泰絕

【油尖旺區】【Amazing Thai】呢間嘢都開咗一排，一直都未有機會去食，見都好似有 foodie 介紹過，我都唔執輸啦。先叫佢哋好似幾拿手嘅「正宗曼谷三口船麵」，店員都有提醒係份量好少嘅，咁我當然知道，碗 $32 嘅「曼谷招牌牛船河」配「泰國蛋麵」唔係得幾啖嘅話又點會咁平吖。咁佢味道都幾好，雖然份量唔多，但係真係幾有泰式風味嘅。跟住叫咗 $48 嘅「串燒沙嗲雞」，有四串，熱辣辣得嚟，沙嗲味都好香濃。嘢飲方面，我就要咗 $32 嘅凍「班斕神仙水」，唔知咩汁嚟，甜甜哋幾好飲，又有少少似蜜糖水，不過我幾中意飲。叫埋甜品，要咗 $58 嘅「芒果糯米飯」，初初都冇乜期望，但係上菜嗰陣見到都幾大份，就充滿好感。佢由三部份組成，芒果、椰汁、糯米飯，芒果有半邊，幾清甜，椰汁夠晒濃，都好好，糯米飯就有埋紫米，又熱又香，好味。埋單 $170，食少少嘢都幾好。。。（地址：尖沙咀科學館道14號新文華中心地下10A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #紅磡 #1am紅館 #amazingthai #泰絕 #正宗曼谷三口船麵 #曼谷招牌牛船河 #泰國蛋麵 #串燒沙嗲雞 #班斕神仙水 #芒果糯米飯 #1am1803 #1ambackup…查看更多

泰式奶茶$38普遍泰奶甜度都非常出眾然而這杯泰奶個人很喜歡茶底味道濃厚突出 甜度剛好沒有over讚！斑蘭神仙水 $32內有班蘭啫喱 帶出淡淡班蘭味 口感清爽舒服 消暑一流泰國船麵 $32船麵很有泰國地道街頭感覺細細碗 麵底及湯底可自選 湯底味道濃郁 帶點微辣 身為配料的芽菜及通菜 這細節也能一如泰國當地般河粉更是闊而晶瑩的煙韌泰國河粉而蛋麵配干撈 更能特顯蛋麵的爽彈在香港賣細細碗船麵真的不多喜歡船麵的 真的要來一試牛奶烤豬肉（兩串）$38肉質軟嫩 帶有蜜味 沾上隨碟的醬汁 感覺清爽小食拼盤（細）$884款小食都非常香脆 分別有泰式雞卷 蝦餅 魚餅 粉絲皮春卷 個人最喜歡蝦餅 蝦滑爽彈而魚餅則有很濃郁的檸檬葉味道串燒沙嗲雞（4串）$48肉質軟嫩 沙嗲香濃椰青糕 $48口感是屬於爽口的類型內有有一塊塊椰肉 椰香味也蠻濃郁 蟹肉奄列 $168奄列製作成泰國炸蛋般包裹著海量大大粒蟹肉 非常澎湃價錢相宜 質素滿意 CP 值不錯…查看更多

