洽興牛什粥麵店 (已結業)

偷懒唔操拳想食好东西舒缓压力，但黑气透顶，放工都要撞到福街缩骨老板！人家专程行去生记想食鹅红鹅肝鹅髀饭，见到瘟神即刻掉头走啦！继续向火车站走去，求其食碟腩捞粗降降火！价钱始终保持全区最平最抵食，无人能及。叔叔伯伯们服务都不过不失，只是卫生环境有点可怕。因为旧区重建而结业十分可惜，希望有机会再续未了缘，祝强运！单𩠌粉面由十年前 $12 蚊加到今日既 $22 蚊，加幅达 55% 之高，我份人工免强有 15%，跟著个凉薄老板遥不可及啦﹗平到离谱益街坊，捞面加油菜只需 $36 蚊埋单，依个价钱叫碟捞面都唔够呀！蚝油菜芯牛杂面破底价 $32 蚊，夫复何求！不过好似无食过野一样，转头要食多碟烧味饭补补仓先得。牛腩捞粗走葱，大大条 3 碌牛腩，清淡的柱侯腩，松化微软无渣不鞋硬，平庸而合格的。婶婶烚面手艺蛮不错，有功架有水准！粗面弹弹黏黏有蛋香，质素可以的。可能是关环境因数，倒下大量辣椒渣后，不其然要仔细检查有否小动物或加料，好惊惊呀！入口油味极重，辣味极弱，落左同无落分便不大，带点点咸味罢了。蚝油芥兰，超级爽甜脆卜卜的茎部，十分有趣好味道。叶就正常平凡，比捞面味道更好。何解食到底时会有八角味既？只碗装过八角吗？芥兰有八角味道好很怪啊。蚝油菜芯，烚得够时间够熟无草青味。菜芯翠绿多汁鲜嫩可口，沾点蚝油全数消灭掉。放工路经此地好想食碗面，食左先讲﹗牛杂面走葱，全部卤水香料超级入味，清甜不咸不浊，越食越想食！金钱肚爽爽，毛肚绵绵，牛膀软软，牛肠弹弹，牛肺滑滑。婶婶细心排得好鬼骨子靓仔色香味得宜，无投诉。份量虽然略厌太少，但曲曲幼面微爽少弹，没有异味没有腥嗅。挂上浓汤卷著各类牛杂品尝，不同配搭不同滋味，食得开心有趣味。香浓甜美热到烫嘴的温度特别好味道﹗混著微辣辣椒肉大啖大啖地索，刺激豪气畅快！鱼蛋牛腩面，师傅我都话走葱咯，多谢您都有覆单，不过出货唔记得。好采葱花不太多，我自己挑吧。鱼蛋有惊喜！大大粒白雪雪，鱼味咸鲜浓厚不呛，弹滑幼嫩食得下㖞。两大条牛腩其貌不扬，看似干硬，竟然入口松化无渣且爆汁！腌味清爽不太浓，让微爽半弹的幼面卷著食也不错啊。温柔的汤汁舒服淡淡然，没有轰烈的感觉，捞上咸而不辣的辣椒渣添一点味道，不知为何赵到卜卜声，有壳的吗？牛膀牛筋面走葱，滑弹胶腍牛筋不硬不爽，味道清新我喜欢。牛膀软塾，肉味甘甜醇香，全胜！微爽幼面，每啖卷著牛膀牛筋同吃超滋味，辣椒油都免喇！…查看更多

假日游车河 其实行错路 笑咗上埋火车站 循咗1圈大酒店 日头唔惊面店门口侧边条街 好多食肆 照停车 (睇实) 都见好多的士哥停泊红磡旧店粥面店 价格平宜 经济抵食铺头细 几张枱 枱面筷子都干净 亚姐亚哥有招呼 有礼貌酱料齐 辣椒油一般 唔香唔辣 牛什汤面~$22 面爽味道可以 牛肺3件 + 牛膀大肠小肠2款牛肚 齐但 牛什太过腍腐乳通菜~$10 新鲜菜 份量少配合价钱及第粥~$22 大大碗生滚粥 粥底清有米粒够绵 材料靓鲜味冇腥猪润2大片 + 粉肠2条 + 猪肚1件 + 咸瘦肉冇猪肉丸嘅配 细可乐 +$6支持怀旧老店 用心做…查看更多

云吞面既铺头依家系香港已经买少见少，而依间位于红磡既粥面店，无论环境同食物都充满住怀旧风味。点左一碗云吞面($20)、牛腩牛杂(双拼)面($27)同埋大樽装可口可乐一枝($8)。云吞有三粒，而且几大粒，咬落去好爽口弹牙同好鲜甜，听讲系老板自己包，难怪咁足料👍🏻而牛腩炆得非常入味，腍腍地完全唔韧；而牛杂分别有牛肚、牛膀、牛肠同牛肺，亦都非常入味，特别系牛肚，十分爽口。虽然店面并无华丽既装修，但同时下既食肆相比，别具一番风味。另外大部份单拼既面/粥都只系$20，我见到餐牌个阵真系吓亲！今时今日以依个价钱可以食到一碗面真系好难得，而且碗碗都好足料，绝无欺场！非常推荐大家去试下，尤其是细蓉(云吞面)！…查看更多

今日约左朋友倾野，由于早到左，朋友未到，又见有d 肚饿，行开经过面店，见到几抵食，入去坐坐食下野。店舖好多面食或粥品都是$20，加埋支装可乐都是$26，相当抵食。我叫了牛腩面配支装可口可乐，店员好快送上我的面餐俾我。牛腩相当足料，而且又埋2旧牛筋，牛筋好淋，牛腩亦炆得好好，有牛味，牛腩唔um, 啖啖肉，而面煮得刚好，配埋浓浓腩汁汤底，成腕面相当好食，配埋可口可乐，简直绝配，$26价钱食到牛腩面套餐相当难得，平靓正之选。…查看更多

踢完波已经10点几，第一件事梗系拿拿声揾宵夜医肚啦不过附近好多铺头都已经落闸，正谂住打道回府既时候，就俾我发现左间云吞面店铺头环境一般，有少少类此大排档的格局一睇价钱牌真系绝对街坊价，几乎所有面类都系18蚊依家买件三文治平平地都12,3蚊啦叫左我最钟意食既细蓉，兼加多碟通菜云吞有三粒，吾算话好大粒，但咬开入面接近9成都系完只既虾肉，配搭理净低个1成半肥瘦猪肉， 真系超级弹牙爽口，味道鲜甜， 真正既皮薄馅靓， 而河粉吾会煮得过淋，口感爽滑不易断，另外，通菜食落脆爽，配上惹味腐乳酱，整体咸淡适中， 不错以依个大众化价钱食到超水准的质素， 绝对超值呀 …查看更多