179
12
6
港铁北角站 A1 出口, 步行约2分钟 继续阅读
所有分店 (2)
电话号码
22579121
开饭介绍
烧肉质素高,套餐更无限提供前菜。并提供炉边蛋、大酱汤等韩食。除了烧肉,午市还提供熟食套餐,例如人蔘鸡汤配饭、和炖牛肋骨配饭等等。 继续阅读
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
付款方式
Visa Master 现金 银联 Apple Pay
其他资料
网上订座
Wi-Fi
酒精饮料
自带酒水
外卖服务
加一服务费
有关奖赏计划
食记 (210)
等级4 2021-07-11
161 浏览
无得去韩国旅行,唯有食住韩烧幻想自己响韩国啦🇰🇷🥲蕃薯妹又搵倒间由装修到食品都几有韩国风味嘅韩烧😋 价钱仲唔贵~ 一坐低店员就奉上韩式前菜、生菜,最贴心嘅系有即弃围裙同埋口罩套🤩 咁着咗浅色衫去食都唔怕噜~~呢度仲有埋蕃薯妹最爱嘅炉边泡菜蛋、炉边芝士粟米🌽👀 我闻倒+5kg嘅味道🐷😆两个人叫咗个《济洲五花肉套餐》,呢个套餐其实系2-3人份量,除咗餐牌上有写嘅嘢,佢仲俾多只《豪快苹果酱油鸡腿》我哋… 老老豆豆😅 其实以蕃薯妹同朋友嘅食量,呢个份量可以够4个人食🤪《济洲五花肉套餐》$588套餐包括有:黑毛和牛上贝身肉、特选牛五花、济洲猪五花肉、豪快严选牛舌、酱油梅花肉、韩式粉丝 必食推荐系《黑毛和牛上贝身肉》😍入口即化嘅和牛~ 牛味香浓!劲好味😋朋友唔钟意食太油腻,所以反而佢好钟意《特选牛五花》,油脂同肉嘅比例平衡啲,而且呢度嘅腌酱都相当唔错。《豪快苹果酱油鸡腿》单点$88大只到唔知点食好😂 剪开佢都有少少鸡手鸭脚。不过呢只鸡腿认真好味~ 微甜嘅酱油+嫩滑又juicy嘅鸡腿肉~ 将鸡皮烧到少少脆口同鸡肉一齐食~😋正!韩式炒粉丝都好好味😋太多肉肉~ 用生菜包住食冇咁油腻😋《济州特饮》、《梅子青柠梳打》@$32朋友点咗《济州特饮》原来系柚子+绿茶,味道几match,清新解渴~《梅子青柠梳打》好好饮又开胃!😆听个名都知道会比较酸~ 啱晒食烧肉解腻🥰每人埋单都只系$360左右,其实三个人嚟食同样份量都足够喔! 继续阅读
(以上食记乃用户个人意见 , 并不代表OpenRice之观点。)
今日老婆黎港岛接我收工我就同佢去呢间喺北角滙嘅济州烧肉食堂撑下枱脚呢间烧肉唔book就真系冇位我哋就book早啲冇咁多人嘅时候嚟好彩又比我哋坐到窗边位一边睇住日落一边睇住一边韩烧几咁浪漫呀拣紧野食既时候就已经上左餐前小食四小碟包括有芽菜、豆角、腌萝白、泡菜另外仲有沙律全部都可以refill架~食得韩烧点会冇芝士粟米同泡菜煎蛋呢~我哋食呢个二至三人份量既济州五花肉套餐$588分别有特选黑毛和牛上贝身肉味道最香浓就系呢个部份入口即溶特选五牛花肉质软腍味道虽然冇黑毛和牛上贝身肉咁正但都好高质济州五花肉五花肉当然有脂肪先系正啦烧到脆身就食得豪快严选牛舌食完都唔觉系食紧牛舌好似食紧牛肉咁好得意腌料味道甜甜地好味啊!酱油梅花肉同场加映:豪快苹果酱油鸡腿肉身较厚烧既时候要比D耐性记得较细个火咁就唔会烧燶啦三款酱料:大酱、海盐、酱油最後仲有韩式炒粉丝 以牛肉、萝白等作配菜味道微辣食韩烧热辣辣紧系要饮返杯冻饮济州特饮西柚配绿茶配搭新鲜梅子青柠梳打酸酸甜甜十分开胃 继续阅读
(以上食记乃用户个人意见 , 并不代表OpenRice之观点。)
等级4 2021-06-28
902 浏览
