17
2
3
| 餐厅: | 流浮山窯燒雞 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
营业时间
今日营业
12:00 - 21:30
星期一至日
12:00 - 21:30
以上资料只供参考，请与餐厅确认详情
相关文章
很难handle但很好吃本身以为即叫即烧要等好耐先可以拎得，点知落完单过一阵已经可以拎，外卖烧鸡会附送铰剪。店员态度好好又窝心，会比胶袋我方便拎只鸡，另外加1蚊仲有手套同手工啤（唔知而家仲有无。窑烧鸡一剪开就已经爆哂鸡汁 好夸张，外皮香脆 肉质好嫩滑 仲有烧鸡嘅香味同烟熏味，真系忍唔住一路剪一路食。只鸡都偏大只同多肉，三个人share会好啲！
继续阅读
「流浮山窑烧鸡」主打古法窑烧方式烹调烧鸡，之前在流浮山略有名气最近因花姐的烧鸡IG Story爆红，烧鸡正是这间「流浮山窑烧鸡」新蒲岗分店！原来Mirror成员一直都帮衬开。事后好多人潮圣，高峰时段门外多过30人，日卖过百只👍🏻👍🏻但今日完全唔使排队，好快就有得拎🫶🏻职员服务态度好好，知我住得远住将军澳，特登俾个胶袋我拎得方便啲，外卖烧鸡会附铰剪送上，返屋企劲方便 有把铰剪剪鸡😂· 窑烧鸡 $198选用三黄鸡混羊山鸡，以高温250度窑烧40分钟锁住肉汁，最后猛火烧5分钟，达至皮脆肉嫩效果。 皮脆、个皮好薄，爆鸡汁，肉身嫩滑，入口有阵阵烟熏味，只鸡都几大只 好多肉，以依个份量大细我觉得$198完全唔贵～个人觉得整体正常，唔系难食，不过唔算话真系咁出色。去开新蒲岗经过咪试吓🤣
继续阅读
呢间餐厅真系令我大开眼界！之前听人讲话好食但难搞，我仲特登买定保险，冇叫成只鸡，只系叫咗¼只。点知，个鸡油饭完全冇鸡油味，仲要比白饭更差！简直系浪费时间同金钱！至于𠮶¼只鸡，真系惨不忍睹！一半连皮都冇，另一半就㶶晒，仲要照比客。如果唔系外卖，我一定退返俾佢。最恐怖嘅系，我食到一半，竟然发现咗支竹签黐晒喺肉度！好彩我冇食到，如果唔系真系会出事！简直系食到炭屎味，我真系唔知佢哋𠮶啲鸡皮系咩味，可能系烧焦嘅味？总之，呢间餐厅真系令我失望透顶，绝对唔会再帮衬！大家睇相就明！
继续阅读
今次系我第四次食啦！当你一试一定会好难忘，鸡肉软滑，外皮香脆，有香浓嘅香草味，咸味适中，真系好值得推介。店舖都好窝心，会附上铰剪一把，等你食得容易啲。店员服务态度都好好，烧好只鸡会俾你睇下，几咁胀卜卜，当时真系好想立刻食架😂
继续阅读
由于 Mirror 关系，近期大热嘅流浮山烧鸡。星期二嘅下昼五点左右打电话去订，讲7:00pm攞，接电话个姐姐十分之好，话冇问题，多谢晒。心谂近期大热嘅店舖，竟然可以唔使俾钱先，可以预订来取真系有一流嘅服务 👍🏻👍🏻⋯⋯ 点知⋯⋯晚上七点左右到，原来系俾咗钱先至继续开始排队等烧鸡出炉。之后大约等咗一个钟左右，先至攞到只烧鸡返屋企食。等候期间，不少顾客都会问店员几时有，但店员都答不出，只系见到师傅不停手烧。 约略见到烧鸡系先炸，后入烧炉至熟，所有一定要时间够，鸡才可以俾客，唯有成群客喺门口等。当晚见到等候客人颇多，女店员有喺雪柜攞支装水比客人解渴，都算系咁啦。好简单外卖袋，加一个兜，上面有只鸡，之前又话有手套，铰剪但今次乜都冇 🤷🏻♀️鸡肉嫩滑 😋😋😋😋之前有介绍话鸡嘅品种系家乡边度，边度，不过我唔记得。味道 😋😋😋入味，鸡内笼仲有一条香草。鸡内笼嘅鸡骨有点偏咸，但整体都系好味嘅。$198一只烧鸡贵唔贵？见仁见智。你喺大酒楼，五星酒店食已经唔系呢个价钱啦。但可以谂深一层，佢有点儿似超市熟食外卖嘅烧鸡。 超市嘅烧鸡系用雪鸡，肉质同佢系唔同，但做法味有相似，所以试一次就够啦。 而且所有烧鸡，最紧要系新鲜烧起，热辣咁食，鸡皮脆，咁就一定得啦。本人声明今次系自己用钱去消费，并没有接受任何邀请或试食，并且不是打手。
继续阅读