泰美味 (已結業)

今次試下間泰菜，名字叫泰美味 , 但試過後不如其名。先點了泰式豬頸肉，烤得太乾了，乾到無水份，只有爽脆感，但味道不夠，好淡口，豬頸肉不算新鮮，有豬臊味。要點很多醬汁方可減少豬臊味。那泰汁是死酸死辣，香料味明顯不足，不能提鮮。大冬蔭公湯窩，味道只有激酸和勁辣，但香料味層次不足，鮮味不夠，是蝦不新鮮?不是最正宗的泰式酸辣湯啊。:(泰式鳳爪係好爽，但有漂過的味，d辣酸汁蓋不過，香料味也不足，這間店的泰菜水的準普通，跟我吃過的傳統泰菜，仍有距離。總結這間泰菜館真的很一般:(…查看更多

藍地大街上有間泰國菜。午餐都好多人。選擇算多有裝飾的午餐有13款，包飲品，好平。泰式金邊粉，好大碟，雞肉，雞蚕，葱段，好幼身的金邊粉，炒得幾香，雞蛋絲好味，雞肉也是。泰式蟹肉炒飯，少少蟹肉係飯面，有蛋，葱粒，炒得乾身，好味，唔濃味。炒椰菜苗，鮮甜新鮮爽口香脆，正！！蒜蓉包，好香，金黃香脆，厚度啱啱好，好好味。地方不大，服務幾好的，有效率，食物也是有水準的呀！！ 還有門口的位置，環境幾舒服，也幾靚！！…查看更多

第一次嚟屯門藍地，打算試雜誌介紹的一間咖啡店，專程入去飲咖啡。可惜聖誕節假期關係，無開門， 十分失望。飢寒交迫之際，發現了這間泰國餐廳，於是入去試吓。餐廳最正係有BB櫈， IKEA high chair 嗰款。小店好地道，聽餐廳老闆娘講，廚師係正宗泰國人。我地點左兩個午餐，味道不過不失。「菠蘿雞絲炒飯」菠蘿雞絲份量適中，另外有提子乾、雜菜粒及臘腸粒少少。味道唔太鹹，中規中矩。「泰式金邊粉」味道可以，配料不太多，但這個價錢都滿意。咖啡唔係好得。…查看更多

繼食完個羅太豆花之後（可睇返上一篇），花先生帶我黎藍地同佢既朋友食飯。港島人花師奶大鄉里出城，藍田就聽過，藍地聽都未聽過⋯食物：冬陰公 & 肉碎豆腐粉絲湯，用個鍋但又無蠟燭，用來幹麼？同埋個湯匙太大好難潷湯。冬陰公酸味重過辣味，無香茅味，料唔多，一般。肉碎豆腐粉絲湯無粉絲，我無飲，花先生表示無乜味。炸蝦餅，炸粉唔算厚，但無蝦味。春卷，皮脆多料。炒魷魚，menu上有隻辣椒仔，但係唔辣的，花師奶都食得到。馬拉盞炒椰菜苗，芡汁太多，偏咸。串燒半打，豬牛雞各2，無食到雞，牛較韌，豬較乾，略為失色。炒金邊粉，不過不失。蟹肉炒飯，好重黃薑粉味，都食到有少少蟹肉。服務：坐係樓上，除落單上菜之外，無人理我地環境：如果坐樓下好似幾有feel，樓上則無特別，有電視機一部同廁所一個泊車：附近街有錶位每人百零蚊算幾抵食，不過個人認為普通啦，特登入黎食花師奶就唔建議喇⋯⋯…查看更多

1. 〈馬拉𥵃通菜〉菜單冇，可以自己叫，可能係第一道上嘅菜，覺得好好味2.〈冬陰公湯〉啱啱嚟即飲好味，細已經有5隻蝦，味道唔太辣，少少酸，如果多D香茅應該會更好味。不過佢地冇用火加熱住，D湯一凍咗就真係冇咁好飲3. 〈咖哩軟殼蟹〉個汁唔辣，送飯點包都一流。蒜蓉包略嫌焗得太硬，牛油太多反而搶過咗D蒜蓉味。4. 蝦餅皮脆彈牙，春卷皮薄香脆。生蝦刺身亦不錯:)5. 〈芒果沙冰〉冇用呂宋芒整嘅咁濃芒果味，只有淡淡甜味。:)…查看更多

