泰迎 (已結業)

有冇諗過一塊餐牌可以提供幾多個選擇？泰迎呢塊餐牌睇到我懷疑人生，真係花多眼亂。一塊餐牌竟然提供A至Z個餐，即總數二十六個！泰迎的餐牌，多到唔識揀。最終揀咗久違的馬拉盞肉碎炒茄子飯 $45+$3凍飲。一上枱已經嗅到陣陣辣香，肉碎多到足以撈到個飯食，對我黎講仲有多tim。茄子唔係薄切，大大片，有厚度，正！配菜仲有生洋蔥衝擊味蕾。$48埋單，真係食到飽，唔似市面上食完唔知食咗乜落肚既餐廳。下次經過可以再食！…查看更多

今日突然想食泰國菜，之前去過一間元朗嘅泰國餐廳「泰迎」食過，佢哋嘅「蒜蓉包」必定要試一下，因為會配上2種不同嘅咖喱汁醬料，而且可以提供2件或4件選擇，適合不同人數需要因為今晚我們得2個人食，所以只係叫左以下：1️⃣ 金磚蒜蓉包 (兩件) $322️⃣ 泰式生蝦刺身 (6隻) $883️⃣ 人氣黃咖喱 豬 $684️⃣ 明爐青檸湯烏頭 $1085️⃣ 白飯 $15整體來講：味道唔錯價格💰：$343 ($311 + 加一服務費$31.1)味道😋：OK…查看更多

元朗朋友聚會，本身係想旁邊嘅小食開餐，但小店實在太小，放唔落咁多人，所以轉而去旁邊食泰菜蒜蓉金尊 - 2+4件 - 麵包外脆內軟，蒜蓉味其實唔太重，但配埋兩款咖哩醬食就岩岩好。串燒 （雞/豬 各6串）- 兩款都偏乾身，沙嗲好香花生味，但整個醬感覺唔夠香馬拉盞炒椰菜苗 - 炒得過老左少許，但味道可以海南雞 /半隻 - 估唔到半隻得咁少，不過都唔錯，肉質都幾嫩泰式豬肉炒河 - 河粉極碎而少，反之配料比例比較多，夾幾下幾乎都夾唔正幾條河粉，唔合格，味道都係一般般啦豬肉生菜包 - 菜夠新鮮，豬肉碎都夠香，唔錯小食拼盤 - 抵食夾大件 係春卷但皮太厚太實，其他都唔錯青檸烏頭 - 烏頭幾新鮮，但冇咩檸味，其他配料都冇幫助帶埋烏嘅鮮味，唔算突出…查看更多

前2日先由泰國番黎香港，個心仍然掛住泰國既美食。入到元朗唔知食咩好，見到呢間泰國野就入左去。由於午餐食飯時間都比較人多，等叫餐時間唔得太耐大約10分鐘左右。叫左一個午餐連飲品馬拉盞茄子炒肉碎飯（凍飲+3）$40，香茅豬扒扎肉煎蛋飯$50馬拉盞茄子炒肉碎飯:好味香茅豬扒扎肉煎蛋飯:份量都大份我以為扎肉係另上，原來有驚喜。係將扎肉加蛋一齊煎，好香口，豬扒有2塊甘多…查看更多

今日去咗泰迎食午餐，新嘗試，鋪頭面積很大，時間尚早得幾台客人，坐得好舒適叫咗兩個午餐，一個綠咖喱蝦餅飯同埋一個香茅豬扒飯，等左大約8分鐘左右兩碟飯都上台啦一見已經有意外驚喜炸蝦餅份量好大，新鮮炸起脆卜卜，蝦肉彈牙，好味再加埋青咖喱小小辣好香椰汁味，正另外香茅豬扒厚薄適中，而且肉質唔鞋，應該係半煎炸，十分惹味不過個飯就得啲啲豉油汁，如果多啲豉油汁會好啲，冇咁乾。不過好味嘅豬扒配白飯都很不錯期待下一次呢…查看更多

