洋麵屋 五右衛門 (已結業)

原本想食青森, 點知星期一休息見五右衛門咁多好評又唔洗等位, 就試下啦!7點半左右入到去坐, 大概3分1 滿座侍應好勤力, 亦不斷加水有幾種SET餐選擇, 入到去發現食滿$250有85折我地2個人都係叫左有PIZZA同意粉既SET太肚餓唔記得影, 最後2塊併埋一齊影一個係海鮮, 一個係夏威夷我自己好喜歡吃酥批, 夏威夷酥批好好味, 芝士仲可以拉出黎海鮮就非常一般, 感覺淨係食到酥批, 基本上配料非常少北海道湯意粉上菜時牛油都未溶, 個湯底有少少芝士味成碗意粉好膩, 但唔知點解唔夠味!?麵身比較硬, 薯仔係生, 薯仔係生, 薯仔係生!!!!!!!!我無去換, 因為成碗意粉已經好膩, 食埋薯仔會好肥, 就算數唔想麻煩配料少既問題又出現了, 我數過有3粒比粟米大少少既帶子墨魚汁意粉, 味道一般, 有墨汁味.....同普通連鎖店無分別但呢碟意粉非常油, 食到尾都有好多油所以呢一餐食左好多「油」......我又去數過, 總共有4粒墨魚圈!!好立克紅豆冰沒有好立克味, 只有甜味

睇左食評而黎，以這個下午茶價錢感覺非常好。以四五十蚊既套餐，有意粉，pizza同特飲選擇，賣相同味道都相當不錯。大蝦牛油果意大利麵:意粉煮得岩岩好，只有两隻蝦仔，味道中規中矩。溫泉蛋蘇皮薄餅: 細細個，個餅皮做得好鬆軟，芝士加上醬汁味道不錯。牛奶抺茶: 不算太甜，牛奶香濃味道好。好立克咖啡啫里特飲:味道幾特別，咖啡啫里有少少苦，中和左杯野既甜味，好飲！唯一有唔好係待應不夠醒目，講明我地想share食想攞多公筷同碟，仲好似未反應過黎話我地明明有筷子，面口也不太好。

呢間真係成日去食 因為真係好好食 樣樣野都平均地好食首先餐湯 忌廉湯幾濃 有d蘑菇片係入面 日式清湯就味道清清地 有d豆腐粒 兩個湯都唔錯 跟住到吞拿魚沙律 材料食得出好新鮮 個醬汁幾好 幾開胃 餐飲就點左皇家奶茶 幾香濃 而抹茶牛奶更加正 好香滑 兩種味道相輔相成 唔洗加錢就有得飲 小食叫左個炸雞配洋蔥圈 呢度既炸雞好好食 外脆內嫩 d雞肉食落一d都唔鞋 洋蔥圈都係外層炸得香脆 入面既洋蔥爽口 我次次都爭住食 仲點左個酥皮pizza 材料雖然簡單 但食落唔平凡 酥皮香口 入口鬆化 面頭既芝士香濃 細細件 一啖放入口 係一種享受 到主菜啦 點左個香辣魷魚意粉 意粉質感好好 係al dente 而辣度適中 魷魚分量亦唔少 越食越好味 另外叫左個海鮮忌廉意粉 唔太記得個名 不過海鮮分量好足 大大隻既蝦 仲有青口等等 而且個醬味道濃郁 配埋口感perfect既意粉食 good! 最後點左個焦糖燉蛋配雪糕 又係好好味 面頭既焦糖片好脆 甜甜地 燉蛋香滑 甜度啱啱好 隔離既雪糕酸酸甜甜 整體配搭唔錯 係一個完美既結尾