泰絕位於尖東區是一間正宗泰國餐廳，菜式十分地道有多款地道泰國小炒，而正宗曼谷三口船麵都可以在這裏吃到，每款都細細碗你可以挑戰自己食到幾多碗。😋👍餐牌選擇好多除了三口船麵外還有泰式咖哩、廚師推介、泰式海鮮、主菜、小食、泰式甜品、泰式飲品，也有套餐可以供選擇，而且價錢唔貴免收加一，十分抵食。👍😍💯💯💯💯💯正宗曼谷三口船麵，三款迷你船麵都各有特色，湯底用咗豬骨湯同牛血燉製而成味道濃郁帶少少辣味，幾種麵質煙韌彈牙。🥰👍💯泰斗招牌牛船河$32牛肉嫩滑，牛丸和牛柏葉彈牙，麵質煙韌，湯味濃鬱。😋👍泰斗招牌豬肉河$32豬肉片食落嫩滑，豬肉丸彈牙好食。😋👍泰斗招牌牛腩河$32牛腩炆得入味嫩滑唔鞋口，麵質煙煙靭靭。😋👍💯牛奶烤豬肉（2串）$38豬肉加入牛奶去燒，肉質嫩滑多汁，加上自家製醬汁食落帶有啖啖牛奶甜味。🤤🥰👍串燒沙爹牛（4串）$48牛肉多汁嫩滑，加上自家製沙爹醬，食落好惹味。👍💯啖啖蟹肉奄列$168份量很大雞蛋煎得微微焦香，最重要是蟹肉份量好多食落啖啖肉，蟹肉鮮甜彈牙很有口感。🥰👍💯💯💯💯💯💯泰式香燒雞（半隻）$138雞肉好入味，燒烤後雞肉仍然保持嫩滑多汁唔嚡口，加上泰式甜酸醬一齊食好好味。😋👍💯芒果沙冰$48芒果味好濃，好飲。泰式香芋泡沫鮮奶（凍）$38本人好喜歡香芋的味道，這款凍飲香芋味濃加入鮮奶飲落好滑，唔太甜。👍💯🥰😍…查看更多

尖沙咀泰絕主打泰國地道美食，餐牌選擇豐富，涵蓋多款泰式經典美食，從粉麵、小食到甜品，應有盡有，而且全日免收加一服務費，非常抵食。泰式招牌牛船河：濃郁的牛肉湯底搭配軟滑的河粉，牛肉片鮮嫩入味。泰式招牌豬船河：豬肉同樣處理得當，湯底香料味突出，味道層次豐富。泰式招牌牛腩河：牛腩燉煮至入口即化，麵條吸收湯汁，每一口都充滿泰式風味。牛奶烤豬肉（2串）：香甜的牛奶醃製，令豬肉更加嫩滑，烤後香氣四溢。啖啖蟹肉奄列：蟹肉份量十足，奄列煎至金黃色，口感鬆軟，極具泰式街頭風味。手打炸蝦餅：蝦肉彈牙，炸至外脆內嫩，蘸上甜酸醬後更加惹味。芒果糯米飯：泰式甜品經典之作，糯米軟糯，芒果香甜，配搭椰漿風味更佳。雜果手打雙重檸檬綠茶：清新果香與雙重檸檬酸甜並存，口感清爽解膩。芒果沙冰：細滑的芒果果蓉，冰涼消暑，是飯後一大享受。總結，餐廳菜式充滿泰國風情，食材新鮮，調味正宗，無論是喜歡泰式粉麵，還是小食及甜品，這裡都能滿足你的味蕾！…查看更多

泰絕科學館道14 號新文華中心地下10號A舖l位於尖東新開嘅泰國餐廳梗係要試吓，入邊非常有格調，枱同枱之間夠寬敞又闊落，位於新文華中心的隱蔽小巷估唔到有一間味道出色的泰式小店餐廳仲有好多選擇，有小炒，船麵，船麵份量細細碗，可以品嚐到不同嘅味道正宗曼谷三口船麵曼谷招牌豬肉河$32曼谷招牌牛船河$32曼谷招牌牛腩泰國蛋麵$32 三款迷你船麵都各有特色，帶有少少辣味，如果太辣可以加入醋中和一下，麵質彈牙有口感，湯底用咗豬骨湯同牛血燉製而成，湯底味道濃郁，棉質煙靭彈牙還可以自己配上泰國辣椒，非常惹味泰國生蝦$118生蝦刺身，肉質爽嫩，蝦味鮮甜，配埋旁邊嘅泰式醬汁味道更加出眾，每一隻生蝦上面都有一片蒜頭同指天椒，味道酸酸辣辣，醒胃刺激，能夠將蝦嘅鮮味帶到更高層次串燒烤豬肉（2 串）$38豬肉加入牛奶去燒，有牛奶嘅甜甜香味，豬肉嘅肉質嫩滑，旁邊仲有自家製嘅甜酸汁，每一啖都好好味蟹肉奄列$168份量非常多，最重要係蟹肉嘅份量都相當足夠，蟹肉鮮甜，彈牙，連埋雞蛋一齊食，原來係好夾，雞蛋仲要煎到非常乾身香口，微微嘅焦香龍眼冰$32龍眼味道清甜，味道淡淡的唔會太甜，味道香醇芒果沙冰$48賣相非常靚下面沙冰，打到非常細滑，超級香嘅芒果味道，飲完透心涼，好好飲，口味香甜，香氣撲鼻，又夠解渴…查看更多

