浦東晉家門

营业中

休息中

🍽👀喺《浦東晉家門》，今次嘅美食體驗真係有驚喜！佢哋啲餐香口得嚟賣相又靚，食落去簡直令人心花怒放！首先黎語開胃菜，枝竹千層酥，脆口嘅外層包裹住醃製得宜嘅枝竹，香口彈牙！😋再來講吓個西冷牛扒，外層火喉得啱啱好，略帶焦香；內裏就紅茸茸嘅，咬落去肉汁四溢，啖啖都係腍滑得來唔會過份肥膩。🥩當然唔少得試吓佢哋嘅經典意粉，番茄牛肉粒意粉真係好食得嚟又唔會太油膩，番茄醬酸酸甜甜嘅，牛肉粒又飽滿得嚟唔會太乾，口感豐富得滯。最後，甜品我揀咗個窩夫配香蕉同雲呢拿雪糕，呢個配搭真係百試不厭，窩夫外脆內軟，香蕉略帶微酸，同香草雪糕噴噴嘅香味混埋一齊食，真係一流！🍌老闆個人服務賓至如歸，使到呢次嚐試食飯之旅充滿暖意同滿足感。總括來講，呢度可以食到一頓又平民又精緻嘅西餐，絕對值得再去幾次！

星期六夜晚同屋企人去呢度食飯，眼見旁邊的餐廳排晒隊，但呢間店可能因為門面唔多吸引，老細又佛系的關係吧．．竟然一個客都冇😅。不過其實野食唔錯㗎，薄餅 意粉 意大利飯 甚至餃子都有，入面重有隻貓貓招呼你😂，個人覺得佢嘅薄餅最好味。如果想同朋友靜靜地傾吓計，呢度都唔錯，可以一試。

我食過n次，覺得佢性價比，高都算係屬於平靚正，我好懶寫食評，應該都要寫返一份食評畀佢，（午餐時段冇西式嘢食的）咁我通常就午餐/晚餐都會嚟嘅，佢中式嘅嘢食系辣做主打（可以走辣/可選大中小辣）通常都最後我哋就會叫個窩夫，我好欣賞佢個窩夫好似食陣風咁即係食梳乎厘班戟感，因為窩夫太厚實太飽就冇咗嗰個口感。我哋通常必食雲耳雞翼尖叫杯啤酒pizza意粉，有一樣好嘅就係老闆會睇住你食再慢慢出粉，唔洗一次過嚟曬啲嘢食凍曬，每一次店員同老闆都好有heart講趁熱食呢樣好窩心煎餃真係好抵食，近期佢重新出咗一隻梅菜餃，我唔食梅菜嘅人都覺得佢整得好食，食物如果有唔鍾意食嘅青瓜亦都可以走咗佢，用料配菜唔孤寒，可以帶出食物嘅美味，佢嘅嘢食大部分都好食，唯一就係雞翼佢好似冇乜醃過，即係冇我哋所講嘅底味，但佢係炸得剛剛好嘅，所以我哋每次都會照叫。咁多隻意粉我比較鍾意食墨魚汁嗰隻因為我本人鍾意蒜香味同埋西式嘢食嘅意粉同茶餐廳唔同係比較正常有咬口，pizza係薄嘅芝士亦都落得好足夠，白汁嘅食物都好食，因為唔會慳住落。因為佢中西都有得食，同行友人好鍾意食辣嘅呢間舖頭就真係好啱，中式嘢仲係午餐時段同一個價錢所以埋單多人夾錢就

我訂枱果時以為係食西餐，點知到店外時，大家覺得間嘢裝修好中式， 諗梗會喎會係伏⋯坐低睇食咩時，有人入咗餐廳坐低又走返出去更驚。但星期五要轉埸好難，大家決定搏一搏⋯打開餐牌，又中又西，我諗可能啲人見到咁覺得唔對路走咗。由於一個朋友未到，我地就叫啲餃子&涼皮&雞翼&飲品醫肚。嘢飲嚟到，大家都覺得有驚喜，幾好飲！ 睇佢唔出喎之後涼皮同煎餃都好好味涼皮我地前後仲叫咗兩碟 最後雞翼都好yummy~另一個朋友到咗之後，我地又補叫咗湯餃、煎餃同雞翼，另外叫咗pizza &意粉（不過好多意粉都無）。Pizza 同意粉唔需要浪費時間介紹。好普通～意粉直頭味道怪⋯長話短說，嚟呢到係要食中式～特別係粉皮～粉皮加麻加辣無得頂因為佢嘅粉皮及煎餃，我俾個好評佢👍🏻

