泰苑 (新墟村)

营业中

休息中

打了電話下單，去到付款先話今日不能用電子支付，當下真係比佢玩死人，不是要同顧客之前講聲，準備好现金咩，幸好緊有足夠比,一些小賠償也沒有，一些道歉誠意也沒有,以後也不會來幫襯....食物質素很一般👇👇，價格也不算平！差差差,🙅🙅🙅

想喺母親節同屋企人一齊慶祝所以早咗一星期預約室內嘅位。當日早咗10分鐘去到，開頭又位阿姐都覆述到畀我哋聽留咗邊張檯畀我哋，點知發覺已經被人坐咗，之後有位男經理同我哋講未咁快有位，叫我哋喺出邊等吓先。等咗一陣佢都未有安排我哋坐邊度，再追問之下先叫我哋坐室外嘅位，入面有位再安排我哋入去坐，不過全程位男經理都無道歉，無正面望過我哋，態度極之惡劣。食緊途中先發現我哋唔係唯一一檯係咁，都有另外一檯10個人 book 咗都無位要坐室外。除咗預約安排失當，都不斷出現漏單嘅問題，等咗一個鐘有兩道餸都未嚟到，催完之後隔咗一個鐘都仲有一張單漏咗。亦發現其他遲過我哋落單嘅食客嗌咗我哋一樣嘅野食，仲早過我哋有得食。其中有啲野食落咗單，男經理有講過唔知仲有無要再 check 吓，結果都無答過我哋究竟有無，再追問之下先得知係賣晒。喺我催緊嘅同事，男經理嘅回答都係極度不耐煩同無禮貌。不過除咗依位男經理，其他女職員全部都好有禮貌，細心幫我哋安排餐具、跟單、同我哋講唔好意思。

FB 星期日，午市12:47，容易搵位。星期日都有午市套餐，價錢相宜。品質樣樣都ok. 特別炒野，有鑊氣，泰式炒乾河 乾身吾油。蝦醬炒飯都有鑊氣。本人食野怕鹹，佢味道ok

果日跟朋友打完羽毛球，二話不說嚟到我哋呢個飯堂食泰國菜由細到大，搭輕鐵經過一定會俾佢棵椰子樹吸引，但都係去咗中學畢業之後，先識得跟朋友去食呢間餐廳。每次，我都係同我中學朋友食，根乎變咗我同中學朋友的專屬飯堂，由東講到西，由工作講到八掛春卷同埋蝦餅炸得非常香脆利口，熱到一唔小心就好易辣親個嘴，而冬陰功亦都好好味，酸得來好開胃，唔會過辣；本身我食得辣，所以全部嘢我都覺得唔辣，但我有位唔食得辣的朋友就話果碟青木瓜鳳爪沙律好辣，呢樣就見仁見智啦，因為我覺得好好食最後，仲有彩蛋——餐廳有位姐姐見到我着住件波衫，話我身型好似跑步教練，問我是咪做開運動雖然好想講大話話自己係教體育，但我當然冇講大話啦！我只是有keep 住跑步啫！呢排是巴黎奧運周，大家記得要多做運動、強身健體，操fit 自己再食好嘢

今日晏晝打去book枱一家人食飯，book 8點我地19：50到，佢話有枱但未執，唔緊要嘅，我早到左，咁等佢地執埋先，戴眼鏡個姐姐執完枱問我幾多個，我話book左5個，跟住佢大大聲話唔係同我講，無啦啦衝埋嚟推開我，跟住行去櫃枱問book左幾多個人，我果下好無奈同嬲點解會無啦啦推啲客，我嚟消費，仲要比你咁樣對待，到我地坐低，佢放左6個人餐具餐墊，過嚟放低水，又問，你地幾多個人(因為佢放左6個人嘅餐具），我話咪5個人，我仲話你頭先仲推我添，又冇道歉。如果你係唔小心嘅話我明，但佢好明顯唔係，衝埋嚟推人，sorry都冇，作為對食客基本尊重都冇，希望可以留意一下果位員工返工時態度，其他員工態度都好好，有禮貌，主要係紮馬尾戴眼鏡果位姐姐，心情煩躁又冇禮貌，仲推客人，真係忍唔到，咩心情都冇。另外，食物質素其實唔錯，因為之前都食過幾次，每次嚟到員工同食物質素都唔錯，唯獨係今次遇到果位姐姐，搞到咩心情都冇哂。

