影片
招牌菜
替朋友庆生,定于屯门 流金岁月,每次都擦身而过,今次正式去食喇。晚市 85折呢~
继续阅读
今日难得一家人都有时间就定左今日食团年饭本来订左台系食七点钟甘我地早到左就想问佢地可唔可以提早入去坐低(当时大约系六点四十五分)点知个Staff话如果我地提早入去甘就由六点四十五分起开始计时两个钟之后就还台......驶唔驶甘赶时间呀......虽然当时都算系旺场但上菜方面无咩问题唔知点解个翡翠苗真系好大阵草青味分量方面都差唔多所以都算值得呢个数不过最唔满意的就系差唔多两个钟的时候已经开始比人收晒d碗筷真系想即时order一份甜品然后等佢重新再摆过碗筷最后当然无甘做了反正我地都坐得差唔多应该会再有下次的但系应该会系平日黎因为想慢慢食唔想赶头赶命
继续阅读
同朋友一行八人book左夜晚8:30既台, (呢间餐厅晚市有三个时段: 5-7, 7-8:30, 8:30-10:30) 我地怕迟到所以早左15mins到达, 同嗌飞既阿姐讲声我地已经到左, 等到差唔多8:30, 眼见o系门口等位既人群都陆续入座, 于是又问下阿姐我地张台得未, 阿姐话我地张台已经埋左单, 食紧糖水, 好快起身, 嗌我地等多一阵云云...8:40, 眼见外边等位既人已经入哂去 (包括walk-in既人!), 又去问下阿姐, 结果都系话o个台人未起身wor...我地等等下已经差唔多九点, 后来有个貌似经理既女人走出黎, 话佢地厨房出唔切糖水俾人, 而家客人仲食紧糖水, 叫我地等多一阵...但系头先阿姐8:30既时候已经话食紧糖水wor, 又食? 后来又扰攘左一轮, 终于话有台俾我地, 但系已经9:00, 我地book左8:30既台, 准时到, 但都要我地等半个钟先有台, 仲要呢半小时里面, 如果我地唔主动去问, 佢唔会主动同我地讲我地张台既情况, 就算我地主动问, 都只会一味叫你等, 半句安抚一下顾客既说话都唔会讲, 如果真系如经理所讲系厨房出唔切食物, 咁呢间餐厅应该好好考虑下一晚系咪做得到三轮生意, 亦都应该反省一下佢地做reservations既流程, 点解walk-in拎飞等既会比book左台既更快入座??? 虽然呢间野既食物系唔错, 但系同场都有唔少选择, 我地都唔觉得要帮衬一间服务咁差既餐厅, 所以最后去左第二间...食完饭去满记食糖水, 等紧台既时候门口嗌飞既妹妹都会主动同我地讲, 留左张四人台俾我地, 等埋隔离张台就可以俾到台你地架啦! 听完妹妹咁讲, 我地都不约而同觉得: 咁先系做生意架嘛!! 晚市忙要等系可以理解, 但咁既服务态度系唔可以接受!!!
继续阅读
因为男朋友想食流沙饱, 所以去左流金岁月。我地下午茶时段入去, 第1次去既第1下感觉都几好ga, 里面唔多人唔洗等位, 装修几grand。 我地叫左3样野..烧卖、流沙饱同埋3上鲜, 食物水准都几好, 虽然唔算系大众化价钱, 埋单110元。不过服务态度就大打折扣....有个年约20岁既男侍应帮我地结帐, 问佢几多$, 佢答: "110蚊呀"。哗, 用d咁既态度讲野, 公司冇培训d员工ga?! 我男朋友大动肝火拍左1下台...我都系第1次见佢发咁大脾气...食野都要受气, 就算食物几好食都好, 咁既服务态度都唔洗再去光顾。
继续阅读
自从流金岁月开左之后我一直都好想去食, 因为有好多好评, 好多人都评为屯门区既高档酒楼, 但系一直都觉得好贵所以无去过, 早几日, 14个同事系开会之前一齐去左食饭, 终于去左呢度, 叫左2个套餐同一d小食我地叫左小笼包. 红油抄手. 松子桂鱼. 流金岁月炒反. 蒸&炸银丝卷. 醉鸡 汤. 脆鳝. 炒虾球.甜品就叫左红豆沙. 纪子红枣冻糕 高力流沙. 其实应该仲有多d野食既不过我都唔记得咁多喇. 其实d野食真系普普通通. 除左银丝卷同个鱼整得不过不失之外其他野食真系仲有好大的进步空间! 就好似小笼包咁虽然唔难食算多汁, 但个皮都仲系厚左d ; 炒饭无乜料得d肉松同葱唔系唔好食不但系完全唔值个个价; 脆鳝系炸得好香口既不过炸到完全无左鳝味其实炸乜都系分别; 醉鸡d鸡劲唔好食d肉仲有雪味! 最难食系红油炒手, 煮熟云吞后淋些辣油就算我自己整都得啦甜品都唔太好食, 个跟餐送既红豆沙红豆都唔多粒, 果皮味太重, 苦苦地都算仲要豆还豆, 水还水! 个高力流沙,虽然唔难食但系个红豆馅得dd咁多, 好似食成旧粉咁 个纪子红枣冻糕我无食不过同事话好似食冰咁, 忍唔住同餐厅既人讲要换左佢!成餐饭我觉得比较值得赞既只有人参乌龙茶. 用东亚信用咭个餐有半价, 半价左14个个人食一人一百蚊到, 都唔系真系太贵不过咁既食物质素就一d都唔值, 服务反而无我想像中咁差
继续阅读