泰海鮮 (已結業)

食海鮮當然要一大班人吃才過癮 , 今次又同一大班同事去食好西, 來到三聖邨的泰海鮮 . 因為有同事的bb扭計要遲來, 所以我們先安排一些小吃, 泰式鳳爪 (HKD68), 微辣惹味, 飲住啤酒食鳳爪也不錯. 泰皇芝心蝦丸 (HKD28/ 粒) , 這個是嚟到泰海鮮必叫的菜式, 大大粒脆炸熱辣, 加上濃郁的芝士餡餡料, 及爽口彈牙味鮮的蝦丸, 是不會食鹽的菜式. 店員阿姐說阿拉斯加長腳蟹返了貨, 所以就建議我們來個 阿拉斯加長腳蟹三食, 成五斤十一両阿拉斯加長腳蟹, 連加工費三食大約HKD500, 先來過辣椒膏炒阿拉斯加長腳蟹身, 辣椒膏不算太辣, 帶點甜的味道, 就好像吃韓國辣椒膏一樣, 不過同一樣的野味, 所以基本上我連殼上面的汁都食得乾乾淨淨. 清蒸阿拉斯加長腳蟹蟹腳, 這個不用太多的調味料其實已經食到鮮甜多肉阿拉斯加長腳蟹蟹腳, 我仲不客氣食埋個鉗, 簡直是淡淡肉, 閉上眼就好像剛剛從阿拉斯加活捉起的蟹, 又朝豐富的海水味道, 極道鮮甜, 阿姐你冇介紹錯! 花雕蛋白蒸阿拉斯加長腳蟹蓋, 這個是撈飯送飯之選, 淡淡的花雕酒香味, 加上一啖啖長腳蟹膏, 再配上蒸蛋白,

慶祝媽媽生日就來個海鮮餐啦！今次係第二次來泰海鮮，一行4人買完海鮮六點鐘去到餐廳，落咗椒鹽賴尿蝦、鹽焗黃油蟹、芝士焗龍蝦伊麵底、蒜蓉粉絲蒸蟶子、象拔蚌、清蒸海斑、鼓椒炒花甲、加個炒菜，因為時間尚早仲未多人，d 菜上得好快, 味道啱啱好又夠鑊氣，價錢合理，大滿足

早前，因為接了一個 Project 而忙透了，連與朋友相聚的機會也欠奉。近日，終於把工作完成了，可以好好休息之餘，當然要找朋友相聚，好好吃一頓。最愛吃海鮮的 BeautySearch，忽然十分掛念三聖的新鮮海鮮，尤其《泰海鮮》那足料海鮮湯，於是，便約了幾位志同道合於周六時齊齊入屯門食海鮮。 來三聖食飯，重點當然是吃海鮮，不過，朋友當日竟然推薦我們先吃「泰皇芝心蝦丸」(HK$106/ 4粒)。很久沒有看到麵包切成小方粒的炸丸，造型很可愛，外皮相當酥脆而且有口感，內裡更是香滑細膩，芝味濃郁，唯小心熱烘烘的芝士餡料，吃時小心燙咀喔！ 令人懷念的「海鮮湯」，真的非常鮮甜，唔腥、唔油膩，因為湯料實在太豐富，除了有魚，還有瀨尿蝦、沙白蜆、番茄薯仔等，真的非常吸睛，鮮甜味美，遠勝阿媽靚湯，絕對不可不試。 當我還在享用鮮甜味美的海鮮靚湯時，友人已在隔鄰的《關財記》揀選完海鮮歸來，由於BeautySearch 一向少買餸，所以這一環還是留給有經驗的人妻吧！食海鮮當日，由於下著暴雨的關係，天氣有點涼，忽然很想吃些暖胃的東東，友人便點選了「象拔蚌刺身」之餘，同時另加 HK$30 湯底，方便堂灼。既可

