影片
以上资料只供参考，请与餐厅确认详情
今次去洪庆海鲜烧腊饭店饮夜茶，真系有种返到细个同屋企人饮早茶嘅感觉！😆 一坐低就忍唔住点咗几款经典点心，全部都好有惊喜。首先讲虾饺，皮够薄透，唔会一夹就烂，入面啲虾肉爽口弹牙，咬落去啖啖鲜味，完全唔会有雪味，食到停唔到口。烧卖都好正，黄澄澄嘅外皮包住猪肉同虾肉，肉馅够实净，唔会松散，面头仲有啲蟹籽点缀，咬落去有层次感，咸香味浓。凤爪都系必食之选，炆得够腍，酱汁咸香带微辣，入口即溶，骨都可以轻松咬甩，仲有淡淡豆豉香，超级送饭。至于鱼香茄子炆米，茄子吸晒酱汁精华，豆瓣酱味突出，咸香微辣又有蒜香，配埋炆米一齐食，真系惹味到爆，食完好满足。整体嚟讲，洪庆啲点心同小菜都好有水准，价钱亲民，份量又够，啱晒一家大细或者同朋友聚餐。下次想饮茶或者简单食个饭，呢度绝对系好选择！🥢
继续阅读
#洪庆海鲜烧腊饭店 最近多咗食烧味，想试下唔同地方嘅叉烧，始终叉烧系最能够代表香港嘅食物。有网友介绍李郑屋邨嘅呢一间烧腊饭店，正好一试。中午食饭时间要搭枱，双拼烧味饭$46，网友推荐油鸡，所以专登叫肥叉油鸡饭走翼。话咁快店员就送上一碗汤，都够热，尾套还可以。师傅竟然畀咗个油鸡髀，一般离港多数系畀鸡胸，好运少少会系鸡背，鸡髀真系唔多见。肉质比较实净唔似一般冰鲜鸡淋淋滑滑，豉油嘅香味足够唔需要再点葱油。叉烧虽然叫咗肥叉，但嚟到嘅时候唔算好肥，而且系薄切，不过都见到有窿边，算系唔错。饭就比较干身有少少硬，我主要加咗啲葱油落去捞饭食。今次冇食到嘅烧肉佢都好快卖晒，似乎烧肉都系一个几受欢迎嘅食物，我觉得呢间餐厅性价比几高。最欣赏就系枱面嘅热茶无限量供应，茶香味浓，我都饮咗好几杯。洪庆海鲜烧腊饭店长沙湾发祥街10号李郑屋商场地下114号舖
继续阅读
今日下昼，谂住去哩间烧味店斩料加𩠌，去到叫个斩料师傅帮忙拣一条半肥瘦叉烧，个师傅拣咗两条只有肥又冇肉嘅叉烧俾我，我见到梗系唔要啦，我就话我自己再拣，嚟到梗系想问吓你地意见…点知个师傅突然发老脾，话「拣俾你又唔要，你唔好问我啦，你唔好再问我吖，我咩都唔会讲…（下删数十句）」，跟住个收银阿姐又加埋把口，两个人都态度极差……我嚟买嘢啫，洗唔洗俾你地一人一句咁呀，仲要受气……可能间店唔忧做啦，冇一个客啫，仲有千千万万个客帮衬….
继续阅读
农历新年前后，又是团拜的时间。我们一行30人有识食之人发板，订了这家位于长沙湾的地道饭店庆祝。先来每围一只烧鹅，看到未来得及影相大家已经消灭了一半，就知道这道烧鹅多么的受欢迎。烧鹅温度略为不够热，但皮脆肉香，大大件非常鲜味。接著的是女士恩物：川弓白芷鱼头汤。靓汤新鲜兼足料，新鲜大鱼头熬炖，喝下去十分暖和，很能驱走寒意。豉椒炒蛏子：真的没得弹！蛏子起了壳，大只入味弹牙兼啖啖肉，也是很快就被清碟。当红炸子鸡：和大部分的炸子鸡一样香口，胜在鸡胸肉炸好也不算太dry。香爆虾碌：超惹味，镬气十足，虾肉质感佳。虽然本人很不爱剥虾壳，但也食了几只。清蒸大东星斑：标准新鲜弹牙。比较适合小朋友吃。鱼肠蒸蛋：考功夫的家乡菜，滑溜兼无鯹味👍🏻瑶柱豆苗：也很香滑，同样适合小朋友送饭。鱼肚粉丝煲：虽然没有花胶名贵，但做出来的效果无论的色香味，均不输花胶煲。正当大家以为最后的炒饭没什么特别之际，这个脆米饭绝对令人刮目相看。猪腩肉配脆米饭，为这餐地道的飨宴画上完美句号。
继续阅读
这间食店名叫洪庆，位于李郑屋邨，已有47年历史，以烧腊和粤式小菜有名，也有粤式点心供应。店舖面积宽敞，墙上挂了几张已褪色的图画，每枱座位距离宽阔，即使一边食一边倾谈也不会影响对方。我们先试了生炒骨，份量十足，生炒骨炸得适中，皮脆肉滑，配以酸甜汁，十分醒胃。接著便试侍应推介的猪肺汤，汤呈奶白色，入口滋润，猪肺也好吃。之后叫了姜葱田鸡煲，上枱时已闻到浓浓的姜葱味，配上热度十足的煲，听到滋滋作响，田鸡略嫌过熟，所以肉质不够滑，但味道调较恰当。这一餐我们吃清了每一道菜，下次可以再试不同的菜色。
继续阅读
您可能会有兴趣的...