泰源大排檔

营业中

休息中

大伙兒和往年一樣舉行單車日今年終於成功 而且部分戰友成功入到大尾x可喜可賀來到泰源時 兩名先頭戰友已經點好菜我地拍拍手就可以大吃一餐1)沙拉骨2)xo醬海鮮抄西蘭花3)蒜抄西蘭花4)雞軟骨併墨魚咀5)羊腩煲6)jerjer雞煲7)9肚魚8)沙爹肥牛煲9)雞粥加埋送既10)瀨尿蝦羊腩煲其實麻麻 羊肉唔夠味同唔夠肥而且個底都唔香但料就十足 大件抵食雞粥 雞唔夠味 但粥底就好棉 最開心係老細知我地想叫白粥 佢幫我地搵加落雞粥到其實每一碟既份量都係好多 而沙爹肥牛都係份量就特別多多多多多雞軟骨炸得十分到位 脆得黎唔會過火 所以此味雖然最後才上 也被眾人吃得七七八八而送既瀨尿蝦真係麻麻 但唔使錢 請你食 仲想點?其他都係大件抵食 水準可以下次單車日睇黎都係黎呢度 !

油雞今年係ocamp ocp, 還有不少熟識的面孔都做了core或者大組長剛成為老鬼的我也回去食宵湊湊熱鬧全CU食宵的地點都係泰源, 因為比津津好味得多, 所以泰源係唔憂做的不過礙於ocamp始終不乏片酒,dem beat等, 所以每年一定會有警察監場近年在原址直行十幾分鐘, 開了新泰源, 氣氛無原址好, 勝在可以嘈到拆天但係以今餐為例, 整體的食物質素比之前下降很多!西檸雞炸粉勁厚, 雞肉比例甚小; 九肚魚已經不是入口即化的境界雞軟骨炸得過火變成雞硬骨; 肥牛煲無哂沙爹味其他的感覺上也被舊泰源為差, 是因為甚麼緣故? 幸好雞粥還好以前一大伙人聚埋泰源食宵食物質素都是很好的, 老闆又會送多一兩味那種氣氛, 那份味道, 那份滿足真係難以找回. 希望會進步!

屋企人話呢間野好好食，所以一家人去一試~ ~我地三個人叫一個二人餐188......一鍋雞粥、炒蜆、班球炒西蘭花、燒乳、還有看來是必送的椒監瀨尿蝦~ ~終於感覺,到d 粥入口...綿的感覺了....認同未夠雞味可以加重少少.，個乳鴿、瀬尿蝦味都幾夠，蜆炒得好夠火候，西蘭花好靚.....價錢好大衆化....

看見OPENRICE食評中各人對泰源讚不絕口，於是和老媽子一同來品嘗一下。一到熟食中心已經有不同檔口的侍應在門前「拉客」，一不小心就會被扯進去 ... 好不容易就和媽媽到了泰源，檔口細細，看不出來食物水準甚高。點了蠔餅、豉椒鵝腸柏葉、乳鴿，老闆識做的說送一碟菜或者瀨尿蝦給我們！因為我不吃瀨尿蝦的關係於是老闆就端來一點炒白菜仔，雖然略為油膩，但白菜仔新鮮清甜，味道很香，我和媽媽都吃不停口，想不到「贈品」也如此有水準！蠔餅是滿滿的一大碟，我和老媽子兩個女人仔差點撐死也吃不完，強烈建議有男生陪同下才點。蠔餅除了「大件」，還很好吃，香而不膩，有生菜絲墊底，油也不多，脆邊又足料，簡直極品，不是普通潮州打冷得兩粒蠔的面粉餅所能媲美。豉椒鵝腸柏葉非常足料，但不夠入味，而且太韌，就此略過。乳鴿屬水準之作，差不多每一桌都有一隻，但相比起精采的蠔餅，我還是覺得乳鴿很普通。大排檔環境不能說十分好，而且也不能說很便宜，但老闆侍應都十分有禮，而且樣樣新鮮足料絕不欺場，我和媽媽兩個人撐枱腳又得，隔離枱一班人柴娃娃一路鋤DEE一路食飯亦得，非常好！

約左教會朋友outing中大既同學介紹呢間~咁就去呢度食啦10人叫左個500元的唔知什麼餐雞粥任裝~連我呢個唔鍾意粥既人都食左碗10碟course~7碟煎炸野小弟不好油及炸, 因此不敢盡情享受特別推介墨魚咀, 好咬口另外是沙嗲牛肉煲~選料非常好其他的什麼炒蜆, 炸什麼魚, 魷魚, 雞軟骨甚至是中式骨,西檬雞, 清炒時菜及什菜煲也只是一般但見此地比鄰近的舖都熱鬧, 證明這裡是多麼受歡迎呢!姐姐們都忙於工作, 懶理refill~

同女友食左:雞粥乳鴿菜遠牛河椒x豆腐(送的)除左乳鴿炸得太燶之外,其他都超級好食!雞粥真係一定要食,好夠味!菜遠牛河多左少少油,但好夠鑊氣!送的椒x豆腐都好大碟~果度d人又幾好,同我地講下笑咁~我女友平時食好少野,但今次竟然食得多過我咁滯!!

食左：雞粥西檸雞白菜仔魚鬆一碟送既椒鹽瀨尿蝦雞粥好綿，真係好好味但係唔夠雞味西檸雞好好食，而且好大碟先前見有食評話炸粉太厚我覺得厚度適中，因為咁先可蘸到Ｄ西檸汁白菜仔，味毫道好但可能Ｄ白菜唔算好靚椒鹽瀨尿蝦好好味!!

