泰灜

营业中

休息中

訂座八點，7：50入座，剛入座還好，說訂了的燒春雞要等30至45分鐘，雖然人未齊 就叫他可以直接落單先，其他我地就慢慢叫。到九點 其他都的食完，再問一下隻雞去左邊，答我地整緊...ok..咁再等等 9：15再問一次 仲係答整緊，朋友去wc聽到該侍應同另一個侍應講 漏左點算.. 我地呆坐左一個鐘，叫先上芒果糯米飯連甜品都食完...時間已經黎到9：40 算啦 我地唔等 叫埋單，又等到9：55 突然拎隻雞出黎，我地真係唔要 坐都坐到一肚火，講明隻雞唔要 埋單就得，個侍應係掉張單落枱 轉身就走，呢個服務態度 我冇野好講一開始講話要等30-45分鐘 ok...我地足足等左兩個鐘 好意思？？？唔計我地食其他野時間 有至少個半鐘係on膠膠坐係到掉單果下 我真係有反枱衝動 呢間野唔會再去

見網上推介佢嘅燒春雞同埋芒果糯米飯 ，然後即日訂座8:00， 同時間亦都已經同佢落咗order ， 話會要一隻燒春雞同埋一個芒果糯米飯蛋糕，然後入坐後已經同店員講燒春雞可以上枱了，但係我地由坐底叫完其他食物後， 途中已經吹單三次， 但係一路隻燒春雞都係冇嚟過 ，直至到食埋個芒果糯米飯蛋糕都未有，歷時1.5小時都未上到隻燒春雞， 我叫咗三次埋單店員都冇理會過我，一路拖時間仲諗住硬上隻燒春雞要我地埋單，因為等得太耐嘅關係， 我哋最後係冇要到嘅。 然後店舖嘅店員非常之冇禮貌， 將張單就咁掉落個枱面到。 真心唔會再幫襯

預約六點用餐，準時入席服務態度良好，主動招呼客人與客人溝通，詢問客人的意見，總共叫了冬陰功湯、炸蝦餅、金邊粉和椰汁芒果糯米飯，最吸引的是甜品部份，會主動推薦給朋友。

Thai-in火焰燒春雞 $228見到好多台都有叫一於叫一隻試下，一上枱就係原隻燒春雞，店員俾我哋影個全相之後就現場加火特效，變成火焰燒春雞，相當全程矚目，燒完之後個皮好卜卜脆，一撕落嚟啲肉汁不斷流出，識落鮮嫩多汁亦醃得好入味👍🏻推薦之一泰北冬陰功 $128嚟到泰式店，當然要飲過冬陰功，飲落酸酸辣辣10分開胃，仲用個小火爐熱住暖笠笠，入邊仲有幾隻蝦同菇好足料肉碎生菜包 $98去泰國店都會叫呢個生菜包，每間個肉碎調味都唔一樣，今次就好驚喜啱我口味，因為係比較辣，包埋生菜一齊食十分惹味Pha-tail 泰式金邊粉 $128金邊粉炒得乾身，仲有幾隻原條炸蝦，連埋蝦頭嚇一嚇😂食落幾彈牙，但個粉食落較甜蓋過個酸味，旁邊仲有砂糖及花生，唔洗點已經比較甜

叫左個小食拼盤樣樣都有啲，蝦餅好爽口，夠晒彈牙，仲好大粒tim。仲叫左個豬肉串燒，燒得岩岩好，同佢地個醬汁好夾啊。菠蘿炒飯又好夠份量，兩個人食到好飽上餐速度都幾快。同埋佢地係會先上小食再到主食，我個人就覺得幾好 都幾貼心咁🫡🫡佢地有個超型嘅芒果糯米飯蛋糕 隔籬枱嗌咗一個黎慶祝生日 佢哋呢間舖原來係會報埋泰文嘅生日歌㗎，好high 🤣有氣氛啊～feel到成個場氣氛好jeng 下次如果有親戚朋友慶祝活動 會介紹大家黎度食 下次一定要嗌個芒果糯米飯蛋糕試試😆😆

行完廟街既貴價夜市，就上網睇附近有咩好食，本住想食好小小又多人like既心態就過左泥食呢間泰菜麵包蟹有一大隻既軟殼蟹，軟殼蟹炸起泥唔會太乾身香濃既椰香咖喱味，最後仲要整多份蒜蓉包先得牛肉睇落去已經夠juice，食落去估唔到咁淋，完全唔似泰國舖既乾爭爭牛肉，加埋個碟酸酸辣辣既汁醬，超開胃咸蛋黃炒飯周圍都有，估唔到有驚喜，同出邊唔同，蛋黃醬係自己撈的，仲有D流沙既效果，加埋個份熟左既咸蛋落去撈飯，有口感有流沙，掂呀

真係 人生未食過咁難食嘅泰菜 狗也不__坐低 落完單 冇畀個碗 冇畀水蒜蓉包 & 生菜包 乾青咖哩 稀串燒豬 用鬆肉粉+怪味醬最經典碟燒牛！如圖！問佢有冇得揀熟到佢話冇 點知嚟到 乾+硬+鞋=牛肉乾！！！最後 價錢仲要貴到__街！

朋友介紹過好食正宗泰國菜，一路都想試，咁岩撞正朋友生日，決定book枱試下。早咗半個鐘去到，點知full 晒，職員提議我哋喺附近行吓先，佢哋一有客人走即刻打電話通知我哋👍🏻👍🏻👍🏻最緊要門口有d 包好嘅蝦片，6個人太餓，先食住蝦片，邊揀食咩，個蝦片超脆，太好食，臨走都再外賣包走👍🏻由於樣樣都好想食嘅關係，店內職員主動過嚟提議我哋，份量岩岩好，原來佢地嘅廚師全部都係泰國人，夠晒正宗。整體嘅嘢食都好好食，叫咗個拼盤，豬頸肉，魚，鳳爪，雞，軟殼蟹咖喱包，生蝦，菜。條魚同埋隻雞好食之餘，打卡一流。我哋預先仲訂咗個芒果糯米飯蛋糕，六個人訂咗個細size, 送出嚟嘅時候仲要有泰文嘅生日歌，夠晒地道，總括嚟講可以再encore

