影片
电话号码
98599700
开饭介绍
经验丰富的茶师团队，研发出AI人工智能泡茶器模仿人手泡茶，更以6大类茶叶对应不同心情设计特调茶饮；配合一系列以茶入馔的小食，带来全新的茗茶体验。
继续阅读
营业时间
今日营业
11:00 - 21:00
星期一至日
11:00 - 21:00
公众假期
11:00 - 21:00
以上资料只供参考，请与餐厅确认详情
-
网上订座服务暂停
相关文章
59 浏览
有睇开小弟食评都知小弟都颇喜欢饮奶茶，尤其港式奶茶同台式珍珠奶茶，而位处「海运大厦」嘅「活在茶下」亦喺以特色茶品为主打，卖点喺同本地茶叶老字号「福茗堂茶庄」携手合作，更研发咗全球第一部人工智能泡茶机，将传统泡茶技艺跟现代科技融合，令各种茶叶有更大发挥。都好耐无帮衬过，趁假期留港消费，嚟到抖抖兼食个下午茶。依家时下开咗好多茶饮店，不过大部分都喺比较台式，亦都只喺主打外带，可以堂食嘅比较少，但呢度就好唔同，环境有种好文青风嘅感觉，又似间咖啡小店，装修非常雅致。除咗铺内嘅座位，如果净喺饮嘢，商场又设有好多坐櫈。既然同「福茗堂」合作，就自不然有好多跟茶饮相关嘅物品作零售，例如有「福茗堂」嘅普洱茶饼、一套特色嘅茶杯、茶壶、保温杯、茶包礼盒……等等，送礼、自用都几好。真喺唔好以为好似去酒楼饮嚟饮去𠮶几款茶咁，睇睇餐牌，就会发现好似刘姥姥游大观园咁，就算以中国茶都配搭出多款茶品；以配合各种茶饮，亦有多款美食，无论软雪糕、鸡蛋仔抑或可丽饼，都加入以茶为元素，真喺唔止饮茶咁简单。原本都喺随意拣咗茶饮，但见到一系列「原茶叶燕麦奶茶」做紧试饮价，又无理由唔试吓，不过，个优惠做到几时就唔清楚。晌等候茶饮期间，店员都乘机宣传吓佢哋呢款新产品，话有别一般茶饮，采用专业工艺将100%原片茶叶研磨成超微细茶粉，去到日本抹茶嘅标准，保留茶叶原始风味与营养价值，并选用优质燕麦奶所做成，好啱素食者享用。原茶叶燕麦奶茶 $38（试饮价）每一款茶饮都有其独特性，枱上有个牌仔介绍佢哋个特性，而我张枱啱啱就摆咗张龙井燕麦奶茶嘅介绍，有提及到佢嘅咖啡碱、香气、回甘、醇厚等特性，真喺要慢慢嗒真啲。龙井燕麦奶茶龙井向来都喺清幽淡雅啲，将杯龙井燕麦奶茶搞匀之后，茶奶嘅味道几平衡，睇见佢嘅咖啡碱值都高，早晨饮用就最能够提提神。茉莉花茶燕麦奶茶小弟就试咗呢一款茉莉花茶燕麦奶茶，饮落确喺有阵阵茉莉花香，既清新，又有回甘嘅感觉，饮落好舒服，估唔到配上燕麦奶成为奶茶效果几好。铁观音燕麦奶茶另外，友人赞佢杯铁观音燕麦奶茶好饮，一来铁观音喺佢嘅心水，二来铁观音味道浓郁醇厚，更喺余韵悠长，又仿佛有种清甜蜜香。红豆脏脏铁观音雪糕麻糬可丽饼 $78曾经试过佢哋茶味嘅松饼、曲奇，都好有特色，不过，见依家好似无再供应，就试试可丽饼。虽然店员话无晒铁观音雪糕，要改为茉莉花茶雪糕，其实仲啱我。可丽饼做得软熟，跟红豆、麻糬、脆米同茉莉花茶雪糕一齐放入口，味道丰富，口感多元化。活在茶下，饮返个好心情，店员更话呢个系列「原茶叶燕麦奶茶」更会每日免费送出100杯，即时上番官方社交平台睇睇，果然写住5月8-10日连续3天，每天首100位顾客可免费获得「原茶叶燕麦奶茶」1杯。睇睇𠮶几日有无时间过一过去，再次饮返个好心情！
继续阅读
