影片
食家推介
打了电话下单，去到付款先话今日不能用电子支付，当下真系比佢玩死人，不是要同顾客之前讲声，准备好现金咩，幸好紧有足够比,一些小赔偿也没有，一些道歉诚意也没有,以后也不会来帮衬....食物质素很一般👇👇，价格也不算平！差差差,🙅🙅🙅
继续阅读
想喺母亲节同屋企人一齐庆祝所以早咗一星期预约室内嘅位。当日早咗10分钟去到，开头又位阿姐都覆述到畀我哋听留咗边张台畀我哋，点知发觉已经被人坐咗，之后有位男经理同我哋讲未咁快有位，叫我哋喺出边等吓先。等咗一阵佢都未有安排我哋坐边度，再追问之下先叫我哋坐室外嘅位，入面有位再安排我哋入去坐，不过全程位男经理都无道歉，无正面望过我哋，态度极之恶劣。食紧途中先发现我哋唔系唯一一台系咁，都有另外一台10个人 book 咗都无位要坐室外。除咗预约安排失当，都不断出现漏单嘅问题，等咗一个钟有两道𩠌都未嚟到，催完之后隔咗一个钟都仲有一张单漏咗。亦发现其他迟过我哋落单嘅食客嗌咗我哋一样嘅野食，仲早过我哋有得食。其中有啲野食落咗单，男经理有讲过唔知仲有无要再 check 吓，结果都无答过我哋究竟有无，再追问之下先得知系卖晒。喺我催紧嘅同事，男经理嘅回答都系极度不耐烦同无礼貌。不过除咗依位男经理，其他女职员全部都好有礼貌，细心帮我哋安排餐具、跟单、同我哋讲唔好意思。
继续阅读
FB 星期日，午市12:47，容易揾位。星期日都有午市套餐，价钱相宜。品质样样都ok. 特别炒野，有镬气，泰式炒干河 干身吾油。虾酱炒饭都有镬气。本人食野怕咸，佢味道ok
继续阅读
果日跟朋友打完羽毛球，二话不说嚟到我哋呢个饭堂食泰国菜由细到大，搭轻铁经过一定会俾佢棵椰子树吸引，但都系去咗中学毕业之后，先识得跟朋友去食呢间餐厅。每次，我都系同我中学朋友食，根乎变咗我同中学朋友的专属饭堂，由东讲到西，由工作讲到八挂春卷同埋虾饼炸得非常香脆利口，热到一唔小心就好易辣亲个嘴，而冬阴功亦都好好味，酸得来好开胃，唔会过辣；本身我食得辣，所以全部嘢我都觉得唔辣，但我有位唔食得辣的朋友就话果碟青木瓜凤爪沙律好辣，呢样就见仁见智啦，因为我觉得好好食最后，仲有彩蛋——餐厅有位姐姐见到我着住件波衫，话我身型好似跑步教练，问我是咪做开运动虽然好想讲大话话自己系教体育，但我当然冇讲大话啦！我只是有keep 住跑步啫！呢排是巴黎奥运周，大家记得要多做运动、强身健体，操fit 自己再食好嘢
继续阅读
今日晏昼打去book枱一家人食饭，book 8点我地19：50到，佢话有枱但未执，唔紧要嘅，我早到左，咁等佢地执埋先，戴眼镜个姐姐执完枱问我几多个，我话book左5个，跟住佢大大声话唔系同我讲，无啦啦冲埋嚟推开我，跟住行去柜枱问book左几多个人，我果下好无奈同嬲点解会无啦啦推啲客，我嚟消费，仲要比你咁样对待，到我地坐低，佢放左6个人餐具餐垫，过嚟放低水，又问，你地几多个人(因为佢放左6个人嘅餐具），我话咪5个人，我仲话你头先仲推我添，又冇道歉。如果你系唔小心嘅话我明，但佢好明显唔系，冲埋嚟推人，sorry都冇，作为对食客基本尊重都冇，希望可以留意一下果位员工返工时态度，其他员工态度都好好，有礼貌，主要系扎马尾戴眼镜果位姐姐，心情烦躁又冇礼貌，仲推客人，真系忍唔到，咩心情都冇。另外，食物质素其实唔错，因为之前都食过几次，每次嚟到员工同食物质素都唔错，唯独系今次遇到果位姐姐，搞到咩心情都冇哂。
继续阅读