海天亞洲漁港 (已結業)

8:30pm特價時段，人唔太多，可能星期一關係。湯底等價1元，有3個選擇，花期參雞、咸菜豬肚、香茜皮蛋。我地選擇左香茜皮蛋。皮蛋不太多，應該都差唔多有一隻，有少少馬蹄，以1元價錢算係咁。配料有$12,$18 和$38，一般熱門配料都是$18，好以丸、鱔片咁，至於12元就多數都係平價野，好以菜、豆腐、烏冬咁。我地就叫左個菜籃38元，有金菇，豆腐、小堂菜等。份量絕對唔多，其實都幾唔低，墨魚丸手打都ok，其他配料都ok新鮮。另外三文魚特價8元都幾新鮮，我地5個人都叫左4碟。醬料茶价每位15元，都幾多選擇。整體上今餐都ok，但最好8:30後先入座，因特價會平少少！

三個人去打邊爐,叫個醉雞湯底,$68,都有成半隻雞,d雞亦幾大件,菜都要$18碟,仲要得幾條,魚皮餃唔好食,d饀溶溶爛爛成陣味,墨魚丸應該係手打,唔錯,脆肉鯇好大塊亦係好好食,其他不過不失,佢d醬料亦係好特別配搭又多,埋單$360,算幾貴,又唔係話特別好食,八點半後平好多,野飲都半價

5/10 9:15pm比老闆足住開會開到7 點幾,之後同朋友傾野傾到8點幾,鮮有地過左9點先食晚飯,男友話好耐無打邊爐,之前去過銅鑼灣果間飲茶,今次黎旺角呢間打邊爐.環境比一般酒樓舒適,乾淨,寧靜,好坐!8:30後已經系宵夜時段,$1湯底,料$12,$18,$38(海鮮類),每位$15茶芥醬料,醬料系擺系度任攞,10多款醬,而且相當企理!我地叫左豆腐$12,肥牛$18,豬面青$18,油麥菜$12,蟹皇丸$18,三文魚刺身$8.除左肥牛無食(因自己不好牛),其他料都頗新鮮!最後仲送埋果盤,埋單$149.服務+食物+環境+價錢=推介!

前排同屋企人行開附近，見寫住潮粵菜，就上去食下，不試尤自可，一試把幾火。小弟爸爸係潮州人，所以自小都食開潮州菜。呢間酒樓其實裝修等都無乜問題，亦新淨乾淨，而粵菜亦無問題，不過就真係完全唔識潮州菜。叫"籃"菜肉碎，竟然係羊肉做，叫佢試，佢夠膽同我講嗰啲係"籃"菜味，真係當我未食過~~叫個川椒雞，佢竟然俾碟菜遠雞片，仲要同我地爭辯話川淑雞係咁樣, (識食潮州菜都知呢味"川椒"係將辣椒葉炸脆, 而雞片有"獻"汁), 仲問我地食過潮州菜未~~~我同屋企人激到鬧翻轉頭, 我四個人加埋食潮州菜年資超過一百年, 佢竟然............ 唉, 辱了潮州菜呢~~~ 唔識做就唔好自稱潮粵菜啦~~

　昨日，小弟約埋兩個好耐冇見之朋友到此飲茶，可能時間尚早（十時許），重有大把空位，好容易就搵到個位。我一行叫五個特價點心：雞絲蒸粉卷、叉燒腸粉、皮蛋瘦肉粥、潮州粉果同煎蘿蔔糕。呢間酒樓，早上十一點前埋單，係特價，所以我食咁多，連埋茶錢加一貼士，五十蚊咋。就算AA制，一人都係出十七蚊！好話唔好聽，茶餐廳食早餐，甚至乎去「點ｘ皇」，都冇咁平。而且樓面同傳菜阿姐，招呼幾好，空間亦充裕，唔似得隔離之倫敦咁擠迫。

晚飯時段十分寧靜的,食物也很清淡的,尤其蔬菜等等油分算適中.

前言：選無可選的情況下，來到這兒飲茶食點心。食品：六個人點了十款點心、兩款腸粉、兩碗粥、一碟菜。合共$320 。點了叉燒包、糯米卷、珍珠雞、綿花雞、燒賣皇、白菜餃、素菜餃、蒸粉果、牛肉球、咸水角、叉燒腸、蝦腸、皮蛋瘦肉粥、柴魚花生粥、菜心。一般茶樓水準，沒有一款特別好或特別糟，似乎都係一件「好事」。註： 1. 環境擠迫吵鬧，侍應應接不暇，要沖水就要大聲兼「截住」那些侍應！ 2. 午茶時段，十二點半前巳滿，訂位亦要等。情形跟「喜萬x」不相佰仲！

來旺角區探朋友班，佢地提議來這裡，咁我係接受款待果個，當然無咩所謂。呢度好耐以前係倫敦酒樓，轉左好多次手而家係海天漁港。朋友話開左半年唔夠，裝修新淨，好光猛，那排弧形的大魚缸又係幾壯觀的。今晚星期一，都有七成客滿，廳房內都坐了客人，似乎生意唔錯。星期一至五都有特價晚市菜色，今晚是38蚊片皮鴨及糯米蒸蟹。我們三個人，由朋友發辦，要了片皮鴨、冬瓜盅、葡汁焗琵琶豆腐、醬燒骨及蝦醬通菜。片皮鴨最快到，真係由女侍應原隻拿出來在客人面前片皮，無花無假。鴨皮熱辣辣脆卜卜，但無咩味道，亦不夠鬆化多油，包鴨皮的芝麻餅皮亦太薄又無味道。但回想起來只38蚊貨仔，似乎又不能苛求，算係咁啦；冬瓜盅當然是冬瓜有冬瓜煲，湯有湯煮，最後才二合為一的扮野冬瓜盅，不過現在坊間是真冬瓜盅難求，這個算是幾足料而份量亦夠，88蚊已是最貴的菜色；葡汁焗琵琶豆腐真的是焗的，不過葡汁太過螢光黃色，有點嚇人。葡汁內加了芝士，味道幾香，不過主角的琵琶豆腐就普通了一點；醬燒骨是甜酸醬燒肉骨頭，不知怎的現在好興這個要用刀叉分吃的菜色，喜歡咕嚕肉及生炒骨的朋友應該都會對這個有好感；蝦醬通菜盛在砂煲內，味道不錯，又不油，但份量太少。菜這些十蚊兩

見雜誌廣告話新開張sell新派粵菜, 星期六特登去試下, 12點去到, 門口冇人帶位, 自己行入去, 唔算好full,見個帶位小姐, 咪搵佢帶囉, 本來要吸煙區, 佢指一指條柱後面, 係張又迫又窄兼行唔到入去的檯, 咪話咁轉非吸煙區, 佢即時唔likely咁又指一指右面話唔食煙要坐個邊, 我地咪行過去, 點知轉頭見佢同個熟客係度係咁傾, 叫都扮聽唔到, 本來谷鬼氣想走, 後來有個樓面搵位俾我咪算數啦. 點心質量ok, 一般傳統款冇特式, 11點至2點冇特價, 6個小點1個中點, 埋單120元.唔算平, 其他侍應招呼雖然幾好, 傳菜就亂d, 但係帶位勁倒米, 其他員工點努力都冇用, 期間都見有其他客投訴, 兩個帶位自顧自傾計,話個檯號你知自己搵啦! 旺角咁多酒樓, 咁樣睇黎都幾難做得住.