影片
以上资料只供参考，请与餐厅确认详情
在街市入边有间小店经营，厨师很后生，感受到很用心，店舖重新装修空间，非常阔落，令人好好享受。食品真材实料，即叫即做做，份量大，味道非常好，南瓜汤够浓郁，短时间已经第四次帮衬午餐和晚餐，希望继续，支持。
继续阅读
熟食中心入面见到呢间舖头个装修几靓，同埋好似几好坐就入咗嚟。个意粉汁几浓味我自己几钟意，鸡肉都几滑。$78响呢个场唔算平，但系响观塘嚟讲就差唔多，而且佢都包个南瓜汤。不过如果系包热饮我觉得会更好。下次都会再嚟试自己嘢嘅。
继续阅读
今日行过熟食中心，望到哩间小店装修都唔错，企企理理，menu都唔错，就入咗去食，点知中晒大伏！首先，我哋两个人一入去坐低好快已经叫咗主食set（主食+南瓜汤）我哋点完餐，坐咗半个钟，冇错系半个钟，餐具又冇比，餐汤都冇。已经叫咗侍应嚟同佢讲要餐汤，讲完佢又系企系收银机度唔知做乜，冇郁过。好啦，等咗35-40分钟，个意粉同餐汤终于到（冬荫公忌廉虎虾意粉）。但系叫佢比餐具就净系比叉我，匙羹又要另外再叫佢拎比我。叫一次比一样。其实如果系咁，你啲餐具可以放系枱度，自己自助拎……我差唔多食到完，我朋友份牛排仲未到。佢已经等到好唔耐烦，因为佢除咗餐汤之外系乜都冇。个厨师系厨房到问我哋，啲嘢食系咪未有？其实你都望到佢系乜到冇，个场咁细，得大约5-6张枱，一眼睇晒。但都可以漏单…？平心而论，我觉得我个意粉味道系唔错，冬荫公同忌廉系夹嘅，唔会话好辣，意粉嘅质地可以再好啲弹牙啲。但唔知点解个南瓜忌廉汤会有咖喱味，有少少奇怪。只可以讲今次对我嚟讲系唔好嘅经验，lunch嚟讲，价钱唔算平。我觉得同价格完全不成正比，希望可以改善吓。
继续阅读
第二次去呢个熟食中心，今次选择试吓呢间叫做浮然嘅小店.小店只有两人,一人负责厨房一人负责楼面.咁啱𠮶日系楼面员工头几日返工，所以唔太熟悉.但佢都肯入去问清楚厨师先帮我哋落单.食物方面嗌咗一个主菜同埋两个小食.其实每样小食系有两旧,但来嘅时候唔记得咗影相… 南瓜汤就系跟餐送嘅.南瓜汤10分足料,饮落其实似南瓜蓉多过南瓜汤 😅意粉不过不失,反而小食惊喜.个鸡软骨饺子好特别，有啲鸡软骨系入面咬落好爽脆.有机会可以支持吓小店.
继续阅读
最近光顾了观塘区一家新开的西式小店，点了一客$78的红虾意粉。意粉的质地煮得很好，口感令人满意，可惜酱汁的味道就比较普通，欠缺惊喜。更令人失望的是，份量偏少，只有三只红虾，实在不够满足。单就意粉来说，性价比不高。另外，餐厅的饮品需要另外加钱点选，加$14可以享用一杯热朱古力。热朱古力的味道不错，但甜度偏高，略嫌腻口。相对之下，餐前南瓜汤则表现出色，香浓的香茅味令人印象深刻，汤底幼滑creamy，是整顿饭中最令人满意的部分。总括而言，这顿饭花费$92（包括热朱古力），价格偏高。以这个价位来说，食物的份量和整体的惊喜度都未能令人感到满意。三只红虾的红虾意粉，虽然意粉质地不错，但酱汁普通，份量不足。虽然南瓜汤很美味，但不足以弥补主菜的不足。如果以相同的价钱，我会选择其他餐厅，寻找性价比更高的选择。 观塘区的食肆选择众多，竞争激烈，这家新店需要在食物质素、份量和价格方面作出调整，才能在市场上站稳脚跟。 或许在酱汁的调配上多下功夫，或增加红虾的数量，都能提升顾客的用餐体验。
继续阅读
您可能会有兴趣的...