老闆請食飯，話去元朗新開無耐既泰迎食，佢話食過好多次，佢成家人都話好好味架，你請就緊係好啦，去到見到幾多人，好彩book左枱，去到就有位，不過真係好好食，燒烤一流，咖哩蟹非常美味，咖哩大蝦，仲有果個唔記得咩包，食完再叫多份，燒雞，牛仔骨，芒果沙冰 ，仲有個焗飯非常好味，明爐魚，仲有幾個菜唔記得了，仲有服務好，個個都好有禮貌，成拾幾人去食都食唔到3千平到不得了，我覺得好快會加價，下次同屋企人去食餐勁。平，靚，正美食…查看更多

自從元朗我鐘意既泰國蒼，執左。¯\_(ツ)_/¯我都好少入去元朗食¯\_(ツ)_/¯因為唔知食咩好。¯\_(ツ)_/¯不過朋友叫到就去左依到食¯\_(ツ)_/¯結果都幾好喎。平均呢講都叫平平地。一人200到啦晚餐。¯\_(ツ)_/¯唔知午餐係點。下次想試午餐。？我就幾鐘意個生菜包。不過口味既野就好個人既。因為個人口味。依到既生菜包，算係我食過最好食既生菜包，到今日。朋友吖，係咪朋友先，係就一定要食生菜包。…查看更多

每次慶祝母親節飯局都一大班人一齊食晚飯，以往都會選擇中菜酒樓為主，因為較易訂位以及用餐時間都較長但今年選擇食泰國野，當晚預約了19:30眼見晚市生意都好好，而且不少人預約晚飯雖然母親節前後，但餐廳沒有加價，值得一讚生蝦刺身個人認為係泰菜必備既菜式而且近年部分泰國餐廳已經無出售但此菜式最特別既地方係醬汁，每間餐廳味道都不太一樣，泰迎既蝦入口爽脆鮮甜，醬汁味道調教得恰到好，不會入口即辣，只有微微辣味不會蓋過蝦既鮮味（個人認為數量太少一碟只有6隻，如果比多2隻影相效果會更好）由於分枱坐，我呢枱只有6人點了3杯飲品，分別有士多啤梨沙冰，三色冰及青檸梳打（沒有拍照）士多啤梨沙冰味道偏甜，但如果配搭食物就剛好蠔仔蛋都係一般泰式餐廳應有水準蛋不會過熟，配搭埋辣醬就更惹味咖哩一定係蒜蓉包既好朋友蒜蓉包前後加了兩次單，實在太美味整個包都塗上牛油，蒜味不會太濃烈而且烤到香脆可口即使沒有點咖哩菜式都不用擔心因為隨蒜蓉包有一小碟咖哩沾吃一次可試2種口味，有青咖哩同黃咖哩而咖哩炒蟹味道更加不用多說，咖哩微辣香濃，鮮甜蟹肉配上香濃咖哩令人念念不忘烏頭嫩滑配上清新青檸，上湯咸中帶酸，令人食了一口後，就停不下來超級開胃的開胃菜式另外一個枱有點串燒及豬手但個人不太愛吃串燒醃料味道，我估計應該用了香草去醃製，而且肉質很韌豬手食落竟然係好難咬開覺得難以接受最後甜品部分，椰青大菜糕，微甜椰子水、帶點椰青肉，大菜分量吃落爽脆不是硬的個人大大推薦芒果糯米飯芒果數量非常足夠，就算食哂d飯還有好多芒果淨下而且椰漿調教得非常出色，甜甜椰漿配上黑白糯米飯，味道與泰國吃到的不相不仲這是很大的驚喜，因為在香港很少可以吃到好好食的芒果糯米飯…查看更多

超級抵食的一間間泰國菜，元朗泰國菜有好多，但好味又不太貴的就比較少，泰迎是最近比較常去的一間餐廳，質素高，又岩香港人口味呢蒜蓉多士有驚喜，配搭的醬汁都好夾個多士好少餐廳會用到大件的牛舌，泰迎的牛舌甜甜地，而且無騷味，好好味，食完再encore多兩串，我們3個人total食左5串小食拼盤個個都有喜愛，連小朋友都好鍾意食蝦餅，魚餅建議少放香菜，香料味太重串燒（豬和雞）好惹味，個沙嗲汁好好味，不過豬肉比較多筋，好難咬…查看更多

