泰興隆泰國菜館

营业中

休息中

第一篇上黎打食評，良心小店真係絕對要大大力推薦！夜晚收工突然好想食泰國菜，就係附近搵到呢間泰國餐廳。一坐低老闆已經好熱情招呼我地，叫左4樣野食同串燒，無諗過會有意外驚喜！！首先係個沙嗲串燒，一啲都唔乾咬落去仲有肉汁好好食！就係因為呢個串燒，我對之後黎既菜期待值都勁高🤣🤣我地仲叫左打抛豬肉碎飯，泰式炒金邊粉，飛天通菜，冬陰公湯同兩杯青檸梳打🥹冬陰公湯同泰式沙金邊粉都好足料，而且冬陰公湯入面有勁多隻大蝦，飲落好鮮又酸酸辣辣好開胃🤤另外飛天通菜係即叫即炒超有鑊氣，大大碟完全唔馬虎，呢個價錢食到甘多碟有心整既野食絕對係超值💖最後2個人埋單食左400幾蚊，食到好飽，因為無諗過會甘足料😆性價比極高，全部份量都大大碟又好食🥹老闆最後仲送埋泰式甜品比我地食，好少遇到甘友善又熱情既老闆，下次一定會再黎食過，值得回味既泰國菜小店

早幾日去咗佐敦，－間叫泰興隆食店，之前都冇嚟過，只係朋友係 OpenRice 搵到，為咗幫佢慶祝生日，無乜所謂啦⋯⋯店舖地方唔大，大約十張雙人枱，不過可以拼埋一齊坐，嚟到坐底睇真D，冇事呀用餐只係60分鐘，使唔使咁趕，我哋仲要食生日蛋糕，夠唔夠時間⋯打俾朋友一問，佢話佢都冇嚟過，不過呢度近佢放工附近，咁冇計唯有照坐落去⋯終於等齊人，我哋先叫咗個木瓜沙律同小食拼盆，外觀真係冇乜特別，但一食不得了，木瓜沙律好新鮮，所以大家都食唔停手、再試吓個小食拼盆，嘩⋯ 蝦餅好好味、鯪魚餅鮮口又香、春卷細細條，但好好味、再來燒雞亦，真係我好鍾意食⋯ 對呢間小店馬上改觀，於是再叫多個咖喱軟殼蟹、同明爐烏頭魚⋯個咖喱蟹用大方包底，先試一下用方包點咖喱汁食，好味道到呢⋯ 再飲啖明爐烏頭嘅湯，好飲到停唔手，條烏頭當然係非常非常之新鮮⋯不得了又要再叫其他嘢試吓先，朋友見意：泰國冬陰功湯、及鹹蛋黃大蝦⋯ 期待又期待，嚟到一睇已經忍唔住手馬上試吓先！冬陰功湯有陣好強烈嘅椰汁味，整體發揮相當唔錯，而且配料亦都冇孤寒，－個字「正」⋯ 之後梗係要試吓個鹹蛋黃汁，又係正到一個點，叫多碗白飯餸，應該最少食兩碗，大頭蝦亦都相當出

性價比高嘅泰餐～味道正宗午餐有中式例湯～一大碗粟米青紅蘿蔔豬骨湯幾好味～不過鹹咗少少～仲有粟米青蘿蔔食冬陰功金邊粉～冬陰功湯底足料～味道濃小辣剛好～加咗好多香料～有4大隻新鮮蝦～肉質彈牙～金邊粉份量正常菠羅雞肉炒飯好香黃姜粉味～有：洋葱絲、三色豆、菠蘿粒、雞肉粒～飯上面有豬肉鬆～賣相吸引跟餐有4款飲品可以選擇～簡咗龍眼冰、泰式奶茶～龍眼冰有好多嚿龍眼肉～不過超甜～另外泰式奶茶都係偏甜～不過幾香茶味

店舖地點方便位於佐敦先施後方，地方整潔光猛，菜式正宗，泰國人老闆非常友善對於我成日食泰國菜，去泰國，對泰菜有要求的，都滿足到尤其生蝦好大隻、爽口、新鮮豬頸肉爽口，入味，有燒烤香味生菜包味道超好，酸辣適中，份量充足其他菜色味道亦非常出色價錢非常合理，會常來光顧

