影片
以上资料只供参考，请与餐厅确认详情
无意中发现呢间泰国菜餐厅，位于九龙城核心区最边边位置，是日晚上七点到现场都坐紧九成🈵️要等位，用餐过程不难发现此店主要做熟客为主，有好多客入到餐厅都已经识得捐窿捐罅。店员提供街坊式亲切礼貌的服务，喺需要等位嘅时间 主动问我哋有冇需要櫈；入到餐厅用QR code落单， 唔知点解系统将所有餐点自动入咗两份，店员并冇黑面、亦冇闹人🫣 饭后亦有主动交谈，推介我哋下次嚟试火山骨👍🏻环境方面，属一般老店的规格，绝非新净但仍感觉到上算整齐，卫生程度可以接受。食物方面全部抵食夹大件：青芒鲗鱼沙律 - 说明三至四人份绝不为过，心机菜式将鱼拆成一件件鱼块上浆炸，再冚上调味、香料十足的泰式酸辣汁，配上青芒果的清爽口感， 高度推介！皮蛋虾饼 - 份量味道十足，炸起即食够热够脆，两样食材(虾胶、皮蛋)味道比例平均，泰式辣酱纯粹衬托亦锦上添花。冬阴功浓汤 - 十分醒胃，辣度刚好。除咗大头虾亦有摆放菇、车厘茄等菜料，增添食材质感。连同一碟马拉盏通菜、生虾刺身及两杯饮品，二人消费共$640。 足料抵食，回味程度亦高，会安排下次 到九龙城食泰菜时再嚟 👍🏻
继续阅读
嚟到九龙城紧系食泰国菜啦叫咗8道菜拼盘鸡翼超正咖喱汁蟹配薄饼或者蒜蓉包黄金炒虾个虾好入味酸辣凤爪就一般味道唔系太浓串烧最好食🤤最后都嗌多咗碟串烧有鸡肉牛肉选择
继续阅读
好食！抵食！服务一流！碟碟好足料，必食推介：炸虾片、猪颈肉、明炉乌头、冬荫公、菠萝海洋炒饭！猪颈肉非常厚肉，乌头鱼特别鲜甜，菠萝海洋炒饭十分足料，仲有大大个新鲜椰青！五个人叫左八款菜式，仲叫埋青柠梳打，埋单都系九百多元！真正超值！😋😋😋上菜又快，老板同员工都超友善，临尾仲送上美味的芒果糯米饭做甜品，食到最后友人要去洗手间，没有纸巾，职员立即成包纸巾送上，简直是窝心！令人食而忘返！一定会再来的餐厅！
继续阅读
泰国正忠味道！有锅气！CP值超高！平日午餐时段来九龙城找地道泰国菜，下午两点有几间午休，有几间要晚市先开，所以行过黎试新野。在最旺的泰国街旁边，店铺干净，老板娘亲切友善！过了午饭时间都有街坊熟客帮衬紧。午餐有两页选择：海南鸡饭、炒饭、炒河、汤粉等，全部均一价$55，另外饮品多选择，加$3有泰式奶茶，加$5有特饮珍多冰等。叫了海南鸡饭，好彩未沽清。鸡肉厚实，黄油皮，皮爽。鸡饭酱食得出自家做，有姜丝香料，不太咸，食完一碟酱再添一碟。另外叫了辣肉碎炒公仔面，一落单后就听到厨房镬气声，炒完捧出来一看就流口水🤤，大碟头配好多菜，彩椒要落去微辣，有金不换、洋葱、泰式椰菜花、番茄仔、青豆角，当然有幼身泰国公仔面。香口浓味完全唔洗加辣椒粉。饮品都值得一赞：奶茶香浓有茶叶香，就算少甜都无遗和感。珍多冰都几多椰奶，我老公系珍多冰粉丝要求高都觉得唔错🤣绝对值得返黎再试其他菜式，唔比其他出名泰国菜馆逊色，反而仲有一番地道风味！
继续阅读
入坐后，店员送上热水比我哋洗餐具，斟咗冰水，再送上免费炸虾片，一路食住虾片，带点胡椒味，几好食，一路睇下餐牌拣嘢食食泰国嘢，最先又必食嘅当然要叫个沙律系，今晚舍弃了柚子沙律，黎个泰式酸辣鳯爪沙律 ($78)份量都吓了一眼，酸辣鳯爪堆得满满，加埋紫洋葱及芹菜，酱汁就酸得黎愈食愈辣，好惹人胃口。肉类担当有串烧 (猪牛鸡各2串/$88)，真正即叫即烧，都要点时间等待............但值得嘅每串份量相比起其他店都大D，无论猪牛鸡都入口松软，唔会烧得太干身，点埋个沙嗲酱好好味。最后黎个淀粉质，呢度无汤河类，干炒料猪鸡同海鲜都系同价，既然食咗串烧，咁就叫个干炒海鲜河($68)，(无河粉转金边粉)海鲜材料有鱿鱼，青口同虾，雪藏货式无咩味道反而个金边粉最有味，开头担心会炒到一团团，但又无㖞 (好彩)，加咗鸡蛋一齐炒多咗阵蛋香味，份量都几多，够饱肚。甜品只有芒果糯米饭，今餐太饱，留待下次再会一会佢呢餐无加一，仲有个精美椰汁绿豆糕送比你食(忘记影相，呢个相当好味，可惜餐牌上系无嘅)
继续阅读
您可能会有兴趣的...