泰灜

营业中

休息中

平民化之［泰灜］今次選擇這間地道平民化泰國餐廳泰灜，多菜式選擇，質素不錯，串燒沙嗲(豬牛雞)：沙嗲汁好香，唔太辣，肉質淋， 同沙嗲汁好夾，好好味。小食拼盤：拼盤有雞翅/蝦餅/春捲/魚蛋，份量好足夠，蝦餅好彈牙。麵包咖哩軟殻蟹：十分惹味，軟殼蟹外皮酥脆，肉質鮮嫩，搭配咖哩醬，風味獨特。馬拉盞通菜：口感清脆，搭配馬拉盞醬的香辣味道，十分開胃。虎蝦炒金邊粉：虎蝦炒金邊粉色香味俱全，虎蝦鮮美，米粉爽口，份量很多。椰汁芒果糯米飯：糯米飯淋上椰漿，賣相不錯，切好既芒果片可以撒上白芝麻或脆米，入口脆卜卜，口感豐富，糯米嚼勁同椰漿的香濃、芒果清甜相互交融，作為甜點或小吃，十分不錯虎蝦冬蔭功：湯色澤鮮豔，香氣四溢，酸辣味道令人垂涎，搭配米飯十分夾。

我同朋友雖然細食，但為食，所以揀泰國菜，可以每款試少少又唔貴。而且侍應服務都好好。🍴串燒沙爹🐽+🐤：✨推薦✨因為醃夠時間，所以燒完唔沾醬都好惹味👍🏻。同埋冇燒過火，所以肉唔韌好易咬。串燒醬有兩款：沙爹醬同自製甜辣汁，我就覺得淨食好好味😋。🥢Thai in 燒羊架：✨推薦✨羊架唔羶，同串燒一樣醃得好入味，而且有少量肥邊所以香口又爽口👍🏻。🥢泰式鮮蝦金柚沙律：我中意柚子、腰果、椰子🥥乾、炸蒜片size 相約，同埋mix 均勻。每口口感豐富，有東南亞風味。🥢惹味蒜蓉包：外脆內軟，蒜蓉可以重手啲。🥢芒果🥭沙冰：✨推薦✨根本係將凍芒果打成冰，好似飲芒果醬，味道好濃郁。

今晚想食泰菜，上網揀左呢間比較地道既小店泰瀛，地方不大，但乾淨舒服。價錢亦很平民。泰式無骨鳳爪，味道酸酸辣辣，充滿泰式風味，是道很開胃的小食，仲要無骨食得更加方便。蒜蓉炒椰菜苗，炒得爽脆，沒有水汪汪，沒有苦味，除了蒜蓉炒，還可以選擇泰式或馬拉盞。菠蘿海鮮炒飯，賣相吸引大份，飯粒炒得乾身，粒粒分明，內邊充滿海鮮配料，有蝦，有魷魚，有貝柱粒，飯面有蛋絲，腰果，菠蘿粒，令口感更加豐富。芒果糯米飯是泰菜必食甜品。這裡的糯米飯有熱度，不會太硬身，芒果再熟一些會更好。

佐敦可以話係少數族裔聚居嘅地區😍😍當中泰國人亦佔不少！所以開得係吳松街，相信亦都係泰國地道風味！我地坐低就聽到格離枱慶祝生日，泰國版生日歌一響🤣🤣🤣真係好有生日氣氛！不過言歸正傳，我地點咗泰式酸辣無骨鳳爪，入口係好惹味嘅洋蔥味，鳳爪十分爽脆，辣道係適合香港人舒服食嘅😆作為開胃菜一流另外我哋都點咗個虎蝦冬陰功，飲落椰奶味好濃郁，酸道同辣度我覺得都適中，而且亦有好多菇菇同埋三隻大虎蝦，食落肉質彈牙～推薦😍另外我哋都點咗半打串燒沙嗲，串燒嘅味道本身已經好足夠，肉質滑嫩好有風味，配埋沙嗲醬一粒粒嘅花生粒，令到整體口感更加豐富！對於成枱都係肉嚟講，梗係要點返個菜去平衡返呢一餐啦，我哋點咗馬拉盞炒椰菜苗，椰菜苗好爽口，馬拉盞亦十分惹味，好快就消滅晒成碟啦😆最後我哋亦都嗌咗泰式雞肉乾炒河，味道亦係水準發揮，而且份量足料抵食！