係中大食親宵都係依間ga la, freshman的時候o-camp食超正, 好耐冇食到, 今日再去係充滿期待的, 但失望了.雞粥雖然都係好綿, 但冇以前那種雞香味; 墨魚咀好細粒, 都冇咩味ge, 都係鮮魷好味d; 炒通菜冇咩火喉, 屋企貨色only; 最愛的西檸雞層粉好厚, 西檸味唔夠, 以前係肉厚且嫩, 外層薄而脆的; 沙拉骨肉唔嫩, 冇沙拉醬的; 九肚魚以前唔好的, 今次反而ok, 魚ok滑; 脆魚蘇係街邊可以食到好好多的; 炒飯豪不特別巳是今日最好ga la.真係新不如舊, 回憶都美好的, 可以比我係grad 之前食次好ma

上個星期六同女友2個人去食, 叫o左1隻燒乳鴿, 豉椒炒蜆, 椒絲腐乳炒通菜, 老闆送o左碟炸豆腐俾我o地. 最last叫o左碗白粥.燒乳鴿炸到o的皮好脆, 夠晒熱, 好好味.豉椒炒蜆好大碟, 算得上ok大隻, 又冇成口沙, 正.椒絲腐乳炒通菜就普普通通, 不過勝在夠晒鑊氣.炸豆腐就麻麻o地, 因為佢可能用o左o的炸蝦o既油去炸豆腐, 攪到碟豆腐有o的海鮮o既"腥腥o地"味. 所以冇食晒就算!!粥, 好夠"棉"!!

taste good

今晚係父親節,但諗唔到食咩就上黎搵飯食啦見到呢度d comment都ok喎,就過黎試下...首先個環境係超嘈,不過都預左架喇,但好多人食煙我地叫左一個蠔仔粥,雞粥,生炒骨,油鹽水蜆,蠔餅,送多碟菜,不過蠔餅賣晒,隔左陣豆腐都話冇,想轉賴尿蝦都冇佢同我地轉左個墨魚咀,同埋encore多個蠔仔粥粥真係幾好,d雞都好滑,粥底亦都好綿生炒骨麻麻地,粉太厚同唔夠熱...個蜆都幾好,夠熱夠味都冇乜沙個墨魚咀就太咸喇,但口感幾好菜亦都好夠鑊氣,入口熱辣辣可能太多人,出菜比較慢,但服務幾好叫多罐汽水,4個人埋單都係220...今次我比ok啦,因為食飯途中有隻類似小強既物體飛左去隔離枱個女仔個頭度,呢度要扣分喇

出名未必好x津真係得個名...相反隔離0既泰源d 野食大碟同好食而且價錢合理服務態度又好... 食得我地好個個都好開心今次我去食左幾個送樣樣我都好鍾意.. 乳鴿一隻椒鹽豆腐瀨尿蝦白菜仔椒鹽雞軟骨真係超好食攪到我now又想去多次^^ 平靚正足料服務好真係好難得的大排檔ps: 我未去泰源前是去x津的.. 但因為叫到呢到的介紹就決定去泰源一試比較之下先知什麼是好!

其實係自己想食大排檔,好唔容易至求到阿媽陪我食。屋企人唔好大排檔,所以絕少機會在大排檔晚飯食小菜。當人人去津津,自己卻選呢度。簡簡單單,只點少少野。菜遠牛河:大碟,菜冇渣,但汁太多,河粉有點碎,牛肉被「那」腍蒜蓉蒸扇貝:有6隻,蒜蓉香,粉絲煙煙韌韌,扇貝鮮甜粉絲蝦煲:甜版粉絲蝦煲,落左青椒辣椒菠蘿,甜甜辣辣,粉絲非常入味,但因汁多而濕身,軟軟的。蝦的份量好多,同樣入味但唔太新鮮。個人認為ok但阿媽唔係咁欣賞,認為粉絲蝦煲應該係鹹鹹香香而並非甜。整體上可以。可能因為叫得少野所以佢冇送野,不過d野未食哂已經好飽。果日天氣凍,食完都係咁凍。

This stall is very good. The price is cheap and the food is tasty. Though it takes a very long time for them to present you the bill and give you the change.Generally speaking, it's a good restaurant.

勞動完一日後，大家都要勁食一餐，一行6個人眼肚窄的叫了10味送的套餐，套餐只是480，但碟碟份量十足，老細還送了一碟椒鹽瀨尿蝦及一窩雞粥，一共是12款，真是足夠10人份量，最後我o地當然食唔晒。豉椒炒蜆-幾夠鑊氣，蜆肉大大隻。煎蠔餅-煎得勁脆，唔會又油又濕，粉少、蠔仔多，大家一致讚好，好過津津10倍。椒鹽九肚魚、椒鹽鮮魷-兩款椒鹽都炸得不錯，好夠脆，椒鹽份量適中，唔會過鹹。生炒骨-大排檔的質素來講較為遜色，醬汁頗甜，排骨炸得不夠脆口。沙爹肥牛煲-味道好濃，好夠味，粉絲吸晒精華，好入味。大家都認為送飯最好。紅燒豆腐-芡汁較多，豆腐質地較硬身，唔夠滑。清炒時菜-雖然通菜本身幾嫩，可惜較油，而且味道略甜。西檸雞、XO醬豬頸肉-最差就係呢兩味，西檸雞炸得唔脆之餘，沒有雞味，而且檸汁好淡近乎沒有味。XO醬豬頸肉我無食，但大家評語都唔多掂。送的椒鹽瀨尿蝦及雞粥，絕不欺場。瀨尿蝦又係好大碟頭，雖然肉質唔夠彈牙；雞粥的粥底算綿，不是米溝水，而雞件又多，完全交足功課。大家一致投票都認為勝過津津。