泰Cool

营业中

休息中

今晚去淘大食飯，朋友話係巴士總站隔離泳池對面，有間泰菜都坐得幾舒服，又有貓貓，仲有d卡位仲整到係勁大嘅騰籃，勁岩打卡😆糖醋魚：擺盤精緻，味道酸甜洽到好處。魚身食落嫩身，沒有死雪藏味，唔知係咪泰大廚有獨門秘坊呢🦧 菠蘿食完一粒再夾一粒，夾極都有...🍍沙嗲串燒：豬牛雞都有，價錢超值，即叫即整，入口熱辣辣，趁熱食就perfect生菜肉碎包肉碎份量好多多多，鍾意生菜包的，可以包完1個又1個，唔似出邊得少少肉碎。口感就少少辣，唔係好受得辣的都可以試下!珍多冰本身諗住飲1條條的珍多冰，點知黎到竟然係用粒狀。。。大開眼界，別有一番體會，飲條條款的，有時會係條管到塞住，粒狀就no problem啦。 椰汁個比例岩岩好，唔會話好甜，搶晒浸味，食泰菜唔飲返杯點得😊除咗室內，仲有室內，岩d人食煙傾計吹水，仲有antman等superhero陪伴

經過淘大近馬路口嘅泰國菜午餐都係$58-62幾抵食，份量十足！海南雞飯$62雞肉嫩滑，有三款醬可以點，豉油，薑蓉，泰式酸辣醬食落好開胃🤤仲有冬瓜紅蘿蔔清湯，清清地唔錯👍🏻特別一提係佢嘅油飯有陣陣斑蘭味好香飯粒分明食落唔會膩泰式豬頸肉煎蛋飯$62流心煎蛋煎得好靚😆豬頸肉都好多件有辣辣地嘅豉油可以撈埋食好正👍🏻加魚餅$25有三大件，食落好彈牙亦唔會太鹹，而且好濃香茅味椰青跟餐叫$30好新鮮解渴亦好清甜，仲可以食埋啲椰子肉😙斑蘭椰奶跟餐$12斑蘭味濃郁，甜度調得幾好唔會過甜可惜椰汁西米糕賣曬🥺下次黎一定要試下仲有下午茶套餐都好吸引款式幾特別而且坐得寬落地方夠曬大👍🏻黎開淘大的話可以再encore！

原來九龍灣淘大近佐敦谷公園有泰菜食！😍1.青木瓜沙律 $68份量不少！青木瓜爽口 酸辣度適中👍🏻👍🏻2.生菜包 $88肉碎惹味，生菜都新鮮👍🏻👍🏻3.炭燒虎蝦 $128幾大隻，燒得幾香👍🏻👍🏻4.香芒蟹肉炒飯 $88份量多！足料，夠鑊氣！👍🏻👍🏻5.椰汁冰 $38, 香芒椰子奶 $36好飲！🫶🏻仲有識講嘢既機械人送餐，仲祝我地用餐愉快😂😂價錢公道，味道不錯！👍🏻👍🏻

今日同朋友去了九龍灣行街，順道去了吃這間泰國餐廳。這間餐廳還有貓貓睇，幾得意。泰王咖喱軟殼蟹釀巨型麵包（$178）：咖喱的香味濃郁，味道適中。軟殼蟹的外皮酥脆，肉質鮮嫩，與咖喱配合相得益彰。巨型麵包外酥內軟，非常適合承托咖喱味道。泰式燒雞（半隻）$128:燒烤的過程中，雞皮烤得金黃酥脆，肉質保持嫩滑多汁，一口咬下去時，既有嚼勁又不失柔軟。炭燒豬頸肉（$78）：豬頸肉肉質細嫩。炭燒後，外層金黃酥脆，內裡保持肉汁豐富，咬下去的瞬間有滿滿的肉香。炭燒牛柳粒（$88）：炭燒牛柳粒選用上等牛肉，外層微焦，內部保持多汁。咬下去的瞬間，肉汁在口腔爆發，令人垂涎欲滴。炭燒的過程能夠帶出肉類的自然香氣，加上炭火和調味料的融合，散發出濃郁的香味，讓人食指大動。