今晚又約了朋友在佐敦吳松街食飯，由於離地鐵站口只需行幾分鐘就見到，所以愛上了這條街，這兩星期已在佐敦開了三次飯。泰瀛門口非常容易認， 因為有兩個泰國女迎賓木像， 加上是玻璃門，可看到內裏是否有很多顧客。暫時人少少，我們就入去食了。內裏裝修簡約，仔細看就很有泰國風情，尤其是牆身 、枱布和茶壼， 是一家地道小店。我們先叫了一個大的小食拼盤，之後再叫串燒雞和豬各三串、麵包咖哩軟殼蟹、 馬拉盞炒通菜、 虎蝦炒金邊粉、虎蝦冬陰功湯，甜品叫了芒果糯米飯作結。小食拼盤有炸蝦餅、炸春捲、炸魚餅和炸雞翼。 個人最喜歡炸蝦餅，因為蝦膠很厚和有彈性，外面就脆卜卜， 點上酸甜醬，食指大動！ 炸春捲也很有水準，外皮硬身且爽脆，無好油膩的感覺， 內餡有新鮮蔬菜。馬拉盞通菜和金邊粉都好有鑊氣！馬拉盞通菜炒得翠綠又香口 ; 金邊粉就酸酸甜甜， 同埋炒到粉條分明，唔會一pat pat。冬陰功湯適合香港人口味唔會太辣。串燒豬肉和雞肉都嫩滑，有兩款醬汁可供選擇。重頭戲： 咖哩軟殼蟹農夫包， 又靚又好食。 估唔到有咁多軟殼蟹， 咖哩比較杰身，配上烘得脆脆的麵包，好好味。芒果糯米飯都有水準，只是我以為會比較大碟。

留意咗呢間位於佐敦既泰國餐廳好耐，喺吳松街食肆一帶，今日終於有機會同朋友一齊去試下😀😀我地星期日幫襯，竟然仲有優惠午餐，$4x起有一個泰式炒飯炒麵，仲唔洗加一，好抵食😝我哋一行幾個人叫咗唔少嘢食，有前菜、小食、主菜、仲有甜品、飲品，埋單都係二百零蚊一個人😝好抵食😚😚泰式無骨海南雞配湯及油飯$65 - 呢個我強烈推介，海南雞肉味鮮嫩，油飯香芬噴鼻，正！😄😄馬拉盞通菜$78 - 非常惹味😝 煮得夠淋夠入味！😍😍串燒沙嗲豬雞焗三串$98 - 呢個好正呀！ 豬同雞各有三串！ 肉質鮮嫩又多汁，好吃！😚😚小食拼盤108 - 有香茅雞翼、炸蝦🍤同春卷😄😄椰青$38 珍多冰$12呢間餐廳真係唔錯！👍🏻 食物夠多元化，價錢又平！ 仲有晚市優惠，真係可以多多幫襯😍😍泰灜 (佐敦)佐敦吳松街141號地舖

超開心嘅朋友聚會，你有你講我有我講，好熱鬧😆，幾年之間第3次嚟，食物水準keep到(好重要)，雖然地方唔大，但服務員有禮細心，洗手間都算乾淨，氣氛好熱鬧，適合喜歡熱鬧嘅朋友。

朋友介紹呢間泰國小店，話嘢食好味得來又夠實惠，所以今晚決定去試吓，店員好熱情，會介紹餐廳值得試嘅菜式，所以每一樣都覺得好值得推介。虎蝦冬蔭功冬陰功湯用熱鍋上，下邊仲有個蠟燭保持溫度，酸度同辣度都啱啱好，仲有幾隻虎蝦，每一隻都彈牙多肉夠新鮮，飲完一碗一碗，推介！青芒軟殼蟹沙律呢款沙律係店員推介，軟殼蟹份量好多，而且炸得好乾身，唔會油淋淋食到好飽好滯咁，青芒果沙律係泰菜入邊比較特色嘅一款，調味辣辣地好開胃！街邊燒牛肉燒牛肉亦都係店員推介，簡直要重點推介俾大家去試，份量多之餘，燒得啱啱好，中間帶點粉嫩，所以一啲都唔靭，再配搭埋特製嘅醬汁，簡直令令味道更加昇華！泰式炒通菜呢度有幾款菜可以選擇，亦都有幾個口味可以選擇，估唔到份量係咁多，性價比十足！飲品方面，餐廳有迎合香港人嘅口味，所以泰式奶茶嘅甜度唔會過甜，奶味重；而龍眼冰就夠晒清爽，仲有粒粒嘅龍眼肉可以食，解膩一流！