烤肉前先食韩式前菜,因为会令人胃口大开,有四款可以无限添加。特选黑毛和牛上贝肉油花均匀,口感极嫩滑,食得出系上乘品质和牛。豪快和牛烧有两大块,和牛已经有调味酱汁,甜甜地,烤香後可以剪开,我锺意加埋泡菜用生菜夹住食,超满足!豪快济州黑毛猪拼盘包括有黑毛猪五花肉+济州猪梅肉+济州豪快黑毛猪五花肉,份量澎湃,肯定可以满足食肉兽。豪快苹果酱油鸡腿系原只上,烤後肉质仲好滑。大八爪鱼须真系好大只,食得出系新鲜,好弹牙爽口。薯仔排骨汤味道有少少似罗宋汤,仲有一大旧排骨系入面。另外,炉边有芝士粟米同泡菜蛋,都系可以无限添加。拉丝芝士烤软左夹埋肉食真系又好食又充满罪恶感!饮品叫咗柑橘梳打同荔枝梳打,都几大杯,只系$32!值得一赞呢度抽风系统唔错,唔会烟雾弥漫,烧完後d衫同头发亦都唔会有烧烤味道。 继续阅读
(以上食记乃用户个人意见 , 并不代表OpenRice之观点。)
等级4 2021-06-25
732 浏览
烧肉,真系食极吾厌🤣一边慢慢烧,一边烧食下粟米芝士同泡菜蛋,超掂👍以经验黎讲,小编仲发现原来加D芝士落去泡菜蛋到,都几正😈另外,将半熟泡菜蛋系炉上到烧一阵,亦另有风味.【济洲五花肉套餐 $588】只系$588,份量已够2-3人,真系好抵食😍一Set有五款肉类,仲有一款韩食!.🔸特选黑毛和牛上贝身肉口感极为嫩滑,人口即溶之余,成个口腔都充满住牛香.🔸特选牛五花一层油一层肉嘅牛五花,肉质结实,油脂丰厚口感软嫩,且带有嚼劲👍.🔸豪快特选牛舌厚切牛舌口感特别嫩滑多汁简单落少少海盐,已经食到肉嘅鲜香味Lu😘.🔸济洲五花肉足足有两大条!三层脂肪同肉,层层相间系铁炉上烧烤後,油脂挥发出黎,外层变得焦香猪肉嘅鲜香味突出,厚切带黎咬劲无论系沾海盐定系蘸上辣酱配生菜,一样好正😎.🔸酱油梅花肉加入酱油去调味,肉质依家嫩滑更带甜香.🔸牛肋骨煲牛肋骨煲超足料有嫩豆腐,萝卜,蔬菜,海蚬仲有大量牛肋肉!味道鲜香,牛肉味浓厚,不过有少许偏咸🙈.【豪快苹果酱油鸡腿 $88】大大只鸡腿,用苹果酱油去腌制味道甜甜,更感带出嫩滑口感~.【济洲特饮 。 荔枝梳打 $32】前者甜中带点茶香,仲有好多柚子肉添🥳後者甜度偏高,不过有荔枝肉搭救~ 继续阅读
(以上食记乃用户个人意见 , 并不代表OpenRice之观点。)
等级4 2021-06-20
951 浏览
今日同屋企人庆祝父亲节紧系要食好d,我地黎左北角汇e间主打韩国烧烤嘅餐厅😍,一睇就觉得好地道韩国feel😆入到去都唔觉得有油烟味,抽风都做得几好👍🏻店员安排我地坐窗边位,可以睇住夜晚海景慢慢食😍店员好快已经上左前菜,同埋炉边蛋,仲有芝士粟米🌽。🌸薯仔排骨汤食烧肉之前饮一饮返碗热汤先😋味道酸酸辣辣,都几开胃😎有少少似罗宋汤。🌸特选黑毛和牛上贝身肉 上贝身肉油脂分布平均,入口即溶🤤唔会觉得油腻。🤩🌸豪快和牛烧 和牛用左烧汁腌过,味道甜甜地令和牛烧完更香。😍👍🏻🌸豪快济州黑毛猪拼盘拼盘有黑毛猪嘅唔同部位例如五花肉,梅头肉等等。烧完点左甜酱油可以令黑毛猪嘅味道更上一层☺️🌸豪快苹果酱油鸡腿 鸡腿🍗烧得好香,要先烧肉先,都咁上下就反一反烧鸡皮位,咁就可以烧得岩岩好,味道带果香,甜甜地🍎🌸大八爪鱼 八爪鱼🐙好大只,初初以为会难烧,但结果又唔系😌食落仲好有海水味😍保持到鲜味🥰🍹梅子青柠梳打梅子味较重,但又同青柠好夹。🥳🍹济洲特饮入面系鲜橙,茶底系茉莉花茶🥰 继续阅读
(以上食记乃用户个人意见 , 并不代表OpenRice之观点。)