泰濃麵 (樂道)

营业中

休息中

咁熱嘅天氣，好想食返碗酸辣開胃的食物，相約老友黎左尖沙咀的泰濃麵聚餐，到咗都要等一會兒才可入坐。頂級安格斯牛肉冬陰功湯河，香濃冬陰功湯味，酸中帶點辣，牛肉柔軟有彈性，仲有鮮甜蝦1只、蟹柳、秋葵同青口，河粉好都滑溜。雞髀肉船河金邊粉，有魚蛋、蘿蔔、秋葵同炸豬皮，湯飲落味道香濃，真材實料，非常豐富。烚唐生菜配秘製腐乳醬，腐乳醬令爽口新鮮的菜更可口，健康之選。飲品選了凍奶茶，夠晒香滑。#泰濃麵 #樂道 #尖沙咀

煙鴨胸船湯🦆 $74船湯味道非常濃郁，仲有魚蛋同埋豬皮等等嘅配搭，非常豐富！呢排返工好忙都唔得閒去旅行，掛住泰國嚟呢度食返碗就啱晒啦！芫荽山冬陰功湯🌱 $84呢一個芫荽山，足足有300 g芫荽，一上枱就令人覺得非常震撼，配埋冬陰功湯底，非常之咁夾，芫荽迷必試！每一個船麵都可以揀一個麵或者飯配搭，一共有五款選擇，分別係河粉、金邊粉、薯粉、黃麵、湯飯，我哋今次分別就揀咗河粉同埋金邊粉，個人覺得河粉同埋船麵湯底係最夾嘅😆😆炸蝦片🦐$25好耐冇食過泰國炸蝦片，佢哋嘅炸蝦片比平時嘅舖頭冇咁油，夠晒香脆，估唔到$25有咁大碟，三四個人share都絕對冇問題～泰國原個新鮮椰青🥥 $49而家天氣咁熱，最啱就係叫返個新鮮椰青，補充天然電解質，呢個新鮮椰青非常大個，味道非常清甜，值得嗌！餐廳感覺好地道，店員服務仲好親切添！我個船麵食到一半，店員就主動開聲問我需唔需要加多少少湯，估唔到而家嘅小店服務都可以咁好，值得一讚！🫶🏻🫶🏻

本身好鍾意食泰國嘢，而近幾年無論中國大陸同埋香港都多咗好多餐廳可以食泰式船麵，今次嚟到尖沙咀呢間小店體驗一下短暫嘅泰國風情一日到店舖店員都好貼身問你想冷氣涼啲定坐得舒服啲，另外亦都不厭其煩送上冰水，服務態度真係好好好罕有喺香港有咁好服務嘅餐廳店員首先揀選邊有得揀湯底，冬陰功同埋清湯，當然係揀黑黑地色嘅船湯啦，我同寶寶就叫咗一個雞髀肉同埋一個肥牛。雞髀肉船湯湯河 + 美國頂級肥牛船湯湯河好濃味嘅湯底，真係越飲越開胃，呢個湯底真係好正，依啲料都好多，食到最尾都仲有好多雞脾肉🤣除咗個To Ming之外，我哋亦都叫咗雞翼同油菜，加埋兩杯超高質嘅龍眼冰為呢一個夏天降一降暑，短暫去咗一次泰國

頂級安格斯牛？講真，頂盡得兩三塊仲要碎晒。盛惠94蚊，送兩粒丸加堆炸豬油渣，感覺就係：錢畀晒，但牛就唔見咗。第一次試，亦係最後一次。未食過嘅，唔洗特登去失望同哂錢

尖沙咀一帶越來越多嘢食，大埔細舖係lunch Time都排晒隊，行過樂道見到呢間等位中，望一望原來係泰國麵做主打，天氣咁熱真係想食返啲酸酸辣辣嘅嘢，門口一大排泰國梳打水，吸引咗我嘅眼球入去😆叫咗一個麵同埋加$18嘢飲試一試：頂級安格斯牛肉冬陰功湯麵：見到佢係推介，牛肉好腍，唔會嚡口，雖然講明牛肉但係都有其他海鮮，例如蝦，青口，冬陰功湯味香濃，唔會太辣，配上河粉好嗦味！海鮮都好新鮮。龍眼冰：夏日清新之選，佢勁多龍眼，一路飲一路好解渴。

喺尖沙咀行街行到攰見樂道有間船麵要排隊，一於試下，好彩唔洗排好耐。食泰國嘢一定唔少得泰式奶茶，甜度我覺得適中，有料！佢鐘意食蠔所以嗌左有蠔嘅船麵，估唔到都真係幾夾！都幾多粒蠔，而且都幾有鮮味另外我就試左佢個和牛船麵，我揀左冬陰公湯，辣度我覺得適中，唔錯而且和牛薄切得黎一啲都唔差，不過如果可以有多幾塊就好啦by the way如果轉冬陰公湯個湯底係自帶海鮮配料的另外嗌左個小食炸燒腩仔，燒得幾香，幾彈口，一啲都唔會話炸過龍，又唔會話太油膩咁，not bad