上網見到OpenRice 食評見到好評多過劣評，諗住冇死啦，點知堂食晚飯食完之後勁失望，叫咗個蟹肉芒果炒飯，啲炒飯係濕淋淋嘅，想像下炒飯係濕嘅係會有幾難食？仲叫咗個雞肉粉絲，啲雞肉係鞋恰恰，乾爭爭咁⋯另外仲叫咗串燒，串燒係得豬肉比較好食啲⋯呢間泰國餐廳，夜晚都好少人食咁，除咗座位好坐之外，同埋有隻貓貓坐陣之外，啲食物真係完全唔掂！冇下次了真係唔知係今次唔好彩食到廚師失準之作，定係啲人真係覺得好食🤷🏻‍♀️

蟹肉炒粉絲粉絲煮得恰到好處不會太淋身，吸收了蟹肉的鮮美口感滑溜。蟹肉新鮮且肉質嫩滑，都能品嚐到海鮮的鮮甜豬頸肉沙律這道豬頸肉沙律經過精心烹調，外脆內嫩，搭配清新的蔬菜木瓜絲和甜辣的醬汁，讓整道菜品更加清爽可口。地道火山排骨如果你喜歡重口味，地道火山排骨絕對不容錯過。排骨經過醃製，味道濃郁，微微的辣味刺激味蕾。這道菜品展現了泰國料理的獨特魅力，讓人回味無窮。鹹檸七最後，嘆一杯鹹檸七，清爽又解膩。☺️☺️

以前成日喺將軍澳海旁食泰cool，今晚為了一個返咗嚟香港幾日嘅朋友，四個女仔聚一聚，揀咗去中間點嘅九龍灣呢度食飯食飯。我哋約咗6:00pm,一入到去，最初都有啲懷疑自己係咪去錯地方，因為個場都幾吉下。見到只係得幾台客（已經包括埋出邊可以同寵物一齊食嘢嘅地方。），但係如果坐低之後離開，好似有啲怪，所以我哋就打算試吓先叫個平平地既蝦餅食吓，就算發覺唔對路，要走都唔會咁尷尬麻😅點知個蝦餅一上枱嘅時候，我哋四個女仔「嘩」咗一聲！咁大件嘅！？份量都幾足喎，仲大過成隻匙羹，而且都幾足料，而且又好味。去到差唔多7:00pm左右見到都多咗幾枱客，就諗住：算啦，都喺度食埋其他嘢啦。😆我哋四個人叫咗必食嘅菠蘿炒飯、椰汁蝦湯、燒豬頸肉及芒果糯米飯。燒豬頸肉我個人覺得比較乾身，如果可以多啲汁嘅話會好啲。菠蘿炒飯充滿菠蘿汁，如果可以再炒耐一陣，乾身啲會更好。不過，我哋試個女仔都覺得個椰汁蝦湯超好飲！而且佢隻隻蝦都好大隻，我哋每人都飲到兩至三碗左右😋最後，芒果糯米飯方面，糯米飯好好食，不過個芒果好酸😖我哋四個女仔由6:00坐到夜晚10點（冇俾人趕走🤪），埋單嘅時候每人只係俾咗$123 ，超抵食！

最近去咗呢間位於九龍灣淘大商場四期嘅泰國菜餐廳，環境非常闊落，入面幾個大鳥籠設計嘅座位非常吸睛，啱晒打卡，而且仲有2隻好得意嘅貓貓🐱走嚟走去，勁得意。首先上場嘅食物係馬拉盞炒通菜。馬拉盞醬，味道濃郁鹹鮮，係正宗泰國風味，帶有微辣的香氣，通菜亦炒得恰到好處，保持了原本的脆感，好食。跟住，我哋叫咗一份泰式炒牛河。牛肉切得厚薄適中，醃得幾滑，炒嘅火候控制得幾好，鎖住牛肉嘅咗肉汁。河粉口感滑爽，唔知係咪加咗啲啲泰式魚露，成個炒粉有種豉油鮮香，令人驚喜。然後嚟到主菜——泰皇咖喱軟殼蟹釀巨型麵包。呢道菜真係視覺同味覺嘅雙重享受！軟殼蟹炸到金黃酥脆，搭配濃郁的泰式黃咖喱醬汁，味道香濃，又唔會太鹹，蟹肉鮮甜惹味。巨型農夫包外脆內軟，吸收了咖喱汁，令人食到停唔到口。吃完主菜，當然唔能錯夠錯過甜品。芒果糯米飯係我最愛嘅泰式甜品之一。佢哋嘅米飯香甜軟糯，配合超甜嘅芒果，淋埋椰漿先係精髓啊，口感一流，推薦。講埋飲品，我哋選擇咗椰青和龍眼冰。椰青清爽可口，帶有自然的甜味，飲一啖即刻feel到冰涼清爽；而龍眼冰口感更甘甜，龍眼數量多，十分滿足。

