影片
食家推介
晏昼一落机第一时间，就梗系冲去揾嘢食。但系机场出名食嘢贵，所以要周围行下揾下啲平民价嘅嘢食！！ 去到二号客运大楼某个角落，揾到呢间泰式餐厅，之前喺深水埗食过，今次就试下机场呢一间分店～～ 环境都算宽敞，都适合客人聊天，只系服务员态度有待改善。讲番嘢食先，叫咗两个午餐，好有心思嘅系，佢用个心心碟𩠌上嚟㗎！泰潮海南鸡饭餐系机场嘅质素，不能要求太多。海南鸡肉质唔够嫩滑，味道都唔太足够，不过我都想赞下佢嘅油饭整得几入味。泰潮卤水猪髀饭餐猪髀饭猪髀够肥， 而且好入味㖞！肉质淋身，咬落去啖啖肉。另外仲有猪肠，肉质弹牙， 一啲怪味都冇，唔错！
继续阅读
除左车仔面之外 泰国菜会系我第二个最爱 今日又系机场食泰国菜 不过有dd失望 一d都唔正宗既泰国菜冬阴功汤金边粉餐 (机场员工价) $50(好味指数: 😋😋)黎个汤粉餐可以自由配搭唔同既粉 虽然个汤底睇落个色水唔错但比较淡 海鲜又唔多而且唔太新鲜木瓜丝沙律 (机场员工价) $60(好味指数: 😋😋)同事嗌左个木瓜沙律 我偷食左佢一啖 佢完全推翻左我甘多年黎食木瓜沙律既印象(简单d黎讲个味完全唔系木瓜沙律) 个酱汁仲好咸泰潮汤檬粉餐 (机场员工价) $43(好味指数: 😋😋😋)另一个同事嗌左札肉檬粉 同事话正正常常甘 不过见最后同事都系无食晒整体黎讲 中规中矩 唔系话难食不过都唔系好食 虽然上面标既价钱系员工价钱 但正价好似都系贵1x蚊左右 不过觉得机场有其他更好选择 唔一定需要拣黎间(为最高)整体食物质素: 性价比: 推荐指数:
继续阅读
次次黎呢度食饭都系嗌自己𠮶份，好少会share。今次十一个人黎，就一于试下呢度既4人餐先😋十一个人，7男4女，嗌左两个4人餐，再加一个炒饭同一个炒河粉。由于我无睇过餐牌，我分唔到边啲系餐既野食😂鸡够嫩👍🏻呢个原来有鹅肉再加猪手，双拼，好食！泰国菜我必嗌椰菜苗😋无令我失望。冬荫公偏酸，唔够辣💁🏻♀️鱼饼，general野。呢个我都唔记得左系咩😂捞饭用，不过味道一般。另外嗌既炒饭同河粉，exactly系一人午市套餐既份量。今次相对较贵，9x一个人。结果都系食唔晒，下次可以嗌少个饭。
继续阅读
今日同位朋友黎到机场，心血来潮想食啲泰国嘢，就黎到呢间位角落头GE泰潮试一试。一坐低睇睇个 menu，就叫咗几个菜试吓。第一样系冬荫公汤，味道唔错，有一定GE 辣度，唔似其他有啲食店咁咸。第二样系海南鸡饭，个饭系黄姜饭黎，比一般白饭味道浓啲，配埋个酱几好第三样系虾酱炒通菜，份量都算多，味道就一般般响机场GE餐厅黎讲算系唔错，下次再试试其他菜式先~~
继续阅读
叫人坐底之后无人黎落单，一直叫服务生都无人应，到肯黎落单嘅时候态度又差劣，落左单嘅食物饮品又黎唔齐，啲汤拎出黎又倒到成枱都系。。。唔想做嘅可以出声嘅唔洗咁嘅态度对客人
继续阅读