影片
港铁炮台山站 B 出口, 步行约3分钟
继续阅读
电话号码
36221795
营业时间
今日营业
18:00 - 23:30
星期一
全日休息
星期二至日
18:00 - 23:30
以上资料只供参考，请与餐厅确认详情
隐身于炮台山电气道市政大厦熟食中心，开业超过十几年，绝对称得上系隐世泰国菜，一直由大厨Sam哥及楼面担当阿Aee主理，煮出最地道的泰国菜。餐厅一直深受食客欢迎，除咗街坊熟客生意，有很多在香港工作的外籍人士，都系佢哋嘅常客。就算完成工作离开香港后，这些熟客回来香港时，都定必回头探望大厨及阿Aee，再尝他们的招牌名菜。Sam哥对食物的质素非常坚持，希望能将家乡最地道的味道带给食客，简单如春卷小吃，鸡肉串烧等，都亲自制作，绝非预制或加工菜式，是吃得到的心机及功夫。其实已经食咗好多年，今日先认真写篇食评，如果同Sam哥熟咗，佢仲不时会为你制造惊喜，琴晚我哋就食咗一个正到冇朋友嘅冬阴功汤金边粉。其他必试招牌菜包括： 泰式炸鱼松沙律，香脆三味炸鱼，泰式海南鸡，泰式明炉蒸乌头，粉丝蒸扇贝，泰式炆猪手等等。👍🏻👍🏻👍🏻
继续阅读
十多年前已开始光顾这间泰人主理的小店， 近年经济不景气 不少去开的食肆已不在了，实在很感恩一直还有机会来这里用膳，本人一向不习惯网上分享及写食评，但今次很想藉此分享图片 也作为一些回忆纪录： 蛳蚶沙律，猪肉生菜包， 青柠蒸鱼，烧猪颈肉配辣椒汁，泰式冬阴功，椰子鸡汤，马拉盏炒椰菜苗… 之前还品尝过其他菜式也不错，未能尽录~ 如未试过的朋友 不妨下次聚会考虑来这里既适合边吃喝 边聊天的好地方!建议致电预约，因店主或于一些暑天日子休店回家乡一趟~
继续阅读
听一位周围揾食既司机介绍，话呢间系佢试过全港最好味既泰菜果然无介绍错㖞！！4个人黎食，每人都系平均百几，每一样都好食，而且系出面唔是间间有。鸡，香口又带点脆皮鱼，老板娘建议一上枱就食，但咁靓就相机食先啦肠，司机大推，叫我地book之前一定要confrim有得食😂果然都系无失望既，辣辣地，而且只辣系食完先黎料，用生菜包住岩岩好，辣得好过瘾～～～～～最后！！！隔离有个印度芝士薄饼呢司机又系极力推荐，买左过黎一齐食，都系几十蚊，d芝士系咇出嚟咁多。劲香，同平时食既唔同层次～～去开记得买过黎食。
继续阅读
其实佢算系呢一区叫做出名嘅泰国菜。我𠮶日叫咗一条烧鱼，我本身就好钟意食泰国菜同泰国嘢，一见到条鱼肚里面塞满生菜，冇乜香料我就有啲唔高兴，因为条鱼嘅香味好大程度系来自肚里面嘅香料，你放啲生菜入去咁已经冇乜香味，再加上条鱼煮唔熟，因为烧鱼系需要比较长嘅时间，泰式烧鱼鱼身上面会包左一层盐，响呢度我完全食唔到盐同香料嘅味道。一般嘅烧鱼会烧到会鱼身有D㶶，同埋咁样会食到有一啲鱼油香。另外我仲叫咗一个生菜包，啲肉碎劲咸（注意返咸味唔代表叫做有味，冇香料味），炒得比较湿，先唔同佢讲正唔正宗，如果啲肉碎有太多水嘅话食起上嚟好唔方便，味道方面，同条鱼嘅问题一样唔够香料。呢间小店经常都好多人，我唔会认为多人或者少人系可以反映食物好唔好味嘅一个指标，相反佢对面有一间印度嘅小店我觉得非常出色，有机会下次再同大家分享。
继续阅读
抗疫中，寻找「泰国」真味。泰爽甜是位于街市二楼，舖位细细个。泰国人煮理，非常有风味！提提大家，一定要订位。一坐低，就嚟碟虾剌身。哗！好爽甜！🦐身再冻啲就仲perfect!再嚟多碟烧猪颈肉。有冇搅错呀！咁鬼嫩滑架！点停口呀！烧烧吓，连碟鸡都上枱嘞！炭烧味好浓！非常、非常之好食😋 Highly recommend!三味脆鱼，师傅起鱼肉&骨去炸。我朋友连鱼骨都清埋！可想美味之程度！食食吓，老板娘放低碟好似狗史的物体系我枱面。喜爱食辣的人，可以试吓。生菜包住旧狗史，把辣味提升不少！唔用生菜，原来系冇咁辣架！盐烧鱼，虽然鱼味比较淡，但真系好滑！烧牛肉沙律🥗⋯⋯朋友叫了半生熟牛，但我唔钟意食太生的牛肉。下次我会叫佢烧熟啲俾我😅到呢一刻，我已经好饱,但食物仲上紧！努力食啦！虾胶包皮旦，原来都几夹㖞！粉丝扇贝，呢个真系停唔到口！粉丝炒得dry & 辣辣哋，又嘢味，底下的扇贝居然劲鲜甜甜品....泰国名菜一定是芒果糯米饭！超好食，点解？因为佢哋糯米饭唔系死实实啰！一定要试吓！
继续阅读
您可能会有兴趣的...