今晚係尖沙嘴食泰国野🇹🇭 都好多人黎食，坐滿曬～(≧▽≦)-頂級安格斯牛肉 揀左船湯配泰式河粉～ 第一次知原來船湯係胡椒粉豬骨～咁配搭都好入味。牛肉好味呀😋對得起個價錢！仲有兩粒丸、秋葵～舊白蘿蔔我鍾意食🤣因為唔係點食辣，聽到其他台全部係冬陰功湯底。-海南雞飯味道同份量都正常～比ge醬汁係泰式～-泰式鳳爪去骨的酸酸辣辣～ 本身都鍾意食鳳爪-香茅斑蘭梳打感覺幾特別～ 夏天飲梳打都幾清爽-凍泰式奶茶本身都鍾意飲奶茶～ 同平時飲開ge茶底應該有少少唔同。都好味的！呢區價錢黎講，兩個人夜晚算抵食。

泰濃麵位於尖沙咀樂道，地理非常方便。當日都好多客人光顧，而且有外國人。所以餐牌是中英對照的。壁紙很有泰國風味，好像置身當地一樣。餐廳推薦船湯，清甜滋潤。我每幾條麵就飲一啖湯，好好飲差唔多俾我飲晒。即使飲完都唔會覺得口渴。另外冬陰功湯都值得一試，適合好辣人士。同其他餐廳相比，唔會太鹹同埋太辣。主要係以酸味為主，所以食落會好開胃🤤。需要留意嘅係兩款湯底嘅配料都會有所不同既係：船湯係白蘿蔔同魚蛋；後者係蝦同青口。［卜卜蜆船湯金邊粉］卜卜蜆份量都幾多粒蜆肉冇沙非常爽口。魚丸本身調味鹹鹹地同埋好彈牙。金邊粉軟身配上芽菜，吸晒湯底精華好惹味。［雞髀肉船湯黃麵］雞髀肉非常嫩滑，黃麵相對較為粗身，麵質都幾爽口。個人推薦泰式奶茶🥤，甜甜地非常香滑。

在尖沙咀Isquare傍嘅樂道，餐廳林立，今日下午茶時段試咗一間主打船麵嘅泰國菜！下午茶餐至到六點，性價比極高！船麵有三款湯底可以選擇，包括船湯、清湯同冬陰功湯，豬牛雞等配菜及粉麵都可自由配搭😋😋😋.✨頂級美國肥牛船湯金邊粉船湯味道非常濃郁，但係唔會死咸，金邊粉吸收咗湯汁非常好食✨雞脾肉清湯黃麵.一定要試佢哋嘅小食，炸雞翼同炸芝士雲每款都有四件，好食又抵食。另加多個泰式炸蝦餅，好厚身囗不俗，同樣出色。再加錢配埋食泰國菜必點泰式奶茶，茶底味道香濃👍🏻

湯底好有泰式風味，惹味濃郁😋推介試「卜卜蜆船麵」，一上枱就被嗰堆卜卜蜆山嘅份量震驚😳!!每粒肉都幾大粒，無沙幾新鮮✨👍🏻仲可以擇唔同麵底，薯粉比較夾啲。「青木瓜沙律」好爽口refreshing酸酸甜甜辣辣。🧾𝙞𝙩𝙚𝙢𝙨 𝙤𝙧𝙙𝙚𝙧𝙚𝙙: (⭐️3.8/5)•頂級安格斯牛肉船麵 $94 •卜卜蜆船麵 $94•青木瓜沙律 $49•泰式青檸梳打特飲 $29 📍泰濃麵 尖沙咀樂道7號嘉樂大廈地下A號舖

今晚同朋友心血來潮想食泰國嘢，衝咗去尖沙咀泰濃麵，一入店就聞到濃濃香茅同椰香，裝修仲掛滿泰國街頭風情畫，即刻有種穿越到曼谷嘅感覺～ 🍜 招牌船麵：頂級安格斯牛肉金邊粉- 深褐色湯頭濃到掛勺，飲落有淡淡藥材香同胡椒辛勁，朋友大讚：「同曼谷街頭食到嘅一模一樣！」 - 安格斯牛切到薄透，上枱時粉嫩半熟，浸熱湯後入口即溶，牛油香爆棚！仲有脆炸豬皮、彈牙魚蛋同清甜秋葵，口感超豐富。 - 金邊粉幼滑掛湯，索盡湯汁精華，朋友食到「嗦嗦聲」。 🌶️ 卜卜蜆冬陰功湯金邊粉- 冬陰功湯酸辣度平衡，椰奶香濃郁，仲有香茅同青檸葉提香，飲完唔會口乾。 - 大大隻蜆肉脹卜卜，鮮甜無沙，仲有鮮蝦同秀珍菇，海鮮控必試。 龍眼冰- 原粒龍眼肉鋪滿杯，甜度天然，碎冰口感消暑一流。 青檸梳打- 泰國樽裝梳打水+新鮮青檸汁，自己調製，酸爽解辣。 人均$100食到高質泰國味，船麵濃郁、冬陰功醒胃，難怪長期排長龍！

