埋單..127元....價值都接受到.每個食物都大大件.飽足2餐....我的感受,如果選食店來比喻人生...不要別人錯一次就判人死刑.判左死刑就抹殺左一個人改過的機會...話雖如此,機會是可遇不可求.什麼都係有底線.但願大家能把握同珍惜人生每個好機會....…查看更多

知道屯門三聖果間海天花園酒家係元朗開左分店,襯得閒就同屋企人入黎試下,睇下有冇屯門果間咁高水準,點知果然無令我失望,裝修好靚,食物亦好有水準,不枉我山長水遠由九龍走入黎食飯。同三聖果間一樣,呢間都係自攜海鮮然後收加工費不過佢入面有都得賣海鮮,驟眼睇都OK新鮮,不過我地訂左一圍酒席食,所以唔關我地事..哈哈圍酒席三千蚊多D,以佢食物既質量黎講都算OK抵食頭盤係6碟小食,有火焰牛柳粒,蒜蓉豆,炒雜菌,叉燒,豆腐同海蜇,話就話小食,但都份量都幾多推介火焰牛柳粒,整到o岩o岩熟,一d都唔韌,超正跟住就有白灼蝦:冇乜特別,但d蝦ok新鮮再黎就係海斑炒兩味:呢個極力推介,兩大碟超抵食,魚肉好爽口,深色果碟應該係炸過但食落去唔肥膩不特止d茨仲好入味之後有果皮蒸鮑魚:果皮味重左少少跟住黎左個翅:本人麻麻地creamy既翅(因為佢真係極度creamy),但我爸爸就食到lamlam月利再黎一個上湯唔知咩菜(對菜類一竅不通==):唔錯,d上湯直頭可以當湯飲跟住黎個酥炸蠔:隻蠔成隻手掌心咁大,基本上唔洗醮醋已經夠味,不過好熱氣,但最後我都係抵擋唔住食左3隻脆皮雞:對雞冇興趣,冇食到不能評論,,,炒飯:唔太咸,不過蝦好大粒最後甜品有桂花糕,黑芝麻糯米糍同紅豆沙桂花糕擺左無幾耐就溶溶地..要快d食黑芝麻糯米糍:新鮮出爐..暖暖地..yummy環境:呢間酒樓新裝修好靚,d水晶燈超大盞好正, 坐得好舒服,d檯擺得好開,唔會好似d連鎖式酒樓咁樣擺到檯貼檯服務:都可以,當日去比較少人,侍應幫我地加茶既次數好頻密,而且一遞手即刻有人serve你。整體黎講唔錯,會再去…查看更多