次次食高質泰菜都淨係知九龍城，但路途比較遙遠啦，今次搵到間位於佐敦嘅泰國菜，位置方便又好味～我最近試咗佢哋嘅海南雞飯、燒魷魚同埋咖喱大蝦，性價比相當高🤩首先，海南雞飯嘅雞肉好滑嫩，皮薄而有彈性，每一口都有濃郁嘅雞肉香氣，令人食到停唔到口😋加埋三款唔同口味嘅醬料任君選擇同埋香氣四溢嘅雞油飯，超邪惡！😈然後就係燒魷魚，火候啱啱好，每個細節都計算在內，魷魚肉質鮮嫩，口感彈牙。外層烤得酥脆爽滑，但魷魚內裡仲可以鎖住肉汁，唔會太乾，再加埋少少醬汁吊一吊味，食到欲罷不能😋咖喱大蝦香氣撲鼻，大蝦真係好大隻，新鮮又實肉，完美地吸收咗咖喱嘅濃郁味道。咖喱醬汁調得恰到好處，唔會太鹹，有泰國地道風味。將蝦肉浸啖咖喱汁，香料同埋蝦肉嘅鮮味完美地水乳交融，呢道咖喱大蝦絕對係海鮮控必點！總括嚟講，泰興隆嘅泰國菜真係令我留下好深刻嘅印象。風味地道，多款菜式任君選擇。而且，老闆娘都好好傾服務態度都好友善，有一種小店嘅親切感。如果你對泰國菜有興趣，我好推介你嚟泰興隆試下～

朋友介紹喺佢公司附近有間泰國菜，午餐好吃又抵食，今晚同佢食飯，一於試下佢嘅晚餐先。地鐵站行來只需要幾分鐘，位置方便。招牌係紅色的，唔難揾。一推門進店，老闆娘就親切打招呼，態度友善。同老闆娘傾開計，原來佢同老闆都係泰國人，來港已經幾10年了，佢地嘅泰國菜應該夠哂地道啦。飲品叫了涷泰國奶茶同珍多冰，味道唔錯。青芒果沙律老闆娘推介，青芒果絲清甜，大蝦爽口，調味帶有少少酸辣味，夠開胃。雞肉串燒燒得金黃，加上獨特沙嗲醬，味道可口。鹹蛋炒大蝦嘩，份量唔少，擺得像一個小山丘，大蝦沾滿了鹹蛋黃，不但香脆，而且鹹蛋香味十足，食到停唔到口呀。連擺碟嘅炸芋頭鳥巢味道都唔錯，我地連鳥巢都拆埋清碟呀。

價錢公道 味道正 人情味濃 泰國人經營 好少寫食評，希望多啲人幫襯佢拎他們有更大嘅生存空間。已經由普通嘅食客變成忠實粉絲，油尖旺有好多泰國嘢食，呢間係我嘅首選，這裏可以食到不一樣的泰式餐廳氛圍，跟以往死版版的泰國餐廳有所不同

佐敦呢間隱世泰國菜館價錢平宜，食物水準超高，由泰國夫婦主理，味道正宗，是一間性價比高的餐廳！老闆兩公婆為人親切友善，同佢地傾傾下先知原來佢地之前係坪洲開泰菜館，叫南昌美食，係坪洲數一數二嘅餐廳！之後先搬左黎佐敦！🌟沙嗲串燒 $16/串一開始就上左雞肉串燒，食完第一啖都覺得真係不得了，因為雞肉超入味，好嫰滑，仲有個好惹味嘅沙嗲醬。🌟帕能咖喱炒大蝦 218呢款咖喱大蝦係老闆極力推薦，同平時嘅咖喱嘅味道好唔同，係乾咖喱，鹹鹹甜甜嘅咖喱帶微辣。大蝦去晒腸同蝦頭都處理過，大蝦好大隻同多肉，共有5大隻，仲要開埋邊，方便食用！叫埋白飯食真係會食唔停口😋😋🌟 冬蔭功湯 $98小份但都一樣份量十足，而且好足料，蝦、本菇、雞髀菇、車厘茄，酸酸辣辣嘅味道真係好開胃，仲要用火爐Keep住個溫度，冬天飲真係一流🤤🤤🌟泰式蝦炒金邊粉 $78金邊粉炒得有鑊氣，調味控制得好，酸甜惹味，唔似得出邊嘅金邊粉落好多茄汁，但又會過咸，呢到金邊粉味道好正宗，必試！🌟青咖喱雞 $88除左嫰滑嘅雞肉，仲加入泰式茄子、豆角、紅椒，椰汁味香濃，味道會比較辛辣，建議搭配白飯或烤餅一齊食😍總括依然，小店嘅地理位置雖然唔係咁方便，但還完左泰