事隔一年，我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只有這兒及酒樓 想也不需要怎想了,就決定在這兒再一次豪吃海鮮吧!! 朋友仲利用佢既高質Sales 口吻地令姐姐介紹左幾款好食 但係唔算貴既食品,首先要出場既當然有 泰皇芝心蝦丸 $78/3粒 開頭我心諗你呢個咩小食呀,差唔多成30蚊一粒? 要講既係首先佢利用左麵包槺炸成一個小球 而入面既蝦丸,真係食落啖啖蝦肉 唔同平時你街市買既蝦滑 重點係,個種熱辣辣同流心芝士 如果你係芝士控人,你一定會愛上呢粒 真係好似好貴但係好值 你估我真係咁簡單比粒芝心蝦丸介紹, 當然仲有呢個試過整,但係整唔到個種穫氣既薑蔥鮑魚 當然要整得好,首先要D鮑魚新鮮 其次就係要先爆薑同蔥,再將鮑魚拆左內藏 最好就唔好整當爛佢啦,所以我終於明點解我D 薑蔥鮑魚點整都唔好食啦 呢道菜絕對係無心插柳,朋友打算買花甲 海鮮檔老闆介紹我地食呢個"刀貝" 新鮮,鮮甜,肉厚!!

本來想與同事開開心心吃一餐海鮮，但沒想到弄的人神共憤事緣與同事於三聖村附近買了4千多元海洋，交給餐廳加工，順便叫了幾碟餸菜，幾瓶啤酒，汽水，享受一下，而當時我們詢問大約需付多少錢，職員便答約千五元，心想還真便宜，但到了中段時間，大家飲了幾杯酒，吃了一半餸菜，職員才進來，說弄錯金額，需付約五千元，那刻，大家心有微怒，千五與五千相差很多，怎會弄錯?而當大家看到帳單的時候，更是怒火中燒，原因是多了很多不知所謂的項目，其中最令憤怒是明明叫了一隻雞，卻分開一半上兩圍枱，便收了兩個半隻雞的價錢，簡直無法想像，明明只是人數太多，需要分開兩圍枱坐，就需要這樣計算?假如一開始，職員就說需付五千元，明碼實價，我們便沒有太大憤怒，反而吃的開心，光顧多次，但現在，我們再無法信任這餐廳

今趟因為有朋友不吃芝士，所以一拼連龍蝦都沒ORDER不過絕絕絕對沒有令我失望而回沒想到象拔蚌刺身一樣出彩！當初我不知道原來刺身也可以叫一個雞湯來灼一下象拔蚌刺身一斤十三両(加工費每斤$80，另湯底堂灼加$30，房間每両加$1)共$204而且最左邊的部份，在平常很少會見到...亦特別好吃！平常都拿了去椒鹽吧...灼了一下，是2種不同的享受會帶出另一個鮮甜~大家下次也必定要叫來嚐嚐！之前都已經叫過的泰皇芝心蝦丸外面的面包糠脆脆的蝦肉配上芝士，不錯不過對芝士怪的我，芝士味可以再濃一點！白酒忌廉煮花甲這次酒味比上次濃白汁一樣也是一個下飯賣點花甲挺大一隻肉厚，配上白汁現在看回也吞口水.. 鹽油焗奄仔蟹是我說沒龍蝦也要吃蟹的蟹膏多到一個點！奄仔蟹的肉也很多！清蒸老虎班蒸得剛好，肉甜又嫩...水準超高黃金鮮魷黃金什麼的我都很喜歡，蛋黃極度起沙下一回我想帶爸爸來吃炸子雞聽聞要預訂...看來要好好計劃一下

在三聖街買了海鮮， 見很多人推介這餐廳，於是決定一試。 蟶子用豉椒炒， 煮得耐咗少少， 但味道ok。 扇貝， 瀨尿蝦， 琵琶蝦煮得剛剛好，調味並無掩蓋海鮮的鮮味 而那條魚蒸嘅火喉控制得很好， 不會太老， 整體來說非常滿意。另外伙計態度友善， 不嫌其煩提供不同煮法， 值得嘉許。