好似好耐冇食過泰國菜，講起香港嘅泰國菜正常都應該要去九龍城，但係對我嚟講有啲隔涉，聽朋友講呢一間喺佐敦嘅泰國菜都係泰國廚師，所以就過嚟試吓。佢哋做緊泰國啤酒買二送一，四個人叫做三支嚟試吓味，象啤出名啲真係有佢嘅原因架。不過其實另外兩款都好飲嘅。食泰菜點少得叫返個椰青，呢度嘅椰青都好新鮮，仲有支鐵羹俾你食埋入面啲椰肉，真係好細心架。嘢食方面，首先叫咗個生蝦做前菜，佢呢度特別菜嗰啲蝦頭會幫你炸埋，脆卜卜咁，可以連頭都食埋。而佢啲生蝦都好新鮮，都好爽口，點埋泰式青檸辣汁真係冇得輸。然後又點少得嗌返個海鮮冬陰功，佢個冬陰功湯見到都有啲香料喺入邊，唔係嗰啲開粉嘅冬陰功湯。最重要係仲有兩隻開邊嘅大虎蝦，又係新鮮彈牙，絕對足料。然後叫咗個生菜包，佢個生菜包唔係好辣，小朋友都會食到，但係就保留咗泰國菜嘅酸，夠晒開胃。另外叫咗個鐵板蠔餅，原本以為係我哋中式認知中嘅蠔餅，但原來佢呢個係滑蛋炒蠔仔咁樣，啲蛋係比較濕嘅，但係就好滑，點埋佢個辣椒醬好惹味㗎。菜就梗係唔少得馬拉盞炒椰菜苗啦，佢呢度啲椰菜苗真係BB嚟㗎，唔會好老，完全符合商品說明條例。最後壓軸嘅要講吓佢呢個燒春雞，呢個燒春雞好似睇表演，咁佢會喺你面

在繁忙的佐敦區，隱藏著一家讓人驚艷的泰國菜餐廳，這裡不僅環境幽雅，更讓我在家人生日這天，享受到了一場味蕾的盛宴。一踏入餐廳，那熟悉的東南亞風情便撲面而來，仿佛瞬間穿越到了異國他鄉。我們點的幾道招牌菜，無一不讓人印象深刻。泰式生蝦，新鮮爽滑，搭配特製酸辣醬汁，每一口都是對味覺的極致挑逗；炸蝦餅則外酥裡嫩，金黃色的外皮包裹著鮮美的蝦肉，讓人忍不住一口接一口。泰式炒通菜，簡簡單單的食材卻能炒出不一樣的滋味，清香爽脆，十分開胃；而菠蘿海鮮炒飯，更是讓人眼前一亮，飯粒粒分明，與菠蘿的酸甜、海鮮的鮮美完美融合，每一勺都是滿滿的幸福感。當然，壓軸的還是那道海南雞，雞肉嫩滑無比，醬汁鮮美醇厚，搭配特製的辣椒醬和姜蔥，簡直是味覺上的享受。我們一家人都對這道菜讚不絕口，直呼過癮。總的來說，這家餐廳的泰國菜無論是從食材的選擇、烹飪的技巧還是味道的調配，都達到了相當高的水準。如果你也是泰國菜的愛好者，那麼這家餐廳絕對值得你來一探究竟。相信在這裡，你也能找到屬於自己的那份味蕾上的驚喜。

昨晚與友人相聚，選擇左位於佐敦嘅泰國餐廳 服務員好熱情為我們推薦了幾道招牌菜必點咖喱麵包軟殼蟹。金黃色的咖喱汁濃郁醇厚，包裹著外酥裡嫩的軟殼蟹，麵包吸飽了咖喱的精華，風味十足，讓人不禁一塊接一塊，停不下來。泰式燒魷魚同樣令人驚艷，魷魚鮮嫩多汁，表面燒烤得恰到好處，搭配的泰式酸辣醬更是點睛之筆，讓整道菜的風味層次豐富。我們還點了雞肉豬肉串燒、泰式生蝦、炸蝦餅和泰式炒通菜。每一道菜都充分展現了泰國料理的精髓，無論是肉質的鮮嫩、調料的獨特，還是烹飪手法，都讓我們大呼過癮。餐廳仲好熱情為客人播放泰式生日歌，好有氣氛，好鍾意依間泰國餐廳

泰灜👻呢排成日去九龍城經過好多唔同嘅泰國菜店冇時間入去食估唔到嚟到佐敦就走咗入黎咁樣都搵到好野食🥰.🔅泰式明爐烏頭HKD 198食泰國嘢最signature當然係明爐烏頭原個爐咁樣上用火興住條魚加埋啲泰式配料青檸味同烏頭好夾次次食泰國野都必嗌😆🔅泰式燒羊架HKD 168好少食泰式嘅羊架燒得幾香之餘佢個秘製醬都好有特色個醬香濃之餘又有少少奶香🔅黃咖喱雞HKD 108泰國菜點少得咖哩揀咗唔辣既黃咖哩雞肉都幾多餸飯一流😛🔅肉碎生菜包HKD 98又係最愛既生菜包港式最愛生菜包反而去泰國無得食🤣🔅串燒沙嗲HKD 98沙嗲串燒有雞豬各三串最靈魂係個沙嗲醬真係點咩都咁好食🔅泰式通菜HKD 78泰式既炒菜特別有穫氣少少辣椒絲吊下味又惹味又香口🤭.整體黎講:抵食泰菜 滿足好味😚.🎈 泰灜 (佐敦)佐敦吳松街141號地舖

