416
25
29
所有分店 (1)
电话号码
23865055
开饭介绍
日本风味的居酒屋,主打各款火石拉面、炸物及烧物,配上啤酒,是一个与朋友相聚的好地方。 继续阅读
营业时间
今日营业
12:00 - 15:00
18:00 - 23:45
星期一至日
12:00 - 15:00
18:00 - 23:45
公众假期
12:00 - 15:00
18:00 - 23:45
公众假期前夕
12:00 - 15:00
18:00 - 23:45
付款方式
Visa Master AlipayHK 支付宝 现金 美国运通 银联
座位数目
38
其他资料
网上订座
餐厅运作模式 - C类
深夜营业
Wi-Fi
酒精饮料
赏订座积分
电视播放
当面支付
有关奖赏计划
食记 (493)
闲日放假冇乜嘢做於是就周围搵好嘢食啦。今日嚟到九龙城食日本嘢 : ℍ𝕒𝕞𝕒𝕥𝕒𝕜𝕚 浜滝自从屯马线通车之後黎九龙城都好方便!只要搭到去宋王台站喺B3出口行过去先几分钟就到餐厅啦!呢间野开12点,我12点就到咗啦。一入到去见到好日本居酒屋嘅装修,加上啲师傅都系讲日文嘅,所以有去咗日本嘅感觉🤣🤣虽然今日得自己一条友但我都要食!豪!啲!①日本麒麟一番榨生啤(哈密瓜味) $100天气咁热梗系要啤一啤gur下先啦!呢个一嚟已经闻到劲香嘅哈密瓜味,饮落去有少少甜甜地,呢个劲啱女仔饮呀!仲要劲大杯!我食晒成餐饭都饮唔晒杯啤酒😂②冲绳海葡萄 $48呢个唔系间间日本餐厅都有,所以我通常见到都会嗌。以呢个价钱来讲佢既份量好多!就咁食就有淡淡嘅海水味,点埋个汁食就甜甜地酸酸地,同埋好锺意佢个口感,好似鱼籽咁,咬落去会爆汁。③大分直送火炙平目鱼边 $148我好锺意食火炙鱼边既,呢个睇落好似好细碗咁,但其实佢卷埋左系有好多㗎!有火炙嘅香味,识落入口即溶,睇落好似油油地,但个汤系酸酸地完全唔觉得腻!好好味呀!🤤④半熟赤身 $88呢个本身已经有啲酱,所以唔使再加豉油Wasabi。可能食完平目鱼边先食呢个所以觉得味道相对地淡,但完全冇鱼腥味同埋肉质都几软。⑤半熟龙虾。海胆。龙虾粥 $688呢个真系今日嘅戏肉啊!首先系食完半熟嘅龙虾海胆刺身之後,再将个龙虾头拎去煮龙虾粥同埋龙虾汤。你可以拣要一汤一粥,或者要两个粥,再唔系要两个汤都得!任君选择!首先个刺身用火枪烧成半生熟,入口龙虾肉质超爽!海胆又鲜甜!份量又好多!我真系劲努力食先食得晒!由於我实在好饱嘅关系我决定唔要龙虾粥净系要龙虾汤,个汤一上枱我都呆咗啊因为实在好大煲啊!师傅系帮我将两个汤嘅份量煮埋一煲。个汤饮落有劲浓郁龙虾味,另外仲有金针菇,豆腐同娃娃菜。虽然我好饱但都系忍唔住食咗啲菜同埋饮咗两碗汤😋今餐真系食到捧住个food baby走人啦🤣🤣大满足!💯同埋想讲返呢度啲staff好有礼貌,会介绍唔同嘅菜式俾你,服务好殷勤👍🏻👍🏻 继续阅读
(以上食记乃用户个人意见 , 并不代表OpenRice之观点。)
等级4 2021-05-13
1745 浏览
