影片
招牌菜
相关文章
话说近年搬到附近~ 都好钟意去呢度食野~觉得又好味又抵食~沉晚再去, 非常之失望~话说七点几去到, 预左要等位...都知道越尼越多人~ 等左差唔多二十分钟...终于都有位~叫左次次都会食0既生虾刺身, 柚子沙律, 咖哩炒大蚬同蒜茸包 加两杯青柠梳打柚子沙律都系平时咁好味, 只系份量好似少左~生虾刺身份量不变, 但好明显差左...笠口0既...一D都唔爽~~ 咖哩炒大蚬 :咖哩无乜味道 (竟然?!)...大蚬仲有沙~ 好失望~食晒咁滞都未等到个蒜茸包~ 阿姐话整唔切㖞~~再等...终于都尼~~但个包根本都唔热...仲青青地色~好怪~两杯野饮仲唔使讲...得一片仔青柠...仲要无冰0既...一D都唔冻~ 唉...超级劲失望~~ 果然当一时铺头出左名多左人去之后...水准真系keep 唔到~ 仲要加价tim....唉....
继续阅读
相信有人同样有此问题到底 Tum Yum Thai 怎样读呢？好像是 "冬阴泰" 。入番正题先，今次与朋友三人行，并不是点得太多菜，分别有﹕泰式生虾刺身，生菜包(猪肉)，泰式烧侧鱼，马拉盏炒通菜，泰式炒金边粉及"泰式烧大砚"(这个老板推介好像在餐牌上是没有的。) 由于我也不知道是什么时候开始的迷信，中国人不要"食七咁食"，所以如要再点菜必需多点两款，但已经差不多饱了，所以没有再加。以下是每项菜分别的食评﹕泰式生虾刺身﹕很大碟，有十四只，很新鲜弹牙也不会因为泰式汁导致覆盖了虾的味道。生菜包(猪肉)﹕我之前吃过的生菜包生菜包猪肉会有点辣味或过多盐"喊"味，但这个猪肉没有辣味或过多盐味反而有种泰式的酸甜，第一次尝到，好吃﹗泰式烧侧鱼﹕本来意为鱼皮也可吃，但原来鱼皮已被烧得很硬和"喊"最好不要吃，但打开鱼皮后，鱼肉的香味(及可见的香烟)不用点泰式汁已经可尝到烧鱼本身的味道，个人建议先来一个原味，再来个泰汁比较一下自己喜爱那种味道。泰式烧大砚﹕大砚也是与鱼一样，可先尝原味与点泰汁比较一下，很新鲜，在吃的同时把砚壳上的砚汁同一时间放进口腔，感觉很捧呢﹗﹗﹗以下两款菜色反而平平无奇的马拉盏炒通菜和泰式炒金边粉同样是"味道淡"但镬气十足。整体来说算很不错了。地点比较偏远，平常基本上是不会找得到的，所以有兴趣试的朋友要先查清楚地点。
继续阅读
今日同朋友帮衬, 等左1 个小时20分钟才有位, 不过都系无拣错 。 我们二人选了 四样𩠌: 串烧鸡肉及牛肉 (猪肉无晒 ), 泰式烧蚬 (8大只), 烧鲗鱼(大大条), 虾酱炒通菜 。其中串烧鸡肉够嫩滑入味, 牛肉就 ok, 有一条比较韧, 沙爹汁接受 。蚬分炒及烧, 我们钟意原味烧, 带有海水味及鲜甜, 无沙,。烧鲗鱼- 好大条, 连鳞盐烧, 去皮后里好鲜甜内有香草配合, 绝无泥味。通菜 -- 油颇多, 味道唔系好适合我们, 但好多人叫 。老板用电炉烧鱼, 一转烧蚬, 绝无停手 。现在只能在街边食, 绝无入座, 食客同等客都很多, 等耐点都抵 ~ 食好嘢嘛 ! 5月底要搬啦, 搬去附近创x银行对面, 地方应该会大一点 , 价钱自然会加, 实在太便宜, 外卖都做唔停 。份量都好大碟, 下次要揾多几个朋友食饭先至得 。
继续阅读
如果大家未去过呢间野, 对个度又唔熟路既话, 要去就记住print张map出黎喇.....如果唔系出左MTR实有排兜....由MTR行去个度around 5-8mins 呢间野真系好多人, weekday去都要等十几张台, 不过都唔算等好耐, 等around 30-45mins.....佢个舖位好细, 好似一间珍珠奶茶舖咁既size, 所以舖面系冇位比人食野, 佢将d位摆晒系隔离左右关左既舖既门口, d位摆到"U Turn"埋添~我地2个人食左4个𩠌, 埋单$180...上菜速度慢左d, 差唔多食完一碟, 另一碟先上到...员工都几好礼貌, 唔会话忙得济, 有人嗌都唔理人 or 黑晒口面~泰式生虾 ~ $48/17只...超抵食, 个汁香浓又够辣, 可惜生虾唔新鲜又唔弹牙, 佢又冇用冰铺底, 入口冇左冰冻既感觉~泰式生菜包 ~ $40....好多肉好多生菜, 食完都饱左5成, 可惜肉炒得唔够香, 生菜又唔新鲜爽口~炸虾饼 ~ $40...又系好大既一碟, 炸得好香口, 虾胶重料又打得好均匀, 可惜d油用得太多日, 炸到d虾饼黑卒卒~青咖喱猪 ~ $40....附送一碗白饭, 咖喱有椰香得黎又有少少辣, 可惜猪肉料少左d~总结 : 价钱平又大大碟, 食得好饱但味道一般, 专程去食仲要排咁耐队就唔好搞喇, 咁arm系个头又唔驶排咁耐队既就冇所谓
继续阅读
话说呢间野见过几次, 次次都爆晒场咁, 仲有有人排队, 咁就无得唔试啦, 难得一家四口齐人又无煮饭, 今日我请客!! 7点钟去到已经有人排队, 有部份铺头未关门, 所以未开到台比我地, 不过唔紧要, 打好野既话, 等系有价值.约15分钟后就有位, 服务态度唔多讲, 路边铺就唔重要, 不过都算唔错.叫菜先, 上菜速度明显地较慢, 鬼叫佢铺头细细咁多人食咩~~冬阴公 - 好似我唔食得辣既真系几阴公, 不过我家人就话唔辣.飞天通菜- 都唔错!! 小食拼盘- 有炸鱼饼, 炸虾饼, 春卷, 春卷真系脆, 大酒楼级数, 虾饼就油左小小, 但系都系推介生虾 - $48 有成18只, 有鲜味, 加上人多黎食一定有返咁上下新鲜, 必食青咖哩(猪肉) - 跟一个白饭, 送饭一流流流!! 猪颈肉 - 唔够肥, 不过不失, 唔洗特登叫, 但系系最早卖晒, 唔知系我果碟定我个口味唔岩生菜包- 唔错泰色炒饭 - 干身, 好味, 不过太饱仲可以打包 4个人8碟送同一支可乐都系$310呢间野唔好睇佢细细间仲要坐街边, 食野最紧要系抵食,好味, 深水步长沙湾最高quality 既泰国野, 香港内既都算高水准, 街坊必食, 非街坊又近近地可以黎试下!
继续阅读