落雨濕濕又唔知食乜好咁就揸車過去新墟村搵下野食見到呢間泰國野門口有得泊車咁就一於試下佢無骨海南雞飯 $60雞好滑 好香雞味 份量又多不過個飯略嫌唔夠味但整體都幾好食 夠飽肚門口都有枱可以坐 仲可以帶寵物而且近輕鐵站 搭車過黎都好方便

人生食過最難食嘅泰菜泰式豬頸肉炒椰菜苗，唔知嘅以為係泰式豬頸肉浸椰菜苗，個湯浸咗三份一碟菜，啲味淨係喺個湯度，啲菜完全無味！酸辣海鮮沙律，剩係得酸，無辣！泰式冬陰功，瞌埋眼，完全唔知自己喺度飲緊啲乜L嘢，以為飲緊蕃茄雞髀菇湯！識我嘅人都知道，我甚少浪費食物，無辦法，真係好難食！埋單仲要唔夠$400唔俾碌卡，身上無現金，唯有留低洗碗！DLLM人生食過最難食嘅泰菜人生食過最難食嘅泰菜人生食過最難食嘅泰菜

嗰日同媽咪兩個人揸車去食，下午茶-晚飯前時段去仲有位泊車！兩個人都叫咗唔少嘢，另外仲預咗一啲會打包返屋企遲啲食。叫咗個蝦膏炒飯、咖喱炒鮮魷、豬肉炒河、芒果糯米飯等等。另外仲有兩杯沙冰：芒果同菠蘿。每一道菜都好出色，好足料亦都幾大份。炒飯同炒河非常之有鑊氣，炒鮮魷就好足料。可以話同我最近去泰國當地餐廳同埋夜市食過嘅質素非常之相近！兩杯沙冰好大杯，飲得出真係用新鮮生果整出嚟，有少少似gelato嘅口感同埋鮮果味。重點係，芒果糯米飯就俾咗差唔多成隻芒果，同埋擺盤真係好靚！每一嚿飯都係好軟熟同埋熱辣辣🤭

一行六人食父親節飯Book左8:00 準時入座 安排得好好！一心想食炸蝦餅點知呢度有皮蛋炸蝦餅 出面少見啲 想試下點知一黎 好好食！上台仲熱辣辣 出奇地皮蛋同蝦餅好夾再嚟就係必嗌冬陰功湯 好濃味 海鮮既味煮哂出黎曉夠辣夠酸好正宗串燒一定要叫！叫左豬肉同雞肉雞肉係必叫，燒得岩岩好 唔乾調味甜甜咸咸仲發現到原來廚房到樓面都係泰國人唔怪得咁正宗開開心心食埋個芒果糯米飯就完滿喇！芒果糯米飯有三隻味，除咗黑白糯米仲有斑斕味，上枱啲飯仲熱！上面推介既嘢食都係特別好食！其他就不過不失環境好靚店門口仲有架篤篤臨走見到好多人都係回頭客 同老闆打招呼 好有人情味！

突然心血來潮 想食泰國菜🇹🇭去咗新墟村呢間泰國菜 門口有架泰國篤篤🚕好有泰國feel 有室內同室外座位座位寬闊 地方都算大 啱晒三五知己聚會🍻 泰式串燒（豬肉）$78串燒上枱 肉質亮澤 咬入口juicy又彈牙醃料好入味 就算唔使點醬汁 都好好味 必食推介❤️泰式串燒（雞肉）$78雞肉夠juicy 好有炭燒烤味配埋泰式醬汁 更好味泰式生蝦 $88每隻生蝦都好厚肉 夠新鮮🦐蝦醬炒飯 $78泰國臘腸、蛋絲、肉鬆撈埋落炒飯 更香口 而且蝦醬味濃夠晒鑊氣 食到停唔到口🤤豬肉碎生菜包 $88香料同香茅味唔算特出 味道正常炸蝦餅 $78外層仲脆脆哋 蝦夠爽彈配埋泰式酸辣醬 好味😋泰式豬頸肉 $78唔會燒到太乾 配上泰式醬汁會更惹味粉絲焗大頭蝦 $188用大頭蝦焗粉絲 大頭蝦既鮮甜令粉絲更入味😋泰式乾炒牛河 $68比起傳統乾炒牛河 無咁油膩泰式乾炒牛河 用芥蘭 碎蛋 牛肉味道中規中矩酸辣鳳爪沙律 $68酸酸辣辣 夠晒開胃 可惜鳳爪唔夠入味 麻麻地黃咖哩（牛）$78咖哩係偏甜嘅味道 唔箅辣啱晒食唔到辣嘅朋友薄餅 $38唔會太油膩 點埋黃咖哩食 係最好嘅配搭😋泰苑📍屯門新墟村1號第一台地鋪#泰苑 #新墟