趁着疫情放缓相约朋友来这里享受一下久违了的日风情。言谈之间朋友透露最近被同事背後讲坏话,令佢心情不佳,所以呢一餐要食得尽情啲!「伊势海老烧」:龙虾配海胆,感觉以火枪烧成半生熟状态,带有爽口却又保留刺身的新鲜口感颇为特别。打卡同食完之後,服务员会攞走龙虾头并煮成汤或者粥,任君选择,而我们就选了每样各一。两者其实在配料上差唔多,同样有菜同菇类,唔同嘅系汤用豆腐煮,而粥就系用米煮。两者嘅汤底一样浓郁带甜,龙虾头仍有不少肉,煮熟时吸收汤汁,令龙虾肉腍身有另一番味道,鲜味十足。串烧方面,分别叫咗鸡软骨、柚子鸡串、鸡肾,我个人欣赏鸡串加了调配过的wasabi酱,令食物味道提升却唔会攻鼻。秘制炸鸡:唔会用好多粉嚟炸,但却又炸得松脆,鸡肉嫩滑,仲应该系啱啱炸起,所以食落去仲热辣辣。一口芝士:同样系炸物,外脆而内里芝士软绵绵,啱晒芝士控。美食当前,再配埋现场气氛,确令人容易放松心情,趁着咁嘅气氛容易安慰一下朋友,其实人哋把口喺人哋度好难控制,佢哋讲你坏话只因你有比佢优胜嘅地方而引起小人妒忌啫,所以做人何须太执着,笑一笑世界更美妙。 继续阅读
(以上食记乃用户个人意见 , 并不代表OpenRice之观点。)
等级4 2021-05-09
1149 浏览
好耐无见过我嘅食评了😂适逢母亲节就介绍一下去庆祝实满意餐厅💓当我讲九龙城嘅时候可能你会谂起泰国菜但其实有一间十分正宗嘅日本菜匿埋咗喺度😂餐厅装潢同气氛同日本居酒屋一样嘅浜滝话咗实会满意 紧系有我超级推荐嘅美食就系半熟龙虾·海胆·龙虾粥-两食($688)由於系日本嘅龙虾 所以特别大只🦞龙虾虾肉 一半生一半熟 咬落几弹牙龙虾味几重配上海胆 十分鲜滑好味👍🏻食完虾肉 厨师会将虾头劈开 拎去煲粥/汤无论系粥定系汤 虾嘅鲜味一样喺度 而且好浓郁所以我觉得嚟呢度一定要食呢一个餸😋除此之外 我特别推介嘅系大份直送火炙平目鱼边 ($148)睇相片可能你会觉得咁细份 性价比应该好低咁你就大错特错啦❌我同MY BOSS 都系第一次食 但食完都赞不绝口因为虽然佢系鱼边 但经过火炙同酱汁加持真系油腻得来 但系又带啲清新 仲要入口即溶😌无错 就系咁吸引🤣 其他食物我都好推荐👇🏻包括炸一口芝士($48)半熟吞拿鱼($88)但最後不得不提嘅系 激辛地狱拉面($108)本身食开其他拉面都系要辣汤底嘅我食咗一啖都要放弃😂 因为真 系 好 辣‼️🌶🥵除咗辣度够刺激之外 仲有一个好特别嘅地方就系拉面里面有嚿热石保持温度🔥食得辣嘅朋友 我建议你可以挑战20倍以上😆最後好彩有杯特大青柠梳打($48)解渴唔系我哋两个辣到行唔出个门口🤤🤤🤤-装修环境:✨✨✨✨✨服务态度:✨✨✨✨✨食物质素:✨✨✨✨✨(5个✨为满分)唔信我嘅可以自己去试试😂 继续阅读
(以上食记乃用户个人意见 , 并不代表OpenRice之观点。)
等级4 2021-05-07
807 浏览
疫情关系,香港人已一年以上没有到外地旅游,以往日本是笔者经常旅游的地方,当有点思念日本美食的时候,都会挑选有特色的日本餐厅一解嘴馋。位於九龙城福佬村道有一间单看外表便很夺目的居酒屋,在朋友推介下,笔者趁假日一试。走进餐厅,感觉很日本的范儿。在这里尤如置身於日本的居酒屋之中。想一解游日之苦,笔者诚意推介到这家居酒屋一试,或许读者们也会有意想不到的新体验。📍半熟龙虾.海胆.龙虾粥 $688这是笔者最期待吃的一道单唔「半熟龙虾」,目测龙虾大概有1斤半,摆盘精巧细致,师傅巧用竹叶和菊花衬托出龙虾的橙红色,令视觉上更吸眼诱人。