《佐敦泰菜🇹🇭 泰𤅀 Thai In》另一次嘅生日聚會🥳都係食泰菜😇芒果糯米飯蛋糕🥭生日切蛋糕唔少得🤣我又超鍾意食芒果糯米飯，所以呢個蛋糕真係超級有驚喜👏🏻這道甜點不僅美味，還很有視覺衝擊力。芒果糯米飯的味道甜而不膩，椰漿的香氣與芒果的果香交織在一起，讓人感到清新而滿足，我幾乎食完一個一磅嘅芒果糯米飯蛋糕🤣生蝦刺身🦐比較特別嘅地方係蝦𧯯係炸過嘅，外觀金黃酥脆，特別適合作為開胃小食或下酒菜👍🏻酸辣椰汁雞湯🥣酸辣椰汁雞湯的酸味來自檸檬汁或青檸，辣味則源於新鮮的辣椒，這兩者相互交融，形成一種平衡而又令人愉悅的味覺體驗。椰奶的甜味和滑順感緩和了酸辣的刺激，讓湯品即使有著強烈的風味，卻不會覺得過於刺鼻。泰式鮮蝦金柚沙律🥗金柚的果肉清脆多汁，鮮蝦則是彈牙而鮮嫩。搭配的香菜和薄荷葉增添了清新的香氣，讓每一口都充滿了活力。口感上，金柚的酸甜和蝦肉的鮮美相互交融。火焰燒春雞🐣來到另一主角，真的十分推薦👍🏻👍🏻火焰燒春雞的口感層次分明，外皮酥脆，內部則保持了雞肉的鮮嫩多汁。火焰燒烤的過程使得雞肉表面形成一層香脆的焦糖化外殼，與嫩滑的雞肉形成鮮明對比。每一口都能感受到外酥內嫩的完美口感。📍泰灜 Thai-I

七點去到，估唔到坐咗冇耐全場爆滿，老闆娘非常之親民，招呼非常熱情。菠蘿海鮮炒飯 $128完個菠蘿海鮮炒飯，入面超多蝦仁果仁提子乾。食落去好香口。 飯有用雞蛋炒過，好香蛋味。海鮮冬陰功湯 $128冬陰功湯飲落去唔會太辣，酸酸甜甜，夏天非常開胃。 裏面好多海鮮，虎蝦超大隻，仲有蘑菇、香葉、蕃茄粒，非常鮮味。芒果沙冰 $48芒果沙冰必點，超重芒果味。完全沒有落芒果醬，真係100%完個芒果鮮榨整成嘅芒果沙冰，天然之選。喜歡芒果嘅朋友必試。龍眼冰 $28該店嘅龍眼特飲，亦非常之足料。滿晒龍眼喺龍眼冰上面。飲落去淡淡清甜，龍眼肉非常爽口。夏天必點，非常開胃解渴。飛天炒通菜 $78通菜非常之爽口，食落通菜好清甜。再加埋泰式嘅炒通菜方法，非常香同惹味。唔鐘意食菜嘅我、都多完再食。紅咖喱雞 $118食落唔會太過辣裏面好多蔬菜配料茄子好多條。雞肉及收晒咖喱粉嘅味道非常惹味。

我真係好鐘意食泰國菜，朋友為我慶生都特登揀咗間超好味泰國菜，當中主打芒果糯米飯生日 “蛋糕”，非常特別! 最有Heart係個 “蛋糕” 上枱時店家仲會為你唱生日歌，真係好鬼窩心! 除咗個芒果糯米飯高質外，其他美食都相當唔錯架! 鮮蝦柚子沙津: 好清新，柚子肉都多，好開胃啊～麵包咖哩軟殼蟹: 咖喱汁配麵包真係好好味，軟殼蟹好脆，食落好有咬口，唔怪得係店家推介之一! 酸辣椰汁雞湯: 呢個必試，好好飲，酸酸辣辣的好開胃，而且佢係好足料，椰香味重，好好味! 食泰菜必須要以馬拉盞炒菜，今次就揀咗炒椰菜苗，炒得乾乾好，唔會話好油仲要好爽好味～另外生菜包也是必須的，辣度剛好，完美。再食埋個海鮮炒粉絲，3個人慢慢嘆，再叫多幾支泰啤，過了一個幸福的晚上! 推介比同樣喜愛食泰菜的你！