前日約左班朋友去食晚飯，發現原來餐廳由之前全日不收加一，變左要收加一，即係變相加價10%！我們選擇此餐廳，是因為如果不用加一，以此餐廳環境同食材，價錢比較合理，但要加一就覺得不值，有更多更好的選擇！另外，之前餐廳有印花咭，每食$70有一個印仔，咭上寫明全日有效，但現在搬左龍門，要食lunch先有！大家去之前諗清諗，因為好多comment都係話全日不用加一，我都係因為咁先會去，現在改左就以後都唔去了！:(…查看更多

係尖東返工都冇咩餐廳嘅選擇，lunch time同同事黎左呢個商場食飯，見到呢間泰國餐廳滿座就入左去餐廳平均80-90蚊一個飯/麵，冇包飲品，可以以優惠半價加配，小資族lunch黎講性價比比較低，不過食物份量都大份海南雞飯配埋湯，都幾好金邊粉正常發揮，食唔到鍋氣味，因為食過好食過佢嘅金邊粉，呢個啱啱合格，可惜蝦嘅份量較少同有啲雪藏味海鮮炒飯飯嘅份量好多，不過海鮮份量就一般啦，同埋加左臘腸，第一次見😂…查看更多

今日去左食尖沙咀一間泰式小店，本身見價錢都算平，估唔到味道都好好性價比極高👍正宗曼谷"三口"船麵首先試齊signature三款船麵，包括招牌豬肉蛋麵、招牌牛肉金邊粉同招牌牛腩蛋麵。豬同牛嘅肉質都幾嫩，肉丸彈牙，少少surprise係湯底味道清甜少少辣，感覺真係正宗~而牛腩個款就係撈嘅，配料豐富有勁多芽菜，加上濃郁嘅醬汁好惹味蟹肉奄列一上枱呆左份量超大，入面啲蟹肉多到🤯overall食落好扎實，同時唔會太油所以蟹肉嘅鮮味都出，另外跟一個辣醬，個人認為點左係再好食啲，味道更有層次柚子蝦沙律啲柚子堆到成座山咁高😂柚子食落都唔會苦，酸酸甜甜好fresh，咬落係脆脆地又有果香岩曬夏天，而蝦仁係輕輕煎過，keep到彈牙牛奶烤豬肉 (2串)豬肉係經過醃製，烤得岩岩好唔會太韌，可能因為係用牛奶所以都唔會好鹹，另外隔離配左碟醃青瓜，又係酸酸甜甜勁開胃椰汁西米糕椰汁西米糕就正常發揮，西米Q彈，上面椰汁糕重椰香唔會太甜最後飲品點左斑斕神仙水、手打雙重檸檬綠茶，兩款都大推!!! 斑斕神仙水飲落好重斑斕味，另外有啲啫喱texture嘅野mix埋一齊超特別，而手打雙重檸檬綠茶就飲得出係用新鮮檸檬整，唔會太甜好消濟…查看更多

自家打的蝦餅和魚餅，蝦餅好好食，魚餅有驚喜，係好香嘅冬陰功味，加上佢嗰啲香料係超新鮮雖然好近，豬頸肉必吃，人生食過最好食😂但係唔容易搵，我最後問保安先搵到，近在咫尺，但係真係搵唔到道門。…查看更多