琴日工人放假唔想煮飯，近近地行去藍地大街到搵野食，上網睇過有間泰國餐廳，就去睇下啦，去到呢間餐廳門口見咁多人等位，即管排隊等下有咩咁好食，唔夠十分鐘就有位喇。我地一家三口叫左茄子豬頸肉，咖哩軟殻蟹，串燒沙嗲，馬拉盞炒菜，樣樣餸都唔錯，值得推介既係茄子豬頸肉，一向唔食茄子既老公都食左五六舊，佢話同平時係街食好唔同，呢到既茄子走油做得好好，個味又夠濃，豬頸肉又爽，真係好好味。工人姐姐放假又多一度地方選擇喇！…查看更多

去藍地探朋友新居入伙，順便食埋晩飯先走，估唔到附近都有泰國菜，近近地梗係試吓啦！去之前都有睇下人地嘅食評，開頭都驚驚地，見D評語咁樣!竟然有驚喜吖，其實冇咁差喎，都好好味吖！我地5個人，點左串燒、炒椰菜苗、炒金邊粉、咖哩軟穀蟹、金柚沙律（唔記得個名吖大概係咁）、生蝦、冬蔭功（掛住食又唔記得影相）。我就最鍾意個沙律真係好好味，下次再去一定要相機食先😅，串燒都ok吖，另外個咖哩軟榖蟹個汁都好正，加埋蒜容包食，超正！基本上全部都幾好，唔似講得咁差，所以話有驚喜～下次再嚟探朋友一定會再去，再試下其他菜式！值得一試…查看更多

後悔無睇食評硬闖兩人點了三菜一湯1）鳳爪沙律～鳳爪零味道，似解凍撈辣汁。2）炒椰菜苗～話飛天炒辣啲，嚟左面醬炒菜，味道尚可零辣度。3）冬陰公湯～哩個堅囉！完全唔覺有冬陰公味道，唔辣唔酸唔香TT。4）古法吼倉魚～比清蒸梗清，清蒸起碼有豉油，但係佢所謂嘅古法香茅溝蒜蓉蒸跟住點鳳爪汁。魚有魚味完全感受唔到古法在哪！*當古法蒸倉魚嘗第一口，就即刻叫了職員來試味，我問職員有咩味，佢坦白回應都是冇味，職員立即回去問廚房，廚房美妙回應係咁既，要配合點魚汁（其實係鳳爪汁）。**其實都係自己唔好忘記咗藍地大街星期三大部份食肆休息。**係度要多謝哪位職員，我一開始表明不是要退換碟古法蒸魚，最起碼職員都認同蒸魚完全無味，寫出嚟係希望大家分享吓交流吓，起碼食左個咩餸咩味道都識同人講點好味點唔好味，最後職員給折頭，萬分感激！（個人先無咁失落）**唔信可以嘴砲我，但係好似我咁親身證實吓。後記：因為哩間餐廳第一次寫食評，完！…查看更多

等一個鷄翼薄餅外賣下午茶等左半個鐘先有得拎，呆坐左半個鐘，真係不得了，店入面仲要係無其他客，平時自己bbq燒隻鷄翼都唔洗半個鐘啦！如果大家想變化石既可以繼續幫襯！ …查看更多

全店服務員不入流做錯吾認錯，仲要扮不知，有小說話不甘心漏單做錯傳錯餸，樣樣齊雖然泰國人煮，泰式炒飯(雞肉) 會變海南雞飯統统低級錯誤齊哂巳第三次，機會緣盡今生不會再來你鄰居…查看更多

