影片
相关文章
食记 (91)
28/4/2024中午5点9左右 系佢地门口买左一串鱿鱼 熟客既都知道佢地门口会有档卖鱼旦烧卖同红红地色既墨鱼卖 平时多数都系个呀婆做生意 今次到个化到个妆几尺厚 眼曚曚既女人企系做 佢做完排系我前一个既男仔之后就到我 咁我净系要一串墨鱼 等左一阵 佢就问我你唔要鱼旦呀 ？仲拎个透明胶碗帮我打包 我话唔要 我净系要一串墨鱼🦑 过左5秒 又问多我一次 你唔要鱼旦呀？ 我心谂 你系咪唔收我钱请我食呀？ 我净系比左$20买串墨鱼都搞咁耐 之后我话唔该比个纸袋我包起佢呀 之后佢就拎左个纸袋仔同胶袋 但系呢 佢就系用只手放入去整开个纸袋既 然后再放串野入去既 虽然你系带住蓝色胶手套 但系你只手又收过钱又拎起过个食物夹 你好意思系客人面前咁样做既？ 傻既都唔会啦 整完仲要成个胶袋都系辣汁 呢间野卫生常识同态度都系差到呕 唔系我路过都废去买黎食 如果睇到我呢个食评既人 我建议唔好再去 废事食坏肚皮 特别系化到个妆好厚既女人系到个时 如果觉得无问题既就可以继续去 但下一次到你地中招 就唔好后悔
继续阅读
住元朗都会食过呢间既小食同泰国嘢烧卖坚好食虽然都加哂但都仲系份量十足一样抵食！成班都系由泰国人主理泰味十足。串烧lam 肉 $20呢个次次黎都必叫 ，由猪肉一层一层包住层次感十足再配埋辣汁正串烧牛$18牛肉系湿润唔系干柴柴个只。鸡肾 $18好入味 但都几干同硬。泰式湿炒河猪 $58个人因为钟意食湿炒因为有啲汁挂住入味啲，不过次次食味道都有少少唔同都好睇返当日边个泰国姐姐/哥哥 炒！马拉盏通菜配咸脆肉 $ 62+18通菜都大份加有镬气马拉盏味道都很出色，如果叫一份咸脆肉觉得很多可以喺马拉盏通菜加咸脆肉佢个咸脆肉真系好食！
继续阅读
呢间餐厅最近推出咗新嘅fusion泰式甜品，将泰式糯米饭同甜筒、忌廉合而为一，几有创意😋💪🏻 忌廉糯米筒 - 朱古力/Oreo ($36)泰式糯米饭有紫米同糯米，食落都几烟韧，微微暖☺️ 而且甜筒嘅底同面同挤满忌廉😋 好邪恶！糯米同忌廉一齐食都几夹。另外，甜筒嘅皮都脆身，口感再丰富啲！💪🏻 冬阴公明炉乌头 ($168)餐厅嘅冬荫公汤系偏甜嘅冬荫公，饮落几开胃😋 而且椰香同香料味都充足，浸埋条鱼一齐食就好夹。而且乌头嘅肉都好滑身，唔会老柴，鱼骨都唔算多，易入口！💪🏻 招牌海南鸡 - 例牌 ($68)海南鸡嘅肉质好嫩滑，鸡髀位真系「sir」一声就食咗🤣 而佢嘅泰式海南鸡酱都几特别，系偏甜嘅泰式鱼露汁，几特别！💪🏻 肉碎生菜包 ($75)肉碎份量超充足，亦都有充够嘅生菜去包，唔怕食剩！而且肉碎微微酸辣，配埋生菜嘅爽口，食落好清爽。💪🏻 泰式烧猪颈肉 ($78)猪颈肉烧得啱啱好，外皮微微炭火焦香，肉质弹牙。而且泰式猪颈肉嘅酱汁都系特别，偏酸辣😛 不过猪颈肉就有少少偏咸。味道：7.5/10性价比：8/10 食住瘦指数：💪🏻💪🏻💪🏻/5
继续阅读
一直都几钟意食呢间..但最近呢一年质素系直线下降..堂食炒饭 炒面果d都仲ok…早几日买外卖…咖哩炒蟹差唔多三百蚊…竟然用几廿蚊既急蟹蟹炒…唔系新鲜蟹…肉又梅又有阵化学味…完全觉得系呃人…咖哩味都唔系好 好多生洋葱..最后成盒掉左..跟蟹既蒜蓉包都系隔晚咁 又硬又咸….串烧问我要唔要辣 我话要…竟然净系比辣汁 冇比沙嗲汁…炒杂菜油林林 菇多过菜…我宁愿加价都要维持番质素….又唔系比唔起钱….绝对绝对唔会再帮衬…..
继续阅读
路过见到吕宋芒糯米饭，见几吸引 所以买左个外卖番屋企食。 番到去一打开个椰浆， 都心知不妙， 未见过系咁淡色。 食既时候都觉得系得个甜字， 但完全冇椰味。个糯米饭食落口就比较硬， 仲有啲白饭味，最后都冇食哂就掉左了。 而芒果就真系好甜的而且没有掉果核， 但我期待系会冇果核的。 这个价钱食这样质素的糯米饭比较贵。
继续阅读