星期日夜晚，諗唔到食咩，經過泰迎，平時都成日見有人排，就入黎試吓！6點半度，仲有位，唔洗等！裝修簡單，有小小工業風，位置唔算太闊落，但坐得都舒服！蒜蓉包磚：店員強烈推介，黎到果時真心嚇親，離遠睇仲以為係臭豆腐磚🤣！仲係熱辣辣，外皮焗到脆卜卜，有埋兩款咖哩汁畀你，真心好食！推推👍！冬陰公湯: 超抵，足料，夠辣，大推！肉碎生菜包: 有驚喜，應該有落檸檬汁，酸酸的，勁開胃，好食！但唔中意酸嘢嘅朋友就避咗佢啦！菠蘿炒飯: 正正常常，碟上，唔係原隻菠蘿！小食拼盤: 抵食大碟，味道普通！咖哩青口: 青口量唔多，但味道ok！炒什菜: 普普通通！總括黎講，部分嘢食有驚喜，泰國嘢黎講，呢個價錢真係好抵，5個人食到捧住個肚走！會再幫襯！…查看更多

閨蜜生日，所以由閨蜜話事，所以佢指定要食泰國菜，係元朗泰國菜唔少，我地試過很多家泰國菜，這邊是新開嘅分店，今次第一次嘗試～地點方便～店內座位舒適～掛住行街遲到，另一閨蜜發把～點菜～當然佢係知我地囗味生蝦肉厚也算大隻～冬陰功湯點了細份量，沒想到真係那麼細， 建議四人以上，點大的馬拉盞炒通菜，味道剛剛好不會過喊～閨蜜說這裏蒜蓉包是必食，點了四個，再追加四個～蒜蓉香味重～外帶小脆內軟～配上兩款咖哩汁份量比較細小～食時感覺需要就住包炸蝦餅不錯～香脆彈牙～青檸湯烏頭～湯酸酸地～幾開胃～魚也大條多肉～主角最愛～食個時先發現，紫羅米加糯米飯各半的～不錯埋單時以為計錯數，發現價錢比我想像中便宜～睇黎我地又多個聚腳點…查看更多

呢次都係點個豐富少少ge常餐，因為都冇咩機會食到。點咗個印尼炒飯，平時ge生菜蕃茄照有，但ge到重有埋蝦片同煎蛋，我食出面其他印尼炒飯都係間唔中先有煎蛋。蝦片好脆，一D都唔冧，亦都好香。至於個炒飯佢用咗少少調較過ge豉油去炒，香香地幾好食，同埋佢裹面都加咗青口 蝦 魷魚 ，海鮮份量唔錯，亦都幾爽口。…查看更多

我平時黎呢到都係食開午餐，因為又平又高質，但係呢日就點咗佢ge常餐。當日叫咗個椰汁雞肉檬粉，份量算多。有個優點同時亦都係缺點，就係佢真係落足香料去整個湯底，但同時因為香料有D多而令到檬粉比較難夾。佢有好多雞肉同菇，係幾好，不過個椰汁湯底食食吓其實有D酸。…查看更多

基本上每日都會黎呢到食，呢到ge黃咖喱我食過好多次，真係唔錯! 個汁好有味 好香，又可以整到唔太辣，好落足料整。而雞肉本身就冇乜味，但係配上呢汁都OK。不過雞肉ge份量都OK，我叫加飯佢亦都畀多好多我，另外重配埋唔少ge三色椒。總括黎講算唔錯，平民價錢可以食到個咁靚ge咖喱餐。…查看更多

呢間泰迎都食咗大約一個月，平之餘又好食，環境優雅，老闆同員工都好好客。今日就叫咗個蝦醬炒飯，蝦醬味雖說然唔夠濃，D飯亦都有好冧 唔夠分明不過用料方面唔錯，有肉鬆、炒蛋、裹面重有豬肉乾而配菜有蕃茄、青瓜同生菜lunch黎講咁樣都只係$40，真係唔錯 !…查看更多