影片
5月18号晚上，路经观塘开源道，惊见洪瑞珍三文治喺香港出现，望真啲原来系话自己系洪瑞珍家族喺香港开嘅三文治店，话自己系洪二代嘅洪家手作。其实我又唔介意佢讲嘅系真定假，只要系由台湾直接入口原材料做嘅三文治，我都有兴趣试吓，所以就决定帮衬。见到佢总共有八款口味，每件$22 ，买满六件就$20 ，所以就索性买齐八款口味，谂住第二朝同同事开心share。其实食落味道都正常，都系有奶油忌廉再搽果酱或者夹一块芝士火腿之类咁，大家都觉得几好味。点知喺当日下午开始，大家就开始觉得有点肚痛，同埋开始有啲肚泻嘅症状，开头都不以为意，点知过得一两日大家都未止泻，仲有同事发埋烧添，过两日就见到新闻话呢间无牌食物制造工场嘅出品搞到好多人食物中毒，真系嬲到震😡😡😡就系咁，我哋呢班打工仔就要集体请病假，前前后后搞左6-8日，我哋嘅肠道先开始回复正常，真系人都癫！其实最嬲系佢喺佢嘅社交平台专页毫无悔意，仲话系因为疫情搞到政府迟迟未批出佢嘅食物牌照，真系离晒谱，咁搞法想再有人帮衬佢都几难🤬🤬
继续阅读
我惊再唔写依篇文，间嘢好快会喺Openrice上面变「已结业」，我相信呢个机会极大，因为而家全香港无人唔识佢啲生化武器三文治🦠🦠，据知荃湾店已经拆紧招牌👎。作为三文治中毒群组嘅一员，仲要俾其他人评论点解我哋呢班苦主要买老翻三文治、又话唔明有乜好食、以及佢无牌都买等等😭😭😭，真系有苦自己知，后悔莫及。事缘我同朋友5月18号晚上喺观塘工厦地下买咗4件三文治，第朝当早餐食。我总共食咗3只口味，合共1.5件。进食时，味道无变味的。点知20号早上我开始发高烧🤒🤒(最高39度几)，以及严重腹泻。我先后睇咗4次医生、烧咗3日、屙足1星期、屙咗合计100次以上，几天都爬咗喺屋企个厕所，体重轻咗1.2KG。最终化验报告(附上医生纸作证明)证实我系染上沙门氏菌D组(英文: Salmonella)💩💩💩，我有生以来第一次食物中毒，第一次咁辛苦。除咗上述病征外，我个肚劲劲劲痛，抽住，企都企唔直！我无谂过食件三文治会搞成咁，另外仲有2xx几名苦主，当中包括小朋友同老人家。再者，令人愤怒无比😡😡😡系官方社交平台劲不负责任嘅回应，佢再次提醒顾客要保存好啲食物㖞！劲无耻兼呕心🤢。又会呢星期买嘅人先无存放好，又会咁多人通通有事？只菌要有几毒先搞到全部人咁辛苦？佢哋未深入了解整件事，就想当作系零星个案，推问题去食客到？无牌就赖政府唔做嘢！真系世界级厚面皮！洪家二代而家仲要删专页同潜水，我哋苦主完全联络唔到佢索偿！真系好嬲。我而家谂返都觉得自己傻，我买𠮶档直头系无牌小贩车仔档，有个劲颓废唔知男定女嘅人半瞓半卖，后面仲有一箱箱三文治就咁放喺度，系室温或更热啰！谂起都觉唔衞生...。唯有当今次系买个教训，但个代价真系好大，系身体健康😢。*****以上陈述，句句字字属实！
继续阅读
成日心思思想去台湾 呢排比我发现左 原来观塘有自设工场 每日新鲜制作三文治! 以前去台湾点都会去买 所以一知道有工场就即刻去 过下瘾 🤣一口气买左7个 有满汉 招牌起司 招牌火腿 蓝莓起司 草莓起司 橙酱起司 同芝麻酱 ($22/个 $60/3个)好想食埋花生酱味 但个日卖哂😭唯有下次再去过!! 试左咁多只味 始终满汉都系最好味😋😋😋 佢入面有芝士同火腿 睇落好似好普通咁 但试过既人先知佢好味既地方!!! 唔明点解佢都系三文治 但可以好食过香港平时既三文治咁多😭
继续阅读
洪瑞珍三文治喺台湾非常有名，唔少人去台湾都会专登带返黎做手信！港版洪瑞珍「洪家手作」，系洪瑞珍既后人创辨，喺观塘设工场，跟足台湾总店配方，食材也从台湾运到，每天新鲜制造，食落同台湾既相差无几。三文治口感松软，精粹系以甜甜地又creamy既奶油，好味之余又冇牛油入口好油腻既感觉，无论配落咸味起司火腿定甜味果酱都好夹！我最爱既口味系满汉，有齐芝士火腿；甜口味推介草莓/蓝莓起司，果酱酸酸甜甜，唔会好假，仲有果肉，但起司既味道就被盖过；橙酱就类似蜜饯橙皮既味道，比较清新，偏甜少少。虽然$22一件比台湾定价高，但冇得去台湾，都可以买件过下口瘾！
继续阅读
一路都好挂住台湾洪瑞珍三明治既味道，好味既感觉不时浮现🤤近排发现原来香港都有，于是拉埋男朋友去食。一次过食晒八款三明治，有满汉(起司+火腿)、招牌火腿、招牌起司、草莓起司、蓝莓起司、桔酱起司、花生酱、芝麻酱。三明治基本上系由沙拉、奶油、吐司组成既夹层三明治。全部三明治都好松软且带甜味，奶油几似面包店奶油筒既味。我最钟意满汉(起司+火腿)同花生酱三明治😋其它味都唔错，满汉、招牌火腿、招牌起司三者味道好相似。果酱款就果酱味比较突出。花生酱、芝麻酱就好似港式多士甘。
继续阅读