可能期望高得滯，食落無咩特別😶大蝦意粉好重草青味炸雞意粉等如肉醬意粉前菜系吞拿魚好好食啲汁調得啱啱好仲有蟹籽少少香辣咁抹茶奶都唔錯不過應該熱飲會正啲哈哈真系幾貴

認識我的人知道好喜歡吃日本料理，日本料理給人印象只有拉麵，原來日本料理都有西式，屯門近年來開了不少食店，最近經過錦華附近，開了一間五佑衛門，價錢走中高路線，上星期某日，屋企無煮飯，決定試下呢間，叫了海鮮意粉（58元），另加30元升級套餐，有湯/沙律，飲品要了凍奶茶（凍飲另加3元），呢度前身係豚日本料理，經過重新裝修，格局好舒適，地方尚大，服務一般，味道都幾好味，特別係味噌湯，好好飲，完全有別一般味噌太咸情況出現，意粉都OK味道：味噌湯好好飲，沙律就一般，意粉都OK,涷奶茶都OK環境：感覺好舒適，座位坐得好舒服服務：一般價錢：食咗120元，好貴，間中吃就可以番食：間中吃就可以五佑衛門混合日本料理同意大利菜，感覺好新鮮我去過日本幾次，而家有呢種食店，我同屋企人只是吃正宗日本料理，呢種店無在當地吃過

朋友約了去屯市食晚飯，撞正光復屯門，見證完屯門人力量，之後去食晚飯。去了這間日式的西餐廳，食物主打意粉，又有薄餅，款式都多。我們每人都點了薄餅餐，有薄餅、任選一款意粉、一個湯、一杯飲品。湯：味道唔好，勁味精，飲了一口就無飲意粉：因為有4個餐，我們點了4個不同意粉1. 韓式炸雞意 - 炸雞超正，但個汁比較酸2. 溫泉蛋煙肉意 - 普普通通，沒有驚喜，比較油3. 白汁忌廉雞肉意 - 個汁好好味，好易入口4. 野菌大蝦意 - 沒有太大印象，食左少少，都唔記得味道係點薄餅：好正，熱辣辣，脆脆，似脆脆的印度薄餅質地，不過又細又薄，食完又想再食，但個辣味D辣椒好鬼辣飲品：杯皇家奶茶一般般，比較甜，茶味唔強，似糖加奶水，朋友話杯抹茶奶好飲，下次要試下！

住在屯門已經第七個年頭了 還是會迷路太失敗了...獨個四圍走四圍找了十五分鐘都毫無頭緒 最後選擇放棄 要致電餐廳詢問從電話中已經覺得店員有禮貌而且非常有耐性甫進餐廳點餐以及整個用餐過程對店員的態度都感到十分滿意平日的中午人不多午餐有六款選擇價錢分為 $58 $68 $78 都跟餐飲或甜品$58的餐只配餐湯 而$68和$78的會配餐湯和沙律點了午餐C 牛脷什菌燒汁意粉($68)餐湯有清湯和忌廉湯 選了後者而餐飲點了 抹茶牛奶先來飲品 餐湯和沙律忌廉湯沒有想像般濃稠 但喝下去很香有磨菇粒 肉碎等等它的沙律我好喜歡 夠冰涼菜很新鮮 加上蘿蔔絲 煙肉粒和酸甜的沙律汁抹茶牛奶原來想試熱飲的 但店員事先沒問我於是來了杯冰的 也不要緊吧 唯有一試抹茶味很夠 有回甘 不太甜 好好喝慢條斯理吃完前菜 等了約五至十分鐘 主菜終放來了!!腦海立馬彈出一條問題: 我吃得完嗎?份量好大喔!! 眼看就知道很足料意粉上灑上木魚 很有動感😂本人不喜歡食爛飯爛麵 所以我覺得這裡的意粉好好吃啊!!它們都是有咬口的而且廚師煮得很均勻 每條意粉都沾到燒汁結果我真的吃完一整碟 有點瘋幸好選了餐飲而不是甜點否則我想應該飽到走不出

初時見到個名，以為是食日本菜，點佑坐落望下個MENU是食日式西餐，所以你會見到是用筷子，而非刀叉…其實他們有些DINNER SET，只是我們太遲入座，所以已經停了DINNER SET。不過，沒了DINNER SET，仲可以食雙重滋味套餐，HKD100。只是我和NAN佬都沒選擇這個，因為NAN佬不想因為多了個PIZZA，而把日式炸雞肉醬意大利麵份量減少，而我就沒有心水MAIN COURSE，所以也沒有食這個SET。他們另外仲有一個自家酥批比薩套餐，HKD120，它可以主選MENU上任可意粉。只是我們也沒有食這個SET，因為太大份了，一個人食不完，兩個人又不夠飽。我們見到隔離枱有人ORDER，他們可以完全KO，但他們的身形都比我們龐大…要好大食先可以KO到…反正自己SELECTMENU上任何MAIN COURSE都可以加HKD30去變個SET的，所以不勉強自己硬食。個SET會有湯，有沙律，有指定餐飲或餐酒。我叫了個煙肉雞野菌醬意大利麵，HKD85，個樣真的好普通，似個快餐的賣相，但食落都好食，幾香，份量都好大，我都食不完，要靠NAN佬出口幫手。NAN佬就食他最紅汁日式炸雞肉醬意大利麵，HK

