295
18
15
食记 (353)
等级4 2020-07-15
2718 浏览
记得系F先生介绍我来这里,直到今天,泰海鲜都系老少咸宜人人啱嘅选择。三圣吃过几间不同嘅餐厅,当然有平有贵,有唔同菜式种类,有坐得好有坐得唔好,无论点都好,佢一定系价钱最合理,水准最稳定嘅一个选择。以前星期五晚最钟意去食海鲜,每逢周末一定高朋满座,或者星期六日下午环境最宁静,又可以慢慢坐,饮杯白酒松下,咁样食海鲜绝对系人生乐事。就因为F先生的介绍下,基本上每半年就会嚟食一次海鲜。呢个下午突然海鲜瘾起,又来大吃一餐。次次呢度啲姐姐都会推介我哋饮海鲜汤,基本上每一次我都会听话,冇办法个海鲜汤啲料好足,有虾有蟹有鱼有蚬有濑尿虾,基本上呢个汤唔甜就假,次次都饮几碗先够。谂左好耐用咩方法去整海中虾,样样都做得好,我自己偏好喜欢蒜蓉开边蒸,但可惜当天朋友不想吃任何蒜蓉浓味野,结果用左最老人家喜欢的方法,豉油皇海虾。海虾质素不错,又唔会系巨型般大只,豉油皇味道不咸不浓,刚刚好。豉油皇鲍鱼就系用上了巨型嘅大连鲍鱼,同样豉油皇有点简单,当然每次喺海鲜店吃鲍鱼我都会谂起六福个椒盐鲍鱼,当然呢度嘅水准同六福当然有好大距离,但豉油皇鲍鱼就还不错。不过要赞嘅系就算用上酒楼嘅海鲜,唔系自己拣,水准都几好。我平时麻麻吃濑尿虾,以泰式香茅做的濑尿虾,绝对系呢间店嘅点题作,大家都知道三圣泰国嘅代表就系睇泰海鲜,每次都要食返一个佢嘅首本名菜。辣油煮花螺应该前菜时间来会较为适合一点,有几好,都不用说,但如果你怕辣嘅话就真系行人止步,因为嗰个辣真系唔系人咁品。很少吃油盐焗奄仔蟹,因为如果食蟹嘅话我都会比较喜欢食阿拉斯加蟹脚之类,但有老人家,就食奄仔蟹传统少少,个种澎湃,睇相就知道。尾声的白酒忌廉煮花甲乌冬底,也不用多说,条条乌冬都沾上了浓烈嘅白酒忌廉,送白酒,系夹到出神入化。不知下次几时再来,疫情关系,今日较静,生意好像比之前更差,但系呢份不解缘都会叫我继续支持呢度。当然成日写呢度我唔系话你知呢度有几咁好食,只不过系次次食水平都不会失望,蔗渣价钱,烧鹅味道,每位四百几蚊到,你喺西贡六福都食唔到啲乜嘢,就呢个原因,三圣永远都系食海鲜想去就去嘅选择。泰海鲜  屯门三圣街6号三圣商场地下5-8及14-16舖 继续阅读
(以上食记乃用户个人意见 , 并不代表OpenRice之观点。)
等级1 2020-11-15
30 浏览
听日又变返4人一枱,几年无去食今日去赶尾班车一枱6人,照旧去忠仔记买料,够肥美够新鲜!清蒸东星 - 刚刚好 4.5分豉椒炒蛏子皇米粉底 - 4分 (米粉底扣1分唔够身’un’嘅)椒盐濑尿虾 - 3 分 (炸唔够身扣2分)油盐水花甲 - 4分 (细只咗少少)蒜蓉粉丝蒸元贝 - 4分 (大只得滞可能蒸耐咗少少)白灼虾 - 3.5分 (好新鲜好味可惜太细只扣分)海鲜汤 - 1.5分 (今次失手因为有啲料唔新鲜)豆豉鲮鱼油麦菜 - 4分都算仲保持水准,希望下次去会再好啲 继续阅读
(以上食记乃用户个人意见 , 并不代表OpenRice之观点。)