尖東「泰絕」，讓人一嘗彷彿置身曼谷街頭的地道滋味。餐廳主打正宗泰國街頭船麵與地道小炒，令人回味無窮。泰式招牌牛船河湯底濃郁，帶微辛香料味，牛肉軟嫩入味；豬船河則以豬骨熬湯，香濃不膩，豬肉滑嫩；牛腩沾麵配上秘製醬汁，牛腩炆得軟腍，膠質感十足。泰式炒豬肉河鑊氣十足，帶微甜醬香；啖啖蟹肉奄列厚實飽滿，內裡既蟹肉鮮甜豐富，口感層次分明；牛奶烤豬肉串燒外焦內嫩，甜中帶鹹，配搭香草味非常泰式。甜品方面，芒果糯米飯香甜軟糯，芒果甜度恰到好處，黑白糯米飯煙韌無比，配上椰漿，令人難以抗拒。飲品推介雜果手打雙重檸檬綠茶，酸甜清新，有驚喜；還有芒果沙冰，冰爽消暑，芒果香濃自然。總結，餐廳確實係本地尋找正宗泰式街頭風味的絕佳選擇，香辣中見細膩，泰迷必到。…查看更多

泰絕係OpenRice 見到呢間餐廳有正宗泰國船麵放假就嚟食吓先。我哋叫齊三款船麵，麵底同河底都可以有唔同既配搭，配搭自己喜愛既口味。曼谷招牌牛船河呢個招牌配搭我哋梗係要原配食吓，河底香濃有啲辣好惹味，牛肉鮮嫩滑，粒丸好爽彈。牛腩撈蛋麵牛腩好淋，撈蛋麵食落爽口惹味。豬肉金邊粉湯底香濃，豬肉好入味。秘制牛奶豬肉兩串 燒到岩岩好有啲香焦味再加咗啲蜜糖，牛奶豬肉好嫩滑同juicy 必食之選。蟹肉奄列奄列好多粒粒蟹肉，好鮮蟹味，仲可以點埋個辣醬食。串燒沙嗲牛肉同雞肉芒果沙冰同菠蘿沙冰飲落透心涼芒果糯米飯芒果好鮮甜糯米飯夠煙靭。…查看更多

今次嚟尖沙咀呢間泰國餐廳，真係有驚喜～夠晒地道又平靚正💥🔸啖啖蟹肉奄列（$168）🦀～勁多蟹肉，好香滑，咬落去都係肉！🔸牛奶烤豬肉（$38）🐷～甜甜地，超香，好Juicy🔸串燒沙嗲牛（$48）🐮🔥～香濃沙嗲味，牛肉嫩滑唔鞋口🔸泰斗招牌牛船河（$32）🍜～湯底濃，牛肉夠腍，好有泰國街邊feel！🔸豬肉河同牛腩撈泰國蛋麵（各$32）🐖🍳～細細碗好方便試多幾款，性價比超高！🔸泰式炒通菜（馬拉盞）($98)🥬～勁惹味，好香馬拉盞味，送飯一流🔸飲品方面，泰式奶茶沙冰（$48）🧋超香濃又夠凍，夏天飲一流！🔸班斕神仙水（$32）🧪味道清新又特別，好似瞬間飛去泰國！💬總結：呢間餐廳真係做得夠地道，小炒夠鑊氣，船面細細碗可以試勻晒多款～香港都可以食到正宗泰國街頭粉仔【船面】啦！細細碗，你又挑戰到食幾多碗？🥢打卡又正，味道又好，一定會再去‼️推介指數：⭐️⭐️⭐️⭐️⭐️…查看更多