係週末既晚上, 朋友們即興來個海鮮飯聚~~一致決定入屯門三聖村!!!今次係我第一次黎呢度食海鮮丫, 平時都係會去西貢食；問左住屯門既朋友 佢地介紹我地去 "關財記" 買海鮮, 再拎黎"泰海鮮" 處理同加工"*首先叫左個小食：泰皇芝心蝦丸 (HK$78/3粒)呢度菜係呢度出名既小食, 個個都必點之選;見到每粒都好大粒, 仲炸到好脆且冇乜油膩感~~外層係麵面粒包住芝心蝦丸去炸~~熱辣辣咁上台, 食個時記得要分開一半先食；因為D 芝士流出黎個陣會辣到口架!!!!香口既炸蝦丸又唔油膩, 蝦丸又彈牙, 唔怪之得個個都點~~用黎佐酒都唔錯"*喜歡食蝦既我, 很可惜累天沒有九節蝦;所以就買左花竹蝦黎白灼~~新鮮既蝦白灼完就咁食都好鮮甜, 唔駛蘸豉油都冇問題!!!花竹蝦都幾大隻, 啖啖肉, 正丫"*.另外仲點左小菜比小朋友食~~酸甜既鳳梨鮮排骨就最合佢地口胃啦!!排骨炸得剛好, 內裡鬆化, 加埋酸酸甜甜既醬汁及菠蘿;真係令人好開胃, 送飯一流丫~~每次食飯都會點個湯黎飲, 今次就叫左海鮮湯~~其實係番茄薯仔湯再加入不同海鮮, 包括雜魚、瀨尿蝦、沙白蜆等等....飲落好清甜, 就似魚湯般, 完全唔油膩,

住在屯門的熊熊雖然極少到三聖, 但也知道這兒品嚐海鮮是個不錯的選擇,難得極少入屯門又愛好海鮮的朋友來到, 一定要帶她食好西啦, 家人便提議這間泰海鮮囉~ 泰皇芝心蝦丸 脆卜卜又有芝士的當然要快吃啦, 不過就要小心流心會熨口, 大大粒蝦丸彈牙, 外面還有麵包粒呢~ 砵酒焗桶蠔 平時已經愛好生蠔, 又怎會不點蠔來吃呢, 大大隻的桶蠔, 啖啖肉十分肥美, 外面有點脆口, 但內裡仍然能保持蠔汁丫~ 豉椒蟶子皇 粗條的蟶子皇, 一上桌已香氣撲鼻, 殼也不用起, 一夾即食, 佔滿豉椒汁爽口鮮味啊~ 白酒忌廉煮花甲 滿滿的花甲將加配的烏冬淹沒, 鮮甜味美的花甲, 帶有淡淡酒香, 連烏冬也充滿汁香呀~

好耐都冇去過屯門三聖食海鮮啦!!今次就一家人黎到食個海鮮大餐先~~係食之前就梗係要過隔離既海鮮檔揀靚海鮮啦;朋友推介左 "關財記" 比我地, 見到佢地既游水海鮮都幾多款!!咁就係咁依揀左幾款拎去 "泰海鮮" 加工~佢地既加工製作費唔算貴, 收費合理;各種加工煮法都齊備, 明碼實價寫到明, 唔會呃人~我地就揀左隻象拔蚌整刺身~呢度總共一斤三両, 整左出黎都幾多;仲可以加錢要埋湯底堂灼~新鮮既象拔蚌刺身 一片片咁有返咁上下厚度;食落有口感仲好爽口鮮甜!!蒜蓉粉絲蒸扇貝, 隻隻扇貝都大過隻手掌架!!!扇貝上面鋪上蒜蓉粉絲黎蒸~~一上台已經好想食啦!!唔會以為隻扇貝淨係個殼大, 入面舊肉都有隻手掌咁大;而且非常厚身, 真係超級肥美~~最鐘意既係佢地放面既蒜蓉超多, 真係特別滋味!!除左食海鮮, 當然要飽肚既野食啦~我地就買左花甲黎整 "白酒忌廉煮花甲配烏冬"超大碟既烏冬配上差不多一斤既花甲;白酒忌廉汁食落唔會過膩, 而且烏冬彈牙, 配上花甲做配料可以話係中西日 CROSSOVER~~呢味青山灣焗芝士龍蝦係朋友推介的, 所以就買左 4隻龍蝦黎試試~~鋪滿芝士既開邊既龍蝦, 金黃色又漲卜卜的;芝士