等级2 2020-11-06
249 浏览
今个星期五,约埋三五好友去咗着名海鲜圣地 「三圣邨」试试海鲜🐟🦐🦞🤤本身预咗星期五会多人,特登预早啲去泊车,结果都等咗15分钟,不过无损食海鲜嘅好心情😙🍴行咗一阵海边,经过「千挑万选」😂最後拣咗食「泰海鲜」,入到去未坐低,啲「叔叔」就好热情介绍今日有咩海鲜新鲜,经过一轮苦恼🤯最後叫咗六样海鲜!第一碟 蒜茸粉丝蒸元贝,蒜味浓郁,元贝新鲜弹牙,中意食蒜嘅不容错过😻之後到砵酒焗生蚝,卖相虽然一般,但食落有惊喜!生蚝外层脆口内里惹味,大推👍🏻👍🏻第三样 脆皮芝士焗龙虾,龙虾超大份、芝士脆口,但有少少腻,芝士拥趸可试😼食到口有啲乾,就到冬阴功汤煮花甲😋冬阴公味浓、花甲份量满满,酸酸甜甜超级醒胃,又一惊喜🤩大推👍🏻👍🏻👍🏻豉椒蛏子皇米粉底,蛏子超大只,米粉脆卜卜,味道达到期望,推👍🏻最後,避风塘炒肉蟹,肉蟹鲜甜爽口,辣椒惹味,但稍嫌太重味,不过配汽水一流👍🏻呢间「泰海鲜」样样都新鲜,无冷场,无失望!储一储qoata同💰一定会再嚟帮衬😋😋 继续阅读
(以上食记乃用户个人意见 , 并不代表OpenRice之观点。)
等级4 2020-10-28
241 浏览
琴日一早去行千岛湖,然後再行返落三圣邨食海鲜,喺出边海鲜档买咗龙虾、花甲王同黄油奄仔蟹,海鲜价钱total都系买咗$690,经朋友介绍话有间叫做泰海鲜加工唔错,所以就攞入去试吓,店员介绍佢哋嘅招牌系脆皮芝士焗龙虾,所以我哋就试吓,开边龙虾面覆盖着满满嘅芝士,趁热食酥脆而浓香,龙虾肉仲保持住鲜嫩多汁,但略嫌比较溜滞,另外豉椒炒花甲王再加盐焗奄仔蟹,蟹真系超正好多黄膏,香到不得了,花甲王啲肉弹牙爽甜,好新鲜完全冇沙,另喺餐厅内叫了一煲海味杂菜煲,都系$88好抵食,食饱饱到了买单竟然要收$615,系海鲜材料的¾价钱,可能系小妹见识浅薄,唔知道而家出边来料加工嘅收费系咁乸脷,做来料加工嘅餐厅原来咁好赚嘅,以後都系睇一睇先至好入去 继续阅读
(以上食记乃用户个人意见 , 并不代表OpenRice之观点。)
等级1 2020-09-28
566 浏览
第一次来三圣村食饭,带埋父母。可能星期日又临近中秋,所以多食客,见到即使人哋电话订左枱其实都系要等。但正好等既期间俾老人家行开去鱼档睇下野,买海鲜。最终买左三款海鲜,星斑、扇贝同濑尿虾,用左八百零蚊,自己拎到门口阿叔会再秤/点算一次,因为是按重量/数量计算加工费的。鱼同扇贝食其本身鲜味,所以清蒸,濑尿虾就做左经典食法,椒盐炒。厨师手势好好,鱼蒸得刚刚熟,配搭芫茜葱鼓油,非常香甜;虾也是炸得外壳香脆而虾肉鲜嫰。另外再点了炒通菜同白菜,有镬气得来又清爽。加工费小菜白饭茶钱加一,共五百几。加返自购海鲜,除开每人平均三百零蚊,价钱合理。除咗自己等左成七丶八个字之外,其他都满意,伙记都是眉精眼企之人,态度ok,无漏单上菜快,顺利愉快食左个中秋饭。另有代客泊车服务,50蚊两小时,附近停车场就40蚊一个钟(周末晚上价) 继续阅读
(以上食记乃用户个人意见 , 并不代表OpenRice之观点。)