泰潮 (QRE Plaza)

营业中

休息中

估不到失望泰國菜-灣仔QRE 泰潮Fb:下一站豬欄; IG@Pig7station今次黎到灣仔搵食，泊合和可以食個飯($400)泊14個鐘🙈所以係QRE選咗呢間國菜，開頭感覺職員都好有禮貌，點知食物嚟到…😶Order左海南雞: 都未試過海南雞咁鞋😅雞髀位置都算好少少，其他位置真係咬唔開😶炸蝦餅: 蝦唔算好彈牙，唔啱食😅泰式滷水豬手: 呢碟有驚無喜😂，豬手瘦肉咁🙃不過豬皮係好滑嘅馬拉盞通菜: 呢碟菜應該係最正常😂少少微辣幾開胃飲品係正常😂其實門口有個米芝蓮企係度，本身比佢吸引左😆

早幾日同同事一行9人去咗呢間野食lunch，正因為好耐之前剛開業嘅時候試過一次，就選擇再番黎呢間野食，點知大失所望。首先，menu上寫住set lunch，但其實只包一個main dishes，普通飲品都要另外加$12，請問咁樣點叫做set lunch呢？雖然最後餐廳都送咗碟甜品俾我地，但係食完都唔覺得好飽肚。其中豬頸肉棵粉($68)份量偏少，店員話係胡椒湯底，但食落基本上冇咩味道，麵底較少，似係輕食。反而pad thai($80)份量較多。食物質素一般，似係普通茶餐廳質素，性價比低。環境一般，只有幾張枱，亦較嘈雜。

又話米芝蓮海南雞飯， menu張相就影到靚一靚 ，原來係甩皮甩骨雞胸肉加半隻雞翼嘅六神合體雞飯， 見到都唔開胃，仲衰過街邊大排檔嘅切雞飯， 舖頭又細又唔好坐，以後見到都掉頭走，正一×店， 侍應問我點解食都唔食就話唔開胃， 可能佢真係對眼係盲嘅， 顧客嘅反應係最真實嘅，自己唔知衰，仲死不忿氣， 冇得救，等執笠， 仲話自己攞米芝蓮，以後真係唔好信到十足嗰d所謂國際評級， 可能我運氣真係唔好，試親新食店到中伏，嚴重影響心情。

從未食過如此難食的泰菜， 咖哩似開水加顏色完全無味，紅咖哩青咖哩也一樣，我地一家大小包括工人姐姐也覺得難食，買了$3xx 外賣，食了兩啖全部掉哂。千祈唔好幫襯。附近任何一間泰國菜都好食过佢，仲伏。

開完會遲咗食lunch，見位置係附近又係米芝蓮推介就諗住試下，午餐外賣一碗粉58蚊(包括外賣盒)，碗粉少得可憐，一啖食得晒，俾超力銀絲米粉少起碼一半...豬肚3條，肉丸2粒. 太過份...一向唔寫食評既我都忍唔住要提醒下大家. 食物亦不見得出色，好鹹，多味精. 雖然係有杯凍菊花茶，但其實佢唔好包杯野，俾番碗正常size既粉會好d. 但服務員態度係好既. 不過真係唔知食咗d乜....好失望..........

平時堂食都未食過呢間，咁岩今日外賣想食泰國野見佢外賣嗰度寫有米芝蓮推介啲野望落都算岩食，咁就諗住試下啦見佢外送時間都係45分鐘左右，都接受到點知落左單等左幾個字都未接咁就打去問佢啦，原來佢根本唔識接之後同佢講返外賣落左啲咩佢講就話接左單，但講返原來根本唔係我地落嘅野食黎之係同佢講返我地落左啲咩食，佢話會接點知都係得個講，等多一陣都係未接好心唔識接或者唔想接就唔好做外賣啦浪費時間，外賣嘅建議唔好揀呢間😡

套餐包小食和饮品，小食可选时蔬或木瓜沙律，时蔬是生菜和通菜的混合，沙律有点辣，饮品有泰式柠檬茶，感觉一般～主菜選擇多，我首推滷水豬髀飯～滷水汁味道好，豬髀肉肥瘦適中，炆得好淋好入味，仲有幾塊滷水大腸，也是好淋好入味，推薦～海南雞有幾款醬汁選擇，綠色的蒜蓉醬比較好吃，雞肉的口感一般，+$10可以轉雞髀～泰式金边粉的卖相很好，口感OK，正常水平～餐廳不大，我們坐在外面的走廊位，有點熱，後來人多就比較吵雜，不適合聊天～

一行9人去食泰國野可以併到一張大台一齊坐野食都多選擇，仲要剛剛出咗泰北餐牌食咗船麵，青咖喱，泰北酸辣湯等等全部跟小食及飲品最後仲送咗兩碟糕點😆店員十分友善，飲品出錯即刻跟番坐咗成個鐘都無問題

最近公司樓下開了新泰國餐廳，門口有個米芝蓮大公仔，同事話去試下，睇下係咪咁好食泰潮滷水豬脾飯 | $62豬脾炆得幾淋，下面仲有啲酸菜、豬大腸和滷蛋，另外跟了個醬汁，少少酸微辣，可惜豬脾和白飯唔夠熱，失分原來飲品係要加錢，咁我加了$10要泰式奶茶，茶味無咁重，奶味多一點，都幾滑泰式肉碎煎蛋飯 | $65雖然只有一隻荷包蛋和肉碎，但肉碎味道帶點辣，開胃，同事唔係好食辣都話接受到另外加$12配了2件泰式春卷，剛炸起係好食，不過就細件左D

之前都食過兩次堂食試左冬陰公金邊粉同船粉 都覺得ok唔錯所以今次試下泰式炒金邊粉雖然係外賣 但賣相都唔差有層薄薄嘅蛋 金邊粉都好夠味 仲有3隻蝦🍤👍🏻 （雖然圖片影到得兩隻）外賣有九折 60蚊就食到pad thai灣仔區黎講呢個算係較平 味道又唔錯嘅炒金邊粉！