有些餐廳，經常會在你腦海裏，一要想吃飯的餐廳，自然會想起。但另一方面，又有一些餐廳，試過之後覺得很好吃，但要決定上哪兒吃飯的時候，總是想不起這些餐廳，而屯門市廣場的洋麵屋五右衛門就是後者。洋麵屋五右衛門在屯門市廣場都開了好一段時間，曾經吃過一次印象很不錯，但之後一直也沒有再去過，這天我們要去華都的順豐取淘寶貨，終於再次想起洋麵屋五右衛門，點了一客星期一至三才供應的二人餐。首先一人一客清湯二人餐可選一客沙律、一客小食及兩客主菜。沙律我們選了清爽的麻醬沙律小食選了芝士雞軟骨餃子，芝士味香濃餡料爽口，很好吃~老公選的豚肉芝麻醬意大利麵是意想不到的好味道，芝麻醬好香~反而我滿有期待的明太子大蝦意大利麵就想對較一般，其實不是不好吃，只不過一來加了我不喜歡的紫蘇葉，二來(其實最主要)是沒有我在台北的DAZZLING CAFE吃過的明太子意粉那麼好吃吧﹗飯後的咖啡也是一般，聽說抹茶牛奶很不錯，下次可以試試。其實我也很喜歡吃這種西日式意粉，希望洋麵屋五右衛門能夠漸漸成為我容易想起慣常愛吃的餐廳喇~

睇完Openrice送嘅「單身男女2」，再去醫肚！見呢間口碑唔錯，今日星期日仲驚要排隊！去到居然唔使等，即刻有位！ 在門口廚窗放滿臘製食品，已經看中墨魚汁麵！入內安排坐廚房旁邊出菜位，裝修係日式西餐廳格局，梳化配木枱，座位唔迫，坐得舒服，唔會好嘈，每個位置都有一個半圓形大膠托盤！唔用餐紙！但中間無位放食物！即係預每個食客都獨食一份食物！唔可以Share?食品以意粉pizza為主!午餐無墨魚麵，所以最後散叫！肥髀加多個沙律！溫泉蛋凱撒沙律：蔬菜新鮮爽脆，羅馬生菜為主，撈埋溫泉蛋食，好滑溜，醬汁浠身偏酸，幾開胃！煙肉淋身咸香！好味！魷魚墨魚汁意大利麵：黑媽媽，墨魚汁嘅味道咸香（肥髀唔鍾意聞墨汁味道）剛煮起熱辣辣，魷魚圈有5件，仲有個魷魚尖，魷魚都染成黑色，淋身唔韌，麵質煙韌，有咬口，食要好小心，成咀都染成黑色！麵上放幾塊蔬菜，又硬又無味！唔得！食物好味，服務唔錯，一到即刻比兩杯水，上菜男店員又會主動問：要唔要碟分菜？服務勤快！

堅持須要毅力，重新上路就須莫大的幹勁。重新執筆，先寫屯門區最愛的一家餐廳：洋麵屋五右衛門。不敢說它的食物是屯門區內最好，但不論食物質素、服務態度和整體性價比，都絕對值一個笑臉。每到屯門，不論是因工作關係，還是跟女友兩小口子地閒逛，五右衛門總是填肚子的首選之一。亦因如此，笑臉並非為一次半次的體驗所發，而是在多次嘗試後，對其穩定水準的嘉許。不過，先旨聲明，筆者是個專一的人（又或是獨沽一味），故來來去去都只吃某幾道菜。由於筆者跟女友都不算胃口大之人，故只提點了一份酥皮pizza配正常份量意粉的餐，再加點了一杯飲品。埋單約是＄150左右，相當化算。不記得何時開始，女友突然愛上綠茶，而每到五右衛門，亦必點這個抹茶牛奶。簡單來說，茶味香，口感幼滑，唯一缺點是實在太細杯了點，兩三口不到就沒了。（熱飲不就總是細杯嗎...?但感覺上是比一般的細杯熱飲還細了點)沒記錯的話，五右衛門提供兩款奶茶，分別是普通奶茶和皇家奶茶。印象中每次都點皇家奶茶，愛其奶味更為濃郁。相比起抹茶牛奶，它的茶味沒那麼強烈，但茶味跟奶香還是配合得相當不錯。當然，筆者不是奶茶痴，但這杯皇家奶茶合我口味就是了。跟抹茶牛奶一樣，最大的缺點