陪朋友来海港城购物，行到有点累，想找个地方坐低饮杯嘢。醒起海运大厦地下有间年轻茶饮店「活在茶下」～店家以茶入馔，除了一系列茗茶饮料外，还有茶味雪糕、鸡蛋仔及可丽饼等轻食可供选择，啱晒茶品爱好者。蓝莓橙滇红 ($58) 用上云南红茶搭配果肉细致嘅蓝莓同多汁香橙，入口甜甜酸酸，香气独特，清新醒胃。清香铁观音脏脏雪糕配原味鸡蛋仔 ($68) 鸡蛋仔外脆内软熟，中间保留少少空气感，入口充满蛋香。雪糕面头洒上了大量清甜回甘嘅铁观音茶粉，同雪糕味道好夹，天衣无缝。火腿滑蛋芝士可丽饼 ($68) 可丽饼即叫即制，饼皮柔软富弹性，火腿轻轻煎过、诚意十足，加埋滑嫩炒蛋同咸香芝士，啖啖滋味，食完劲满足。另外呢客烟三文鱼牛油果可丽饼 ($88) 水准亦很不错，饼皮薄而有咬口，三文鱼卷成花朵状，卖相极佳，入口带阵阵烟熏香，配埋 Creamy 嘅牛油果，真系无得输。
继续阅读
- 尖沙咀｜Tea Moment -▪️火腿滑蛋芝士可丽饼🥚🧀可丽饼饼皮薄身，柔软得嚟微微韧，配埋火腿、滑蛋、芝士，口感丰富，而且咸香十足，再加上个酱辣辣哋，更加惹味▪️清香铁观音脏脏雪糕原味鸡蛋仔🍵🍦🥚鸡蛋仔烘得外脆内软熟，食落有淡淡蛋香。雪糕面头洒上满满嘅铁观音茶粉，奶香中带有香浓微甘嘅茶味。一啖鸡蛋仔，一啖雪糕，冰火交融🧊🔥▪️茉莉花茶云尼拿软雪糕🍵🍦软雪糕细腻顺滑，茉莉花茶味同云尼拿味配合得好balance▪️菊花杞子乌龙🌼🍵一入口，菊花味道好出，够晒清香，加埋杞子，好养生嘅感觉▪️蓝莓橙滇红🫐🍊🍵云南红茶茶味浓郁而醇厚，配上酸酸甜甜嘅蓝莓同橙，增添果香，好有层次Tea Moment 活在茶下📍尖沙咀广东道3-27号海港城海运大厦地下OT G03A号舖
继续阅读
中午行到尖沙咀海傍相当炎热，即时走入最近的海运大厦，想买杯冻饮消暑，最近的店铺就是眼前的活在茶下，内里还有座位，可以休息一下。有各式各样的名茶，消暑的雪糕，可丽饼、鸡蛋仔也有。蓝莓橙滇红云南红茶加入蓝莓、橙，除了口感顺滑，清新怡人，甜度适中，解渴又健康。如不好茶类，也有其他选择，如棉花糖朱古力，朱古力与奶比例刚好顺滑。火腿滑蛋芝士可丽饼即点即制，热腾腾上台，可丽饼涂上少许的千岛酱，配上火腿滑蛋芝士，绝对是美味的配搭。烟三文鱼牛油果可丽饼牛油果够熟好香滑，三文鱼有两大块，今次可丽饼涂上芥末酱又几特别。杭州桂花鸡蛋仔卖相涨卜卜好吸引，另一面全是桂花，桂花香气馥郁，味道清幽，配鸡蛋仔又几夹。下次想食鸡蛋仔配雪糕。
继续阅读
系海港城行到攰咗，见到间茶饮店就坐低饮返杯茶食个鸡蛋仔，休息一会再战过😝蓝莓橙滇红果香十足，蓝莓和橙嘅酸甜味加埋云南红茶甘香浓厚，增加层次感，感觉清新☺️普洱燕麦奶香滑嘅燕麦奶中渗出普洱茶味，茶上除了泡沫，还加了一片八角，入口有淡淡嘅八角香味☺️茉莉原茶叶燕麦奶以100%原茶叶研磨然成粉，茉莉为基底，配搭绵密嘅燕麦奶。花香穿透嘅燕麦奶温柔，带出天然甜味与丝滑嘅口感✨️清香铁观音脏脏雪糕原味鸡蛋仔✨️呢个组合原来好夹😍 鸡蛋仔烘得好脆，外脆内软，散发淡淡蛋香，香滑浓牛奶软雪糕上面洒上铁观音茶粉，让人同时品尝到茶味雪糕及鸡蛋仔令口感层次丰富😍烟三文鱼牛油果可丽饼颜色丰富卖相吸引😊炒蛋，牛油果， 一朵朵三文鱼花，薄薄嘅可丽饼软糯可口，中间涂上淡淡芥末酱，增加味道层次感😋还有茶包茶叶礼盒可选购店内店外都有坐位
继续阅读