最近工作很忙要OT夜放工都唔想煮 就在屋企附近食埋先在淘大花園轉角位記得之前路過見到門口有半露天位食泰菜飲啤酒餐廳位置闊落 入面裝修都好有泰式風味價錢經濟又大碟成餐飯都好有泰國渡假氣氛在忙碌工作之後chill番下都幾relax //泰式生蝦刺身(10隻) $98//大大盤生蝦一共10隻夠大隻 蝦肉爽口彈牙食落好新鮮無雪味//泰式單骨雞翼 $58//雞翼切開一半 比起雞中翼較乾身點埋泰式雞醬甜甜酸酸的味道是令人開胃的小食 //咖哩牛腩釀巨型麵包 $88//農夫包外脆內軟麵包盛載著咖喱咖喱甜而不辣 送麵包一流麵包入面有好多舊牛腩牛腩入晒咖喱味牛腩煮至軟淋 配菜有洋蔥薯仔薯仔都好入味最後食沾滿咖喱的麵包 好好味 //冬蔭功雞肉炒河粉$78//Phat Thai食得多用冬蔭功炒就好少食到河粉炒得乾身煙韌加上了冬蔭功配料來炒 香味100分入口口感除左酸酸甜甜之外仲加多了一點香辣又幾惹味 //鐵板蠔仔蛋 $98//鐵板上 熱辣辣香噴噴好大碟 好多蛋又好多蠔仔蛋口感很滑 有蛋香與潮州蠔餅不同泰式蠔仔蛋比較似台式蠔仔煎蘸上辣醬食就更加美味 //青啤 $32//環境甘chill好似去左旅行甘當然要叫

今日同屋企人去九龍灣的泰cool食午餐，真係一個好開心嘅時光！餐廳環境輕鬆舒適，適合一家人聚餐。我哋點咗幾樣好味嘅泰國菜，令人回味無窮。首先，我哋試咗泰式蝦金邊粉，蝦肉鮮嫩，粉條滑溜，配上特製的醬汁，味道絕對夠味。接住，我哋點咗凍泰式奶茶，香濃的奶茶配合冰涼的口感，喺炎熱的天氣中，真係一杯極品。之後，我哋又嘗試咗雞絲扎肉撈檬，雞絲細緻入味，搭配新鮮的撈檬，整體口感清新。還有熱朱古力，甜而不膩，暖心又暖胃。泰式生蝦刺身更係一大亮點，新鮮的生蝦，搭配酸酸辣辣的醬汁，令人一試成主顧。另外，火車頭河粉同鳳爪沙律都非常美味，河粉滑爽，鳳爪沙律則帶有清新的味道，正好消除油膩感。最後，我哋點咗名爐檸檬蒸烏頭，魚肉鮮嫩，檸檬的酸味提升咗整道菜的層次感。最後，我哋仲食咗512蚊，甜品絕對為今日嘅美食畫上完美句號。整體來講，今次午餐真係好滿足，期待下次再來！

一直都唔知道原來淘大商場轉各位呢度仲有一間咁大間嘅特色泰國餐廳！！泰COOL🔥👉🏻 原隻南瓜咖喱海鮮 配薄餅Amazing CP 值超高仲好吸睛，份量仲好多！！除左+30配薄餅， 仲可以配蒜蓉包 。南瓜咖喱香濃味美， 南瓜好厚， 仲可以刮出嚟食 ，海鮮有蝦，魷魚，青口 同埋蔬菜， 份量非常足料 同鮮甜，薄餅脆口👍🏻👉🏻 雜菜野菌炒金邊粉蛋膜包住嘅金邊粉炒得香口，加上新鮮野菌和蔬菜，清甜爽口👍🏻👉🏻 沙嗲牛雞串燒拼盤牛肉和雞肉串燒燒得恰到好處，香氣四溢，搭配沙嗲醬汁，味道更加豐富。👉🏻 芒果糯米飯：估唔到除咗普通白糯米仲有紫米！！糯米香濃，芒果鮮甜多汁❤️👉🏻 熱泰式奶茶整體嚟講真係份量好足又好食，下次帶埋屋企人黎先🔥🔥🔥

