影片
以上资料只供参考，请与餐厅确认详情
行尖沙咀加连威老道一带，行到脚痛，唔想食多油热气野，点知兜来兜去都揾唔到一间粥面铺！差唔多气绝身亡，兜左入冇嘢行嘅宝勒巷，呢间六点前仲有下午茶餐，云吞面加饮品只系$37，点都要坐低休息下⋯⋯入面好大下，两行卡位之间够濶。装修好七八十年代，墙上有八骏图、纸皮石砌画。下午茶餐种类好多，要左两碗云吞面加热柠茶。估唔到有惊喜！面竟然弹牙！四粒云吞中码size，有肉有虾几好食，只系汤底好hea，不过呢啲茶餐厅又唔可以要求有虾籽大地鱼汤底。柠檬茶少少涩，不过不失。卫生情况ok咁啦，见唔到有小昆虫垃圾。厕所原来系相连大厦，女厕锁左入唔到，唯有去一地水嘅残厕。以后行尖沙咀如果想坐底食少少野，会再帮衬。
继续阅读
上星期又去整牙,痛到咩都咬唔到,揾晒可揾既资料,尖沙咀都系冇一间良心粥店,算啦,是旦食啦,几十蚊尖咀粥加肠粉系平既,个收钱既对于肠粉要豉油麻酱芝麻可能觉得太麻烦,我有提出过自己落既,不过佢都系帮我落左,顺手借个厕所用啦,d 食客好似冇见过著背心既女人,不停啤实我XDDD好彩系外卖唔系堂食,唔系真系食唔落...食物系正正常常咁啦,咁既价钱份量同食味已经好ok架啦,d 牛肉冇咩味,可能d 粥就有落味精,食完都饮左几杯水, 个肚涨晒XDD粥真系难揾一间好既食......
继续阅读
有一晚⋯我其实求其塭间野食碗粥就算⋯点知真系求其得滞无check OpenRice 行过呢间就入左去啦⋯⋯咁我叫左牛脷酥同皮蛋猪膶粥⋯⋯首先个牛脷酥真系难食⋯林晒啦⋯好干好实⋯唔松软⋯⋯有阵油味⋯⋯🤢食左两啖就无食啦⋯⋯碗粥就好重味精⋯⋯👎🏻👎🏻 应该以后都唔会再去⋯难食到连相都无影⋯⋯加上环境唔系咁好⋯佢又唔系差到好似啲街市大排档咁⋯但好多乌蝇⋯⋯啲灯都坏坏地系度闪下闪下⋯服务又麻麻啦⋯⋯好就好在有电视睇下啰🤷🏻♀️
继续阅读
晨早出门走到港岛区间间食肆都满座人山人海，就连想系 7-11 食个杯面叮个点心都无机会，幸好路过间面包舖买到个有肉碎既面包顶顶肚。百万行虽然系路上不时出现热心市民赠饭赠水，但我不习惯在街边进餐呢，感激不尽。用我的毅力坚持到底完成旅程，晚上十点到达尖沙咀终于可以坐低一次过享受午餐晚餐加消夜，饿死朕咯！我的腰不是我的、我的腿也不是我的，七小时持久战完美画上句号！身在沦陷区，食客占据 9 成都系州叔州伯大妈大婶，随处可见重重包围四面楚歌，乃属正常不过。餐牌很大，菜色繁多包罗有，潮州粉面、炒粉面饭、粥品油器、鸡牛猪快餐、广东小菜、蒸鱼蒸𩠌，多不胜数，样样都想食呢！无伊面供应？唯有是弹生面咯。较早前饮完樽乌龙茶个空樽放入背囊，路上垃圾桶一个难求，最终忘记掉丢就在茶记留下。四眼收银阿叔疑似老板要求下次自己垃圾自己带走！我真系攰得利害，我人品好兼好相与费事同您嘈，都唔知仲有无下次！四眼收银阿叔疑似老板见我影相系度眼啤啤，您身有屎怕食客影相？埋单时大胆到飞张单埋黎，仲要掟 $2 蚊落个铁兜度！什么态度什么嘴脸，当我乞衣呀？大妈招呼正常，但四眼收银阿叔疑似老板态度非常恶劣，见另一间厚福街洪利茶餐厅非常深蓝，莫非全线都系？韮菜猪红，猪红结实未见幼滑，腌味淡口不腥唔难食，清淡的卤水汁混上大量辣椒油惹味多了。韮菜嫩嫩爽甜，搭载猪红同吃更好味道。四眼收银阿叔疑似老板称萝卜沽清无得食，唯有韮菜猪红。但不够十分钟对面迟来对州民有萝卜猪红食，点解呀？歧视著黑衫黑裤后生仔女专登唔卖比我地？腐乳通菜，颜色翠绿夺目吸引无比，爽甜鲜嫩，还有乳香腐乳酱助阵更加可口。云吞面，包得结实不松散的云吞，腌味浓郁，虾肉微爽不乏肉汁，都食得过。爽滑鱼皮，必定要捞埋麻油豉油辣椒油再卷上葱丝品尝才是皇道！青葱香气扑鼻，麻香带甜，凉浸浸脆卜卜鱼皮，只得几条葱太孤寒咯！多年前以为系生鱼皮，后来发现真身系灼熟浸冰水，使其变得极爽脆湿润立立令，外观真系好似生鱼皮既。云吞牛腩面，我都话走葱咯，激死﹗幸好朋友仔爱葱，立即全数过户。松化的牛腩没有特别的感觉，腍腍地甜甜地无膻味。淡淡的汤汁未见香醇，辣椒油靠您喇！使到汤汁变得香辣惹味，让爽面拖著大啖啜，都算吃得开心愉快。牛三宝面走葱，放入口已觉怪怪的，暖暖地唔系热腾腾既？怕温度太高会灼伤食客嘴仔？想食客可以食快少少快快埋单？生菜韧韧粗糙，牛筋腍滑，牛肚软软，牛腩爽爽，三宝微膻，炆得味淡。幼面非常爽弹，散发少少碱水味免强可接受。挂著大量辣椒油刺激醒脑，入到口顶得住。索价$68 蚊，面加冻饮有点贵㖞！
继续阅读
lunch食烧味不想食粥粉面饭，想食肉为主，可惜尖沙咀返工，几可有抵食嘅净烧味店呀。呢间洪利小厨有烧味食，每日特价餐都有烧味饭。刚巧今天星期一，有叉烧油鸡饭，可以选择送嘅老火汤或紫菜汤或热饮，我叫了叉烧油鸡走饭及热柠水。叉烧油鸡饭（走饭）下单时店员说走饭会答多几条油菜，但系上菜时系冇既，纯粹叉烧及油鸡件。分量都叫可接受，6块叉烧，5旧油鸡。叉烧冇乜特别，唔够肥。油鸡几好食，鼓油汁刚好，鸡滑。$48有肉有汤或热饮，尖沙咀午餐来说，ok。
继续阅读