煎蛋白雪雪，咬左個角的確係冇味既。搵阿姐落豉油，阿姐話冇豉油噶。我追問煎蛋喔，冇味噶？阿姐好大聲回答，係啊，冇味噶！佩服佢好意思甘大聲講甘既野。我就唔會再黎食冇味既蛋啦，各位睇路

🤮鞋口有雪味肉類＋溝浠咖喱＋白烚草青味滿滿蔬菜，有冇勇士一戰👎🏻？・・・・・・・・・・・・・・・・・・・・🚁🚁🚁🚁🚁🚁全伏咁滯🚁🚁🚁🚁🚁🚁🥭 芒果沙冰 HK$48・味道：可能係全晚最好食嘅item了...呂宋芒好香甜，好fresh 0糖漿味，但價錢太進取。・口感：綿密0冰感。🥩 街邊燒牛肉 HK$108・味道：well done牛肉🤡，有些微肉味，但已被鞋口肉質掩蓋所有嘢⋯⋯最後只能靠個酸辣汁食，但都係吊唔起肉味，可能本身就冇。・口感：鞋過呀婆腳皮👵🏻🐔 濕炒雞河 HK$88・味道：個芡好似濃湯寶溝出嚟嘅味，雞肉有啲雪味，菜同菇類正常，河粉碎濕濕到好似食緊飯。・口感：雞肉鞋口，菜類仲脆口嘅，河粉唔知做乜碎上。🍞 惹味蒜蓉包 HK$38・味道：呢個不錯，蒜蓉味香口外仲有另外炸蒜，係雙重惹味口臭XD・口感：外脆內軟，點咖喱汁一流，出色👍🏻🐤 惹味青咖喱雞 HK$108・味道：青咖喱味好薄弱，無論係咖喱味、椰汁味、甚至普通鹹味都不足，唔知食緊咩咁。雞件量多但同上，有雪味而且鞋口。啲菜都係白烚完再放落咖喱到，所以一咬啲菜爆嘅汁嘅水嚟，但外層係包住好浠嘅咖喱，極怪，hea到🤮，同埋茄子陣草青味連

好有水準嘅泰國菜，2個人嚟食，叫左4樣野，椰汁雞湯好香濃，咖喱好夠味，仲有佢地嘅蒜茸飽真係超正（唔記得影相），仲炒左個菜，熱辣辣好有鑊氣😋而且服務仲好好見到其他枱點左個芒果蛋糕，仲播埋泰文生日歌，好有氣氛。下次有朋友生日會再過嚟食

朋友是個超級芒果糯米飯的愛好者，臨近他生日訂了個小的蛋糕，份量也足夠3-4人吃，想要更大的也有提供。1. 口感綿密：芒果糯米飯的糯米飯軟糯而有嚼勁，與芒果的鮮嫩果肉相互融合，讓人一口咬下去就能感受到糯米的綿密口感。2. 香甜滋味：芒果糯米飯的芒果果肉帶有濃郁的甜味，與糯米飯的香氣相互融合，讓整道甜點散發出迷人的香甜滋味。再配以特色咸椰香汁，簡直是最好吃的泰式芒果糯米飯！3. 色彩鮮豔：芒果糯米飯的外觀色彩鮮豔，糯米飯的白色和芒果的橙色形成鮮明對比，讓人一眼就被吸引！4. 口感豐富：芒果糯米飯不僅有糯米的綿密口感，還有芒果的果肉纖維和果汁的爽脆口感，讓整道甜點的口感更豐富多樣！

食物質素一般，店舖又唔夠人數，本身之前食過，佢就俾左玩金券5蚊，諗住今日用埋去，埋單唔知要分開人頭，每人用一張，食完俾錢先知應該分開，個負責人又唔肯退返，只再俾返張現金券就算，仲話煩，呢個態度永不錄用

最近同朋友黎呢間泰國餐廳食生日飯6個人 樣樣都想食叫左招牌咖喱麵包軟殼蟹 小食拼盤 串燒 生蝦 燒雞 炸魚 叫咗好多野食！當日星期六 7點去到已經坐滿哂 見到有人等位好彩我哋一早book定 直接入得！叫完野食之後好快就上菜 出菜好快 成枱都係野食菜式有驚喜 生蝦會炸埋蝦頭比你食 正！小食拼盤竟然有埋生菜包 唔洗另外叫咖喱麵包軟殼蟹 賣相好正 味道甜甜地 小朋友都食到 麵包同軟殼蟹沾滿咖喱汁 好好味！串燒就不過不失 但個串燒汁好好食店員姐姐推介炸魚 我哋即管試一試 有驚喜！炸到好脆 好香口無介紹錯最後就係招牌既芒果糯米飯蛋糕 真係好靚呀我哋以為好飽會食唔落 但原來中間果層都係芒果 所以糯米飯唔會好多 最後6個人清哂 呢餐好滿足 下次會再黎

和家人過嚟食晚餐，預先留咗火焰雞同咖哩蟹，我哋13人點咗拼盤、柚子沙律同沙爹、兩疏菜，共十款式菜式，非常飽足，員工服務好，上菜速度快。甜品類珍多冰、芒果沙冰同芒果糯米蛋糕好好味有機會會再幫襯。