家住屯門的我，間中也有朋友說要入來，想我帶她們去三聖食海鮮⋯⋯每次⋯⋯我都會帶她們到關財記買海鮮到泰海鮮加功的，每次朋友也大叫平靚正啦！ 先來堂灼象拔蚌刺身 這個重差不多兩斤的象拔蚌可以用來刺身，可以用來堂灼。一般我們只會吃到相片中較薄的部份，用來刺身及堂灼也十分爽甜。但這裡會連膽臟（帶黑便是了）也不會浪費，用來堂灼也是很甜的。 黃金魷魚 未吃已經聞到咸蛋黃的香味，外脆內彈牙，雖是邪惡，但仍忍不住一件一件的幹掉它。 泰皇芝心蝦丸 又是是邪惡之物。炸至金黃 卜卜脆的蝦丸, 一口彈牙。 裡面更有濃香的流心芝士，趁熱吃，芝士同蝦丸的配合，不是筆墨可以形容的。 海鮮湯 每一次也會點這個海鮮湯，不知名的海魚，加上新鮮的賴尿蝦與花甲，再加入蕃茄薯仔⋯⋯奶白色的湯⋯⋯鮮味同樣是難以形容！飲一碗真是不夠的，趁熱飲多碗吧！ 鹽油焗奄仔蟹 奄仔蟹是當時得令的海鮮，所以特別肥美，特別鮮甜好吃，肉厚多膏。正因為是當時得令，單單用鹽油焗已經十分好吃了。

星期六，跟友人去一趟三聖吃海鮮，順道吹一下海風。先到海鮮檔關財記揀了一些海鮮，接著去了泰海鮮。朋友book 了VIP 房，我們再吵也不會影響他人，實在明智。先來黃金魷魚，充滿咸蛋王香，外脆內彈口。皮薄而均混送酒良品。鹽油焗奄仔蟹隻隻肥大令身。羔油飽滿，而且鮮味非凡，由於新鮮，只是鹽焗已非常好吃，省卻用薑葱之類加味。海鮮湯不知名的魚仔，沙白蜆加上巨形頼尿蝦煲成的蕃茄薯仔湯。湯成為奶白色，鮮甜芳表示。由於時間控制得宜，賴尿蝦依舊非常彈牙，啖啖肉，強烈推介一啖湯一啖蝦，整個層次都出來了。清蒸老虎班由於人不多，我們選了一條比較小的，店家手勢很利害，蒸得剛剛好，魚肉嫩滑，䜴油熟油也較得剛好，提升了鮮味又沒有過咸。最後我連魚頭也幹掉了！就此，謝謝看完文章。

有一天，Step的娘親跟Step說：『就快到我的生日，不如再到屯門三聖邨『泰海鮮』來一餐海鮮大餐！』 Step望一望月曆，要不是娘親跟Step說她生日快到，差點兒忘記了娘親的生日… 娘親提出這個要求也無可口非，原因去年澳洲親戚回來時，表哥邀請了我們全家人入三聖邨食海鮮，娘親與家人皆留下了深刻的印象，海鮮不但可以在餐廳裡order，也可以親身到附近街市自行挑選，再拿回餐廳飯店加工，保證貨真價實，新鮮生猛，對於娘親這種精打細算的家庭主婦來說，能自己挑選海鮮總是覺得較為稱心化算一點；加上三聖邨擁有不少出色的餐廳飯店，只要你付出一點加工費便可以安坐店內，一家大小樂也融融地盡情享受美味的海鮮佳餚… 結果Step就選擇了一個週末的中午，連同娘子、娘親、小妹與朋友一起到三聖邨，來一個海鮮之旅﹗﹗當然，餐廳飯店也是由娘親指定的『泰海鮮』，完完全全是和去年的用膳模式差不多。 ------------------------------地點位置 泰海鮮於置於屯門三聖邨三聖街6號三聖商場地下5-9 & 14-16號舖，前往三聖邨的方法其實也不少，可以在屯門市中心乘搭505號輕鐵在三聖總站下車再行5-7分鐘

