影片
港铁湾仔站 A3 出口, 步行约5分钟
继续阅读
电话号码
62182744
营业时间
星期一至日
10:00 - 21:00
公众假期
10:00 - 21:00
公众假期前夕
10:00 - 21:00
以上资料只供参考，请与餐厅确认详情
第一次发现「津露」个名系喺KeeTa 外卖app，之后经过湾仔道，竟然俾我见到呢间迷你size的果汁饮品店。由叫KeeTa到直接落舖头买饮品已经5-6次，今日终于扚起心肝写食评。真心想支持一下呢位老板 - 好欣赏及佩服年青人有团火，特别系喺而家经济唔明朗嘅前景下创业，净系呢份勇气已经值得嘉许纸袋及杯套上的招财猫漫画公仔好可爱，原来系老板嘅朋友自己画，而啲祝福句就系老板自己谂出嚟 - 唔OT、出粮、放假… 全部都中晒我哋打工仔嘅心声！希望一如老板所愿，日后可以用呢啲拥有版权嘅猫漫画创立自己嘅品牌「津露」有别于一般废水店，因为有鲜榨果汁，所以水果茶系真材实料。加上老板之前曾经喺另一间有名气的台湾饮品店工作过嘅关系，所以佢好熟悉茶同生果味嘅配搭真系要大赞下老板非常好记性同细心，会记得熟客的喜好，例如记得我喜欢 “茶浓” 同 “唔酸得”，每次都会为我哋炮制一杯啱口味嘅靓茶！ 最感动佢记得我唔喺附近住，上次叫香橙绿茶嘅时候，主动帮我去晒橙皮，因为担心浸得耐茶会变得苦涩味… 果然对自己嘅出品有要求同坚持希望12月店舖装修完之后，可以增加小食类，提升整体生意。另外，十分期待将来会有更多新款茶饮出品。Keep it up
继续阅读