美國肥牛船麵呢度船麵可以選擇船湯，冬蔭功湯同清湯，我地就選咗船湯，個湯底好香濃，配埋金邊粉吸收湯底，唔錯，肥牛都幾濃牛味，唔算太肥，除咗肥牛之外，仲有魚旦，魚旦都爽口彈牙。泰式海南雞飯雞肉好嫩滑，仲要係無骨海南雞，啖啖肉，個油飯都好香，唔會太油膩，食落好夠味。泰式拼盤小食炸蝦餅-都幾大件，炸得好香口，蝦肉夠爽口彈牙炸雞翼，醃得好入味，咬落好juicy,雞肉好嫩炸芝士雲吞，外面雲吞皮脆卜卜，入面勁多芝士，幾好味。青檸梳打梳打水係泰國牌子，原樽比我地自己添加，青檸味好清新，唔錯。

🌟🍴 【 尖沙咀•泰濃麵 】 🍴🌟 📍 泰濃麵 (尖沙咀)尖沙咀樂道7號嘉樂大廈地下A號舖🍖🥟🍟🥚🍰🍲🍇 • 🥪🍓🍤🍪🍜🍡🍹 🍗 雞脾肉清湯金邊粉湯頭清甜，雞脾肉嫩滑多汁，份量十足！金邊粉吸滿湯汁，口感順滑，簡單卻滿足 😋。適合愛清淡口味的朋友！🥩 美國肥牛冬陰功泰式河粉冬陰功湯底酸辣開胃，香氣撲鼻 🌶️！美國肥牛片薄而軟嫩，入口即化，河粉Q彈有嚼勁，整碗充滿泰式風情 🔥，超推！🥗 青木瓜沙律爽脆酸辣，青木瓜條清新解膩 🥒，調味平衡，微甜微辣超開胃！當小菜或配菜都完美 👌。🐔 泰式鳳爪軟糯入味，酸辣醬汁滲入每寸雞皮，啖啖滿足 😍。愛酸辣的朋友絕對不能錯過，超級惹味！🧀 炸芝士雲吞外皮香脆，內餡芝士濃郁爆漿 🧀，一口咬下超幸福！不過略油，建議多人分享，解饞一流 😎。🥤 泰國香茅斑蘭梳打特飲香茅清新，斑蘭香氣迷人，微甜帶氣泡，超解渴 🥥！泰式風味十足，飲完心情都變好 🌈。🌸 泰式蝶豆花顏值爆表，藍紫色超夢幻 💜！口感清甜，帶點花香，飯後甜品好選擇，社交平台打卡必備 📸。🥟 炸豬皮脆口到停不下來！炸得香酥，微微鹹香，當小吃超棒 😜。不過吃多有點膩，建議點小份。🍙🥤 餐廳評分🥤🍙 🔥 餐

泰濃麵質素高🇹🇭每款都食得出店家落咗心機 價錢合理 食物水準穩定 下次再嚟都仲想encore✧ 頂級美國肥牛船湯泰式河粉（$74） 呢個肥牛船湯泰式河粉真係泰式風味十足 湯底用咗大量香料同牛骨慢火熬製飲落去又香又濃 帶少少辣同酸味好開胃 美國肥牛切得夠薄 燙一燙就入口即溶 肉味鮮甜 河粉軟滑又唔會糊口 每啖都夠哂滋味 食完暖笠笠好滿足 ✧ 海南雞飯（$69） 海南雞飯絕對係店內必試 雞肉嫩滑唔柴 皮爽肉滑 配埋醬汁 食落鹹香又帶微辣 油飯粒粒分明又有雞油香 好有層次感 到最後一啖都唔會膩 ✧ 原個泰國椰青（$49） 椰青新鮮開殼 入口好清甜 椰水夠多夠凍 飲落好解渴 食完主食飲返椰青即刻refresh哂連椰肉都滑滑地 食落自然味道 ✧ 泰式龍眼冰特飲（$29） 龍眼冰味道天然冇假味 每粒龍眼都新鮮爽甜鋪咗喺面頭同啲冰好融合加埋碎冰一齊食 好有消暑感覺

喺尖沙咀行街熱辣辣想食啲酸嘢過吓癮 喺iSquare隔離見到間望落唔錯嘅泰國野 俾佢個門口吸引住🥩頂級安格斯牛肉船湯配金邊粉🍜個湯底勁正宗超濃厚 配埋個金邊粉覺得自己返咗泰國 除咗佢嘅頂級安格斯牛之外 港式魚蛋好彈牙 而且佢仲有啲炸魚皮同蒜片錦上添花海南雞飯成碟雞都係無骨！呢個係非常加分 啖啖肉唔驚食到骨 食落去好嫩口白滑 而且好新鮮 加埋佢個秘製汁 酸酸甜甜 食過返尋味泰式鳳爪個鳳爪都係無骨！口味上有少少偏辣 如果唔食得辣嘅朋友就要注意 除咗辣仲加咗新鮮檸檬汁調味 辣得來非常爽口 做前菜一流原個泰國椰青食野點可以唔叫飲品 叫咗個原個椰青 椰青水好甜 啱晒夏天消暑解渴