影片
营业时间
今日营业
12:00 - 20:30
星期一至日
12:00 - 20:30
以上资料只供参考，请与餐厅确认详情
食家推介
Lunch第一次试佢，间舖头几简单，入去其实得三四样嘢拣，当然就拣咗佢嘅招牌海南鸡啦，下次先再试吓佢𠮶个猪手。佢有红酒牛尾、四川口水鸡、海南鸡、同埋红烧猪蹄。不过我觉得四川口水鸡应该都系海南鸡加辣椒，所以都系食返正宗嘢。个餐系一碗油饭包鸡有少少沙律菜同埋一碗汤，碗汤值得一赞㖞，系瑶柱冬瓜煲鸡，清清地，都有一粒瑶柱同埋两旧冬瓜俾我食。鸡，好嫩滑，鸡髀再配鸡胸，不知不觉食晒，三个酱汁就系甜豉油辣椒同埋姜蓉，我觉得辣𠮶个汁可以俾多啲。整体嚟讲都唔错嘅，下次可以试吓其他。
继续阅读
今日去龙脊行山，就经过呢一间餐厅！喺红色小巴站附近！见到下午茶$45就有一个去骨海南鸡饭！本身见到舖头入面一个人都冇，以为系唔系唔好食？但原来仲差几分钟先到下午茶时间，入咗去之后一到下午茶时间人流就渐渐声，坐到成间舖头都满晒！入面仲有好多好可爱嘅小鸡公仔作为装饰添！午市套餐店员声称肉量会比较多，所以价钱亦比较贵$59先有一个海南鸡饭！如果系下午茶餐就$45就有啦！呢度嘅海南鸡真系整得几滑！有饭有几香整体都好满意！但如果如果发$59去食，我就觉得有少少贵啦！唯有等2:30下午茶时间先嚟食啦！
继续阅读
🌻无骨海南鸡饭🐱其实我本身唔系超级钟意食海南鸡饭，因为我次次都因为怕肥而将个好味嘅油饭转成白饭，感觉好差，不过同事们大家都话呢间海南鸡饭好好味而且真心系滑滑鸡，即管唔怕肥试试佢啦! 哗，原来真系好滑，D鸡肉就算系鸡胸竟然都系一D都唔柴，最令人惊喜系酱汁，三种酱汁包括姜蓉、泰式辣汁同埋黑酱油都真系好正，三种都比同行其他地方做得好味道!可惜我都系将油饭转左白饭，唔争气，不过同事们一样系大赞个油饭架~📍 海南筲箕湾宝文街8号地舖⚡️为食猫：😻😻😻😻⚡️气氛猫：😹😹😹⚡️翻食猫：😸😸😸😸
继续阅读
之前见到呢间店开张，已经想嚟试下，因本人甚喜吃海南鸡饭终于有机会试到啦星期日中午唔想等位，就过嚟食个简单午餐，入内见店舖唔算大，客人亦不多，但几乎都系清一色食海南鸡饭，呢度有个特色，就系俾咗钱先，然后至拣嘢食。上次食过午餐，鸡同饭都足够份量，鸡肉几嫩滑，油饭唔算太油，里面有啲炸过嘅蒜头，估唔到小店舖出品嘅海南鸡可以咁好食今日第二次嚟食下午茶，同样叫海南鸡饭，又系先俾钱，后点餐。海南鸡饭好快送上，下午茶鸡肉无上次咁多，但个人觉得份量刚刚好，饭亦足够，下午茶更抵食，食饱饱，心满意足离开。整体呢间店嘅海南鸡饭，鸡肉嫩滑同足料，饭亦唔错，店员礼貌周周，此店舖值得推荐
继续阅读
{去骨海南鸡饭 - $57}而家食个午餐闲闲地都要50蚊，呢间比外面贵少少，菇九寒嘅麻甩成日唔舍得食！打工佬悭得几蚊得几蚊啦，但讲真，呢个海南鸡实在系有佢嘅功架！啲鸡真系滑到跣亲系列，而三个酱料都真系出色，平时海南鸡店嘅黑酱油好多时都有阵苦味，但呢个咸中带少少甜又有香味！等我下次出粮再黎😂美味程度：😋😋😋😋环境指数：🎇🎇🎇番食机会：🦍🦍🦍🦍📍#海南 (筲箕湾)筲箕湾宝文街8号地舖
继续阅读