門口望落似食中餐！但其實佢係一間中西餐都有得食嘅餐廳西餐食過 整體都唔錯中餐有驚喜！ $38嘅 重慶小麵/水間涼皮真係好正 大碟 入味！雖然中餐主菜選擇唔多 但餃子幾正！個人覺得小辣都夠入味了！

第三次嚟食呢間中式名嘅西餐 今次終於記得寫食評唔知飲咩好 老闆介紹飲手工啤 唔嗆喉易入口重點介紹個意粉 個汁真係一流另外個酥皮卷都好出色 尤其個酥皮 薄餅餅底夠脆 餡料好好味之後再補咗個青口 一樣冇得頂 不過唔記得影相😁

約好友食飯，條件要近港鐵站，咁就揀咗呢間小店。店內裝飾有點特別，西餐得嚟又有餃子 🤣我哋叫咗五香炸薯角，新鮮熱辣上檯，好香口惹味，送酒啱晒。茴香白酒煮青口，食落比較咸，以為個汁，點知就咁飲個汁係好香架，應該係啲青口本身咸 😅 薄餅係薄批，餅底好脆口 👍👍原本都想試 pancake，但年紀大食力差咗，睇吓會唔會有下次再試 🤭🤭飲品叫唔杯 foggy，冰比較多，所以好快就淡啦。店子的 service 還不錯，店員都好有禮貌。

嚟到太子搵食，左搵右搵，終於比我搵到一間又坐得舒服又好食嘅食店！我哋叫咗意大利飯，西冷牛扒，煙三文魚沙律，雞翼，最後叫埋個甜品.全部都帶比我驚喜，全部嘢食都好好食，而且所有食品都對得住個價錢！又抵食，招呼又好，又坐得舒服！如果朋友聚會，去呢間餐廳最適合不過👍🏼

夜晚9點先食飯，見到呢間收得夜，openrice like數又多就黎試下餐廳復古佈置幾特別，亦有較私隱既位置，適合一班人慢慢傾計。食物方面，雖然無任何一樣野係好特別，但每樣野既水準都幾高，先黎飲品，兩杯都好味，好鐘意左邊果杯（椰子 菠蘿 檸檬 櫻桃）味道好特別，earl grey同果香好夾。之後試千島醬蜜桃鴨胸pizza，蜜桃同千島醬好夾，但因為鴨胸較硬同厚，所以無法一啖食哂蜜桃、千島醬同餅底，結果都係分開拎出黎食，其實做得pizza，配料最忌厚身，一厚就唔能夠一啖同其他配料一齊食，咁就無左pizza既意義。而且配料應該平均分佈喺成個pizza既各部份，而家只係得一部分係蜜桃鴨胸pizza，其餘就好似純粹係齋千島醬pizza咁。再黎係洋蔥焗薯皮，整體好香口，芝士味道適中，香得黎唔會膩。不過洋蔥有陣番梘味，呢個係焗洋蔥經常出現既問題，要落下工夫去辟味。之後食鵝肝，要先讚下塊多士，非常脆口，放埋鵝肝一齊食，都唔會因為麵包太硬而兩者分離，呢樣係好多餐廳都做唔到或者無留意既一點。不過因為多士太香，加埋鵝肝一齊食反而搶左鵝肝陣味，所以最後我都係分開食。最後食紫薯士多啤梨窩夫。喺openrice見

今日同朋友去咗基隆街搵啲"架撐"等佢返工用嘅因為佢話搵咗好多間五金鋪都冇朋友介紹佢去咗呢度就買到喇. 買完嘢就去咗附近諗住飲杯嘢.佢呢度嘅裝修都幾特別係用咗中國色彩嘅木傢俬嚟拼湊而成, 而且有牌匾,  我未去過酒吧係咁有中國色彩嘅. 我朋友點左draft beer可以消氣, 同埋呢度有好多款出面都未見過嘅. 我就點咗芒果沙冰cocktail, 都幾好因為個芒果味唔會好藥水最怕啲芒果沙冰係藥水味,偶爾間都食到少少芒果絲,  幾有誠意下, 另外我點咗parma ham同朋友share, 都幾大碟下佢上面審咗啲醋感覺上冇平時就咁食咁鹹呢個食法都幾特別.

