影片
招牌菜
🌟超正咸猪肉泰粉 🚩推介指数（8.5/10）📎间餐厅系泰国人开嘅，食到好正宗嘅泰国味道，超正超多份量嘅咸猪肉，口感超脆超香！粉里面配菜里面有一旧萝卜，芽菜，汤底好浓郁够味。重口味人士必吃👍🏻👍🏻。平民地区街坊平民价钱只系$45蚊一定要配埋佢哋嘅辣鱼露同辣粉，每个礼拜放假都要食一次😏
继续阅读
除夕夜，回到蓝田家中准备过年。每逢回到蓝田，一定不会错过这间蓝田地区名物「泰莲」。这家餐厅由泰国人「莲姐」主理，于此区经已屹立不倒十余年。主打食品当然系泰国地道船面，可选择不同𩠌菜，泰式咸肉，泰式猪颈肉，海南鸡等等，任君选择，最重要系𩠌菜份量十足，包你捧腹而回！汤头亦可选择清汤或冬阴功汤，清汤是以鸡骨和猪肉熬制而成，香气浓郁；冬阴功汤则酸酸辣辣，非常开胃。适逢今天天气寒凉，我便点了一碗泰式清汤海南鸡腿咸肉金边粉，价钱只系$55，性价比极高！暖暖浓郁的汤头，配上大量的辣椒碎和辣椒鱼露，十分暖胃。另外，此餐厅亦有另一招牌菜「去骨海南鸡饭」，所有海南鸡都经已去骨，份量十足又嫩滑既去骨鸡肉，配上油饭和胡椒汤，极为吸引！可惜人只系得一个胃，是日点不到，下次再作介绍！
继续阅读
非常好食，份量极多。中午叫左个咸猪肉海南鸡金边粉(东阴公汤)61蚊。汤底辣度岩岩好，但整体个汤偏酸。金边粉极多，海南鸡都整多，但系好新鲜既味。咸猪肉都好脆，唔会炸到硬哂。
继续阅读
呢间泰国面店，系由正宗泰国人开嘅。由佢喺街市入面开舖，一直支持到依家。食物质素来讲真系非常好，但系留意番，如果堂食的话，位置真系不多，加上没有冷气，喺夏天黎食，就真系有啲热，所以今次我选择外卖取回家吃。第一次嚟食嘅朋友可能唔知道，当佢准备完食材之后，可以按个人口味加调味料的。由左到右分别是辣椒鱼露、酸辣汁和辣椒粉。我就没有特别另加调味料，因为我觉得味道已经好足够。我叫咗猪扒泰粉，猪扒松脆肉嫩又多汁。家人就叫咗猪手咸肉河粉，咸肉喺呢度嘅名物，好多人都慕名而来，仲会特登买啲咸肉走，好好吃的。而猪手就炆得好入味，又好弹牙。整体上，味道是超级好的，不过价钱就越来越贵啦，平均一碗面都要$45至$50。如果未试过嘅朋友，都建议你一试☺️👍🏻
继续阅读
呢间泰粉店都系由泰国人开嘅， 所以啲嘢都几正宗 ， 所以我都经常嚟帮衬， 我钟意食嘅有好几款例如猪红鸭泰粉， 杂锦泰粉 ，海南鸡饭，而我最钟意食嘅就系呢度嘅咸肉， 因为啲咸肉真系又脆又香， 所以我无论嗌任何款式嘅野我都必定会加咸肉。虽然我对呢度啲食物认真满意， 但系讲到呢度嘅环境以及服务， 就真系认真一般， 因为呢度都系做街坊生意， 所以门面都冇乜装修，而且舖头位于走廊则边， 座位都好少。 而卫生方面，因为系坐喺路边所以感觉麻麻地。
继续阅读