難得放假，我同朋友去呢間泰國餐廳食飯。首先要讚嘅，個牛船蛋麵嘅麵條好彈牙。豬肉米粉嘅味道都令人驚喜，豬肉鮮嫩多汁，肉丸都好好食，米粉吸收咗湯汁嘅精華，連湯底都想飲埋。牛腩河粉係必食嘅，牛腩軟嫩入味，河粉滑潤有咬口，配上香濃嘅牛肉湯底，真係好滿意，令人食過返尋味。個特製嘅辣調味料店員介紹係由泰國直供炒香過，勁濃郁勁香，我地點唔少。牛奶烤豬肉外脆內嫩，肉汁豐富，甜味啱啱好，令我同朋友都忍唔住三秒食晒。最欣賞蟹肉奄列嘅份量真係驚人，大量蟹肉令人感受到海鮮嘅鮮美。馬拉盞泰式炒通菜係道地嘅小炒，我哋揀咗唔辣，都一樣咁鮮美可口，有獨特嘅風味，我哋夾菜夾到冇停手。飲品方面，叫咗菠蘿沙冰清甜解渴，同埋青檸梳打，酸甜平衡得好，為呢餐增加咗清新感。甜品個椰汁芒果糯米飯就係完美嘅收尾，紫米嘅加入令口感更加豐富，甜而不膩，芒果更係好重果香。呢度嘅食物正宗，我同朋友竟然可以喺香港食到以前泰國旅行個種道地嘅泰國街頭風味，真係難得！…查看更多

自從上年去完泰國之後，就爆出好多賣豬仔既新聞，搞到人心惶惶，但係心入面總係掛住喺泰國街邊食船麵嘅味道👅。冇諗過今日竟然今日喺尖沙咀俾我搵返呢款味道🤩🌟正宗曼谷三口船麵🌟有招牌豬肉河、招牌牛船河同埋招牌牛腩河，可以選擇船湯或者乾撈，晚市每款收$32，個人比較欣賞船湯，微辣又唔會過濃，每一款肉都唔會太韌，河粉煙煙韌韌，完全複製到泰國嘅味道😍🌟牛奶豬肉串🌟豬肉串燒得啱啱好，仲有微微嘅炭香，熱辣辣好滿足😆🌟蟹肉奄列🌟極度推薦大家嗌嘅一道煮食，入邊嘅葱花同蟹肉多到滿瀉，點上茄汁，令整道菜昇華咗😋😋😋🌟馬拉盞炒通菜🌟對比其他菜式，呢碟炒菜相對冇乜驚喜，通菜炒得爽口冇渣，調味亦都唔會太鹹。🌟芒果糯米飯🌟正宗嘅泰國飯後甜品，芒果鮮甜，糯米軟糯，分咗白米同埋紫米，點上椰汁，十分完美🤩🌟芒果／菠蘿沙冰🌟芒果／菠蘿沙冰大大杯，消暑解渴一流。兩個人埋單用咗五百幾蚊，性價比極高😍…查看更多

新文華中心原來有間咁有泰式風情嘅餐廳！一入到餐廳，裝修好泰style，仲放置咗好多泰國嘅傳統雕塑🫣正宗曼谷"三口"船麵曼谷招牌牛船河（$32），曼谷招牌豬肉河（$32），曼谷招牌牛腩河（$32）聽店員講呢三款河嘅湯底係特製嘅！我同朋友仔試咗一下，覺得呢個湯底好濃郁！佢有少少類似越式嘅河粉，但係又有泰式嘅少少辣嘅味道，一次過滿足三個願望！🤤🤤牛奶烤豬肉（2串）（$38）店員特意講呢個豬肉串係用牛奶浸過嘅，認真唔錯！食落好嫩滑甜甜地，仲有陣牛奶嘅香味，配埋青瓜一齊食都幾夾🤔啖啖蟹肉奄列（$168）呢個蟹肉奄列好足料，超多蟹肉！！！不過調味上就一般，加埋醬料一齊食會好食啲！🫣泰式炒通菜（馬拉盞） （$98）呢個炒通菜調味好足！食落特別有鑊氣🤤 芒果糯米飯（$58）平時芒果糯米飯就食唔少，但呢個芒果糯米飯就結合左白糯米同黑糯米，兩者嘅質感唔同，再加埋椰汁，食落去互補起上嚟又好夾，總體嚟講好好食！👻斑斕神仙水 （凍） （$32）泰式香芋泡沫鮮奶（凍） （$38）Overall啲嘢食都幾地道！…查看更多