朋友小聚鍾意試新野嘅我，又係時候搵食啦宜家好多餐廳成日限時制真係好煩對於好耐先見嘅朋友想搵一間不限時，但又想食到佢要嘅野，其實都唔係咁易🤔🤔朋友要求有"巴馬火腿"咁就隨著呢個方向比我搵到呢間係太子比較隱蔽d , 一般酒吧煩型都位於球場果邊但呢間係佢嘅反方向果邊係openrice 睇到價錢合理D 食物相片又ok 咁就試下門口望入去比較光猛，唔似一般酒吧店舖細細👉🏻行到盡頭竟然有張三邊梳化凳圍住正方枱，感覺舒服啱一班朋友傾計,可以坐十人啦(唔太肥嘅嘩😜)

今天跟朋友途經太子附近，見到這家風格很特別，選了這家餐廳。紅色的燈籠非常吸晴，帶出了餐廳的主題。而且樓層很高，給了人一種廣闊的空間感。座位不算太多，而且更有酒吧桌。龍蝦忌廉煮海鮮意大利飯，濃濃的龍蝦汁滲入了每一顆米粒裹，配合海鮮的鮮味，整體來說對味蕾很吸引。份量還可以。白汁香菇雞柳天使麵,非常入味，汁料很香濃。麵條的口感剛好，沒有太軟或太硬。唯一不足是。雞柳沒有味道。我去的時候餐廳暫不接受信用卡，只收現金。身上現金不足的朋友可能需要去地鐵站取錢。

又到每月姊妹聚會，今次選址浦東晉家門地點方便，太子D出口行1分鐘就到餐廳名稱、門面裝修極具中國風，但其實食西餐，反差極大店內有隻黑貓四圍走，姊妹不斷影相白無花果藍莓帕瑪沙律：無花果又靚又甜、沙律菜都好新鮮穀飼極黑毛豬扒：黑毛豬厚身，肉質嫩滑，但價錢太貴😣蕃茄芝士薄飯：蕃茄芝士偏鹹，餅底好硬意式鮮蝦意大利飯：太過Creamy，似飲水多過食飯朱古力香蕉鬆餅：鬆餅雖然燶燶地，但好鬆軟，連埋朱古力雪糕一齊食，一冷一熱，味道唔錯😋環境寧靜食物水準一般需改善衛生！！1.      餐碟污糟，有幾粒黑點2.      冷氣漏水，朋友件衫中左招

約左個好朋友食飯傾計，佢話知道太子砵蘭街有間由老闆一人主理嘅餐廳不論裝修或味道都相當唔錯，於是我哋就嚟左呢間《浦東晉家門》。餐廳裝修滲入好多中國風格原素，古色古風，座位及環境都好舒服。打開餐牌一睇，意想不到原來係西餐廳，感覺都幾得意！豬肉腸酥皮卷 ($128) - 酥皮卷外層香脆鬆化，入面嘅豬肉碎鮮嫩多肉汁之餘亦帶點火腿嘅鹹香味，烤焗嘅時間控制得好好，外脆内軟juicy, 好食！推介！香草三文魚免翕排 ($108) - 將三文魚肉攪碎再加入香草煎香，食落有質感及香氣十足，加上新鮮爽脆嘅蔬菜及沙律醬，健康好食之選！香草鴨胸闊條麵 ($78) - 加有黑胡椒煎香嘅鴨胸十分香口，闊條麵口感煙韌中帶點爽口，香草醬汁帶有番茄及淡芝士味，水準之作！南瓜汁牛肉意大利飯 ($98) - 意大利粒中心保留少許咬口，南瓜汁香甜中略帶少許芝士味，味道及口感豐富有層次。草莓鬆餅 ($78) - 鬆餅口感鬆軟，配上新鮮士啤多梨，軟滑雪糕及香甜士多啤梨醬，忍唔住一啖接一啖。凍薄荷朱古力 ($38) - 朱古力味同薄荷味均衡融和，甜度適中，唔錯！熱情果沙冰 ($48) - 熱情果味道天然，好味解渴！總括嚟講，呢餐由

乜嘢水牛城雞翼，好唔好食唔講啦，食完個外皮，發現入面好生，血水都冇，見透明狀同個職員講話好生，佢好hea嘅反應，可能見慣不怪啦，又冇講咩就攞走未食個兩隻，之後就俾番兩隻我地算，乜料呀，以表誠意都俾完整一份啦。而且大部分食物份量小，唔抵食！