泰Cool 午市不嬲都好抵食，今日同老公早少少過嚟淘大分店食嗰Early Din，淨係嗌咗 3 個餸都食到我哋好飽！.店內除咗有QQ貓店長會坐附近休息，仲係PetFriendy，可以帶埋動物一齊食飯。.➜原隻椰香海鮮焗飯（跟配椰青水）烤焗過芝士佈滿椰青頂部，一撥開係超香椰子味，材料同份量都係超豐富，份量再多多個人都夠食！仲有清甜解渴嘅椰青水，好滿足！.➜軟殼蟹米紙卷半個大人拳頭嘅米紙卷超誇張，軟殼蟹脆卜卜，仲有好多沙律菜包住，唔會油膩，相當爽口.➜無骨鳳爪沙律酸辣開胃嘅鳳爪口感爽脆，仲有番茄、青瓜同洋蔥等等嘅爽口嘅配菜。.➜咸檸七.#msmessypig_food

約左一班朋友係九龍灣食飯….搵左依間係商場附近嘅餐廳☺️…入到去環境乾淨舒適😊🐾小食拼盤Topical 泰式餐廳嘅小食拼盤☺️….包含炸蝦餅…炸魚餅…炸春卷….炸雞翼😋😋….幾好食…🐾冬蔭鮮蝦炒飯冬蔭功炒飯…有驚喜…少少酸酸辣辣….好開胃🤤🤤🐾 香葉肉碎炒金邊粉略嫌濕左啲….少少失色🫣🫣…但味道唔錯嘅😌😌🐾 咖喱牛腩釀巨型農夫麵包一試菜就比個麵包surprise 到….因為真係超大個！！….咖喱濃郁…但就唔辣…牛腩超級入味….😋😋

餐廳位置闊落，當日坐咗係卡位，造型係一個個鳥籠，幾得意! 餐廳仲有兩部大電視，一部播緊足球賽，一部播緊華納啲新歌，成個感覺幾cill~ 食物方面選擇好多，份量亦好大，我地揀咗冬陰功明爐烏頭、串燒、蟹肉芒果炒飯、椰子冰同椰青。冬陰功明爐烏頭 ($178): 湯底微酸微辣，好啱香港人嘅口味，烏頭呢種魚本身肉質唔算好嫩，係較為鮮甜實淨，肉多骨少，配上冬陰功調味，一啲都唔腥，魚鱗亦去得乾淨。串燒 ($88): 揀咗牛、豬同雞各兩串，沙嗲汁惹味。蟹肉芒果炒飯($88): 芒果好甜，清新開胃，面頭鋪咗好多蟹肉。椰汁冰 ($38): 係泰國夜市嘅回憶~ 超級大杯，係多到就嚟滿瀉。沙冰打得夠碎，唔會有冰碴。椰奶味香濃，係偏甜嘅飲品。椰青 ($46): 鮮甜，仲比埋匙羹挖椰子肉嚟食，夠貼心。餐廳上菜上得快，人手充足，環境亦有佈置，係同家人或者朋友聚餐嘅好選擇。

想靜靜地搵間泰國野食下，今晚仲多隻貓陪。九龍灣淘大有間泰菜，裝修有泰式風味。入到去已經見到貓店長坐係度等我，又真係估唔到。打開餐牌都幾多款式既泰菜可以揀，然後再QR落單。鮮蝦刺身生蝦有用冰鎮住，最貼心係冰面包住保鮮紙，避免溶冰時水份會影響到生蝦，一直保持清爽口感。鮮蝦米紙卷米紙卷好大件，中間除咗鮮蝦，仲有大量蔬菜，加上開胃醬汁，味道清新。泰皇咖喱軟殼蟹釀巨型麵包大大碟，賣相吸引，咖喱惹味，帶椰香，加蛋汁更香更滑，而且咖喱汁豐富。巨型麵包同軟殼蟹一樣咁脆，同咖哩非常合拍，有驚喜。馬拉盞炒通菜通菜份量都幾多，顏色翠綠，有爽脆口感。