意粉有很多選擇我同太太點選了2份120元的套餐。意粉份量很足，女仕們如果想食簿餅的話，可能轉輕盈份量的意粉就夠了。我點了的白汁芝士煙雞肉意粉，汁很夠味，煙雞肉味道都好，芝士粒很香。簿餅也不錯。餅皮很好食。不過味噌湯太淡太清。因為太太有了身孕，餐飲點了的蘋果汁和橙汁但真的好一般。或者其他餐飲會好點吧。甜品點了一個焦糖燉蛋。味道都可以，焦糖夠脆。當晚約7點到店內，不用等位，之後開始多人。但都不算多人。可能是閒日吧。店員很有禮貌，動作亦很快手。讚。

儲埋好多用餐既相見人地寫得咁吸引我又加入啦~第一篇就俾 洋麵屋 五右衛門成日經過, 只係食意粉~一定要試下啦~主打意粉唔會差得去邊既~佢有套餐~百幾蚊有兩個意粉一係一個意粉配PIZZA我地試左意粉配PIZZA+甜品SET另自己叫一碟估唔到個湯咁正~隻蝦堅大隻~抵啊~好惹味~好香酥脆口~yummy唔記得加$10定$20就有~值

屯門是一個充斥着各種多樣性的地方，她瀰漫着濃縮了的熱鬧氣份，亦勾勒出青沙灣的靜謐。青沙灣在黃金海岸再向前走，就在名聞遐邇的三聖旁邊，比起黃金海岸那享負盛名的水清沙幼，這裹多了一份虛無寧靜，少了一些窘迫狹促，最適合收藏回憶，疊築情緒。說回正題好了，讓我得知青沙灣這地方的K小姐，是一個永遠都鼓躁着青春的人，一有空閒就飛到外國去，不是東埔窟就是非洲，而且還對印度興致㪍㪍，有時我想，難道我身邊就不能有些正常一點會去普通地方的普通人嗎？近墨者黑，對自己是一個怪人倒懶得否定，詭譎未至而荒唐有餘。這個大女人，又讓我要進屯門去拿回借給她的相機，再絞盡腦汁再詐騙多我一餐飯，想來上輩子一定是燒了她全家，她決定了，是這家就是這家，五右衛門就是五右衛門，何其霸氣。甫到埗，一塊洋麵屋五右衛門的大黃牌醒目地聳立門前，頭上一大幅石川五右衛門的畫像，其為日本安土桃山年代的義賊而聞名，其實五右衛門在日本的分店極多，主打Fusion菜式，雖說是以義大利麵為主，但卻以筷子吃義大利麵為噱頭。其門面裝潢跟日本大多分店同出一徹，都是以紅色桌子襯托店內的義大利麵和套餐作招徠，內裹不大卻劃分得很仔細，以幾何圖案間條作主導，留下些許的

雖然Kawai 是屯門人,但常常在屯門市中心蕩失路,鬼咩,D舖頭搬來搬去,轉手,都唔知點約人.....這天下午,去完圖書館借書,就來了 洋麵屋 五右衛門 ,家母與妹妹都推薦,說環境同食物都不錯,她們對我說"用筷子食意粉,你試過未?"下午茶時間,除了我之外,就只有一台客人,很清靜~下午茶有輕食套餐,意粉加飲品,大概是50元左右 我點了牛油果蝦肉紫蘇葉意粉,因為自己喜歡吃牛油果,反而沒有想牛油果炒熟了會變什麼味道~ 幸好,兩者配合都幾好吃,不會覺得很突兀,蝦新鮮彈牙,唯獨是沒有蝦味而已套餐有一碗麵豉清湯,入面有豆腐碎,香菜的鰹魚,有點鹹味,即食但喝完不會口喝那種除了湯之後,另包飲品,選了橙汁,加一服務費 50元下樓,我覺得可以返兜