1: 特色撈汁 - 遊覽籃地大街，可以比城市人感受一下慢活既生活態度。呢度比人一種舊香港既感覺，小店餐廳各有特色。出左名既有季季紅、藍地Grill等。今日行完藍地水塘，一落山出到門口，就見到呢間路中心既泰國餐廳，行完成身汗，成返碗凍檬，飲返個椰青，一級棒呢。講返碗凍檬，比時響出面食，一定喪落果支魚露，呢個餐廳配既呢，係一小碟橙色既撈汁，入面加左啲磨左既紅蘿蔔咁既野。開頭望見咁少，點夠喉，點知一試，ok 喎，幾夠味，幾新鮮，推介既呢！2: 單車友泊車處 - 店外Outdoor 位有兩張大台，可以比單車友放好單車，咁就可以安心食野啦。1: 果度幾個侍應都係啲妹妹仔，基本Greetings 後都唔會話有再多啲既溝通嫁喇，果日仲見到一個男仔頭既侍應同一個女侍應玩到郁手郁腳添，好搞笑。［短評：找到檬粉新Partner］…查看更多

新年食得太多糕，盆菜，太膩啦！今日拜完年，就同閨蜜去食泰國菜。見到餐牌，胃口大開，樣樣都想叫黎試下。先黎叫左杯青檸梳打，除左一片青檸仲有秘製汁，倒入泰國soda water 撈埋黎飮,好開胃。先黎叫左個炒椰菜苗，可以揀蒜蓉、咸魚丶馬拉盞丶飛天...... , 最后揀左咸魚，清得又有咸香味，正。唔少得冬蔭功湯，叫左個細size , 湯够酸夠辣，蝦新鮮彈牙。仲叫左炸蝦餅，炸醬薄薄地，蝦膠彈牙。半打串燒(mix 雞、豬、牛) ，本身好鐘意食牛，個串燒牛燒得好好，咬落口表面少少焦香，肉入面軟腍，唔會乾"真真"。主食叫左個蝦醬炒飯，好香，配埋個臘腸食，正。炒金邊粉，夠鑊氣，撈左花生碎，好味。點知食食下個金邊粉，我個friend 發現有一條鋼絲擦碎，結果成碟退左，好唔捨得。之後order 返個靑咖哩雞配薄餅，咖哩夠香夠辣，入面既豆角，茄子入曬味，薄餅點汁黎食，一流。…查看更多

地方唔算難搵，輕鐵站落車，過對面，直行就係。都算方便。環境尚算可以。一睇餐牌，有套餐和散叫，價錢都算抵，最後我地叫左個2人餐，有湯,有飯,有生蝦同炸野 仲有多士，都係$238。碟頭都ok大碟，足夠2人食飽。而直得讚就係生蝦，夠新鮮，爽口，仲有春圈，皮薄，內有艼頭蓉，但又唔漏又油膩。上菜都算快，服務員親切有禮，而且，係fb佢地網頁讚佢，仲有甜品送tim。值得一試…查看更多

今日與一眾朋友敘舊心血來潮想食泰國菜於是就去咗呢一間位於藍地嘅泰國餐廳店舖的門口 裝修唔算太靚 入去嘅時候仲有少少懷疑入到去我哋叫咗一份生蝦刺身98蚊有8隻 都幾好味😋再人其實今餐整體我同我朋友都好悶熱果然冇令我地失望 下次會再嚟 我哋四個人食買單之後都只係446蚊 其實都幾抵食 最後值得一提嘅係餐廳嘅員工態度10分不錯 …查看更多

中午時間，諗住試新野，點左一個“喇沙豬頸肉湯麵”，同一個叫“乜沙文豬扒飯”。湯麵令我失望，只有喇沙湯底，麵同豬頸肉，一般都以為會有芽菜之類，給果端上黎個下，如其名一樣，說不上正宗。乜沙文飯端上台個下，我們都呆了。因為侍應生聲稱係串燒，結果係串燒汁，又或許同時間我們都聽漏了個汁字？所謂的串燒汁係特別的，甜甜地，仲有花生一齊煮。最後，一定要講既係，環境衛生非常差，因為侍應生唔小心倒左啲湯落地，馬上拎抹台布抹，但之後沒有清洗就再用黎抹台，尼樣係非常不能接受。希望餐廳服務有待改進。…查看更多