今次終於唔使人地揸車帶我入去食海鮮。播住周杰倫嘅"明明就"在公路上飛馳嘅感覺真high ~ 星期六日嘅路上十分之易去，再次嚟到每隔幾個月都會掛住嘅泰海鮮，晚市嘅生意越嚟越旺。人多一定要食嘅刺身象拔蚌，每一片嘅厚度都一樣，我懷疑師傅以前係做日本餐，十分之爽脆就咁食咩都唔點都好好味，一字排開嘅爽到飛起的象拔蚌片，鮮甜無比，係呢一度先食到咁甜嘅咋。膽嘅位置呢就用清湯過一過，又會食出鮮嫩味道同身嘅爽脆口感截然不同。係可以食唔停口。緊要係價錢係出邊嘅三分二咋。每次你都一定會點嘅薑蔥鮑魚，好欣賞呢度嘅鮑魚可以食到外邊帶點脆裏面軟淋淋嘅感覺，冇食個邊間餐廳可以媲美呢一度嘅鑊氣同鮮嫩感覺。靚鮑魚界花都界到啱啱好，靚。忽然之間好掛住呢一個青山灣焗龍蝦仔。幾次嚟到都冇機會食，今次終於食到喇！明明個個都鍾意食嗰個又唔去叫，驚肥喎。呢個青山灣焗龍蝦仔一定要手掌大小小嘅新鮮龍蝦最好食，份量剛好配上香脆嘅芝士香外皮，同彈牙嘅龍蝦肉一夾即合，呢個嘅半隻嘅分量剛剛好唔會太多唔會太少，係呢一度嘅招牌菜之一過到嚟一定要點。好食到連小小嘅脆邊我都唔放過。食完晚餐又可以飛馳返屋企，一路聽住明明就呢首歌，明明就喜歡，明明就知道

還是第一次老遠走到屯門三聖，以前住天水圍也沒來過，感覺很遙遠，而且要大夥兒去吃海鮮才有意思。苦等了三十幾年，終於有屯門之友約到柴娃娃去吃海鮮！原來三聖沒有想像中那麼遙遠，太子去到三聖大約一小時，在屯門站轉的士最方便快捷。三聖沒想像中太勁魚腥味，記起流浮山的很強烈，這裡一條海鮮街有很多海鮮檔，亦有幾家餐館，朋友就介紹這家「泰海鮮」。可以自己買海鮮去餐廳加工，甚麼煮法也可，但我們認為直接在餐廳menu選最方便又省錢，因為自己散買海鮮一定不夠餐廳拿貨的平宜，餐廳跟附近海鮮檔應該有合作協議。各種海鮮可做泰式，也可做中式，不過同行朋友都一致想吃中式的，吃甚麼都交由他們發板好了，我只要求一隻蒸扇貝 。先來碗鮮料海鮮湯，超級鮮甜味美，魚香很突出，看到湯渣，材料除了有魚、大大隻瀨尿蝦、大量蜆和薯仔。白灼九節蝦店員推介當造的九節蝦，白灼便是最好的處理方法，保持原汁鮮味～ 一大碟的九節蝦數量驚人，目測之下估計超過50隻，店員說大約有一斤四両重。剝去蝦瞉，蝦身更顯細小很可愛，吃蝦不是看大小的，細蝦果然更鮮甜彈牙，一口氣吃上十幾隻很滿足！蒜蓉粉絲蒸扇貝來到我最愛的粉絲蒸扇貝！扇貝大大隻的啖啖肉，熟度剛剛好，配