午餐大推蝦醬炒飯好有鑊氣，蝦醬味好濃好香，配上炒蛋同肉鬆咸甜咸絕好野味，引唔住一啖接一啖咁食，對係重口味必選跟餐仲包杯餐飲，抵食！送餐快！仲有免費泊車，抵讚！下次再試🤣

泰苑 ｜ 屯門新墟今日難得好好天氣 咁就順便帶隻狗出去散下步經過泰苑 突然想食泰國野第一時間入去 仲見到佢有戶外即刻問下可唔可以狗仔一齊入 坐戶外員工都好親切咁話ok😍😍一坐低 員工第一時間會拎水比我地仲有小小檸檬味 🍋🍋🍋坐低我地叫左二個午餐 冬蔭公湯粉 - 河粉味道還可以 入面有二隻蝦🍤🍤小小唔夠辣但酸度唔錯菠蘿雞粒炒飯 🍍🍍🍍有雞粒肉鬆臘腸提子乾當然最緊要有菠蘿🍍份量都好大兜午餐堂食唔洗加一😋😋😋下次可以再試下其他餐

已經幫襯泰苑好多次，每次必食嘅蝦餅（彈牙）、魷魚（有啲咸）、冬蔭功（本人認為好過同區咁多間）、泰式肉碎炒飯（如果再少啲油更加好）、紅咖喱雞或青咖喱雞（不過啲雞有雪藏味）、泰式鳳爪同串燒（一般般啦）、沙冰（好大杯）、蒜蓉包薄餅（一般嘢）、泰式豬手（好冧）、柚子蝦沙律（好食）

泰式芒果沙冰： 味道淡，食得出係泰式芒果既味道。椰青焗飯：料算多，每樣都有三四舊，青口腥，蝦無味，椰子肉都幾多，但飯算濕，好似無焗過。泰式豬頸肉炒椰菜苗：豬頸肉薄乾，味道唔得，炒得唔夠香同唔夠惹味 。俾完錢後，先記起佢無俾單，問佢要單時，佢話下次請早講要單。下，你俾單唔係應該既咩，收錢服務員態度很差。加左10%服務費，但受氣，價錢非常不合理。食物質素麻麻，係坐得舒服，因為無乜客人。                                                                                                    餐廳: 泰苑 (新墟村) 地址: 屯門新墟村1號第一台地鋪

青咖哩雞 $88香濃咖哩汁而且甜甜地，配搭薄餅食但雞肉略微份量少冬蔭功湯 $88賣相吸引，飲落完全唔辣，，仲有香濃椰子味，微酸口味岩唔食的辣既朋友印度薄餅 $38香熱鬆脆熱鬧鬧，食落唔算太油膩，沾咖哩汁食飛天通菜 $78炒得夠火喉，熱辣辣，調味適中泰式串燒（雞，豬）$88串燒燒得好香口，雞肉好厚身，肉質嫩滑，配上香濃沙嗲醬食一流每串都好大串炸蝦餅 $88炸蝦餅香脆熱辣辣，有蝦味海鮮濕炒河 $88海鮮只有幾粒蝦肉蜆肉，河粉煮到一團團，好濕濕碎碎芒果糯米飯 $68賣相吸引，而且份量仲好多芒果沙冰 $38，咸檸七喜$26，椰青$40