想食泰菜，唔一定要去九龍城嘅！今日嚟到佐敦永安百貨附近，見到一間泰國人開嘅餐廳，一於試試佢❤️當日7點半去，佢哋生意超好，勁快坐滿，老闆娘是泰國人，餐廳入邊有兩三枱都係泰國人🙏🏽Sawadika~~🌟 燒豬頸肉 $89泰菜真係必叫豬頸肉😋，豬頸肉燒得焦香焦脆，同時咬落軟身仲伴有淡淡炭燒味，想食得更惹味，可以加埋秘製酸辣醬，食落更添層次！伴碟還貼心咁有酸菜解漏～🌟 青咖喱雞 $88當濃郁椰香味遇上微微辣味，餐廳仲加上青咖喱必有嘅泰國茄子！配菜清甜多汁，雞肉細心咁有事前醃過，搭青咖喱吃超正！🌟 蒜蓉包 $38蒜蓉包就要點咖喱！呢個包用咗法包製作，加上滿滿蒜蓉醬，再將法包焗致脆身，點埋青咖喱滿足感max💯🌟 馬拉盞炒通菜 $78唔知點解，食泰菜好像永遠都會嗌菜，好像會健康啲🤣🤣🤣，呢個真係不得了，蝦醬及辣味巧妙融合，即使係普通嘅通菜都有滿滿鑊氣！連平時唔吃菜的朋友都大讚好味！🌟 菠蘿海鮮炒飯 $89呢個雖然無菠蘿殼裝盛🍍，但味道絕對取勝！海鮮超多種類，有蝦、魷魚、帶子、青口…粒粒分明的飯，加上甜甜的菠蘿及各款材料，唔經唔覺就食曬❤️🍹青檸梳打 $30呢個入邊有2片青檸片，4粒青檸粒🤣🤣🤣，中意酸

路過覓食 望到紅色嘅招牌相當搶眼📍泰興隆泰國菜館佐敦吳松街23號地舖我好耐都冇食泰國菜 於是睇吓門口嘅Menu 餐廳內老闆娘好熱情向我同朋友介紹菜式☺️於是決定試試等待食物途中 老闆娘同我哋傾偈 原來以前餐廳係喺坪洲 由於約滿關係嚟佐敦開業老闆係主廚 老闆娘負責招呼客人兩位都係非常有禮貌嘅泰國人好欣賞兩夫婦用心經營👍🏽✨沙嗲雞肉串 雞肉嫰滑 令人食過返尋味🤤✨冬陰功湯 冬天最適合來點酸辣🤭細Size都好足料 目測都有4-5隻大蝦✨青芒果沙律 甜甜酸酸芒果味 好醒胃配埋炸香嘅花生 增添口感✨泰式蝦炒金邊粉 附青檸及花生 記得食之前將青檸汁唧落金麵粉再撈勻酸甜惹味👍🏽 ✨鹹蛋炒大蝦 好浮誇😂😂好多鹹蛋黃同埋好多大蝦 份量十足 又香又脆 食到停唔到口炸芋絲做型嘅籃 香酥脆口 突顯廚師對食物嘅認真及要求👍🏽✨珍多冰✨泰式奶茶老闆娘殷勤服務 真係好貼心 見佢會同每枱嘅客人傾偈 了解客人對食物嘅滿意程度 有冇咩覺得唔好食 抵佢咁多熟客支持👍🏽👍🏽👍🏽整體用餐體驗✨味道(4/5)✨環境(4/5)✨服務(5/5)
✨抵食(5/5)

自从上次尝试了泰国菜以后，就被深深的中草了，于是今天在佐敦逛街的时候看到一家【泰兴隆泰国菜馆】，便果断的进来试了一下，这家店的老板和后厨都是泰国人，所以他们家的菜也特别的正宗！ 相比于其它家泰国餐厅，他们家的粉据说做的特别好吃，所以一上来就点了他们家的【牛肉炒河】，味道真的特别棒！不会感到很油腻，而且肉也特别的鲜嫩～ 来东南亚餐厅，肯定会试一试招牌菜【海南鸡】，直接要了一整只海南鸡，味道真的相当棒！皮肉都很紧致，配上蘸料，味道简直一绝！ 然后就是一定不可或缺的猪颈肉了！油脂分布的相当均匀，吃起来非常满足，配上衬底的生菜，一本大满足！ 对了，差点忘了今天的主角：沙爹串烧，我们要了6串，3串猪肉，3串鸡肉，味道相当可以！ 佐敦的朋友们有时间可以来打卡哦！

朋友介紹下食咗第一次，覺得幾好食，又唔貴，樓面廚房都係好nice嘅泰國人，隔幾日就同幾個朋友去食。四個人叫咗蝦餅、素春卷、生蝦、肉碎生菜包、串燒、黄咖哩雞加roti，再一人一杯嘢飲，埋單每人$165，仲有西米糕送。嘢食都好好味，蝦餅春卷即叫即炸好脆好香口。生菜包啲豬肉碎有肥有瘦口感一流。生蝦有埋炸蝦頭，好惹味。三拼串燒，豬肉雞肉都一流。整體好滿意，絕對會再幫襯！

晚市都有$68套餐仲包特飲，有好多款選擇抵食，我哋叫咗泰式蝦醬炒飯。明爐魚有烏頭同鰂魚可以揀，我哋揀咗鰂魚，好大條，配料好多，湯酸酸地，有啲似冬陰功但唔辣。我哋食呢兩樣嘢都好好味，特飲叫咗青檸梳打好飲。

小店的泰國老闆好好人，服務親切，食物地道又唔貴，最正Tom Yum Kung 湯，非－般好味，－試愛上，椰青超大又甜，生菜包，串燒都唔錯，－定會約朋友再去試食其他菜式！