餐厅没有吝啬食材,肥美海胆有两大片,铺在龙虾肉上,师傅再微微烧一烧海胆及龙虾肉,提升了海胆的香气和龙虾肉的爽脆肉质。由於龙虾在半熟状态,所以保留了大量肉汁和爽弹的程度。把一口海胆放在龙虾肉上,大口大口地吃,又是一股感动,海胆的丰腴软绵配上龙虾肉的脆脆口感,丰富了笔者的味蕾,强烈推荐大家,半熟龙虾是这家居酒屋的必点菜式。吃毕了半熟龙虾肉和海胆,别忘记让餐厅职员把龙虾头去肴粥或汤。店家服务超贴心,看到笔者和朋友心大心细,便建议笔者把龙虾头分成两份,一半肴粥,一半肴汤。龙虾汤会配有豆腐、旺菜和本菇龙虾粥则配有米饭、旺菜和本菇。两者都鲜甜系比,但由於海鲜本身带有咸味,会有一点偏咸,建议可额外加配乌冬同吃。📍樱花虾冷豆腐 $48夏日推介清新宜人之选,这里的豆腐并不是平日吃惯那种包装的滑豆腐。而是质感较实,豆味较重的豆腐,豆腐配上鲜艳夺目的樱花虾和木鱼丝,加上酱油,简单中富鲜味。📍大阪烧饼 $88烧饼份量不少,铺满了幼幼的木鱼线,上桌时木鱼丝不断在飞舞,非常吸引。烧饼粉浆比例得宜,好让笔者感到置身於日本之中。📍近江牛串 $68牛肉油份比侧适中,香味四溢,夹着香葱一起吃,滋味无穷。📍葡萄猪串 $78店中职员强烈推介,说萄葡猪是只吃萄葡长大的猪,会有独的香味,所以笔者便点来一试。果然,猪肉烧得外表香脆,油份充足却一点都不带羶味,而且猪肉有一股独特的香味,大概就是吃萄葡长大的味道吧!📍柚子鸡串 $26鸡肉烧得金黄,鸡皮香脆,鸡肉嫩滑,保留了大量肉汁,柚子酱提升了鸡肉的鲜味,令鸡肉带清新之感。📍八爪鱼串 $22原只的小八爪鱼烧得很有嚼头,烧汁咸中带甜,佐酒一流。👅 味道:4.5/5💰CP值:4.5/5🕴🏻服务:5/5🔰餐厅环境:5/5👀回头率:5/5🍽 餐厅:浜滝🌐地址: 九龙城福老村道59号地下A舖 继续阅读
(以上食记乃用户个人意见 , 并不代表OpenRice之观点。)
等级4 2021-04-30
810 浏览
今日再次黎到九龙城觅食,见到呢间叫浜滝嘅居酒屋,知道喺由日本人主理,就决定要试下。先点左2款前菜,分别喺炸一口芝士同半熟吞拿鱼。炸一口芝士🧀炸得金黄香脆的面包糠外皮,包住半熔软滑的流心芝士,会系唔错嘅下酒小食。半熟吞拿鱼🐟吞拿鱼厚切,四边轻轻烫熟,而中心部分仍保持粉嫩,有双重口感。配埋带胡椒味嘅酱汁,非常清新。明太子三文鱼石窝饭🥘主食方面叫左明太子三文鱼石窝饭。三文鱼仲喺半熟令佢口感keep到嫩滑,面头铺满明太子酱经石窝加热後半熔渗透入三文鱼同饭底之中,加上窝底焦脆嘅饭焦,有惊喜。伊势海龙烧🦞🦞🦞之後就喺铺头嘅重头戏伊势海龙烧!海龙烧其实喺伊势龙虾两食,会先上一份半熟龙虾拼烧海胆,而之後可选用龙虾壳煮嘅龙虾汤或龙虾粥。新鲜运到既伊势龙虾超大只,肉身饱满厚实烧至半生熟,入口鲜甜,保留左刺身既爽口弹牙质感,配埋铺面头嘅鲜甜海胆,简直喺大满足。😍😍😍我们2人分别点了一份龙虾粥和龙虾汤,用热石窝上,一上枱已经氛香扑鼻。汤底用龙虾壳煮成,鲜味十足。如果未饱嘅朋友推荐试龙虾粥,粒粒米饭都吸收满满号龙虾汤鲜味!鳗鱼串因为铺头都出名串烧,我地亦点左串鳗鱼串试下。鳗鱼皮烧得微脆身,但鱼肉就保持到嫩滑,酱汁份量亦恰到好处,冇盖过鳗鱼香。。。浜滝九龙城福佬村道59号地下A舖。。 继续阅读
(以上食记乃用户个人意见 , 并不代表OpenRice之观点。)